„Звуците на градот“ – вечер на староградска музика ќе се одржи на 24 јули 2026 /петок/ од 19.00 часот во големата сала од ЦК „Марко Цепенков“.

Уште една убава вечер на староградска музика што ја организира НУЦК „Марко Цепенков“ и која повеќе години предизвикува интерес кај граѓаните. На Вечерта ќе се претстават групи кои ја негуваат староградската музика.
Своите достигнувања преку песната ќе ги пренесат пејачката група „Орхидеја“, КУД „Преродба -24“, Здружението на пензионаери – Крушево, Октет Прилеп, КУД„Пензионер“ и КУД „Пере Тошев“.

Стоечки овации, долготрајни аплаузи и публика која не престануваше да ја поздравува екипата – тоа е најубавата слика од гостувањето на Битолскиот театар во Верона.

Меѓународната изведба на „Кориолан“, во режија на Џон Блондел, на Verona Shakespeare Fringe Festival, беше пречекана со исклучителен интерес и воодушевување од публиката. Енергијата што се чувствуваше во салата за време на претставата, а особено по нејзиното завршување, покажа дека театарот навистина нема граници и дека силната приказна допира до секој, без оглед на јазикот и земјата од која доаѓа.

Во Верона се случува и 12. Светски Шекспир конгрес, кој ја одбележува 50 годишнината на Интернационалната Шекспир асоцијација, а покрај тоа на повеќе сцени низ градот се одржува и музичка програма. Со ова градот од 20. до 26.07 прераснува во глобална театарска сцена која пречека илјадници уметници, истражувачи, од целиот свет. Фестивалот е организиран од Центарот Skenè на Универзитетот во Верона. Основачи на оваа платформа се: Џон Блондел кој е уметнички директор на фестивалот, Силвија Биљаци, Сидија Фјорато, Џон Блондел и Дејвид Скалквик. Фестивалот ги спојува делата на истражувачите и уметниците кои ги уриваат граници помеѓу сценската уметност и науката; овозможува нови начини на изведба, рецепција и пренесување; и создава можности публиката да доживее разновиден спектар на имагинативни одговори на делата на Шекспир. Фестивалот се реализира во соработка со Conservatorio di Verona и Teatro Scientifico – Teatro Laboratorio.

„Искрено им благодариме на организаторите на фестивалот за беспрекорното гостопримство, професионалната организација и честа да бидеме дел од ова значајно меѓународно театарско случување“, истакнуваат од НТБ.

Најголемата благодарност, сепак, им припаѓа на актерската, авторската и техничката екипа на НУ Народен театар Битола, која со својата посветеност, дисциплина и талент создаде претстава што достојно ја претстави македонската театарска уметност пред меѓународната публика.

Современата адаптација на безвременската трагедија на Вилијам Шекспир отвора актуелни прашања за власта, политичката одговорност и односот меѓу поединецот и општеството. Во претставата играат: Васко Мавровски, Петар Горко, Марјан Георгиевски, Борче Ѓаковски, Петар Спировски, Јулијана Мирчевска и Сандра Грибовска Илиевска. Асистент на режија е младиот уметник и режисер Дамјан Димовски, сценографијата и костимите се на Благој Мицевски, дизајн на светло: Џонатан Хикс, светло мајстор: Горан Петровски, музика: Александар Димовски, видео: Владимир Переловски, инспициент: Оливер Петровски. Суфлер: Мирјана Христовска.

На овој престижен меѓународен фестивал, Народниот театар Битола гостуваше после премиерата на 66.Охридско лето и ја позиционираше и потврди македонската театарска сцена високо на глобалната театарска мапа. На фестивалот учествуваат театри од Италија, Велика Британија, Малта, Ерменија и Унгарија.

„Благодариме, Верона! Ова беше вечер што ќе ја паметиме долго“, додаваат од Битолскиот театар.

Владата го усвои Дополнетиот ребаланс на Буџетот за 2026 година, со вградени амандмани усвоени во собраниската Комисија за финансирање и буџет, соопшти Министерството за финансии.

Со измените се обезбедени дополнителни средства за жените кои вршат земјоделска дејност, воспоставување национална СОС линија за поддршка на жртви на родово и семејно насилство, како и отворање и ставање во функција на два згрижувачки центри за жртви на семејно и родово базирано насилство.

Дополнетиот Предлог-ребаланс, заедно со предложените измени, ќе биде доставен до Собранието на усвојување.

Со ребалансот, вкупните приходи се проектирани на 379,5 милијарди денари, додека вкупните расходи на 425,8 милијарди денари.

Од Министерството за финансии наведуваат дека дополнителните средства се насочени кон приоритетни области, меѓу кои земјоделските субвенции, субвенциите во железничкиот сообраќај, поддршката за спортот, студентскиот и ученичкиот стандард.

Предвидена е и дополнителна поддршка за најранливите категории граѓани преку средства за социјални надоместоци, заштитни друштва, народни кујни и мерки за деинституционализација, како и дополнителни средства за здравствена заштита.

Со ребалансот се зголемуваат средствата за капитални инвестиции, кои достигнуваат околу 46 милијарди денари, што претставува раст од 14,5 проценти во однос на првичниот Буџет. Воедно, се намалуваат расходите за стоки и услуги.

Буџетскиот дефицит е проектиран на 46,3 милијарди денари, односно 4,1 процент од БДП, додека економскиот раст е проектиран на ниво од 3,5 проценти.

Со метална конструкција на галериите со витражи и стакла почна превентивно да се заштитува Македониумот во Крушево во кој со години протекува. Работите се изведуваат под стручен надзор на прилепскиот Завод и музеј и треба да завршат до крајот на месецов.

Оваа мерка е поради протекување во Споменикот од прва категорија кој во ноември 2025 година е прогласен за културно добро во опасност.

-Со цел да се заштитат галериите со витражи кои имаат големи оштетувања, како и стаклените галерии, на лице место се монтира челичната конструкција која веќе е изработена. А е изработена од кутиести профили со различни димензии. Ќе биде поиставена на вкупно 8-те галерии со стакло и на галериите со витраж од надворешната страна на првото и на второто ниво од Споменикот. Над конструкцијата се поставува лексан со дебелина од 16 милиметри. Со ова ќе постигнеме да не протекува повеќе вода во споменикот, изјави Сузана Грибовска, советник конзерватор, архитект во Заводот и музеј -Прилеп.

Инвестицијата која треба да заврши пред 2 Август, чини 5,5, милиона денари. Годинава ќе почнат истражувањата и се изготвува основен проект за целосна конзервација на Македониумот изграден 1974 година.

-Превентивата предвидува заштита на четирите витражни и на четирите галерии со стакло. Таа е за да запре протекувањето на водата во Македониумот кое е најголемата опасност. Утре ќе биде поставена платформата и самите конструкции ќе се постават на Македониумот. Оваа превентивна заштита завршува до крајот на јули, а во тек е изготвување на основен проект за конзервација и реставрација на Македониумот кој целосно го опфаќа, вклучувајќи ги статиката, градежните работи, витражните стакла коиќе се заменат за нови и внатрешната метална конструкција, објаснува Мимоза Христоска, директорка на Заводот и музеј- Прилеп.

Пред празникот се чисти околу споменикот, а гостите не заминуваат од Крушево без да го посетат Македониумот.

-Годинава за првпат механизирано чистиме околу споменикот во пресрет на големиот празник 2 Август- Илинден. Гости и посетители постојано доаѓаат и сите ги покануваме и за Празникот да дојдат во Крушево, вели Миха Оџаклиески, директор на Историски музеј- Крушево.

Споменикот Илинден, како комплекс, е дело на архитектите Искра и Јордан Грабул.(МИА)

ОВР Прилеп поднесе кривична пријава против Н.Б.(47) и В.Р.(38), двајцата од Прилеп, поради постоење основи на сомнение за сторено кривично дело “кражба”.

На 15.01.2026 во атар на с.Беловодица, прилепско, полициски службеници ги затекнале пријавените како вршат бесправна сеча на дрва – информираат од СВР Битола.

Летните вечери се најубави кога се исполнети со добра музика, одлична храна и пријатна атмосфера. Токму затоа, Cipriani Fine Dining & Lounge Bar продолжува да носи квалитетна забава и овој петок подготвува уште една вечер која вреди да се доживее.

На 24 јули (петок), со почеток од 21:00 часот, гостинка во Cipriani е една од најпрепознатливите и најатрактивни македонски пејачки – Наташа Малинкова.

Со својот препознатлив глас, позитивна енергија и богат репертоар, Наташа секогаш знае како да создаде вистинска атмосфера и да ја претвори секоја вечер во незаборавно дружење.

Без разлика дали планирате романтична вечера, излегување со пријателите или едноставно сакате да уживате во квалитетна музика во еден од најубавите амбиенти во Прилеп, Cipriani е вистинската адреса за вас.

✨ Ваше е само да одберете добро друштво, а за одличната музика, врвната гастрономија и незаборавната атмосфера ќе се погрижат Наташа Малинкова и тимот на Cipriani.

📞 Резервации: 078 534 334 или во порака на Facebook и Instagram.

Се гледаме на уште една прекрасна летна вечер во Cipriani!

Во овие моменти во кои жителите на една од најголемите општини во Македонија, општина Гостивар, се соочуваат со последиците од неисправна вода за пиење, и Прилеп постави собирен пункт во центарот на градот, каде граѓаните и компаниите ќе можат да донираат флаширана вода за гостиварчани и да ја покажат својата хуманост и солидарност.

За поставениот пункт на социјалните мрежи информираше градоначалникот на општина Прилеп, Дејан Проданоски, кој веднаш по споделената вест доби коментар од советникот од политичката партија Левица, Жарко Стеваноски, кој предлага одржување на итна седница на Советот на општина Прилеп, за донесување на одлука за финансиска и нематеријална помош на жителите на Гостивар и населените места.

-Интенцијата е да ги донираме своите советнички паушали а општината да издвои дополнителни финансиски средства за оваа намена. Доволно граѓаните издвојуваат за болни, за операции и настрадани од непогоди. Ве молам апелирајте до претседателот на Совет за да си ја олесниме задачата, напиша во коментарот Стеваноски.

Истиот коментар Стеваноски му го упати и на новоименуваниот претседател на ОК ВМРО-ДПМНЕ Прилеп и советник во Советот, Христијан Тунески.

Останува да видиме дали оваа иницијатива на Стеваноски, ќе наиде на разбирање од останатите советници во Советот.

Кога станува збор за квалитетно свинско месо и сигурен партнер во сточарството, приказната започнува од фармата на Марио Илиевски од Куманово – име кое веќе е добро познато меѓу домаќинствата во Пелагонија и низ цела Македонија.

Денес, фармата работи со значително зголемен капацитет и во секој момент располага со околу 1000 прасиња, од кои 500 се подготвени за товење, како и со 250 маторици. Овој сериозен обем на производство е поддржан со современи услови, постојан ветеринарен надзор и строго контролирана, квалитетна исхрана, фактори кои гарантираат здрави и силни животни и врвен квалитет на финалниот производ.

Но, понудата не застанува тука.

Покрај мали живи прасиња за товење, кај Илиевски Компани можете да набавите и:

– свежи свински полутки, подготвени за домашна преработка
– крцкаво печено прасе на дрва, идеално за слави, свадби, крштевки и семејни веселби
– димени и традиционални месни производи, со препознатлив домашен вкус

Она што клиентите најмногу го ценат е сигурноста. Знаете што купувате, знаете како е одгледано и знаете што ќе послужите на трпезата.

Испораката се врши бесплатно до адреса низ цела Македонија, брзо, организирано и со почитување на сите безбедносни и хигиенски стандарди. Токму затоа, голем број прилепчани и жители од целиот Пелагониски регион веќе се уверени во квалитетот и редовно го прават истиот избор.

Со години градено реноме, сериозен пристап и константен квалитет – фармата на Марио Илиевски денес е синоним за доверба во македонското сточарство.

Периодот на слави, свадби и семејни прослави е пред нас – обезбедете си навреме вкусно, сочно и крцкаво печено свинско месо на дрва што ќе ги воодушеви сите гости.

Побарајте ги уште денеска на: 077 502 589

Некои вечери едноставно се создадени за добро друштво, одлична музика и коктел кој ќе го паметите долго. Токму таква вечер не’ очекува овој четврток во AVRA – Bites & Cocktails, каде продолжува новата летна традиција што веќе го освојува Прилеп.

По одличниот старт на тематските четвртоци, на 23 јули, AVRA ве поканува на Thursday Sour Cocktail Night, вечер посветена на едни од најпопуларните коктели во светот.

Од 21:00 часот, љубителите на освежителните вкусови ќе можат да уживаат во шест внимателно подготвени Sour коктели:

🍋 Whiskey Sour
🍋 Amaretto Sour
🍋 Vodka Sour
🍋 Gin Sour
🍋 Tequila Sour
🍋 Aperol Sour

Сите ќе бидат достапни по промотивна цена од само 230 денари, што е совршена можност да го пронајдете вашиот нов омилен коктел.

Но, вечерта носи уште едно изненадување. Одберете го вашиот фаворит, направете креативна фотографија, означете ја AVRA на социјалните мрежи и ќе учествувате во извлекување за вредна награда.

За музичката атмосфера ќе биде задолжена DJ Ana Noodle, која со својот препознатлив звук ќе ја претвори вечерта во вистинско летно уживање.

View this post on Instagram

A post shared by 🌞 (@anna.noodle)

AVRA и овојпат ветува повеќе од обично излегување, модерен амбиент, внимателно подготвени коктели, врвна услуга и атмосфера поради која четвртоците ќе ви станат ваш омилен ден во неделата.

📞 Резервирајте навреме на: 078 564 477

Соберете го друштвото, изберете го вашиот омилен Sour коктел и дозволете уште една незаборавна летна вечер да започне токму во AVRA.

Професионален возач од Прилеп е лишен од слобода откако на автопатот Велес–Скопје бил затекнат како управува товарно возило, вршејќи вонгабаритен превоз без потребното одобрение, а притоа бил и под дејство на алкохол.

Како што информира Министерството за внатрешни работи, денеска во 08:40 часот, полициски службеници од Мобилната единица за безбедност на сообраќајот на патиштата при Секторот за сообраќајни работи го лишиле од слобода возачот К.З. (62) од Прилеп.

Тој управувал товарно возило „Волво“ со прилепски регистарски ознаки и вршел вонгабаритен превоз на работна машина – дигалка со ширина од 275 сантиметри, без да поседува одобрение за вонреден превоз. При извршениот алкотест, кај возачот биле измерени 1,81 промили алкохол во крвта.

Против него се преземени соодветни мерки и ќе се соочи со кривична одговорност за безобѕирно управување со моторно возило согласно член 297-А од Кривичниот законик, како и со прекршочни санкции за вршење вонгабаритен превоз без одобрение. Ќе биде поднесено и барање за поведување прекршочна постапка против правното лице и одговорното лице во правното лице.

Од МВР најавуваат дека засилените сообраќајни контроли ќе продолжат и во наредниот период низ целата држава, со цел санкционирање на несовесните возачи, зголемување на безбедноста и заштита на сите учесници во сообраќајот.