На 24.07.2026 во Битола, полициски службеници од СВР Битола ги лишија од слобода Ѓ.З.(35) и А.Ј.(29), двајцата од Битола. Тие се сомничат дека истиот ден извршиле тешка кражба во маркет на ул.„Север-југ” во Битола, при што украле околу 30 штеки различни цигари. При претрес во домот, кој го користеле, било пронајдено украденото и било вратено на сопственикот.

По дополнително преземени мерки било констатирано дека Ѓ.З. бил баран по потерница поради бегство од Казнено – поправната установа Затвор Прилеп, од каде побегнал и каде што издржувал затворска казна. Тој бил спроведен во установата за издржување на казна затвор од осум месеци. По документирање на настанот ќе следуваат соодветни поднесоци.

-На 24.07.2026 во 17:15 часот во Прилеп, полициски службеници го лишија од слобода Д.Т.(50) од Прилеп, вработен во АВРСМ, поради сомнение за сторено кривично дело „примање поткуп”.

Според пријавеното, тој на 47-годишно лице од Прилеп, невработено и примател на социјална помош, од април до јули во неколку наврати побрала и примил поткуп за да не му ја укинат социјалната помош затоа што од здравствени разлози одбил работно место во фабрика во Битола.

При претрес во неговиот дом, извршен со судска наредба, биле пронајдени птредмети од кривичното дело. По целосно документирање на случајот против него ќе биде поднесена соодветна пријава, информираат од МВР.

Денеска на планината Баба, на врвот Пелистер (2.601 м.н.в) падна снег, информираа од ЈУ национален парк „Пелистер“.

Од јавната установа потврдија дека промнеливото време и ниската температура, дождот го претворија во снег, со што како што велат Пелистер како крал на планините во Македонија и понатаму е непредвидлив и моќен.

Фотографијата е на вработените од пунктот на Националната радиодифузија на врв Пелистер, посочија од ЈУ НП „Пелистер“-Битола.

Инаку во Битола вчера во 17 часот беа измерени 26 степени целзиусови степени, а денеска во истото време, во 17 часот измерени се само 12 степени и температурата на воздухот е во опаѓање.

Во време кога сè повеќе млади луѓе својата иднина ја бараат надвор од границите на Македонија, 20-годишниот Леонардо Николоски од Прилеп избра поинаков пат. Наместо да замине, тој реши да инвестира во својот роден град и да создаде нешто ново, современо и поразлично за прилепчани.

Така, во просторот на Автобуската станица во Прилеп, неодамна вратите ги отвори „LOTUS Urban Tobacco“, модерен продажен простор кој уште на прв поглед се издвојува од сè што досега сме навикнале да го гледаме кај тобако продавниците.

Веднаш по влегувањето во продавницата се забележува пространоста, современиот ентериер, прегледно организираните полици и богатиот асортиман. Наместо класичен мал продажен простор, „LOTUS“ нуди пријатна атмосфера, лесна прегледност и голем избор на производи.

„Идејата беше да понудиме модерен продажен простор со богата понуда. Локацијата кај автобуската станица е фреквентна и лесно достапна за сите“, вели Леонардо Николоски.

Тука посетителите можат да најдат богат избор на тутунски производи, електронски цигари и нивни додатоци, алкохолни и безалкохолни пијалаци, вина, слатки, грицки, кафе и многу други производи за секојдневните потреби. Асортиманот постојано се збогатува со нови брендови и производи, а дел од нив досега тешко можеле да се најдат во Прилеп.

Особено внимание привлекува и фактот што продавницата работи секој ден од 08:00 до 24:00 часот, што е вистинска реткост во Прилеп.

„Сакаме да им бидеме достапни на купувачите и во вечерните часови кога најмногу им е потребно. Веруваме дека ова работно време ќе им биде голема погодност и ќе им заштеди време“, додава Николоски.

Освен во современиот изглед, најголемата инвестиција е направена и во богатиот избор на производи и квалитетната услуга.

„Многу ни беше важно просторот да изгледа современо, бидејќи добриот амбиент е дел од добрата услуга. Производите ги избираме според квалитетот и побарувачката, со цел секогаш да понудиме голем избор“, вели Леонардо.

Иако продавницата е новоотворена, реакциите од првите посетители се повеќе од позитивни.

„Најчесто ги пофалуваат изгледот на продавницата, големиот избор на производи и љубезната услуга. Тоа ни е најголемата мотивација да продолжиме уште подобро.“

Сопствениците најавуваат дека понудата ќе продолжи да се проширува со нови производи и брендови, а пораката до прилепчани е едноставна:

„Ги покануваме сите да нè посетат и лично да се уверат во квалитетот, големиот избор и услугата што ја нудиме.“

Доколку досега не сте го посетиле, можеби токму „LOTUS Urban Tobacco“ е местото кое ќе ве убеди дека и во Прилеп може да се создадат модерни, европски уредени продажни простори, зад кои стојат млади луѓе со визија и желба да ја градат својата иднина токму дома.

Со молитва, благослов и достоинствено коњичко дефиле, ГАЛОП Битолска Коњаница на 26 јули ќе го започне својот традиционален марш кон Крушево, каде ќе учествува во одбележувањето на 123-годишнината од Илинденското востание.

Битолската коњаница веќе со години е препознатлива како здружение кое ја негува македонската традиција, историја и националниот дух. Преку бројни коњички дефилеа, културни манифестации, патриотски настани и свадбени свечености, коњаниците испраќаат порака за почит кон историското наследство и неговото пренесување на младите генерации.

Годинава, нивното патување кон Крушево ќе биде исполнето со историски и културни содржини, музичка програма и оддавање почит на македонските херои кои ја втемелија борбата за слобода.

Патувањето започнува на 26 јули, на големиот христијански празник Свети Архангел Гаврил, со молитва и благослов од Митрополитот Преспанско-пелагониски г. Петар во црквата „Св. Архангел Гаврил“ во битолската населба Довлеџик.

Во 12:30 часот, од Офицерскиот дом во Битола ќе започне свечено дефиле низ Широк Сокак и градските улици, придружено со зурли и тапани, како и настап на деца играорци од селото Ивањевци.

Првата станица е селото Цапари, каде ќе се одржи свечена програма со настап на КУД „Гоце Делчев“ – Битола, учество на деца од Цапари, историски говори, полагање свежо цвеќе на споменикот на илинденците, читање заклетва и нараторски изведби, по што ќе следува музичка програма со „Уникат Бенд“.

На 27 јули коњаницата ќе се упати кон селото Стрежево, каде ќе преноќи, а веќе на 28 јули ќе пристигне во Смилево, родното место на војводата Даме Груев. Таму ќе биде положено свежо цвеќе на неговиот гроб, а коњаниците ќе преноќат во конаците на манастирот „Св. Петар и Павле“.

На 29 јули маршот продолжува кон селото Слепче, каде е предвидена богата културно-уметничка програма со настап на КУД „Илинден“ од Демир Хисар, млади пејачи од Реплика и „Уникат Бенд“. Во Слепче ќе се одржи и прес-конференција на која свечено ќе бидат претставени трите нови патриотски музички видеоспотови што ги реализира ГАЛОП Битолска Коњаница.

Станува збор за амбициозен проект посветен на македонските револуционери Методија Патчев, Ѓорѓи Сугарев и Крушевската Република, чија цел е преку музика и видео да се доближи историјата до младите генерации и да се зачува споменот на хероите кои се бореле за слободата на Македонија.

Во Слепче ќе присуствуваат и поддржувачите на проектот, меѓу кои и Универзитетот за туризам и менаџмент – Скопје, како генерален спонзор, како и спонзор кој, по сопствено барање, ќе остане анонимен.

Патувањето продолжува на 30 јули кон селото Бирино, а на 31 јули коњаниците ќе пристигнат во Крушево, каде ќе им се приклучат коњаниците од Горно Лисиче и Кичево. Заедно ќе учествуваат на свеченото дефиле низ градот.

На 1 август ГАЛОП ќе биде дел од официјалното дефиле организирано од Општина Крушево, додека на 2 август, на Денот на Републиката – Илинден, ќе учествува во традиционалното дефиле до Мечкин Камен, каде ќе им оддаде почит на илинденците и ќе биде дел од централното одбележување на 123-годишнината од Илинденското востание.

Покрај своите патриотски активности, ГАЛОП Битолска Коњаница е препознатлива и по зачувувањето на македонските свадбени обичаи. Со свечени коњички придружби, традиционални носии и македонски знамиња, членовите на здружението придонесуваат старите обичаи повторно да станат жив дел од современите генерации.

Со својата мисија, ГАЛОП продолжува да испраќа силна порака дека македонската историја, традиција и национален идентитет треба да се негуваат, почитуваат и пренесуваат од генерација на генерација.

Водата за пиење што ја користат жителите на Општина Прилеп од Регионалниот водовод „Студенчица“ и градските извори е целосно здравствено исправна и безбедна за употреба, информираа денеска на заедничка прес конференција директорот на Центарот за јавно здравје, Горан Кузески и директорот од ЈКП „Водовод и канализација“, Ѓоко Јочкоски.

Од претпријатието посочуваат дека во соработка со Центарот за јавно здравје – Прилеп секојдневно се врши мониторинг на квалитетот на водата, при што се земаат мостри од 15 мерни места низ градот.

Според резултатите од физичко-хемиските анализи, сите испитани примероци се исправни и ги исполнуваат барањата утврдени со Правилникот за безбедност и квалитет на водата за пиење („Службен весник“ бр. 183/2018). Тоа значи дека водата што се испорачува преку градскиот водовод е безбедна за пиење.

Покрај физичко-хемиските анализи, ЈЗУ Центар за јавно здравје – Прилеп секојдневно спроведува и микробиолошки испитувања, со што континуирано се следи здравствената исправност на водата.

Од ЈКП „Водовод и канализација“ апелираат до граѓаните да не подлегнуваат на непроверени информации и дезинформации што се шират на социјалните мрежи, туку да се информираат исклучиво преку официјалните известувања на надлежните институции кои се грижат за јавното здравје и квалитетот на водата за пиење.

-На 23.07.2026 во 03:30 часот во ОВР Прилеп било пријавено дека во с.Крушеани, прилепско, 54-годишниот Г.М. од с.Крушеани, управувајќи мотоцикл без регистарски ознаки, изгубил контрола и излетал од патот.

Во несреќата со тешки телесни повреди се здобил возачот, констатирани во Општа болница Прилеп.

По наредба на јавен обвинител, извршен е увид од увидна екипа на ОВР Прилеп, при што било констатирано дека Г.М. е под дејство на алкохол, односно дека има 1,70 промили алкохол во крвта.

По целосно документирање на случајот, ќе следува соодветна пријава, информираат од МВР.

Не е само уште една тематска забава. Не е само уште една коктел промоција.

Оваа сабота, AVRA – Bites & Cocktails за првпат во Прилеп подготвува целодневно италијанско искуство, концепт каков што досега не бил реализиран во градот.

Од првото попладневно Aperol Spritz под летното сонце, преку магичното Sunset Hour, па сè до вечер исполнета со коктели, музика и атмосфера инспирирана од Италија – секој дел од денот носи различно расположение, различни вкусови и ново доживување.

Заборавете на класичното излегување. Ова е ден во кој Италија се чувствува со сите сетила.

☀️ SPRITZ TIME | 12:00 – 16:00

Попладнето започнува во вистински италијански ритам со освежителните:

🍊 Aperol Spritz
🌿 Hugo Spritz
🍋 Limoncello Spritz
❤️ Campari Spritz

🌅 SUNSET HOUR | 17:00 – 20:00

Како што сонцето полека заоѓа, атмосферата се менува, а на сцената пристигнуваат:

🍋 Amalfi Cloud
🌿 Capri Breeze
🥃 Negroni

🌙 ITALIAN NIGHTS | 21:00 – 01:00

Вечерта продолжува со најпознатите италијански коктел класици:

☕ Espresso Martini
🥂 Negroni Sbagliato
🍊 Americano
🍋 Amalfi Cloud
🥃 Negroni
🌿 Capri Breeze

Сите коктели ќе бидат по промотивна цена од само 250 денари.

Но, приказната не завршува тука.

Специјално за Italian Saturday, AVRA подготвува и италијански специјалитети по промотивни цени, создавајќи комплетно гастрономско патување низ вкусовите на Италија.

Целиот ден ќе биде проследен со внимателно одбрана Italian Deep House музика, која дополнително ќе ја долови препознатливата медитеранска атмосфера.

Она што го прави овој настан навистина посебен е фактот што за првпат еден локал во Прилеп организира целодневен тематски концепт, каде храната, коктелите, музиката и амбиентот се споени во едно уникатно искуство.

AVRA уште еднаш покажува дека не е само место каде се излегува на пијалак, туку простор каде секој настан има своја приказна, свој карактер и сопствена атмосфера.

Доколку сакате барем еднаш да ја почувствувате магијата на La Dolce Vita, оваа сабота вашата дестинација е само една.

Резервирајте ја вашата маса навреме и дозволете си ден исполнет со италијански вкусови, коктели и атмосфера каква што Прилеп досега не доживеал.

Резервации на телефонскиот број: 078 564 477

Како одговор на актуелната криза со водоснабдувањето во Гостивар, Витаминка денеска испорача донација од околу 23 тони флаширана вода, наменета за граѓаните кои се соочуваат со недостиг од безбедна вода за користење.

Откако надлежните институции препорачаа водата од градскиот водовод да не се употребува, голем број жители се принудени секојдневно да обезбедуваат вода од алтернативни извори за своите основни потреби. Свесна за сериозноста на состојбата и за значењето на навремената реакција, Витаминка веднаш се вклучи со конкретна поддршка за локалната заедница.

„Кога една заедница се соочува со предизвик кој директно влијае врз секојдневието и здравјето на граѓаните, потребна е брза и конкретна реакција. Како компанија која со децении е дел од ова општество, чувствуваме одговорност да бидеме присутни токму кога поддршката е најпотребна. Веруваме дека солидарноста најсилно се покажува преку дела и се надеваме дека оваа донација барем делумно ќе им го олесни секојдневието на жителите на Гостивар“, велат од Витаминка.

Во вакви околности, навременото вклучување и конкретниот придонес од деловниот сектор можат значително да помогнат во задоволувањето на најитните потреби и полесното надминување на последиците од кризата.

Компанијата ќе продолжи внимателно да го следи развојот на состојбата, со надеж дека проблемот ќе биде решен во најкраток можен рок и дека граѓаните на Гостивар наскоро повторно ќе имаат непречен пристап до безбедна вода.