Големо признание за прилепското средно училиште СОУ „Орде Чопела“ и за професорката д-р Мирјана Стојческа Ѓорѓиоска, која на Националниот натпревар на ученички компании во организација на Џуниор Ачивмент Македонија беше прогласена за „Наставник на годината“.

Ова значајно признание претставува потврда за нејзината долгогодишна посветеност, креативност и несебична поддршка кон учениците, кои преку нејзиното менторство добиваат поттик за иновативно размислување и развој на претприемачки идеи.

Од училиштето посочуваат дека трудот, ентузијазмот и континуираната поддршка што професорката им ја дава на учениците биле препознаени и наградени на национално ниво, а признанието „Наставник на годината“ претставува голема чест и за самото училиште.

„Честитки за ова значајно признание и благодарност за инспирацијата што секојдневно им ја пренесува на учениците. Горди сме што ваков наставник е дел од нашето училиште“, велат од СОУ „Орде Чопела“.

Постојат денови што не се само датуми во календарот. Денови што носат емоции, возбуда, малку трепет и многу очекувања. Денови што ги паметиме долго после кога ќе поминат. Денови што не се повторуваат.

Моменти што ги планирате со недели, ги замислувате со месеци и ги паметите засекогаш. Матура, свадба, роденден или посебна прослава, тоа се денови кога сè треба да биде токму како што сте го замислиле.

Но, реалноста често носи еден предизвик: како да се организира сè без да се создаде дополнителен финансиски притисок?

Кога секој детаљ е важен а времето и буџетот не се на ваша страна

Кога се ближи ден што се памети, сè одеднаш станува поважно, деталите, емоциите, моментите што ќе ги раскажувате со години.

Чеклистата ви е веќе во глава: облека што ќе ве направи да се чувствувате самоуверено, чевли што ќе издржат цела ноќ танцување, букет што ќе го украде вниманието, фотографии што ќе раскажуваат приказни и прослава што ќе се памети.

Подготовките често доаѓаат со ограничен буџет и кратки рокови. Трошоците се натрупуваат, а желбите остануваат исти. Во тие моменти, потребно е решение што ќе ви овозможи да продолжите со плановите, без одложување. Токму тука е Минт Кредит – како Ваш тивок сојузник зад сцената.

Минт Кредит – Решение за прослави и моменти што вредат

Токму затоа постојат решенија што ви дозволуваат да се фокусирате на суштината – на моментот, а не на грижите. Со брза и едноставна поддршка, можете да ги претворите плановите во реалност, без да правите компромиси со она што ви значи.

Со Минт Кредит, можете да ги реализирате сите ваши планови брзо и едноставно. Наместо да одложувате или да правите компромиси, добивате можност да се фокусирате на она што навистина е важно, искуството.

-Брзо одобрување за само 10 минути​
-Едноставна онлајн апликација
-Износ до 300.000 денари
-Флексибилни услови за отплата до 60 месеци

Ова значи дека можете да ја испланирате вашата прослава без стрес и без непотребни ограничувања. Затоа што секоја прослава не е само трошок – таа е почеток. Почеток на ново поглавје, нови спомени, нови приказни.

Минт Кредит – Прославете ги важните моменти без финансиски стрес

Со финансиска флексибилност и брз процес на одобрување од Минт Кредит сè станува поедноставно. Наместо да размислувате „дали ќе можам“, почнувате да размислувате „како ќе изгледа“. А тоа е огромна разлика.

Од важен момент до нов почеток – токму таму се случува вистинската вредност. Во чувството дека можете да го доживеете денот како што го замислувате, без ограничувања.

И на крајот, не се памети бројката. Се памети насмевката.

Советничката од ЗНАМ, Мирјана Стеваноска, на стартот од денешната 14-та по ред седница на Советот на општина Прилеп, истакна дека отсега ќе биде независен советник, и нема да ги претставува ставовите на партијата која што ја кандидираше, ниту политиките на заедничката коалиција во Советот.

“Оваа одлука ја донесов по сопствено убедување, не прифаќам политички молк и слепо гласање, затоа одлучив да дејствувам самостојно”, рече во своето излагање Стеваноска.

Ставаноска е втор избран функционер деновиве од ЗНАМ која носи одлука да настапува како независна. Претходно тоа го стои пратеникот во Собранието на државата, Миле Цеков.

Стеваноска беше носител на советничката листа на ЗНАМ на локалните избори минатата година, и единствен советник од оваа партија во Советот на општина Прилеп.

Според календарот на МПЦ (Јулијанскиот календар) денеска е 25 април. Денеска е Св. апостол и евангелист Марко.

Именден празнува Марко.

Светиот апостол и евангелист Марко е христијански апостол и светец, сопатник и помошник на Апостол Петар, којшто во своето Прво послание го нарекува син свој, не син по тело туку по дух. Така го напиша Светото Евангелие, коешто го виде и го посведочи за вистинито и самиот апостол Петар. Тој го постави Марко за епископ и го испрати на проповед во Мисир. Така тој беше првиот проповедник на Евангелието и првиот епископ во Мисир. Мисир беше сиот притиснат од густиот мрак на незнабоштвото, гатањето и злобата. Со Божја помош Свети Марко успеа да го посее семето на Христовата наука низ Ливија, Амоникија и Пентапол.

Славење и обичаи

Неговиот спомен се празнува на 8 мај/ 25 април и не се смета за тежок празник. Во Гевгелиско мажите работеле, а жените го држеле за празник. Се празнувал за заштита од град. Се верувало дека ако работат град ќе го отепа полето. Поради тоа никако не влегувале во бавчата или во лозјето. Во селото Гореме, Светиврачко, овој ден бил празник на селото. Над селото имало мала височинка што се викала Кукувица и тоа место се сметало за свето место што е под заштита на светиот евангелист Марко. Не се знае од кога, но најверојатно од заселувањето на селото на овој ден, на тоа место се давало курбан за тој светител. Курбаните се колеле денот пред празникот, односно на 7 мај.

Пред да се заколеле курбаните свештеникот читал соодветни молитви. Кога ќе ги заколеле курбаните биела камбаната и престанувал секаква работа: орање, сеење, копање и др. Сите курбани се готвеле во големи селски котли под ридот Кукувица. За тоа време жените готват храна како: оризарник, баница, погача и др. Околу четири часот попладнето ја товареле храната на коњи и целиот народ одел на ридот Кукувица. Таму свештеникот светел вода и сите ги попрскувал со неа. Потоа ги кадел трпезите по што ја ставале храната. Мажите седнувале на софрите, а жените раздавале од храната. Откако ќе јаделе започнувале со ора и песни. На стемнување се враќале во селото каде што продолжувала веселбата до доцна во ноќта. Утрото на 8 мај, на денот на св. евангелист Марко, се служела божествена литургија, а потоа се правела веселба со ора и песни што траела цел ден. Во селото постои и легенда за Св. Марко.

Легендата раскажува дека во турско време на селаните им било забрането на Марковден да одат во месноста Кукувица, и им било наложено вода да светат во селото. На местото Кукувица Турците направиле касарни и тука престојувала војската. Секоја ноќ на начелникот му се јавувал белобрад старец со бела капа на главата и на неа крст, во рацете држел патерица и многу го мачел неговиот син. Начелникот загрижен за страдањата на својот син пошол кај еден старец во селото и му ја раскажал својата мака.

Овој веднаш се сетил дека тоа е светецот кој му се озмаздува затоа што забранил на неговиот ден да одат на местото Кукувица и да светат вода. Потоа повикале и свештеник кој му го кажал истото. Тогаш Турчинот го замолил свештеникот да свети вода на Кукувица и да ги попрска касарните и војниците со светена вода. „Се поклонувам пред тој ваш свет обред“, рекол Турчинот. Оттогаш веќе син му ништо не го мачело. Потоа на селаните им дозволил на ридот Кукувица да го изведуваат обредот и да светат вода како и порано. А кога се приближил празникот Турчинот подарил три овни да ги заколат за курбан на празникот Св. Марко.

Друго народно верување

Според народното верување ако на Ѓурѓовден некој го дочекал утрото во постела или тој ден некој му предал сон – значело дека во текот на целата година ќе биде дремлив, а можеби и болен – тој треба да отспие и на Марковден, зошто така ќе се „излечи“ од поспаност и болест.

Ако не сте дремнале на Св. Ѓорѓи, немојте ни на Марковден зошто цела година ќе бидете троми и поспани.

Значи, ако не сте го преспале Ѓурѓовден, вечерва легнете во некое нормално време, за да се разбудите наутро наспани и весели, а ако сте го преспале Ѓурѓовден вечерва легнете кога сакате и слободно преспијте го и Марковден.

Оркестарот при СОУ Гимназија „Мирче Ацев“- Прилеп на Државниот натпревар оваа година освои Прва награда со 97.5 бода.

Изведе две композиции: „О, bella cıao“ и „Радецки марш“- Јохан Штраус (аранжмани- Татјана Ивановска).

Натпреварот се одржа на 07.05.2026 год. во Кавадарци.

Оркестарот брои 18 ученици, а ментор-диригент е проф. д-р Татјана Ивановска.

Браво за членовите и ментор-диригентот на оркестарот!

Иницијативата за независна култура „500 денари рекет“ ќе се претстави со уште еден настан пред прилепската публика, овој пат концерт на скопската група „Културно Уметнички Работници“.

Концертот ќе се одржи на 09 мај 2026г. во просториите на Урбаната заедница „Варошко маало“ (Општествениот дом „Спиро Забрчанец“) со почеток во 21.00ч.

Сите заинтересирани кои сакаат да го проследат концертот, влезници ќе можат да си купат непосредно пред почетокот на концертот (на врата) по цена од 250 денари.

Повелете на концерт и поддржете ја независната културна сцена со вашето присуство.

ПС. Листата на иницијатори „500 денари рекет“ е отворена за сите граѓани на Република Македонија и секој од вас може да биде дел од неа… задоволството нема цена.

Групата „Културно Уметнички Работници“ постои од март 1999 година. Формирањето на овој состав е резултат на големото дружење во Кафе барот „Браво“ помеѓу членовите на групите „Тотално Опуштање“, „No Name Nation“, „Бомбашки Процес“, „Жолтица на Бродот Баунти“ и „Рок Агресори“. Имено членовите на овие групи преку алкохолна интеракција решија да се состават во една дива орда и со здружени сили да се борат за ширење на рок културата.

Групата има одржано голем број на самостојни концерти и има свирено на сите позначајни фестивали во Македонија и регионот. Меѓу најзначајните настапи се вбројуваат оние на Exit Festivalot, Alarma Punk Jazz фестивалот во Софија, Гитаријадата во Зајечар, Pivo Lend Фестивалот во Скопје, фестивалот Таксират итн. До сега „Работниците“ бината ја делеле со бендови како: Kud Idijoti, Let 3, Rambo Amadeus, Zabranjeno Pusenje, Elektricni Orgazam, Darko Rundek… итн.

Културно Уметнички Работници:
Мирослав Тодоровски – вокал
Трајче Митрески – вокал, гитара
Марјан Китановски – вокал, гитара, усна хармоника
Божо Вучиниќ – вокал, гитара
Владимир Стојчевски – бас гитара
Данко Хаџи Илиев – тапани

Ве очекуваме на 09-ти Мај да го одбележиме Денот на победата над фашизмот.

Во рамките на проектот „Чистиот воздух стандард во градинките во Прилеп“, Ротари клубот Прилеп целосно опреми уште две детски градинки во градот со вкупно осумнаесет професионални прочистувачи на воздух, опремени со најсовремени филтри, произведени од реномиран производител Донацијата беше реализирана на ден 07.05.2026 година.

Во оваа прилика прочистувачи за воздух добија градинките „Тризла“ и „Гоце Делчев“. На овој начин, Ротари клубот Прилеп ја заокружува акцијата за целосно опремување со вакви уреди на вкупно четири детски градинки во градот и интенцијата е проектот да продолжи и во наредниот период.

Вкупната вредност на донацијата во сите градинки е околу 16 илјади евра. Целта е да се обезбеди ниво на суспендирани честици во воздух (ПМ 2.5 и ПМ 10) во градниците на нормалата и да се овозможи децата да дишат чист воздух во градинките кадешто поминуваат поголем дел од денот.

Покрај тоа, прочистувачите обезбедуваат заштита и од вируси, бактерии и алергени, што исто така е многу важно кога станува збор за заштита на здравјето на најмладата популација.

Поради зголемен обем на работа, Burger Boom има потреба од нов работник во тимот!

-Со или без работно искуство
-Предност имаат кандидати со претходно искуство
-Одлична и редовна плата
-Одлични услови за работа
-Пријатна атмосфера и стабилно работно место

Доколку си комуникативен/а, вреден/а и сакаш да бидеш дел од успешен тим – ова е вистинската можност за тебе!

За повеќе информации и пријавување: 077-844-644

Во здравството се пишуваат дежурства за 31 ден работен во февруари, со 24 часа работа, а истовремено се очекува да вложуваме во здравството, вели премиерот, Христијан Мицкоски, и додава дека сите треба многу повеќе да водиме сметка за општиот интерес и интересот на граѓаните. Тој, одговарајќи на новинарско прашање што да очекуваат граѓаните дали ќе има ново проширување на позитивна листа на лекови, најави дека во месеците кои што следат ќе има ново проширување на лекови на позитивната листа.

„Тоа што ние го правиме во здравствениот сектор е нешто кое што не се случувало со години, па и со децении би рекол, вклучително и проширувањето на позитивната листа. Очекуваме во месеците кои што следат нови убави вести за македонските граѓани со нови лекови кои ќе бидат вклучени на позитивната листа. Но, исто така мораме да бидеме свесни дека здравствениот систем е сериозен предизвик за сите нас и како таков мораме да се однесуваме кон него. Ако ние континуирано продолжиме да го исцрпуваме, на начин на кој што го исцрпуваме во моментот, а истовремено да очекуваме квалитетни услуги и сервис, тоа е невозможно“, рече Мицкоски.

Тој кажа дека конечно е дојдено време кога треба да си го поставиме прашањето што можеме ние да направиме за татковината, а не татковината за нас.

„Ние како влада ќе сториме сè што е во наша моќ да ги заштитиме интересите на граѓаните и државата, но очекуваме такво однесување буквално од сите, затоа што ние не можеме да се однесуваме како поединци, не велам дека тоа е пракса, во здравството се однесуваат да речеме, се пишуваат дежурства итн. за 31 ден работен во февруари, со 24 часа работа, а истовремено да очекуваме да вложуваме во здравството. Така што ќе треба и ние многу повеќе да водиме сметка за општиот интерес и интересот на граѓаните“, рече Мицкоски.

Денеска територијата на Македонија ќе биде под влијание на облачна маса која ќе донесе врнежи од дожд во повеќе региони. Според метеоролошките прогнози, на одредени места времето ќе биде нестабилно, со појава на пороен дожд, грмежи и засилен ветер.

Постојат услови овие процеси краткотрајно да се развијат во форма на невреме. Температурниот опсег ќе се движи од минимални 5 до максимални 21 степен во текот на денот.

Во Скопје се очекува слично време – претежно облачно со повремени врнежи. Во делови од котлината ќе има услови за појава на грмежи и засилен ветер, со максимална температура до 20 степени.

Што се однесува до наредниот период, метеоролозите најавуваат продолжување на променливото време. Попладневните часови ќе бидат карактеризирани со честа локална нестабилност, проследена со дожд и грмежи.

Локално, процесите ќе бидат поинтензивни. Се очекува краткотрајно невреме со пороен дожд и силен ветер и во деновите што следат.