Градоначалникот Марјан Ристески, денеска додели нови решенија за легализација, заклучно со кои досега се легализирани околу 8.500 дивоградби, од вкупно поднесените 15.367 барања за добивање на правен статус на објектот. Градоначалникот Ристески, присутните уште еднаш ги потсети на големиот бенефит што граѓаните го добиија со Законот за легализација.
Како мало потсетување, во општина Прилеп во првиот рок беа поднесени вкупно 15.367 барања за легализација на бесправно изградени објекти, позитивно решени се 7.649. Во продолжениот рок, поднесени беа повеќе од 2.000 барања.
Рокот за поднесување на новоподнесените геодетски елаборати е до 31 декември 2017 година.
Денеска во просториите на општина Прилеп се оддржа третиот работен состанок во рамките на проектот „Енерџинет“ финансиран од европската унија.
На состанокот учествуваа партнерите кои го спроведуваат проектот од Република Македонија и Република Грција, Општините Велес и Прилеп. Гостите ги поздрави и градоначалникот Марјан Ристески кој посочи дека проектот „Енерџинет“ е прв од овој вид во прекугранична соработка помеѓу двете земји и е добра основа на која сите учесници во иднина ќе можат да се потпрат при имплементацијата на проекти од енергетската ефикасност, но и можност за соработка со која постои отворена опција во иднина да се започне со нови проекти.
Проектот за енергетска ефикасност е во висина од 760 илјади евра, кои ќе бидат распределени меѓу петте општини. Освен план за одржлива енергија, во секоја од општините ќе се отворат и енергетски канцеларии, од каде тие ќе црпат информации од областа на енергетската ефикасност.
Често пати предупредувањето:”Не правете го ова дома”,се зема несериозно, наместо како вистинска опасност, но ова неверојатно видео со настап на Александар Магала во британската емисија “Јас имам талент”, ќе ве натера предупредувањето да го земете озбилно. Навистина ќе ви се заледи крвта во жилите, кога ќе видите што прави ова момче.
Доколку сте плашливи или имате слабо срце, подобро немојте да го гледате ова видео, затоа што точката во која млад голтач на мечеви од Молдавија го ризикуваше својот живот од првата до последната секунда, никого, ама баш никого нема да го остави рамнодушен.
Децата прашуваат македонски полицаец: тато, кај кого те праќаат да те мава со камења денес, СДСМ или на граница?, напиша на својот ФБ профил новинарот Цветин Чилиманов.
Во вчерашните насилни протести на СДСМ и СОРОС беа повредени најмалку петмина полицајци.
Илија Несторовски, фудбалско име за кое со гордост се зборува, име кое испишува брилијантна фудбалска сторија. Од локален херој и љубимец на прилепската публика, до најдобар стрелец во хрватското фудбалско првенство. Нашиот Иле созреваше низ годините и прерасна во голем амбасадор на Прилеп, на Македонија и во светла точка во Македонската фудбалска репрезентација. Сајните настапи и полнењето на противничките мрежи, вклучувајќи ја и онаа на моќниот Динамо Загреб, му обезбедија виза во италијанската Сериа А. Од лето Несторовски се сели на Сицилија во Палермо, а токму тоа е најголема причина за нашиот интервју разговор.
Градот под Марковите Кули е добро запознаен кој е Илија Несторовски, каде започна и како се движеше неговата кариера. Но еве да ги потсетиме сите до сега неупатени, кои беа твоите чекори на градење на фудбалско име и каде сметаш дека го направи најголемиот отскок во твојата досегашна кариера?
Моите први чекори во фудбалот ги направив на 7-годишна возраст во приватните фудбалски школи во Прилеп, додека на 13 години за прв пат зачекорив во домашниот клуб Победа.
Колку време си надвор од државата и каде најубаво си се чувствувал додека си настапувал?
Надвор од Македонија сум од 19 годишна возраст и секако најдобро се чуствувам сега во Хрватска во мојот сеуште актуелен клуб Интер Запрешич.
Кој е твоја најголема поддршка во животот и спортот?
Најголема поддршка во животот имам од своето семејство, без нив сето ова не би било возможно.
Моментално си еден од најдобрите во хрватското фудбалско првенство, како се носиш со тој примат и како на тоа реагира хрватската фудбалска јавност и фановите на клубот?
Па моментално сум најдобар стрелец во хрватскиот шампионат, а со тоа стекнав и голема популарност во хрватските медиуми.
Македонската фудбалска репрезентација беше местото каде многумина те гледаја уште од многу одамна, сепак повикот дојде многу подоцна. На што се должи тоа?
Мое мислење е дека не е ни важно кога дојде повикот за настап во репрезентацијата. Сепак сега сум тука, ќе ги бранам црвено-жолтите бои и ќе дадам се од себе за подобрување на тој очаен ранкинг, бидејќи не го заслужуваме тоа.
Од ова лето се селиш во редовите на Палермо. Како ја дочека таа одлука на Италијанците да те ангажираат во нивните редови, имаше ли големо славење и дали тоа значи дека Трајковски веќе има нов цимер на Сицилија?
Одлуката на Палермо да ме ангажира во нивните редови, секако ја дочекав со воодушевување, токму така, нов цимер на Трајковски ќе бидам јас.
Како Несторовски работи на темпирање на својата форма и брзина?
Покрај секојдневните обврски кон клубот, одвојувам доста време и за додатни тренинзи со приватен тренер и сметам дека тоа е клучот за успехот.
Дали трансферот во Палермо е можеби остварување на твојот сон да настапуваш во една од најпознатите европски лиги Сериа А или твоите желби беа насочени кон некое друго првенство?
Имав многу други понуди, кои доаѓаа од други фудбалски лиги. Кога слушнав дека Палермо е заинтересиран за моите услуги, без ни малку размислување прифатив, бидејќи токму така, мојот сон беше да заиграм во Сериа А.
Што според тебе му е потребно на македонскиот фудбал да застане на здрави нозе, како на клубски така и на репрезентативен план, дали секогаш финансиите се главниот проблем или пред се потребно е добро кадровско екипирање? Па гледаме дека моменталната состојба во македонскиот фудбал се менува на подобро. Постои напредок во позитивна смисла во квалитетот на натпреварување, а за тоа заслужни се вложувањата во Вардар и Шкендија. Сметам дека ако се продолжи во таков ритам и ако и другите клубови го следат таквиот пример, и македонската лига и репрезентацијата ќе бидат на едно повисоко ниво.
Кој е патот на успехот за Илија Несторовски?
Верба во себе и никогаш да не се откажуваш од нештата кои те прават среќен.
Што е твоја желба, план за во иднина?
Пред се посакувам да ме служи добро здравјето, а другото ќе си дојди само по себе.
Во петок и сабота 15 и 16 април, со почеток од 20.30 часот во Кино Мис Стон ќе се одржи премиера на новиот македонски филм “ЏГАН”.
За филмот
“Низа од свирепи околности претвораат тивко и повлечено момче во суров, бескомпромисен водач на група отфрлени штитеници од дом за деца без родители. Заедно, тие тргнуваат во слепа одмазда кон светот зад нивните ѕидови, што им нанел само болка и страдање. Светот во кој за нив, постои само едно, заедничко име – ЏГАН.”
ЏГАН е дебитантскиот игран филм на режисерот Вардан Тозија. Македонски продуцент на филмот е Дрим Фектори, ко-продуцент на филмот е Red helicopter films од Албанија. Филмот е финансиски поддржан и од Агенцијата за филм на Република
Македонија, и SEE Cinema network.
Главните улоги ги толкуваат Мартин Ѓоргоски, Дениз Абдула и Никола Ристановски. Во филмот од останатата актерска екипа играат и Сара Климоска, Љупчо Тодоровски, Адем Карага, Горан Стојановски, Игор Стојчевски, Борис Дамовски, Марија Кондовска, Саша Чиникиќ, Ристо Буразденов и Мартин Живковски.
Поведен од слоганот на филмот дека “Никој не е роден насилен”, Вардан Тозија го изработи и сценариото, дизајнот на шминката и маските ги изработи Горан Игњатовски, костимограф е Жаклина Крстевска, дизајнер на Звук е Игор Поповски, музиката ја работеше Александар Пејовски, сценографијата е дело на Кирил Спасески и Наташа Димитриевска, директор на фотографија е Владимир Самоиловски, монтажер е Атанас Ѓеоргиев, кастингот го работеше Кирјана Николовска, а продуцент на филмот е Огнен Антов.
Претседателот на Собранието на Република Македонија, Трајко Вељаноски ги распиша изборите.
Вељаноски денеска го потпиша Решението за распишување на предвремени избори што ќе се одржат на 5 јуни, соопшти собраниската прес-служба.
– Врз основа на моите уставни и законски надлежности, согласно Одлуката за распуштање на Собранието на Република Македонија, денес го потпишав Решението за распишување предвремени избори за пратеници во Собранието на Република Македонија кои ќе се одржат на 5 јуни 2016 година. Решението за распишување на изборите го доставив до Државната изборна комисија на Република Македонија, како орган за спроведување на изборите, до Министерството за правда и Министерството за надворешни работи, вели Вељаноски во пишаната изјава.
Тој воедно изразува уверување дека изборите ќе се одржат во мирна и демократска атмосфера.
– Верувам дека сите субјекти вклучени во изборниот процес ќе придонесат изборите да поминат во мирна и демократска атмосфера и дека секој од нас на 5 јуни ќе го оствари своето право да гласа, односно да ја даде својата доверба на оние политички субјекти во кои верува дека ќе можат да остварат стабилна сегашност и подобра иднина, наведува претседателот на Собранието на Република Македонија Трајко Вељаноски.
Претседателот на Собранието Трајко Вељаноски денеска треба да ги распише предвремените парламентарни избори закажани за 5-ти јуни, врз основа на информацијата што беше лиферувана во јавноста на 7 овој месец по распуштањето на Парламентот.
Согласно одлуката за распуштање на Собранието на Република Македонија, јас како претседател на Собранието, водејќи се врз основа на уставните рамки за распишување на избори, одлучив Решението за распишување на предвремени парламентарни избори да го потпишам на 15 април, а изборите да се одржат на 5 јуни 2016 година, со единствена цел да се обезбедат услови за фер и демократски избори, наведе Вељаноски во писмената изјава.
Тој тогаш апелираше до институциите и до политичките субјекти, да го дадат својот придонес за предвремените парламентарни избори да поминат во фер и демократска атмосфера и уште еднаш да потврдиме дека ги почитуваме и споделуваме европските вредности.
Во Охрид денеска почнува 4. издание на „Codefest“, настан на кој младите информатичари имаат можност да ги развиваат своите идеи.
Манифестацијата ќе трае до недела, а на него најавено е учество на студенти, средношколци, ИТ професионалци и претставници од бизнис заедницата, стартап компаниите и инвестициските фондови. Најавено е и учество на претставници од Словенија, Полска, Бугарија, Хрватска и Босна и Херцеговина.
Манифестацијата ја организира Здружението за развој „Стартап зона“ од Охрид, а најавено е дека ќе ја отвори министерката за информатичко општество и администрација Марта Арсовска – Томовска.
Во рамки на манифестацијата ќе се одржат еднодневна технолошка конференција Codeference, маратонско кодирање од 32 часа Codefest Marathon и изложбено експо за претставници од ИТ бизнис секторот и образовните институции CF X Business Expo.
Како никогаш до сега, единствени и полни со жар, 20 000 граѓани пристигнаа во главниот град во одбрана на националните интереси, со барање за избори и револт против одлуката на претседателот на државата да се аболицираат Зоран Заев и Зоран Верушевски.
ЕДНО ИМЕ ИМАМЕ ВО ДУШАТА ГО НОСИМЕ! Ечи Скопје од грлата на граѓаните кои се дојдени да ја одбранат државата и институциите од хулигани, насилници и деструктивци.
Oва се тешки моменти, народот го кажа своето, Украинско сценарио нема да се дозволи во Македонија.
Патриотизмот и љубовта кон домовината се нештата кои ги обединуваат сите овие граѓани вечерва.
За разлика од протестите организирани од страна на така наречениот граѓански невладин сектор на СОРОС и СДСМ, протестите на ГДОМ се одвиваат мирно и со многу патриотски песни.
