,,Емоции,,е изложбата на слики од Билјана Бинчев, што ќе биде отворена во четврток 17.3.2016 во 19 часот во ликовниот салон на ЦК,,Марко Цепенков,, во Прилеп. Ова е нов циклус на слики со кои уметницата Билјана Бинчев за првпат се претставува пред љубителите на ликовната уметност во родниот Прилеп.

 Преку делата Бинчев ја изразува нејзината емотивна состојба.

– Го пренесов на платното она што длабоко и интимно го чувствував во себе. И самите посетители ќе забележат дека жената е мојата преокупација во сите нејзини состојби. Се надевам она што го понудив ќе им се допадне на моите сограѓани – вели Бинчев.

Бинчев има завршено Педагошки факултет во Битола, а подоцна и ФЛУ во Скопје во класата на професорот Јован Шумковска. Дипломирала 2014 година, при што е добитник на наградата за постигнат највисок просек и одлични резултати во студирањето.

Имала самостојни изложби во Кавадарци и Неготино, а учествувала на повеќе групни изложби, на ликовни колонии и член е на ДЛУП и ДЛУМ.

Бермудскиот триаголник секогаш привлекува големо внимание кај јавноста и за него има различни теории.

Кучињата се познати како најдобрите пријатели на луѓето, но не секогаш е така.

Иако кучето може и ветило дека ќе го чува и штити бебето секогаш, сега се предомисли малку.

Огромно мнозинство Австријци го поддржуваат затворањето на балканската рута за бегалци и остриот курс на австриската Влада во бегалската криза го сметаат за добар, јави Танјуг.

Истражувањето на јавното мислење, по повод неодамнешното гостување на австрискиот канцелар Вернер Фајман на австриската државна телевизија ОРФ, покажува дека дури 85 отсто од Австријците затворањето на балканската рута го сметаат за исправно решение.

Само 12 отсто мислат дека затворањето на рутата преку Македонија, Србија, Хрватска и Словенија кон Австрија е погрешна одлука.

Уште поубедлив е одговорот на Австријците на прашањето дали австриската Влада треба и натаму да ги спроведува националните мерки се додека нема европско решение. Националните мерки ги поддржуваат дури 86 отсто од Австријците.

Исто така, 83 отсто од Австријците веќе не веруваат дека е можно 28-те земји членки на ЕУ во следните недели да се договорат за заедничко решение за стопирање на бранот бегалци.

Баба Ванѓа ја предвиде чернобилската катастрофа и терористичкиот напад врз Америка.

Така таа го предвиде издигнувањето на Исламската држава и цунамито во 2004 година. На луѓето им е непознато каква е оваа жена и каков живот водела. Нејзиното вистинско име е Вангелија Пандева Гуштерова, родена во Македонија. Се смета за еден од најголемите пророци во новата историја на Балканот.

Кога имала 12 години, Ванѓа ја напуштила родната Струмица и започнала живот во Бугарија. Една година подоцна била тешко повредена во олуја, по што и ослабнал видот, кој до 16 роденден целосно го изгубила.

Несреќата е почетокот на нејзините пророчки способности и визиите. До полнолетството живеела во санаториум во близина на Белград, а во 1940 останала без татко и фамилијата паднала во тешки финансиски проблеми.

Тогаш открила дека има способност да комуницира со светци, и во 1941 година за прв пат излегува во јавноста говорејќи дека следуваат многу страшни нешта. Тоа навистина се случило, германскиот Вермахт (вооружените сили на нацистичка Германија) на 6 април ја нападнале Југославија.

Луѓето се повеќе доаѓале да ја прашуваат за совет или услуга, кај која доаѓале голем број на политичари и јавни личности. Почина на 11 август 1996 година во Софија, а закопана е во својата црква што се изгради пред да умре. Во близина на нејзината куќа во Петрич е изграден Музеј на Баба Ванѓа во 2008 година.

Папата Франциско вчера го потпиша декретот за канонизација на носителката на Нобеловата награда за мир и светски познатата мисонерка Мајка Тереза од Калкута, која на 4 септември ќе биде прогласена за светица, јавија француските медиуми.

Мајка Тереза во 2003 година беше прогласена за блажена. Таа веќе е ставена во канонскиот календар на 5 септември, датумот кога почина.

Местото на канонизацијата се уште не се прецизира. Индиската католичка црква инсистира папата канонизацијата да ја изведе во Калкута, но повеќе извори од Ватикан уверуваат дека таквото патување не е во неговиот дневен ред и дека канонизацијата ќе се одржи во Рим.

Канонизацијата е официјално признавање од страна на Црквата дека посочениот човек е во рајот. За да се дојде до таа цел човекот треба да е извор на две чуда пред својата смрт – едно за прогласување за блажен и едно за канонизација. Чудата се сметаат за знаци на неговата блискост со Бога.

Кај Мајка Тереза Римокатоличката црква призна чудо во 2002 година, што доведе до нејзиноо прогласување за блажена, а во декември минатата година Црквата и го призна чудотворниот карактер, што и се припиша на оваа монахиња од албанско потекло, родена во Скопје, за исцелувањето во 2008 година на еден 35-годишен бразилски инженер од мноштво тумори во мозокот.

Класичен дебакл на протестот кој вечерва го организираше СДСМ. Само стотина партиски активисти и соросови платеници вечерва останаа пред Музејот на македонската борба откако увидоа дека граѓаните нема да дозволат Заев пред нивни очи да атакува на државните институции.

Сите граѓани кои СДСМ со автобуси ги носеше од Струмица и Куманово веќе тргнале кон дома. Си заминува и администрацијата која опозициската партија под притисок денеска ја извади на протестот.
На терен останал Петрит Сараќини и уште неколку активисти на СОРОС кои држат говори пред не повеќе од стотина граѓаните.

На другата страна пред Уставниот суд од момент во момент доаѓаат се повеќе граѓани и групата се зголемува. Граѓаните таму велат дека се задоволни што успеале вечерва да ги одбранат институциите.

„Нема да дозволиме Заев пред наши очи да ја урива државата. Остануваме тука колку што треба. Секогаш која ќе помислат дека можат да си играат со Македонија нека се сетат дека ние сме тука и тоа нема да го дозволиме“ – велат граѓаните.

Обединетите нации официјално потврдија дека македонската државјанка Анита Андреевска Митровска е една од жртвите во терористичкиот напад во предградието на главниот град на Брегот на Слоновата коска Абиџан.

– Мисијата на ОН во Брегот на слоновата коска и програмата на ОН за волонтери со жалење известува за смртта на волонтерката на ОН која служеше како цивилен персонал во инженерската служба на Мисијата на ОН во оваа држава.

Анита Андреевска Митровска беше убиена во нападот што се случи во неделата на 13.март во Гранд Басам, во предградието на Абиџан, се вели во соопштението од ОН од Бон.

Од Министерството за надворешни работи се уште не се огласија со информација за овој случај. Во меѓувреме, пријателите и познаниците на Андреевска на социјалните мрежи споделуваат пораки на сочувство.

Од ОН велат дека Андреевска Митровска во Брегот на слоновата коска пристигнала лани во декември како менаџер на Кампот. Претходно од 2012 до 2015. година таа работела во Авганистан.

Во терористичкиот напад во туристичкото место Гранд Басам во неделата загинаа 16 луѓе. Одговорноста за нападот за презеде фракција на Ал Каеда.

Токсините влегуваат во нашите тела од различни извори, од загадувањето на внатрешниот и надворешниот воздух, од пушењето, од пестицидите, од храната која содржи вештачки состојки и други. Често се случува токсините да го напушти телото, туку да се акумулира во него.

Ако вашето тело е полно со токсини, тоа може да се препознае од следниве седум знаци. Ако ве измачува и само еден од овие симптоми, тоа може да укажува на премногу токсини, а ако чувствувате повеќе од три, можете да бидете сигурни дека на вашето тело му треба детоксикација.

1. Несоница

Акумулацијата на токсини (особено акумулацијата на естроген) е честа причина за несоница. Ако имате проблеми со спиењето, тоа може да значи дека ви треба чистење на црниот дроб, бидејќи несоницата често се поврзува со проблеми со црниот дроб. Пијалоците од брокула, карфиол и сличен зеленчук ќе ви помогне во чистење на црниот дроб.

2. Летаргија

Ако сте уморни и мрзеливи, а чувството на летаргија ве следи во текот на денот, исто така треба да размислите за детоксикација. Ако се обидете недостатокот на енергија да го надополните со стимуланси, како што се кофеинот и тауринот, само ќе го влошите проблемот. По краткото чувство на поголема будност, ќе дојде до ненадеен пад на тоа чувство, а потоа ќе се чувствувате поуморни од порано.

3. Главоболки

Хроничните главоболки што секогаш се враќаат може да алармираат на прекумерна количина на токсини во телото. Задржувањето на токсините е една од најголемите причини за главоболка и мигрена. Треба да се знае дека во текот на процесот на детоксикација може да се влошат главоболките, но откако детоксикацијата ќе заврши, треба целосно да исчезнат или барем значително да се намалат.

4. Проблеми со кожата

При отстранувањето на токсините од телото помага и најголемиот орган во нашето тело, кожата. Ако главните органи за отстранување на отровите не работат како што треба, тогаш на помош доаѓа кожата. Дека телото се обидува да се исчисти од токсините може да се прпознае и по необичните состојби на кожата, како што се осип и мозолчиња или акни. Многу проблеми со кожата укажуваат на тоа дека на телото му треба чистење.

5. Жолт или бел јазик

Јазикот е важен индикатор за откривање на токсините во телото. Храната што содржи токсини може да ја наруши деликатната слуз на дигестивниот систем вклучувајќи го и јазикот. Ако на површината на јазикот е видлив бел или жолт слој, речиси е сигурно дека  дигестивниот систем се бори против токсините.

6. Масно ткиво во пределот на стомакот

Отровите, кои ги консумираме преку храна и пијалок, и токсините што го дишеме може да предизвикаат насобирање на телесните масти на стомакот. Ова се случува затоа што многу отрови, што остануваат во телото се во абдоменот и остануваат таму. Тие може да се отстранат само со детоксикација.

7. Чувство на топлина

Еден од природните начини на кој телото го отстранува хемискиот отпад е потењето. Кога во телото има премногу токсини, тоа ќе се „прегрее“ во обид да ги исфрли преку потта, па поради тоа постојано се чувствувате дека ви е топло дури и кога е ладно надвор.

Почитувани планинари, љубители на планината.
ПСЗ „Козјак“ – Прилеп на ден 10.04.2016 недела, организира традиционален марш посветен на основоположникот на планинарството во Р. Македонија , Даре Џамбаз.

Оваа атрактивна патека е во должина од 16 км. и изобилува со културно историски споменици.

Релација : Прилеп – с.Дупјачани – Сурун-Старо македонски гробници – Горно Село- ман. св Богородица(Трескавец) – Маркови Кули – карпести гробници – ман.св Архангел Михаил – црква св. Димитрија – Амфи театар ( Варош ).

Програма :
06:30 – 07:00 – Собирање на учесниците на плоштад Александрија (пред Реклами) ,собирање на листите на учесници и разговор со водичите на организираните групи и останатите учесници.
07:00 – Тргнување од плоштад Александрија
07:30 – Пристигнување на групата во с. Дупјачани и старт на маршот.
12:00 – Пристигнување во ман. св. Богородица „Трескавец” каде е обезбеден ручек.
13:00 – Тргнување од Трескавец кон Маркови Кули и Варош.
17:00 – Затворање на маршот, доделување на благодарници за учество.

НАПОМЕНА :
ЗАДОЛЖИТЕЛНО ПРИЈАВУВАЊЕ НАЈДОЦНА ДО 08.04.2016, ПОРАДИ ОРГАНИЗАЦИСКИ ПОТРЕБИ!!! ИСТО ТАКА ТРЕБА ДА СЕ ПОТПОЛНИ И ЛИСТА НА УЧЕСНИЦИ КОЈА СЕ ПРЕДАВА ОРГИНАЛ ПРЕД ПОЧЕТОКОТ НА МАРШОТ НА ОРГАНИЗАТОРОТ. ЛИСТАТА Е ДОСТАВЕНА ВО ПРИЛОГ.
Потребно е секој учесник да понесе прибор за јадење.
ПСЗ „Козјак“ – Прилеп обезбедува ручек за секој учесник.

https://drive.google.com/file/d/0B21KBIAD8qo4bm9DZkd2LW81YTg/view?usp=sharing

ПРЕВОЗОТ Е ОРГАНИЗИРАН од Прилеп до с.Дупјачани по цена од 50 ден. по учесник.
Патеката е средно тешка и е маркирана.
Пријавување најкасно до 08.04.2015 Петок.
Подетални информации на :
тел. броеви
075/ 609-821 – Бојан
071/ 460-322 – Благоја