Градоначалникот на Битола Тони Коњановски денеска прими делегација од oпштина Будимпешта дистрикт 18 предводена од градоначалникот Шандор Санисло.

На средбата присуствуваа и претседателот на Советот Бојан Бојкоски, секретарот на Општина Битола Борче Димитровски, Александар Стефановски соработник за култура и спорт и Цветанка Ристевска раководителка на одделение како и Петер Кoрoш заменик градоначалник на дистриктот 18, Роберт Роњец главен административен службеник и Јанош Сентецки
раководител на одделение.

Градоначалникот Коњановски ги запозна гостите со богатата историја и култура на градот пред се големите фестивали кои се случуваат во Битола, со економските потенцијали како што е индустриската зона „Жабени“ како и потенцијалите во развојот на туризмот.

Односите меѓу двата града, кои траат веќе 26 години, започнаа преку соработката меѓу фолклорните ансамбли на КУД „Илинден“ од Битола и Фондацијата за танцова уметност „Теблаб“ која годинава настапува на фестивалот „Илинденски денови“.

На средбата беше договорена возвратна посета во септември како и договарање на идната соработка меѓу двете општини.

Извадоци од полицискиот билтен на МВР:

-На 26.07.2026 во 21:30 часот во с.Кривогаштани, општина Кривогаштани, полициски службеници лишија од слобода 16-годишен малолетник од с. Алданци, крушевско. При контрола во сообраќајот, полициските службеници сопреле возило „мерцедес”, кое го управувал малолетникот, при што било констатирано било дека го управувал без да поседува возака дозвола.

-На 27.07.026 во 00:05 часот на ул.„Кузман Јосифоски” во Прилеп, полициски службеници од ОВР Прилеп го лишија од слобода М.Б.(39) од Прилеп. При контрола во сообраќајот полициските службеници сопреле мотоцикл со скопски регистарски ознаки, управуван од М.Б., при што било констатирано дека го управувал без возачка дозвола.

-На 26.07.2026 во 11:00 часот на бул„Гоце Делчев“ во Прилеп, полициски службеници од ОВР Прилеп го лишија од слобода Б.С.(35) од Прилеп. При контрола во сообраќајот, полициските службеници сопреле мотоцикл со прилепски регистарски ознаки, управуван од Б.С., при што било констатирано дека го управувал без возачка дозвола.

По документирање на настаните ќе следуваат соодветни пријави, информираат од МВР.

Успешните бизнис одлуки не чекаат „подобро време“

Постои една карактеристика што ја имаат речиси сите успешни компании – не ги следат сезоните, туку можностите. Додека за многумина летото е период на забавено темпо, за претприемачите тоа често е време кога се носат најважните одлуки.

Туристичката сезона носи нови можности, трговците ги подготвуваат залихите, угостителските објекти инвестираат во подобра услуга, а претприемачите го користат токму овој период за да се подготват за следната фаза од развојот.

А кога ќе се појави вистинскиот момент за инвестиција, најважно е да бидеш подготвен да реагираш. Со бизнис кредит одМинт Кредит (ФД МИНТ СН) добиваш можност навреме да реализираш добра идеја, и да го искористиш вистинскиот момент.

Бизнис кредит за компаниите што сакаат да растат

Во деловниот свет, добрата можност не чека. Нов договор, нов клиент, поволна набавка, проширување на капацитетите или инвестиција во нова опрема честопати бараат брза одлука и сигурна финансиска поддршка.

Токму затоа бизнис кредитот од Минт Кредит (ФД МИНТ СН) е создаден за компании што сакаат да продолжат да се развиваат без непотребно одложување.

Без разлика дали планираш набавка на нова опрема, дополнителни залихи, проширување на деловните активности, уредување на продажен простор секоја инвестицијата е чекор кон поголема конкурентност и нови можности. Токму во тие моменти, финансиската поддршка треба да биде достапна тогаш кога ти е најпотребна.

Инвестирај денес, биди чекор пред конкуренцијата утре

Најуспешните компании не инвестираат само кога мораат. Тие инвестираат кога ќе препознаат потенцијал за раст.Нова машина значи поголем капацитет. Нова опрема значи подобра услуга. Поголеми залихи значат подготвеност кога побарувачката ќе порасне.

Секоја навремена инвестиција може да биде предност што ќе се почувствува уште во следната сезона. Затоа е важно да имаш финансиски партнер што ќе го следи темпото на твојот бизнис.

Бизнис кредит што помага да реагираш навреме

Во деловниот свет, времето често вреди повеќе од парите. Нов договор, нов клиент, поволна набавка или можност за проширување не можат секогаш да чекаат да се создадат идеални услови.

Секој бизнис има различни потреби, но сите имаат една заедничка цел – раст. Токму затоа бизнис кредитот од Минт Кредит (ФД МИНТ СН) е создаден за компании кои сакаат брзо да донесуваат одлуки и сигурно да ги реализираат своите инвестиции.

Без разлика дали планираш набавка на нова опрема, отворање нов продажен простор, дополнителни залихи, инвестиција во производство или развој на твојот бизнис, финансиската поддршка треба да биде достапна тогаш кога ти е најпотребна. Кога инвестицијата се прави во вистинскиот момент, нејзината вредност се чувствува многу подолго од самата сезона.

Бизнис Кредит – Поддршка за бизниси што размислуваат долгорочно 

Со бизнис кредитот од Минт Кредит (ФД МИНТ СН) добиваш финансиска поддршка што ќе ти помогне полесно да ги реализирате деловните идеи.

• до 1.000.000 МКД
• рок на отплата до 60 месечни рати
• едноставна онлајн апликација

Флексибилно решение за бизниси што сакаат да инвестираат, да растат и навреме да ги искористат можностите што ги носи пазарот. Целта е компаниите да можат да се фокусираат на својот развој, додека финансирањето ќе биде едноставно, достапно и прилагодено на нивните потреби.

Добриот момент за инвестиција е кога ќе се појави можноста

Летото можеби носи поинакво темпо, но не ги запира добрите деловни идеи. Напротив, токму овој период често е вистинско време за инвестиции што ќе дадат резултати во месеците што следат.

Затоа, ако размислуваш за нова опрема, дополнителни залихи, проширување на капацитетите или следниот чекор во развојот на компанијата, направи го тоа тогаш кога ќе се појави можноста, а не кога ќе биде предоцна.

Летото не го запира бизнисот. Не дозволувај да ги запре ниту твоите идеи. Инвестирај уште денес во раст со бизнис кредитот од Минт Кредит (ФД МИНТ СН).

За повеќе информации контактирај нѐ на 15 007 или посети нѐ во една од нашите филијали ширум државата.

Компанијата Meta воведе нов систем за верификација на идентитетот на Facebook, кој има за цел да им помогне на корисниците полесно да ги препознаваат вистинските профили.

Новата значка е целосно бесплатна, а за нејзино добивање корисниците ќе треба да поминат процес на верификација со помош на видео селфи.

Според информациите од компанијата, процесот трае неколку минути, при што системот користи технологија за препознавање лица и го споредува видеото со постоечките фотографии на профилот.

За да ја добие новата значка, корисникот мора да има најмалку 18 години и неговата сметка мора да ги исполнува упатствата и правилата на заедницата.

По успешната верификација, значката ќе се прикажува во неколку делови од платформата, вклучувајќи ги Marketplace, Dating и останатите услуги.

Од Meta нагласуваат дека оваа значка е само потврда за идентитетот на сопственикот, а не гаранција за безбедност, со што се прави јасна разлика од платената услуга Meta Verified.

Воведувањето на оваа функција доаѓа во период на зачестени онлајн измами преку профили генерирани со вештачка интелигенција.

Новата верификација нема да биде достапна за Facebook страници и ProMode сметки, а нејзиното постепено воведување започнува од понеделник на одредени пазари, по што ќе се прошири глобално.

Паралелно со ова, Meta тестира и нов видео преглед на цел екран при отворање на апликацијата, со опција корисниците да се вратат на класичниот изглед.

Споменот за Свети Климент Охридски е повикот и за нашето време, да го чуваме неговото наследство зашто само така ќе се зачуваме и себеси. Само она знаење коешто е проникнато со духовна смисла може да го изгради човекот како слободна и одговорна личност, порача поглаварот на Македонската православна црква – Охридска Ариепископија г.г. Стефан синоќа на Свечената академија „Во слава на словото“ по повод 1.110 години од упокојувањето на Свети Климент Охридски и 100 години од починувањето на Крсте Петков Мисирков.

Древната словенска и македонска литература, посочи, никогаш не постоела одвоена од духовниот живот на народот. Таа извирала од молитвата и се влевала во молитвата. Во тоа се состои неминливото значење на делото на Свети Климент. Тој ни е сведочење дека книгата не е само цел, туку пат кон просветлување и дека вистинската вредност на словото не е да го информира човекот, туку да го преобрази.

Архиепископот Охридски и Македонски нагласи дека секоја епоха со предизвиците што ги носи е повикана повторно да го постави прашањето за своите темели. А одговорот на тоа прашање, како што рече, секогаш започнува со сосеќавањето, зашто народот што ги заборава своите духовни учители постепено го губи и чувството за сопствениот пат, за сопствената иднина.

– Поради тоа, споменот за Свети Климент Охридски е повик и за нашето време. Денес во ова време на брз технолошки развој и на неверојатно брз проток на информации, наследството на Свети Климент добива особена важност. Никогаш досега човекот немал толку многу можности да стигне до знаења, а сепак никогаш не била поголема опасноста да се изгубат длабочината на мислата и желбата за созерцание и промислување. Впрочем, само она знаење коешто е проникнато со духовна смисла може да го изгради човекот како слободна и одговорна личност. Оттаму, и денес ни е потребно да го помниме Свети Климент и постојано да го помниме дека оној што го губи историското паметење, што ја губи историската меморија, што го изгубува чувството за сопственото потекло, тој го губи и чувството за својот бит, за својата задача и за своето место во светот. Токму затоа книгата низ вековите била еден од најголемите чувари на човечката меморија. Во неа, во книгата се сретнуваат поколенијата. Во неа минатото му зборува на сегашниот човек, а сегашниот човек остава сведоштво за оние што доаѓаат по него. Затоа и делото на Свети Климент не е само дел од нашето историско наследство, тоа е сведоштво дека личност која е исполнета со вера, надеж и љубов може да остави трага што ги надминува вековите – рече архиепископот Охридски и Македонски г.г Стефан.

Тој укажа дека блажениот Теофилакт Охридски, сведочи оти Свети Климент составувал едноставни и јасни слова за празниците, така што тие биле разбирливи за секој човек. И токму во таа едноставност, нагласи, се открива неговата големина. Свети Климент не пишувал за да ја покаже својата мудрост, туку за да им помогне на луѓето да го најдат патот кон Божјата мудрост. Тој не зборувал за да создаде восхит кон себеси, туку за преку него луѓето да се приближат до превечното Слово на Отецот.

– Затоа, неговото дело продолжува да нѐ повикува и денес. Во време кога информациите брзо исчезнуваат, потребно е да ја откриеме силата на траењето. Во време кога знаењето се одвојува од мудроста, потребно е да ја преоткриеме просветата којашто го преобразува целиот човек. Следствено, да се угледаме на Свети Климент и да го чуваме неговото наследство, зашто само така ќе се зачуваме и себеси – рече поглаварот на МПЦ – ОА на свечената академија, пренесува МИА.

Во магичниот амбиент на црквата „Света Софија“ во Охрид, се одржа традиционалната Австриска вечер, еден од најпрепознатливите настани во програмата на фестивалот „Охридско лето“. Како ексклузивен спонзор, Касинос Австрија Интернешанал Македонија и оваа година со гордост ја поддржа реализацијата на овој престижен музички настан.

Во рамките на 66. издание на фестивалот, на 24 јули пред публиката во Охрид, настапи светски познатото пијано дуо Маки Намекава и Денис Расел Дејвис, врвни уметници со богата меѓународна кариера, препознатливи по својата извонредна музикалност и интерпретации кои оставаат силен впечаток.

Концертната програма ја поведе публиката на инспиративно музичко патување, од безвременските дела на Моцарт и Шуберт, преку романтичните звуци на Сметана, до современиот музички израз на Филип Глас, спојувајќи различни епохи, стилови и емоции во една незаборавна вечер.

Австриската вечер традиционално се реализира со поддршка на Амбасадата на Република Австрија во Република Северна Македонија и Владата на Република Австрија, претставувајќи симбол на долгогодишното пријателство, успешната културна соработка и заедничките вредности што ги поврзуваат двете земји.

Како компанија која континуирано инвестира во културата, уметноста и проектите од трајна општествена вредност, Касинос Австрија Интернешанал Македонија со особена чест беше дел од оваа значајна фестивалска традиција. Поддршката на врвните културни настани е дел од определбата на компанијата да придонесува кон развојот на културниот живот и да биде партнер на иницијативи што инспирираат, поврзуваат и оставаат траен белег.

Познатиот македонски актер Гоце Тодоровски почина синоќа на 75-годишна возраст.

Тажната веста ја соопшти неговата ќерка Сашенка, преку социјалните медиуми.

-Го изгубивме, се предаде Гоце Тодоровски, почина, фамилијата Тодоровски ја објавува најтажната вест, по голема борба го напушти овој свет, лесна ти земја татко мој, вечен непребол. Душата не умира, а телото е премногу истрошено сега, летај со ангелите…. – објави неговата ќерка.

Гоце Тодоровски е роден на 30 април 1951 година во Кичево. По завршувањето на Факултетот за драмски уметности при Универзитет „Св. Кирил и Методиј” во Скопје, во класата на професорот Илија Џувалековски, се вработил во Драмскиот театар во Скопје. Подоцна бил гостин и во други театарски куќи, беше дел од бројни театарски престави, телевизиски серии, филмови, хумористични радио емисии.

Тој соработувал со голем број на познати наши режисери: Слободан Унковски, Коле Ангеловски, Димитар Станковски, Владимир Милчин, Димитрие Османли…, а играше и во познатите телевизиски серии „Македонски народни приказни”, „Итар Пејо”, „Булки кај шините”, „Ајде да се дружиме”, „Трето доба”, „Хихирику“, „Во светот на бајките”, „Бушава азбука”, „Солунски патридии”, “Трст виа Скопје”, “Чук, чук Стојанче”…

Глумеше во филмовите „Шеќерна приказна”, „Учителот“, „Црвени“, „Тетовирани души“, „Среќна Нова ’49”, „Викенд на мртовци”, „Бол“, „Женски оркестар”…Играше и во голем број театарски улоги.

Тодоровски е добитник е на бројни награди, а минатата година ја доби државната награда „23 Октомври“ во областа на културата и уметноста.

Општина Битола и фестивалот „Илинденски денови“ кој е дел од „Бит Фест“ Ве покануваат на еден од највпечатливите настани на овој фестивал Фолклорното дефиле-со песна и игра низ битолските улици.

Стотици учесници од земјата и светот ќе продефилираат низ Широк Сокак, носејќи ја убавината на фолклорот, музиката и културното наследство.

Почетокот на дефилето е денеска во 18:30 часот од плоштадот „Магнолија“.

“Пејзажни знаци 26” од Атанас Атанасоски, е изложбата – инсталација поставена во Ликовната галерија од ЦК „Марко Цепенков“. Изложбата, поддржана од Министерството и туризам ќе биде поставена до 7 август 2026.

-Идејата за реализација на мојот проект сé надоврзува на претходните изложби во кои основен материјал е дрвенеста вегетација. Се работи за трновити растенија кои и по бербата како сува материја ја задржуваат цврстата структура. Користењето и моделирањето со овој локален материјал има за цел да ја бара естетиката на хармонизирање на соживотот помеѓу природата и човекот. Незината применливост нуди можност за поблизок пристап кон уметничкото изразување кое поради растечките еколошки проблеми станува се порелевантно и социјалното ангажирање. Ликовната изведба се фокусира на природните материјали како податни ресурси при обликувањето на структуралните површини со точно одредените визури. Како инспиративен момент за мене е пејзажниот знак, кој и претходно бил својствен мотив за мојот творечки сензибилитет. Ликовните фасцинации на вегетацијата карактеристична за нашето подневје во овој проект нема само декоративна функција, туку ќе претставува конститутивен елемент за мојата ликовна интерпретација. Живееме со технологија која ни нуди информации на дневна основа за уметноста и уметниците во целиот свет. Но како поминува времето со тоа и побогатото искуство, мојата анализа и инспирација е насочена кон моето блиско опкружување, култура и традиција – вели авторот Атанас Атанасоски од Прилеп.

Започна реконструкцијата на спортските игралишта во дворот на ОУ „Даме Груев“, со што учениците и граѓаните наскоро ќе добијат современ простор за спорт и рекреација.

Станува збор за проект кој се реализира преку вториот владин повик, со поддршка од Министерството за образование и наука, а предвидува целосно уредување на отворените повеќенаменски спортски терени во училишниот двор.

Во рамките на проектот ќе бидат асфалтирани терени за ракомет, кошарка и одбојка, со вкупна површина од 1.311 квадратни метри.

Покрај спортските игралишта, ќе се изгради и пешачка патека со бехатон на површина од 294 квадратни метри, ќе се асфалтира пристапниот дел до терените, ќе се уреди паркинг простор, ќе се реализира хортикултурно уредување и ќе се постави нова урбана опрема.

Вредноста на проектот изнесува 15.507.414 денари, а неговата реализација треба да овозможи значително подобри услови за спортски активности, рекреација и престој на учениците, како и за сите посетители на училишниот комплекс.