Tуристичката Агенција Орбита од Прилеп е свежина во туристичкиот сектор што нуди единствени можности за патување, уникатни дестинации и најдобри аранжмани. 14 годишното постоење е повеќе од доволно за да им ја дадете вашата доверба. За деновите кои ги чекате целата година, за вашите летни одмори или планирани патувања, дозволете да се погрижи некој што работи пред се со љубов, посветеност, некој што во прв план ги има желбите и потребите на своите клиенти.

Понудите за летото кое претстои ги опфаќаат сите атрактивни дестинации на соседните морски ривиери. Во Грција одморете на Халкидики, Олимписката ривиера, уникатните грчки острови и секогаш привлечниот Јонски брег. Во соседна Бугарија резервирајте за луд и полн со забава одмор во Сончев брег, Златните песоци, Несебар и Албена.

[Best_Wordpress_Gallery id=”203″ gal_title=”ORBITA-2″]

Ако сакате уште повеќе сонце тука е Кушадаси во Турција, а ако сте вљубеници во Јадранот, Црна Гора со Будва, Чањ и Сутоморе, е дестинацијата за вас.

За сите рани резервации Туристичката Агенција Орбита нуди попусти и разни поволности.

Во нивното работење вклучуваат и автобуски превоз до Србија, Албанија, Црна Гора и Германија, како и авионски билети за целиот свет.

За студентите, студентски авио билети за САД, со реномираната компанија Turkish Airlines.

За Велигденските празници ТА Орбита нуди аранжмани за голем број европски метрополи. Отпатувајте за Рим, Венеција, Фиренца, Барселона, Париз, Краков, Будимпешта, Милано, Азурниот брег, Истанбул, Стразбург, Виена.

Орбита е единствена можност за млади. Супер привлечни цени за Првомајско патување во Паралија, како и Лето 2016 на Грчката Ибица или островот Иос, оазата на лудата забава островот Кавос и најголемото одморалиште на турско-егејската обала, Кушадаси.

Богатата понуда за патување и летување ја надополнуваат и организираните патувања за концерти. Mоментално активна е можноста да се посети концертот на виолинистот Andre Rieu во Будимпешта, уметникот чија музика го обиколи светот.

Туристичка Агенција Орбита е тука и за визни посредувања и олеснувања за далечните САД, Австралија и Канада.

Сето ова ги прави единствени, уникатни, препознатливи и привилегирани. Заокружете ја потрагата по вашиот туристички организатор. Посетете ја Турискичката Агенција Орбита, лоцирана на адреса: Александар Македонски 125 Прилеп, веднаш до Стара Црква. За подетални информации посетете го веб сајтот на агенцијата http://www.taorbita.com.mk/ и нивната фејсбук фан страна: https://www.facebook.com/TAORBITA/?ref=aymt_homepage_panel&__mref=message_bubble

Патувајте во светот на орбитата!

А.Г.

Учениците од СОУ “Ѓорче Петров” кои што освоија медаљи на Државното училишно првенство во карате беа на прием кај директорот Дејан Димоски. На првенството СОУ “Ѓорче Петров” Прилеп беше второпласирано во листата на најуспешни училишта. Андреј Ристески го освои првото место во категоријата кумите  до +76 кг, Константин Василески се закити со трето место во истата категорија под 70кг, кое го подели со уште еден ученик Звонко Николоски, кој освен во борби беше второ пласиран и во кати. Во женска конкуренција Кириана Камческа го освои првото место во кати.

Ова се случува постојано на патиштата во Русија. Гладни и неодоливи мечки со мил поглед ги запираат возачите и бараат храна. Едноставно невозможно е да се одолее на ваков поглед. Погледнете го видеото !

А.Г.

Од 6 до 10 април, градот под Марковите кули ќе биде домаќин на уште еден спортски настан од светски калибар. Имено погодната конфигурација на  теренот околу градот овозможи Прилеп да се етаблира на светската карта  за екстремни спортови па така љубителите на болдерингот ќе можат да ги користат неколкуте прилепски локалитети како Марковите Кули,  Камена баба и  Трескавец за адреналинско спортување и афирмативно дружење со повеќе од 100 учесници од целиот свет.

Досегашното искуство на болдеристите вели дека Прилеп е неодминлива  дестинација за овој спорт  и како терен и како добар организатор на овие настани  па затоа спортистите редовно се враќаат. Градоначалникот Марјан Ристески изрази задоволство што Прилеп  секоја година прераснува во една светска дестинација за екстремни спортови, а со тоа има потенцијал и за развој на спортскиот туризам. Оваа година на „Krali Marko Boulder Maraton 2016“ за прв пат ќе биде претставена новата дисциплина насловена како „Highline Meeting“.

Учесниците ќе бидат сместени во камп кој се наоѓа во близина на самиот локалитет „Трескавец“.

Откако се родија, принцот Џорџ (2) и неговата 11 месечна сестра Шарлот се трн во окото на Камила Паркер(68).

Војвотката од Корнвол и сопруга на принцот Чарлс (67) децата наводно многу ја потсетуваат на принцезата Дајана, поради што Камила крај нив не се чувствува пријатно.

Анимозитетот го забележале и принцот Вилијам (33) и Кејт Мидлтон(34), па наводно не сакаат „бабата“ да биде со децата без надзор.

-Камила смее да ги гледа децата само е со сопругот Чарлс – вели извор близок на британското кралско  семејство. Камила наводно се почесто се кара и со сопругот, бидејќи Чарлс, поради љубовта кон внуците секогаш застанува на страната на Кејт, а Камила ја игнорира.

-Камила не успеа да се избори за наклонетост на народот, а малиот принц и принцеза уште повеќе ја турнаа во втор план. Затоа е љубоморна и повредено и е егото -пишуваат Англичаните.

Овие здрави намирници ќе ја задоволат вашата дневна потреба за шеќер, а притоа нема да му наштетат на вашето здравје. Шеќерот во прехранбената храна предизвикува побрз раст, но и брз пад на гликозата во крвта, а тоа создава поголема потреба за слатки и така се запаѓа во магичниот круг. Намалете ја потребата за шеќер така што ќе ги јадете овие намирници.

1. Јаболко

Ова можеби е најдоброто овошје за задоволување на желбата за слатки. Нема потреба да го лупите, бидејќи во неговата лушпа се кријат голем број витамини. Дури и киселите јаболка содржат многу здрави јаглехидрати. Ова овошје е богато со прехранбени влакна, кои даваат чувство на ситост и го намалуваат гладот.

2. Домат

Доматот е делотворен против желбата за шеќер, бидејќи содржи големо ниво на триптофан – материја која телото ја претвора во серотонин. Овој плод е богат и со хром, минерал кој ја намалува желбата за храна и го регулира нивото на холестерол и гликоза во крвта.

3. Пченка

Пченката е уште една намирница која може да ви помогне во „одвикнувањето од шеќерот“. Посебно добро ја потиснува желбата з слатко кога е зготвена. Богата е со антиоксиданси, витамини, минерали и прехранбени влакна. Освен желбата за шеќер ја намалува и желбата за глад.

4. Сладок компир

Уште еден зеленчук кој може да ви помогне е слаткиот компир. Оваа намирница нема само да ја задоволи вашата потреба за слатки, туку и додатно ќе му обезбеди на организмот витамини Ц, Д и Б6. Хранливите материи во слаткиот компир може да ги спречат болестите на срцето, ракот и други дигестивни проблеми.

5. Цимет

Циметот е фантастичен зачин кој има извонреден мирис и вкус, па може да го додадете во многу јадења. Циметот одлично помага против желбата за слатки. Овој зачин ги спречува ненадејните осцилации во нивото на гликоза кои придонесуваат за желбата за слатки и со тоа ја одложува потребата за внесување нова порција шеќер.

Еден од најдобрите фудбалери на сите времиња Роналдињо, кариерата ќе ја продолжи во втората перуанска лига.

Славниот Бразилец одлучи да настапува за клубот Sijensijano, па неговите фанови и публика на тамошните терени ќе можат да уживаат во магијата на 36 годишниот мајстор.

Би било вистинска штета да се повлечи, затоа што неговите дриблинзи, голови од слободни удари, потези, брзи продори, своевремено беа ремек дела.

А.Г.

Toj служи за откривање и распознавање на различни објекти, подвижни и неподвижни цели, уништување на оклопни тeхники, хеликоптери и нисколетачки авиони со мала брзина.

На интернет се појави видео снимка на рускиот хеликоптер во близина на сирискиот град El Karjatejna.

Рускиот хеликоптер Ка-52 “алигатор” прв пат е снимен во акција, пренесува телевизијата “Rusija 24”.

“Снимката е направена во близина на градот El Karjatejna, кој во неделата беше ослободен од терористите.

На снимката се гледа ‘aлигатор’ кој уништува цели со непознати реактивни гранати”, се наведува во телевизискиот прилог.

Прв пат Ка-52 се забележани во Сирија на 16 март, иако немаше потврдени податоци за нивното праќање таму.

Хеликоптерот К-52 “алигатор” е модификација на ударниот хеликоптер Ка-50 “црна ајкула”.

A.Г.

Рано утринава на 27 годишна возраст почина Љупчо Црвенковски, објави порталот Мотори.

Младиот моторџија Љупчо Црвенковски од Прилеп боледуваше веќе извесно време, за него се организираше и хуманитарна акција, а многумина од нас помогнаа преку броевите за донации. За жал тоа не беше доволно, Љупчо не ја издржа борбата со подмолната болест и утринава замина од овој свет.

Погребот ќе се одржи утре (05.4.2016) на новите гробишта во Прилеп со почеток од 14.00 часот.

Нека почива во мир!