дома блог страница 708

Затоа се светлосни години пред сите! Норвешка не сака помлади од 15 години да користат социјални мрежи

Норвешка ќе воведе минимална возраст од 15 години за користење на социјалните мрежи.

Норвешкиот премиер Јонас Гар Шторе рече дека тоа ќе биде тешка битка и додаде дека политичарите мора да интервенираат за да ги заштитат децата од „моќта на алгоритмите“, пишува Гардијан.

Додека тој рече дека разбира дека социјалните медиуми можат да им понудат заедница на осамените деца, Шторе рече дека самоизразувањето не треба да биде во моќта на алгоритмите.

Напротив, тоа може да доведе до тоа да станете самци и смирени, бидејќи сè се случува толку брзо на овој екран, додаде тој.

Владата вети дека ќе воведе повеќе заштитни мерки за да ги спречи децата да ги заобиколат ограничувањата за возраста, вклучително и промени во Законот за лични податоци, така што корисниците на социјалните медиуми мора да имаат 15 години за да се согласат платформата да ги обработува нивните лични податоци и да развие возрасна бариера за користење на социјалните мрежи.

Норвешка веќе има минимална возраст од 13 години, но и покрај тоа, повеќе од половина од деветгодишните, 58 отсто од десетгодишните и 72 отсто од единаесетгодишните се на социјалните мрежи, според истражувањето на Норвешка агенција за мониторинг на медиуми.

Да им посакаме успешни настапи: Две девојки и едно момче ќе го претставуваат Прилеп на “Макфест”

Прилеп оваа година ќе има тројца претставници на најпрестижниот фестивал кај нас, “Макфест”. Честа да се најдат во ова друштво годинава ја имаат младата и талентирана Јана Мрческа и Сергеј Попоски, кои ќе настапат како дебитанти и Александра Трајческа, за која ова ќе биде втор настап.

Песната со која ќе настапи Јана носи наслов “Убава и храбар”, а под насловот е потпишан композиторот Иле Спасев.

Зад песната на Александра која е насловена како “Навика” е потпишан Зоран Алексиќ, a Сергеј ќе настапи со песната “Сите утра”, напишана од Ефтимија Јованова.

Макфест оваа година ќе се одржи на 25. и 26. октомври.

Да им посакаме успешен настап!

Светот во раце, добредојде Лиана: Мартин од „Некст Тајм“ стана татко

Музичарот Мартин Филиповски од дуото „Некст Тајм“ стана татко. Неговата сопруга, ракометарката Андреа Белеска на свет донесе девојче кое го доби името Лиана.

Мартин и Андреа се заедно од 2015-та година, а во 2022-ра година тој ја запроси ракометарката во интимна атмосфера.

Потоа, црковната венчавка се одржа во родниот град на ракометарката Андреа во Кичево.

Инаку, Мартин и Андреа неколку години ја одржуваа врската на далечина.

Андреа прво играше за ракометниот клуб „Металург“, за турскиот клуб „Јенимале“, романската „Валчеа“, шведскиот „Боден“ и грчкиот „ПАОК“.

Николоски од Солун: Македонија ја позиционираме како главна крстосница за транспорт на гас и производи кон Централна Европа

Потребна е регионална соработка за регионален развој. Со посетата во Солун и средбите што ги имав на високо ниво со претставници од владата во Грција даваме силен импулс во односите меѓу двете држави. Подготвени сме да соработуваме на регионални проекти за да ги поттикнеме економиите, изјави за ТВ Алфа, заменик претседателот на Владата и министер за транспорт Александар Николоски.

“ Мислам дека иднината на целиот регион е во соработка. Како што кажав, треба да сме интелигентни, треба да сме паметни и да соработуваме, затоа што само држави кои што соработуваат- напредуваат.

Ние сме соседи, природно сме поврзани и треба двете економии и двата народи да соработуваат. Треба да видиме грчки инвестиции во Македонија, треба да видиме македонски инвестиции во Грција. Треба да видиме развиеност на соработката меѓу Солунското пристаниште и македонските компании и како што кажав треба да видиме и грчки инвеститори во Македонија. Тоа е нешто што природно се случува.

Исто така, треба да го развиваме туризмот на двете страни и треба да ја развиваме поврзаноста. Како што кажавте, јас не сум случајно тука. Ова е прва посета на високо ниво од нас како нова Влада и мислам со ова даваме еден позитивен импулс во односите меѓу двете држави, а очекувам сега и возвратни посети.

Јас денеска веќе остварив средба со господинот Стилијанидис. Тој е еден врвен европски политичар затоа што беше и комесар на Европската Комисија која што ја предводеше Жан-Клод Јункер, а сега е министер за она што е можеби и најважно во Грција, а тоа е морепловството и островите.

Исто така, остварив средба со министерот за транспорт на која што разговаравме за бројни прашања кои што се поврзани со поврзаноста помеѓу двете држави. Понатаму, средба со раководството на солунското пристаниште, на пристаништето Кавала исто така и со директорот на Суецкиот канал кој што е многу важен за целиот регион и за поврзување и секако бизнис асоцијациите кои што се тука. Во еден збор ја отвораме вратата, има големи можности за соработка. Македонија има доста поволни економски услови, знаете дека имаме ниски даноци, дека имаме слободни економски зони во кои што може да се инвестира. Секако, најважно е да имаме нови, добро платени работни места, добра железница, добри патишта за да се поврзат државите” истакна министерот.

Тој потенцираше дека проектот за брза пруга е прв приоритет на владата во делот на инфраструктурните проекти.

“Она што е за нас врвен приоритет е изградба на брза пруга која што би оперирала со 200 километри на час за патнички сообраќај, 120 километри на час карго сообраќај. Значи, тоа ќе ја направи Македонија раскрсница, силен економски коридор за сета онаа роба, за сета онаа стока која што доаѓа на Солунското и на Атинското пристаниште да може да дојдат кон Централна Европа.
Имајќи предвид дека реалноста во Европа се менува ова е уникатна можност за нас да станеме центар, да географската положба која што ја имаме ја искористиме, и да преку Македонија поминува најголем дел од стоката која што се троши во Централна Европа. Истото треба да го направиме и со гасоводите, затоа сакаме да градиме интерконектори, а веќе е објавен тендер со Грција, како и со Србија, како би станале и гасна раскрсница за Европа и како голем дел од гасот за Централна Европа би поминувал низ Македонија. Доколку имаме правилна економска политика, а оваа Влада има, во тој случај Македонија може да живее од наплата на транспортни трошоци и во железницата и во гасното поврзување”, истакна министерот Николоски и во однос на гасниот интерконектор додаде:

Финансирањето оди преку Европската инвестициска банка, што е многу важно тоа е официјалната банка на Европската Унија, тие имаат и свои правила и свои барања ,сега се прилагодивме, што правела претходната Влада не знам и не можам да коментирам треба добро да се испита, но ние како нова Влада еве во рок од три месеци го завршивме да честитам на министерката за енергетика и минерални суровини Сања Божиновска за одличната работа и очекувам веќе во ноември да имаме отворање на побудите и за две до три години да биде изграден интерконекторот со Грција, рече министерот Николоски.

КАЛЕНДАР НА МПЦ: Денеска се слави Св. апостол Филип

Според календарот на МПЦ (Јулијанскиот календар) денеска е 11 октомври.

Денеска е Св. апостол Филип.

Свети апостол Филип потекнуваше од Кесарија Палестинска. Беше женет и имаше четири ќерки. Кога светите апостоли ги бираа ѓаконите во ерусалимската Црква, што требаше да се грижат за бедните и болните и да ги организираат вечерите на љубовта т.е. агапите, меѓу нив беше избран и Филип. А кога настана гонењето на христијаните во Ерусалим, тој се повлече во Самарија и таму го проповедаше Евангелието, и не само што го проповедаше, туку и го сведошеше со многу чуда, изгонување на демони и исцелување на болни.

Го заврши овој живот мирно и во длабока старост и се пресели во радоста на својот Господ.

Прилепско Мало Коњари доби теретана на отворено (ФОТО)

Во рамки на проектот „Зајакнување на луѓето од Пелагонија 2“, вчера во дворот на ООУ „Страшо Пинџур“ во село Мало Коњари, беше предадена во употреба теретана.

На настанот воведно обраќање имаше градоначалникот на општина Прилеп, Борче Јовчески, кој пред присутните порача:

,,Денес сме сведоци на уште една позитивна промена во нашата заедница почитувани сограѓани, а тоа е отворањето на новата теретана на отворено во дворот на ООУ „Страшо Пинџур“. Оваа иницијатива е дел од проектот „Зајакнување на луѓето од Пелагонија 2“, чија основна цел е младите да станат активни учесници во подобрувањето на својата околина. Оваа теретана ќе биде важен ресурс за сите млади тука во ова населено место, но и за сите кои сакаат да се грижат за своето здравје и го практикуваат активниот живот. Верувам дека таа ќе стане место каде што децата и младите ќе се собираат, ќе спортуваат и ќе развиваат здрави навики. Искрено се заблагодарувам на сите кои беа вклучени во реализацијата на овој проект – на тимовите кои работеа неуморно, на координаторите и сите чинители кои се залагаа за неговото успешно завршување. Нашата посветеност како Локална самоуправа да создадеме подобри услови за живот продолжува. Ќе продолжиме да инвестираме во подобра иднина за сите наши жители. Морам да напоменам дека оваа теретана произлезе токму од потребите и барањата на младите во општина Прилеп и како таква е наменета за нив.”

https://www.facebook.com/reel/895645859174810

Проектот е поддржан од Амбасадата на Кралството Холандија, спроведуван од Про Локал во партнерство со Младински Совет Прилеп и уште 7 локални организации од Пелагонискиот регион.

Уапсена млада прилепчанка – Се барала со потерница за издржување затворска казна

На 22.10.2024 во 23.20 часот полициски службеници од ОВР Прилеп ја лишиле од слобода Ј.Б.(33) од Прилеп, која била барана со судска наредба од Основен суд Прилеп, за издржување на казна затвор во Казнено поправната установа Идризово – Скопје во траење од седум месеци – информираат од МВР.

Претреси во Битола и Македонски Брод, пронајденo оружје и муниција, лишени од слобода две лица

На 22.10.2024 во 15.20 часот од страна на полициски службеници од СВР Битола бил извршен претрес кај E.М.(53) од с.Бистрица, битолско. При претресот биле пронајдени пет пушки, над 100 парчиња муниција, како и различни делови за оружје. Е.М. бил приведен во полициска станица и по документирање на случајот ќе биде поднесена соодветна пријава.

Исто така, на 22.10.2024, во времето од 10.30 до 11.30 часот од страна на полициски службеници од ОВР Македонски Брод при СВР Битола, а по претходно издадена судска наредба, извршен е претрес во с. Белица, во домот на Д.И.(46) од с.Белица, Македонски Брод, при што пронајдена била муниција од различен калибар. Д.И. е приведен во полициска станица и по документиурање на случајот ќе следува соодветна пријава.

Честит 23. октомври, денот кога Македонците ја започнале бopбата за своја дpжава

На овој голем ден за нас Македонците, во чест на сите оние кои ја натопиле оваа земја со својата крв, за слобода, своја и за идните поколенија, денес се сеќаваме на сите херои и ги величиме нивните имиња. Од овој ден Македонецот почнал да ја исправа својата глава над острата душманска сабја и организирано да се спротивставува. Ова е денот кога напатениот, измачен и угнетен народ, започнал да ја реализира својата идеја, својата кауза.

Положбата на Македонците и пред тој конгрес не била во ништо подобра, но овој момент од историјата значел продолжување на агонијата, нови агресии, илјадници загубени животи.

Со други зборови Македонскиот народ бил културно, духовно, политички, национално и просветно обесправен.

Ваквата неподнослива состојба, како и пропангандите на соседните народи за асимилација, се причините за формирањето на Македонската револуционерна организација (МРО).

На 23 октомври 1893 година во Солун, шестмина револуционерни интелектуалци : Дамјан Груев, д-р Христо Татарчев, Петар Поп Арсов, Иван Хаџи Николов, Христо Батанџиев и Андон Димитров, со цел по пат на вооружена борба да се издвојува автономија за Македонија ја формираат организацијата и го започнуваат нејзиното ширење.

Усвоен бил Устав на организацијата, Централен Комитет ( претседател д-р Христо Татарчев, секретар Дамјан Груев ), како и мрежа на организации низ поголемите центри на Македонија. Особено организацијата добила на тежина кога кон неа се приклучиле Гоце Делчев, Јане Сандански, Пере Тошев и други револуционери кои ја делеле истата цел.
Цели на организацијата биле следните:

1. Организацијата да е тајна и револуционерна,

2. Нејзината територија да ја сочинува само Македонија со нејзините природни и географски граници,

3. Во неа да членуваат родени и лица што живеаат во Македонија без разлика на вера и народност,

4. Политичкото верују на организираните Македонци е автономна Македонија и

5. Да се чува самостојноста на организацијата за да не падне под влијание на политиката на соседните држави.

Започнала да се реализира паролата “Слобода или смрт за Македонија”. Сите надежи и сите погледи понатаму се вперени кон организацијата и нејзиното дејствување.

Конечно народот Македонски имал свој заштитник, луѓе кои ќе ја спроведуваат правдата на дело и ќе ги шират идеалите за слобода и самостојност.

Следувале Ресенското советување во летото 1894г. кога се формирани трите окрузи Скопски, Солунски и Битолски, па првиот Солунски конгрес во јануари 1896г. кога организацијата била преименувана во (ТМОРО) или Тајна македонско-одринска револуционерна организација.

По овој конгрес забрзано се обучувале и вооружувале чети. Со вооружените сили раководел Гоце Делчев кој го формирал и Четничкиот институт.

На Солунскиот конгрес во 1903 година, во отсуство на Делчев, влијателните луѓе на организацијата Груев и Сандански го наметнале своето мислење за кревање на Илинденското востание на втори август 1903 година.

Токму после овој настан на површина испливале внатрешните превирања, надворешните влијанија, предавствата и меѓусебните пресметки, како и борбата за превласт.

Тоа ја ослабнало организацијата до ниво што голем дел од лидерите биле убиени, а мекедонското ткиво било разединето.

На Рилскиот конгрес во 1905г. организацијата одново претрпува промени, името било заменето со (ВМОРО) или Внатрешна македонска одринска револуционерна организација.

Со вакво име организацијата постоела до 1908 и почетокот на Младотурската револуција кога и дошло до конечен расцеп и нејзин престанок.

Не смеат а да не се споменат значајните битки кој ги водела организацијата со Турците, би ги издвоиле битките кај: Могила, Готен, Трсје, Слива, Ножот, Маргара, Баница, Мечкин Камен, Арменско и мн. други.

Како пандан на претходната организација, кон крајот на 1919 година е формирана и (ВМРО) – Внатрешната македонска револуционерна организација, со Централен комитет (Тодор Александров, Александар Протогеров и Петар Чаулев).

И во овој период мисијата била иста автономија или независна Македонија, односно создавање на самостојна држава за Македонците.

Потсетувајќи се на овие денови од Македонската историја во секој еден од нас треба да се развива чувство на гордост, чувство на херојство.

Да вградиме такво чувство и кај идните генерации, за да ја пренесуваат вистината за македонското страдање, но и за македонското бунтовничко спротивставување против угнетувачите тогаш и сега.

ЧЕСТИТ ПРАЗНИК НА СИТЕ МАКЕДОНЦИ !

Важно известување од прилепските црковни храмови до верниците за Петковден

Браќа и сестри во Христа, наши прилепчани, ве известуваме дека ЛЕПЧИЊАТА ЗА СЛАВА ЌЕ СЕ ПЕАТ ИСКЛУЧИВО ВО ЦРКОВНИТЕ ХРАМОВИ.

За претстојната слава, на преподобната Петка (ПЕТКОВДЕН), во храмовите Св. Кирил и Методиј (ПАРАКЛИС) св. Петка во нас. Точила и лепчиња ќе се креваат преку цел ден во сабота (26.10.2024) од 7:00 – 17.30 ч. И НА САМИОТ ПРАЗНИК (наредниот ден) во неделата по завршувањето на Божествената Литургија.

Честита слава на сите кои ја чествуваат Св. Петка како закрилничка на нивните домови т. е. домашна слава!

Нека ни е за многу години и на помош.