Има места каде што добрата храна има посебен вкус, амбиентот носи своја приказна, а музиката го претвора секое дружење во убав спомен. Ресторан Порта – повеќе од 22 години дел од прилепската угостителска приказна, и овој викенд ве очекува со внимателно избрана музичка програма, одлична атмосфера и уживање во секој момент.

ПЕТОК (16.10) со MODUS BAND

Викендот започнува со енергијата на Modus Band, за вечер исполнета со добра музика, пријатно друштво и атмосфера што го најавува совршениот викенд.

САБОТА (17.10) ДЕНСКА ЗАБАВА СО ТИЈАНА И ДАНИ СО ПОЧЕТОК ОД 13:00ч

Девојките во чии настапи уживавме секоја сабота минатата сезона повторно се враќаат во Порта! Тијана и Дани носат музика, позитивна енергија и препознатлива атмосфера за саботно дневно уживање во добро друштво.

САБОТА ВЕЧЕР – ТАЈФАТА НА З’Ц

За саботната вечер, на сцената е Тајфата на З’Ц! Подгответе се за уште една вечер со многу музика, одлична забава и расположение што ќе ве задржи до доцните часови.

Резервирајте го вашето место навреме на 078 368 111.

Ресторан Порта – традиција, вкус и моменти што вреди да се споделат!

Општина Крушево го унапредува својот технички капацитет со набавка на нов мини ровокопач-натоварувач со комплетна опрема, кој ќе придонесе за поефикасно извршување на комуналните активности и подобро одржување на локалната инфраструктура.

Како што информира градоначалникот на Општина Крушево, Нико Чонески, механизацијата е обезбедена преку проект реализиран во соработка со Пелагонискиот плански регион и Министерството за локална самоуправа – Биро за регионален развој.

Со новата механизација се очекува побрзо и поефикасно справување со потребите на терен, како и подобрување на комуналните услуги за жителите на Крушево и населените места.

„Продолжуваме со посветена работа, вложување во општинските капацитети и создавање подобри услови за сите жители на Крушево и населените места“, порача Чонески.

Средношколците од цела Македонија повторно имаат можност да освојат 1.000.000 денари за своја бизнис-идеја. Започна второто издание на натпреварот за најдобра бизнис-идеја на средношколци, во организација на Brainster Next College и NU High School Academy, а пријавувањето е отворено до 8 ноември на milioner.mk. Право на учество имаат сите средношколци од прва до четврта година, од државните и приватните средни училишта.

Патот до милионот е следен: од сите пријавени бизнис-идеи на средношколците од Македонија, на 10 ноември ќе бидат објавени 120-те најдобри, по што започнува јавното онлајн гласање кое ќе трае до 25 ноември. Во истиот период ќе бидат организирани и седум менторски работилници, на кои учесниците ќе добијат практични совети за развојот на своите идеи.

На 25 ноември ќе бидат избрани 50-те најдобри тимови, кои на 28 ноември ќе имаат само 90 секунди за да ги убедат инвеститорите во потенцијалот на својата идеја, преку форматот познат како elevator pitch. Од нив ќе бидат избрани 20-те најдобри тимови кои ќе продолжат во големото финале.

На 29 ноември финалистите ќе имаат по пет минути за презентација и уште пет минути за прашања од инвеститорите и жирито, по што ќе биде прогласена победничката идеја што ќе ја освои наградата од 1.000.000 денаривлог во идејата.
Пред десет години некој вложил милион во неговата идеја. Денес тој вложува милион во идеите на средношколците.
Приказната за натпреварот започнува многу пред неговото прво издание.

Пред десетина години, Петар Ниновски, основачот на Brainster, бил млад претприемач со големи амбиции, но и со неизвесност дали ќе успее. Зад себе веќе имал неколку претприемачки обиди, од препродажба на концертни билети до бизнис со накит, кој по неуспешниот почеток во Црна Гора го продолжил во Охрид.

Но пресудниот момент дошол кога група бизнис-ангели поверувале во неговата визија за создавање на подобро образование и му дале почетна инвестиција од еден милион денари.

Со тие средства Ниновски го започнал Brainster, кој во следните години прерасна во образовна групација што обучува илјадници луѓе, создава работни места и развива нови и иновативни образовни програми, а денес е и лидер во Македонија на полето на вештачката или супер интелигенција.

„Пред 10 години некој веруваше во мене, денес ние веруваме во младите и идеите кои носат подобра иднина“, вели Ниновски.

Тројца битолчани покажаа дека милионот не е само сон

Минатогодишното издание на натпреварот покажа дека во Македонија постои огромен претприемачки потенцијал кај младите. Во конкуренција на стотици пријавени тимови, победата ја однесоа тројца средношколци од Битола – Јован Талевски, Иван Секуловски и Марио Рабаџиевски, со тимот Stay BE и бизнис-идејата „Систем 4“.
Нивното решение користи вештачка интелигенција за подобрување на работењето на хотели и ресторани, преку телефонски агенти, чет-асистенти и други дигитални услуги.

Тие не понудија само идеја на хартија, туку реално бизнис-решение со потенцијал за развој и ширење на пазарот. За тоа освоија 1.000.000 денари, а нивниот проект привлече и дополнителен интерес од инвеститори. Инвестициска понуда доби и второпласираниот тим „ПаметПакет“.

Целта е поголема од милионот

Целта на натпреварот е да го поттикне претприемачкиот дух кај младите, да ги охрабри да размислуваат креативно, да препознаваат можности таму каде што другите гледаат проблеми и да научат дека за успешен бизнис не е пресудна возраста, туку идејата, знаењето и иницијативата.

Во наредниот период се предвидени и презентации во средните училишта низ Македонијаво координација со надлежните образовни институции, со цел што повеќе средношколци непосредно да се запознаат со можностите што ги нуди натпреварот.

Минатогодишните победници покажаа дека средношколските години можат да бидат вистинскиот момент за развивање на претприемачките способности, а идеите што денес се раѓаат во училишните клупи утре можат да прераснат во успешни компании.

Токму затоа, организаторите ги охрабруваат средношколците од цела Македонија да ја искористат можноста, самостојно или заедно со своите соученици да развијат бизнис-идеја и да ја пријават на натпреварот. Не е неопходно да имаат готов производ или веќе основана компанија, туку идеја во чиј потенцијал веруваат и подготвеност да работат на нејзиното развивање.

Пријавувањето е отворено до 8 ноември 2026 година на milioner.mk, а на 29 ноември ќе дознаеме во кое средно училиште ќе заврши следниот милион.

Македонија се наоѓа во период на интензивен инфраструктурен развој, со изградба на шест автопатски делници истовремено, инвестиции што треба значително да ја подобрат патната поврзаност во земјава и да дадат нов импулс на економијата. Станува збор за обемен градежен потфат со кој ретко која земја во регионот, па и пошироко, може да се пофали, истакна заменик-претседателот на Владата и министер за транспорт Александар Николоски, во синоќешното гостување во емисијата “Колегиум” на АЛФА ТВ.

Николоски се осврна на динамиката на изградба на автопатите, предизвиците со кои се соочуваат изведувачите и очекуваните рокови за завршување на делниците, посочувајќи дека секој од овие проекти има значајна улога во поврзувањето на регионите и заокружувањето на главните патни коридори.

Особено значаен проект е автопатот Кичево–Букојчани, чија изградба започна вчера и кој, според Николоски е клучен за поврзувањето на Коридорот 8 и за целосното функционирање на автопатската врска од Скопје, преку Тетово, Гостивар и Кичево, до Охрид и Струга.

“Автопатот Кичево-Букојчани е еден исклучително значаен проект, проект којшто ја прави целината на автопатот кој што оди од Скопје, преку Тетово, Гостивар, Кичево, до Охрид и до Струга, но исто така е клучен за Коридорот 8, затоа што без овој автопат, трите други автопати коишто се градат во моментов, Охрид-Кичево, Букојчани-Гостивар и Гостивар-Тетово, ќе немаа смисла, односно ќе не можат да се спојат. Со овој автопат целиот Коридор 8 добива смисла”, рече заменик претседателот на Владата.

Николоски посочи дека станува збор за исклучително тежок, планински терен, на кој ќе се градат тунел долг 370 метри, пет големи вијадукти, четири помали мостови, пет натпатници, четири потпатници и две клучки. Како особено значајно го истакна и учеството на домашните инженерски компании.

Вицепремиерот зборуваше и за диманиката на изградба и на останатите автопатски делници, при што истакна дека очекувањата се секаде роковите на изградба да бидат запазени.

“На автопатот Прилеп-Битола, работите се одвиваат со одлична динамика, рокот на завршување е до крајот на 2029 година, но очекувам веќе в година да имаме отворено дванаесетина километри од 40.

Букојчани-Кичево рокот за изведба е 4 години, изведувачите ветуваат дека за 3 години и 6 месеци ќе го завршат и Охрид-Кичево, една поголема делница очекувам да пуштиме во следниве месец дена, а целиот да биде завршен напролет во зависност од временските прилики”, истакна вицепремиерот Николоски.

Прилеп ќе биде седиште на почесен конзулат на Република Албанија во Македонија, а за почесен конзул е именуван Илија Тоневски. Одлуките за отворање на конзулатот и за именувањето на Тоневски Владата ги донела на седницата одржана на 29 септември 2026 година, а тие се објавени во „Службен весник“.

Со едната одлука, заведена под број 57-7721/3, се предвидува отворање Почесен конзулат на Република Албанија со седиште во Прилеп. Со втората одлука, под број 57-7720/3, Владата дава согласност за именување на Илија Тоневски на функцијата почесен конзул.

Надлежноста на почесниот конзулат и на почесниот конзул ќе се однесува на територијата на пет општини: Прилеп, Кавадарци, Гевгелија, Струмица и Неготино.

За спроведување на одлуките е задолжено Министерството за надворешни работи и надворешна трговија.

Двата акта се потпишани од претседателот на Владата, проф. д-р Христијан Мицкоски, а ќе стапат во сила наредниот ден по нивното објавување во „Службен весник“.

Одлуката за отворање на конзулатот е донесена врз основа на член 86, став 3 од Законот за надворешни работи, додека согласноста за именување на почесен конзул се темели на член 93, став 3 од истиот закон.

Во објавените одлуки не се наведени дополнителни информации за професионалниот ангажман на Илија Тоневски, ниту образложение за изборот на Прилеп како седиште на почесниот конзулат.

Модерен и елегантен гастрономски простор во центарот на Прилеп, каде храната, амбиентот и живата музика се спојуваат во едно поинакво искуство за градот под Марковите Кули. Cipriani Fine Dining & Lounge Bar и оваа недела носи причина плус за излегување, со двојна музичка програма што ветува одлична атмосфера и незаборавни вечери!

ЧЕТВРТОК, 15 ОКТОМВРИ со БОБИ ЛАШКО

Музичарот кој одлично е прифатен од гостите во сите локали каде што настапува, секогаш со внимателно одбран и богат репертоар. Со својот препознатлив пристап и музика за различни вкусови, Боби е вистински избор за четврточна вечер исполнета со уживање, добра музика и пријатна атмосфера.

 

View this post on Instagram

 

A post shared by Cipriani Fine Dining & Lounge Bar (@cipriani.loungebar)

ПЕТОК, 16 ОКТОМВРИ во CIPRIANI прв пат со ТАЈФАТА!

Бендот чии настапи ги обединуваат сите генерации, каде и да се појават! Тајфата се познати по својата маестрална изведба, енергијата и музичките вечери што долго се прераскажуваат. Овој петок за првпат ќе настапат во Cipriani, носејќи ја препознатливата атмосфера по која се познати и ветувајќи вечер за паметење.

Две вечери, две различни музички доживувања и едно место каде што добрата храна, префинетиот амбиент и музиката создаваат совршена комбинација.

Резервирајте ја вашата маса навреме на 078 534 334 и бидете дел од уште две музички вечери во Cipriani

Вечерва во Офицерскиот дом во Битола се одржа настан „Розов пулс за Битола“ со цел подигнување на свеста за значењето на навремената превенција и раното откривање на ракот на дојка, преку позитивен, интерактивен и охрабрувачки пристап, а во организација на Советот за социјална заштита и Советот за женско претприемништво на Општина Битола.

Настанот ги обедини граѓаните, здравствените работници, психолозите, здруженијата и локалната заедница во заедничка порака за грижа, поддршка и солидарност со жените што се соочуваат со болеста.

Битола вечерва има заеднички пулс. Пулс на грижа, поддршка, надеж и живот. Пред присутните свое обраќање имаше градоначалникот на Битола Тони Коњановски.

„Ви благодарам за можноста да се обратам на овој важен настан и да ја искажам личната и благодарноста од име на Општина Битола што на еден ваков начин зборуваме за важноста на превенцијата, но не и за стравот, туку за животот, женската сила, надежта и заедништвото, потсетувајќи се дека грижата за сопственото здравје е чин на љубов кон себе. Советот за социјална заштита и Советот за женско претприемништво и ние воопшто како локална самоуправа ја даваме безрезервната поддршка на ваквите настани“, истакна градоначалникот Коњановски.

На делницата Прилеп – Кавадарци, меѓу Беловодица и Тројаци, од денеска од 10 часот е воведен привремен режим на сообраќај поради градежни работи.

Возилата на овој дел од патот ќе се пропуштаат наизменично, во зависност од текот на работите. Од ЈП „Македонија пат“ информираат дека изменетиот режим ќе важи до завршувањето на градежните активности.

На возачите им се препорачува да возат внимателно, да ја приспособат брзината и да ја почитуваат поставената сообраќајна сигнализација.

Во вечерните часови и во текот на ноќта ќе има повремени локални врнежи од дожд. Наместа врнежите ќе бидат поројни и пообилни.

Најниска температура до 17 и 30 часот беше измерена на Попова Шапка четири степени, во Крушево и Маврови Анови пет, во Берово и во Прилеп 9, во Претор, Крива Паланка и во Битола – 10, во Охрид – 11, во Тетово, Зајчев Рид, Виница, Кавадарци и Штип – 12, во Демир Капија, Струмица, Велес и Скопје Петровец – 13 и во Гевгелија 15 степени.

Најмногу дожд наврна во Кавадарци осум литри на метар квадратен, во Берово и во Прилеп шест, во Битола и Демир Капија пет л/м2.

Утре времето ќе биде променливо облачно и постудено. Ќе дува засилен до силен ветер од северен правец, кој наместа ќе надминува брзина од 60 km/h. Минималната температура ќе биде во интервал од 4 до 11, а максималната ќе достигне од 11 до 18 степени.

Во Скопје времето ќе биде променливо облачно и постудено. Ќе дува умерен, во делови од котлината повремено засилен ветер од северен правец. Минималната температура ќе се спушти до 10, а максималната ќе достигне до 15 степени.

До петок ќе преовладува променливо облачно и постудено време. Денес и во петок ќе има повремени локални врнежи од дожд, кои на некои од повисоките планини ќе преминат во снег. Ќе дува засилен ветер од северен правец, кој наместа ќе биде силен со брзина над 60 km/h. За време на викендот ќе биде сончево со мала до умерена облачност.