На интернет продавниците се повеќе се продаваат паметни часовници кои се рекламираат како “часовници за полесно учење“, односно за поуспешно препишување.

Часовниците кои се продаваат кои се продаваат на Амазон се мал дел, затоа што е во прашање голем пазар, оа овие уреди, освен што помагаат во лажење, претставуваат и ноќна мора за професорите, вели Џо Сидерс, заменик директор на средно школо во Бат, Англија. Тој вели дека со ваквите часовници лесно се лаже, затоа што имаат копче за итни случаји, односно со еден клик, место текст за препишување ќе се покаже точното време, така што професорите тешко ќе може да ги фатат учениците.

Во зависност од моделот, овие часовници имаат 4 или 8 гигабајти меморија, на нив може да собере голема количина, текстови, слики и видеа, а некои се продаваат и со минијатурна слушалка, за уште полесно лажење на тестовите. Освен учениците, Џо смета дел од кривицата сносат и он-лајн продавниците, кои овие часовници ги рекламираат како часовници за препишување. Така што веќе ни резултатите на испитите не може да се сметаат за веродостојни.

Тој се надева и дека ќе има се повеќе медиумско внимание за овој проблем. Во некои школи и факултети во текот на испитот забрането е носење часовници.

Денеска во еднодневна посета на општина Прилеп беше амбасадорката на Босна и Херцеговина  Лепа Бабиќ и членот на претседателството на БиХ од Република Српска д-р Младен Иванич. Делегацијата го посети Економски факултет и присуствуваше на дел од предавањата наменети за студентите. Веднаш потоа пристигнаа во општина Прилеп каде остварија средба со градоначалникот Марјан Ристески.

Градоначалникот Ристески, амбасадорката Бабиќ и д-р Иванич, разговараа за актуелните состојби во двете држави, а посебно внимание беше посветено на економската соработка. Тројцата се согласија  дека од особена важност е да се развива економската соработка поинтензивно и да се постигне ново повисоко ниво.

На денешната средба стана збор и за тековните проекти, активности и настани, а гостите беа запознаени и со проектите кои треба да бидат реализирани во иднина.

Рекреативно и во опуштена атмосвера, делегацијата го посети и манастирот “Св. Архангел Михаил“ во населба Варош.

Во рамки на караванот посветен на проектите „Купи куќа за млади“ и „Купи куќа, купи стан“ утре ќе се одржат презентации во Прилеп (општина/16:00), Крушево (ОУ „Никола карев“/17:00) и во Македонски брод (општина/17:00).

Како што соопшти Министерството за финансии, караванот е планирано да одржи презентации во 30 општини. Следните презентации се во Куманово, Кратово, Крива Паланка, Кавадарци, Неготино, Демир Капија, Струмица, Радовиш, Тетово, Гостивар, Кичево,  Берово и Дебар.

Македонските сили вратија стотици бегалци назат во Грција. Вчера околу 1500 бегалци со инструкции од грчка страна ја преминаја македонската граница и неконтролирано влегоја во државата, сакајќи нелегално да ја преминат нејзината територија.

Од извори дознаваме дека 700 мигранти кои биле пронајдени преку ноќта се вратени назат во Грција, преку истото место од каде што влегле во нашата држава.

Околу 14 000 мигранти се наоѓаат на Идомени, а нивниот број постојано се зголемува.

Македонија до сега не доби поддршка од Европската Унија, и сама со крајни напори успева да ја одбрани Европа од инвазија на мигрантите, кои се се повеќе агресивни и прават се поголеми проблеми.

А.Г.

Автомобил бомба експлодира во центарот на Берлин, при што најмалку едно лице загина, пишува „Дејли експрес“.

Експлозијата се случила во 8 часот утрово по локално време во предградието Шарлотенбург. Според полицијата експлозијата најверојатно била предизвикана од експлозивна направа сместена во возилото, иако истрагата сеуште е во тек.

Јачината на експлозијата наводно го кренала автомобилот во воздух, а остатоци од колата има по целата улица Бизмаркштрасе во западниот дел од градот.

Возачот бил најден мртов во возилото. Засега нема информации за други повредени или за други жртви.

Засега истрагата сеуште е во тек. Полицијата на Твитер објави дека досега не се најдени други експлозивни направи и дека е безбедно да се отворат прозорците.

Асошиејтед Прес пренесува дека не е сосема јасно зошто агентите се качија на бината и го опколија Доналд Трамп кој очигледно беше исплашен откако се слушна како некој од публиката вреска позади Трамп.

Четири агенти на тајната служба набрзина се качија на бината додека публиката скандираше „Трамп! Трамп! Трамп!“. А, набрзо потоа брзо се симнаа. Трамп не објасни за што се работи, но рече „Фала на предуредувањето. Бев спремен за нив, но многу е подобро кога полицајците ќе ги средат, нели?“.

Потоа го заврши говорот без инцидент.

Веднаш потоа, локалните медиуми во Охајо пренесоа дека Трамп го откажал митингот во Синсинати од безбедносни причини. Претходно го откажа и собирот во Чикаго откако илијадници собрани се поделија во два спротивни табори – поддржувачи и противници на неговата кандидатура.

Mостови кои се невидливи за најсовремените радари ќе се градат во Русија.

– Мостовите ќе ги гради руското Министерство за одбрана заедно со индустриски комплекс. Компаниите ќе извршуваат научно-истражувачки работи без материјална поддршка од државата. Во изградбата на мостовите ќе бидат вклучени експерти од Воената академија за материјално-техничко одржување, изјави рускиот заменик министер за одбрана, генерал Дмитриј Булгаков.

Конструкциите на мостовите ќе бидат составени од композитни и други нови материјали, што ќе придонесе за намалување на нивната маса, зголемување на носивоста и должината. Новите материјали ќе овозможат и полесно склопување на мостовите.

Летот со авион се смета за еден од најбезбедните начини на патување. Но несреќите сепак се случуваат, а местото на кое што седите во голема мерка може да ги зголеми шансите да преживеете без поголеми последици.

Магазинот „Тајм“ направи детална анализа на 17 авионски несреќи во последните 30 години за да открие кои места се најсигурни во авионот. Изненадувачки, за најсигурно место во авионот се смета средниот ред во „опашката“ на железната птица.

Средината на авионот низ историјата се покажала како најфатална за дел од патниците. Смртноста во предниот дел од авионот изнесува околу 44 отсто во однос на страничниот дел од авионот каде таа е само 28 отсто, истакнуваат во магазинот.

Исто така како сигурни се сметаат и двата реда што се најблиску до излезот во случај на опасност, со оглед на тоа дека патниците на овие места имаат можност најбрзо да излезат од авионот.

Секако, секогаш треба да се почитуваат протоколите за безбедност во авионот и да се врзете со сигурносен појас каде и да седите.

Во магазинот истакнуваат дека споменатите места не ги спречуваат повредите и смртноста, туку се покажале како „најсреќни“ во последните три децении на авионските несреќи.

Традиционалните карнeвалски случувања се заокружија денес на чист понеделник со заеднички ручек, со пресен грав на организаторте и нивните гости и учесници. На оваа традиционална средба присуствуваше и градоначалникот Марјан Ристески кој ги поздрави присутните, посочувајќи дека зад нас оставивме уште еден добро организиран јубилеен карневал, кој останува забележан и за идните генерации. На гостите им посака многу здравје и среќа.