В недела, на 14 јуни, со почеток од 8.00 часот со почетно место на плоштадот „Методија Андонов Ченто“ во Прилеп ќе се случи хуманитарната трка PRILEP RUN под мотото „Трка со срце“.
Пријавите беа отворени до 7 јуни, а на патеките долги 5 и 10 километри ќе трчаат околу 300 пријавени кандидати!
Организатор на настанот е Ротаракт од Прилеп.
Интервјуто е превземено од Агенција МАРЛИ
Интервју со м-р Даниела Перканоска, генерален менаџер на „Авто Контрол“ од Прилеп, компанија која повеќе од една деценија успешно работи кога станува збор за возила и безбедност во сообраќајот. Располагаат со станица за технички преглед и техничка служба, најсовремен сервис на возила кој им овозможува на клиентите да добијат целосна и интегрирана услуга – од проверка на исправноста, преку техничко одржување и регистрација, до подготовка на возилото и документацијата потребна за безбедно учество во сообраќајот. Во Прилеп а и пошироко се познати по стручноста, високата професионалност и континуираното воведување на најсовремени технологии во работењето.
М-р Перканоска е една 30-те овогодишни лауреатки, добитничка на статуетка „Жена водилка“, наградена за долгогодишно, континуирано, успешно менаџирање и траен придонес кон македонската економија на 30-та јубилејна манифестација „Избор на Најуспешни жени менаџери“ 2026 година, која се одржа на 23 април 2026 година во Скопје, во организaција на агенција „Марили“.
МАРИЛИ: Што денес претставува „Авто Контрол“ Прилеп? Кои се нејзините капацитети и кон што е насочена главната дејност?
М-Р ПЕРКАНОСКА: „Авто Контрол“ Прилеп претставува бренд кога станува збор за возила и безбедност во сообраќајот. Со повеќе од десет години успешно работење, компанијата се етаблира меѓу водечките во оваа дејност, препознатлива по професионализмот, трудољубивоста и континуираното воведување современи технологии.
Компанијата располага со станица за технички преглед и техничка служба, од една страна, и најсовремен сервис на возила, од друга страна, што овозможува клиентите да добијат целосна и интегрирана услуга – од проверка на исправноста, преку техничко одржување и регистрација, до подготовка на возилото и документацијата потребна за безбедно учество во сообраќајот.
Станицата за технички преглед располага со две патеки за технички преглед, а во рамките на техничката служба се вршат инспекциски активности за сите видови возила: хомологација, А-тест и сертификати ЦЕМТ/ЕКМТ.
„Авто Контрол“ е синоним за посветеност, професионализам и ефикасност, единствена во регионот каде што брзо и по највисоки стандарди се решаваат и најсофистицираните проблеми со возилата – благодарение на искусен и стручен тим. Дополнително, компанијата располага со влечна служба достапна 24/7 што претставува значаен сегмент во нашата грижа за клиентите. Тоа значи дека секој што извршил технички преглед и регистрација на своето возило кај нас, може да патува сигурно знаејќи дека има поддршка во секое време и на секое место.
Поради нашата постојана посветеност на подобрувањето, следењето на иновациите и технологиите во областа на возилата, голем број задоволни клиенти секојдневно ни ја доверуваат својата безбедност, а тоа е најголем доказ за довербата што ја уживаме. Главна цел на „Авто Контрол“ е да обезбеди сигурност, доверба и квалитет, а секое возење да биде безбедно и пријатно. Клиентите знаат дека „Авто Контрол“ е нивен сигурен партнер во сообраќајот.
МАРИЛИ: Колку воведувањето стандарди, иновации и современи технологии придонесоа за европскиот лик на Вашата компанија „Авто Контрол“ Прилеп?
М-Р ПЕРКАНОСКА: Воведувањето иновации беше природен пат за нас – без нови технологии нема напредок. Во „Авто Контрол“ отсекогаш сме се стремеле да бидеме чекор пред времето затоа што веруваме дека само така може да се создадат вистинска вредност и сигурност за клиентите. Имплементиравме најсовремени системи и опрема што ги задоволуваат и највисоките европски стандарди, овозможувајќи целосна прецизност, ефикасност и транспарентност во секој процес на работа.
Денес нашата компанија има европски лик – но со македонско срце: со љубов кон работата, со чесност кон клиентите и со постојана посветеност на подобрувањето. Технологијата нè движи напред, но луѓето се наша најголема сила – тие се срцето на „Авто Контрол“.
МАРИЛИ: Како долгогодишен менаџер во компанија што е успешна во континуитет и има значаен импакт во развојот на македонската економија, според Ваше мислење, што е клучно за да се постигне успех на такво ниво?
М-Р ПЕРКАНОСКА: Клучот за континуиран успех е комбинација од визија, посветеност и доверба. Визијата е таа што нè води напред – да гледаме подалеку од сегашноста и да знаеме каде сакаме да ја поставиме компанијата во иднина.
Посветеноста значи секојдневно вклучување, активно учество во сите процеси и постојано вложување труд, време и енергија. А довербата се гради со чесна, професионална и транспарентна работа – кон клиентите, вработените и партнерите.
Во компанија со услужна дејност како нашата, тимот има клучна улога. Без луѓето што го сочинуваат, визијата би останала само идеја – токму нивната стручност, одговорност и професионален пристап ја претвораат таа визија во реалност.
Благодарение на нив, „Авто Контрол“ континуирано се развива, обезбедувајќи стабилна, сигурна и врвно квалитетна услуга за своите клиенти. Дополнително, неопходно е постојано да се следат трендовите и промените – само така една компанија може да биде конкурентна и релевантна.
„Авто Контрол“ го постигнува тоа преку редовно усогласување со законската регулатива, континуирани инвестиции во модернизацијата и преку многубројни активности насочени кон општествената одговорност – подароци, кампањи, едукативни и превентивни активности за безбедност во сообраќајот, како и поддршка на локални иницијативи и настани.
МАРИЛИ: За успешна жена менаџер неизбежни се конзистентноста и континуираната работа. Кои Ваши лични карактеристики Ве донесоа таму каде што сте денес?
М-Р ПЕРКАНОСКА: Мојата приказна како менаџер е исткаена од упорност, храброст и емпатија. Упорноста ми помогна никогаш да не се откажам, дури и во најтешките моменти. Храброста ме научи да преземам одговорност и да донесувам одлуки што ја менуваат насоката на компанијата, а емпатијата ми помогна да бидам блиска со моите вработени и клиенти – да ги разберам нивните вистински потреби и вредности.
Во животот се соочив со голем предизвик – загубата на мојот сопруг, кој беше и мој деловен партнер. Заедно ја создававме и градевме визијата за „Авто Контрол“, верувајќи дека со чесна работа, посветеност и искрена љубов кон професијата може да се изгради стабилна и современа компанија. Во тој период јас раководев со Станицата за технички преглед и Техничката служба, а по неговото заминување ја презедов и одговорноста за управување со Автосервисот – сегмент што ретко го води жена менаџер. Токму тогаш ја најдов силата да продолжам понатаму, да ја зачувам и унапредам нашата заедничка визија и да ја водам компанијата кон нови успеси.
Денес сум горда што „Авто Контрол“ е пример за стабилност, квалитет и човечка вредност. А како мајка на две ќерки, моја најголема мисија е да им покажам дека жената може да биде и лидер и столб на семејството – дека силата, нежноста и мудроста може да одат рака под рака. Зашто вистинското лидерство не се мери со позицијата, туку со срцето и визијата со која чекориме напред. Верувам дека најголемата победа не е во тоа колку сме постигнале, туку во тоа каков пример оставаме зад себе. Сакам моите ќерки да знаат дека жената може да биде и нежна и силна, лидер и мајка, поддршка и двигател. Зашто вистинската сила на жената не е во тоа што никогаш не паѓа – туку во тоа што секогаш наоѓа сила повторно да стане и да продолжи понатаму, со гордо крената глава.
МАРИЛИ: Според Вас, каков удел во подобрувањето на женското лидерство, менаџерство и претприемаштво има манифестацијата „Избор на најуспешни жени менаџери“, која се одржува веќе 30 години?
М-Р ПЕРКАНОСКА: Манифестацијата „Избор на најуспешни жени менаџери“ има огромно значење за промоцијата и афирмацијата на женското лидерство во нашата земја. Таа не е само признание за индивидуален успех, туку симбол на силата, визијата и истрајноста на жената во бизнисот.
Преку оваа манифестација се создава платформа што ја охрабрува жената да верува во своите способности, да ја следи својата интуиција и да го изгради својот пат со достоинство и самодоверба.
Сакам искрено да им честитам на организаторите за успешното одржување на оваа значајна манифестација веќе три децении. Прекрасно е чувството кога некој ќе ги препознае твојот труд, посветеност и упорност и ќе ти даде признание што не само што те мотивира, туку и те инспирира да продолжиш уште посилно. Како добитничка на оваа награда во 2022 година, можам со гордост да кажам дека тоа признание беше силна потврда за сè што сме постигнале како тим и дополнителна мотивација да одиме уште повисоко.
Посебна чест им припаѓа на сите жени што низ годините беа дел од оваа приказна – жени што со својата работа, визија и упорност придонесоа за развој на стопанството, отворија нови можности и поставија високи стандарди во менаџментот и претприемаштвото. Тие се жив доказ дека жената има незаменлива улога во економскиот и општествениот напредок на нашата земја. Жената не е само лидер во бизнисот – таа е лидер во животот. Кога жената ќе се издигне, се издигнува целото општество.
Викендите на најдобрата ТЕРАСА во Прилеп никогаш не се пропуштаат, а тоа го знаат сите кои уживаат во одлична музичка понуда и прекрасен амбиент.
За разигран почеток на викендот со многу безвременски хитови, вечерва (ПЕТОК,12.06.) ќе се погрижи човекот кој важи за еден од најдобрите шоумени во Македонија во моментов – МЕTO DI FLASH.
Секогаш насмеан и позитивен, подготвен да приреди врвна забава… дојдете и проверете зошто го бие добар глас!
УТРЕ (сабота,13.06.) Terasa ви закажува нова дружба со LOCKDOWN BAND, дечки кои изградија име и во чии настапи уживаат сите генерации.
Како и секогаш, ќе ви треба само добро друштво за убаво да си поминете.
Резервирајте навреме на 070-304-967
Вашата TERASA ве очекува!
Во најновата колумна за минатонеделните општествено-политички случувања во Прилеп, новинарот Зоран Момироски се осврна и на состојбите околу ветувањата за нов театар во Прилеп:
-Во ,,театар,, град и држава секој театар па дури и театарски фестивал е во втор план. Без разлика што станува збор за 60 години театарски фестивал ,,Војдан Чернодрински,,. За една недела, во официјална селекција избрани и прикажани 10 претстави. Во неофицијалниот дел прикажани 4 претстави. Сите 14 претстави се ништо во споредба со 365 ,,претстави,, што ги гледаме во текот на годината. Исто како што се ништо сите ,,претстави,, за нов театар во Прилеп. 10 години гледаме и слушаме како најтеатарскиот град кој на македонската филмска и театарска македонска сцена им дал десетици, десетици врвни режисери, професори, сценаристи, актери и статисти во изминативе 60 па и 100 години.Прво политичкиве елити ќе градеа нов театар, оти стариот кој буди емоции и посебни чуства со години се распаѓа и е вон функција, а сцената од ,,Марко Цепенков,, не е тоа што е онаа од театарот. Па откако локалните власти од СДСМ дознаа дека тоа е институција под надлежност на ресорното министерство, не барем кога водеа кампања не знае се откажаа од овој проект. Дојдоа другите од ВМРО-ДПМНЕ, па наместо нов кај домот на културата, ветија нов кај стариот. Помина и таа ,,театарска претстава,, па следеше нова, реконструкција на стариот. Засега овој актуелениов министер за култура па и туризам Зоран Љутков да ветува дека проблемот ќе се реши, ама прво ребаланс на државниот буџет. Абе срам грам да се нема. Единствено голем аплауз и благодарност за сите наши прилепски и македонски актери и за Советот на фестивалот и за уметничкиот директор Ана Стојаноска која во вакви, никакви услови настојува и го одржува фестивалот. Се ова најдобро ќе го разберат прилепчани на кои игрите им беа празник. Ќе го разберат семејствата од мајсторот Смоква, електричарот Стеван, секретарот Стеван, од глумицата Лилјана Ракиџиева, нашиот Џумерко и сите што се вградиле и живееле со и околу театарот.
Целата колумна на МОМИРОСКИ прочитајте ја ТУКА
-На 11.06.2026, полициски службеници при СВР Битола ги лишија од слобода Ѓ.Б.(30) и С.Б.(51), двајцата од Битола, постапувајќи по претходна пријава дека на ул.„Цветан Димов“ во Битола го нарушиле јавниот ред и мир под дејство на алкохол, а потоа физички нападнале полициски службеници кои преземале на службени дејствија. По целосно документирање на настанот ќе следува соодветен поднесок – информираат од СВР Битола.
Собранието даде зелено светло , со 59 гласа ЗА (9 гласови ПРОТИВ), поддршка за предлог-законот за игрите на среќа со кој казина нема да смеат да се во растојание од 500 метри до училиштата, забрана за рекламирање на излозите на коцкраниците, се забранува рекламирање со кое коцкањето се претставува како начин до личен успех, секој апарат мора да има задолжителен систем за локација (GPS) за тековна контрола од страна на УЈП, лиценците нема да можат да се мултиплицираат, се воведуваат финансиски давачки за отварање на нови уплатно-исплатни места, зголемување на износите на банкарските гаранции и имплементација на препораката MONEYVAL (Совет на Европа) како стандард во борбата за спречување на перење на пари и финансирање на тероризам, информираше пратеникот Антонио Милошоски од ВМРО-ДПМНЕ на социјалните мрежи.
Маркукуле дознава дека во тешка сообраќајна несреќа која се случила попладнево на патниот правец Прилеп-Градско кај Дреново, животот неофицијално го загубија најмалку две лица од Прилеп.
До трагедијата дошло при директен судир помеѓу две патнички возила со прилепски таблици, при што возачот на едното од возилата, инаку познат бизнисмен од Прилеп, загинал на лице место заедно со неговата сопатничка.
Повеќе информации во текот на денот….
Крушево вчера беше исполнето со радост, гордост и емоции, уште една генерација ученици го завршија основното образование и го направија првиот голем чекор кон новото животно поглавје.
На свеченото испраќање присуствуваше и градоначалникот на Крушево, Нико Чонески, кој им посака многу успех на учениците во нивното понатамошно образование и личен развој.
„Вчера имав чест да ги испратам нашите полуматуранти во нивното ново животно поглавје. Со насмевки и многу убави моменти, заедно го одбележавме крајот на едно важно училишно патување“, порача Чонески.
Тој упати искрени честитки до младите крушевчани, нагласувајќи дека пред нив се нови предизвици, можности и достигнувања кои треба да ги прифатат со самодоверба и посветеност.
„Верувајте во себе, учете, напредувајте и бидете гордост на вашите семејства, наставници и на нашиот град“, истакна градоначалникот во својата порака до полуматурантите.
Испраќањето на полуматурантите традиционално претставува еден од најемотивните моменти во животот на секој ученик, бидејќи означува крај на едно значајно животно поглавје и почеток на нови искуства во средното образование.
Со многу насмевки, фотографии и убави спомени, крушевските полуматуранти се збогуваа со основното училиште, подготвени да ги следат своите соништа и да чекорат кон нови успеси.
На сите полуматуранти им посакуваме среќа, успех и многу убави моменти во средношколските денови.
Општина Прилеп продолжува со реализирање на проектот “Од 0 до Културa”, со цел елементарно музичко и културно описменување на граѓаните на Општина Прилеп, како и презентација на млади музичари од општината и Република Македонија за нивна промоција.
Годинава концертите започннуваат со настап на легендарните прилепски блузери – Crossroad Blues Band Reloaded, кои ве покануваат на едно посебно музичко патување на Камената Бина во Прилеп.
Концертот „Жените во блузот“ е посветен на најголемите женски имиња кои оставиле неизбришлива трага во историјата на блуз музиката. Вокалистките, Александра и Викторија, ќе изведат безвременски светски блуз класици од легендарни уметници, носејќи ја на сцената силата, емоцијата и страста што го дефинираат овој музички жанр.Ве очекува вечер исполнета со врвна музика, искрени емоции и незаборавна блуз атмосфера…
Настапот на Crossroad Blues Band е закажан за 18.06. со почеток од 21:00 часот.
CROSSROAD B.B. е музичка формација од Прилеп, основана кон крајот на минатиот век, или поточно во 1997 година, од двајца љубители на блуз музиката, Александар Дворчанец-Сале и Бранко Нешкоски-Бане.
Од локална атракција, низ годините CROSSROAD B.B. прерасна во сериозен бенд кој бескомпромисно работи повеќе од дваесет години во својот роден град, во речиси сите градови и места во Македонија, а од 2004 до 2018 година настапува на речиси сите престижни фестивали и места во регионот (претежно на Балканот) каде што се цени и се свири блуз музиката.
Сите изминати километри и бројните настапи му дадоа на бендот многу искуство за настапи во живо, но и многу самодоверба бидејќи наидоа и се запознаа со многу блуз музичари од регионот, создавајќи трајни пријателства кои траат до ден-денес. Оваа приказна беше грубо прекината од ненадејната смрт на Сале, фронтменот на бендот во ноември 2018 година. Со неговото заминување, бендот изгуби многу, но и блузот во Македонија и регионот воопшто.
Во периодот од 1997 до 2018 година, CROSSROAD B.B. снимија три студиски албуми, од кои два беа оригинални со кои го промовираа блузот кирилица (блуз песни на македонски јазик) со наслови ..Тутун блуз .. и …Градско дете .. и еден албум со аранжмани на блуз песни што самите автори ги заборавиле, со наслов. Сè уште живеејќи го блузот. Важно е да се спомене дека Сале беше автор на речиси сите текстови од оригиналната музика, кои не беа само текстови, туку вистински приказни од неговиот живот.
Сегашната формација на бендот е следнава:
Давид Нешкоски – вокал и гитара
Бранко Нешкоски – гитара
Зоран Настески – тапани
Љупчо Шилоски – бас
Александра Трајческа – Вокал
Викторија Георгиоска – Вокал
Бендот во последните неколку години настапува и снима нов материјал како што се видео запис за песната Mustang Sally, нова авторска песна и видео запис за песната Дојди си Дома.
Најновото дело на бендот е аудио и видео записот на целосно новата песна со име “Мораше Баш Сега” . Со оваа нова песна бендот се претставува во блуз светло со модерен призвук и моќни женски вокали кои нема да ве остават рамнодушни. Последното дело е и најбрзо растечката песна на Crossroad со преку 100.000 прегледи на социјалните мрежи во првиот медец од објавата.
Бидете трпеливи и ќе ги видите во живо на 18. јуни на плоштадот “Александрија” во Прилеп.
Во населбата Точила во Прилеп, веднаш до КАМ маркет, секој ден се подготвуваат свежи и вкусни домашни јадења во новоотворениот КРЕАС – готвени јадења. Зад овој нов гастрономски концепт стои добро познатото име Месарница „Креас“, бренд кој со години е препознатлив по квалитетот и довербата кај прилепчани.
КРЕАС нуди богато дневно мени подготвено од искусни мајстори на традиционалната кујна, со акцент на свежи состојки, домашен вкус и оброци кои потсетуваат на семејниот ручек.
На денешното мени има повеќе специјалитети за сечиј вкус:
Во време кога динамичното секојдневие остава сè помалку простор за готвење дома, КРЕАС нуди практично решение без компромис со вкусот и квалитетот. Секој оброк е подготвен со внимание и според традиционални рецепти кои ја носат препознатливата арома на македонската кујна.
Доколку денес размислувате што да биде на вашата трпеза, посетете го КРЕАС – готвени јадења во Точила и уживајте во богат избор на топли, свежо подготвени специјалитети.
Домашниот вкус сега има нова адреса во Прилеп.
