-СВР Битола – ОВР Прилеп, до ОЈО Прилеп, поднесе кривична пријава против П.Т.(53) од Прилеп поради постоење основи на сомнение за сторено кривично дело „разбојништво“. На 27.06.2026 околу 13:00 часот во продавница на ул.„Вера Циривири“ во Прилеп, пријавениот со закана со електричен парализатор од вработената одзел пари од касата и го напуштил местото, информираат од МВР.
Во рамките на редовните активности за одржување на јавното зеленило, ЈКП,,Комуналец”- Прилеп, извршува ниско кроење на долните гранки по булеварот ,,Гоце Делчев”, со цел непречено движење на пешаците и велосипедистите, но и прегледност во сообраќајот на градската сигнализација – информираа на социјалните мрежи од ЈКП Комуналец Прилеп.
Инаку, крошните на липите во центарот, но и во другите населби во Прилеп, секоја година се уништуваат од несовесни берачи на плодот од дрвјата, а ваквите постапки остануваат несанкционирани.
Куферите се спакувани. Дестинацијата е избрана. Во автомобилот веќе нема место за уште една торба, а возбудата расте со секој километар. Но, додека размислувате за плажи, планини или нови градови, вреди да одвоите неколку минути и за нешто што може да ви заштеди многу грижи.
Затоа што добриот одмор не започнува кога ќе пристигнете на дестинацијата. Започнува кога знаете дека сте подготвени за сè, вклучувајќи ги потребните полиси на осигурување.
Никој не тргнува на одмор очекувајќи дека ќе има проблем. Но, токму затоа постои осигурувањето, не затоа што очекуваме нешто лошо, туку затоа што сакаме да бидеме мирни ако се случи нешто непредвидено.
Една добро избрана полиса не може да спречи непредвидени ситуации, но може значително да го намали стресот кога тие ќе се случат.
Пред да ги затворите куферите, вреди да одвоите уште неколку минути за нешто што ќе ви донесе многу повеќе мир. А најдобро е кога сите потребни осигурувања можете да ги средите на едно место.
Ако патувате со автомобил, проверете дали целата документацијаза авто осигурување и зелена карта е подготвена навреме. За многу земји, зелената карта е задолжителен документ, а нејзиното навремено обезбедување значи побрзо и полесно патување без непријатни изненадувања на граница.
Неколку минути подготовка денес можат да ви заштедат часови непријатности на граница или на пат.
Одмор треба да значи нови доживувања, а не грижа околу неочекувани медицински трошоци. Но, ако се случи нешто непредвидено, патничкото осигурување може да ви заштеди значителни трошоци и да ви овозможи побрзо и полесно да ја добиете потребната помош.
Така, наместо да се грижите за сметките, можете да продолжите да се грижите само зна фотографиите, прошетките и убавите спомени, наместо на непланираните ситуации.
Додека вие уживате на заслужен одмор, вашиот дом останува празен. И токму затоа вреди да размислите за негова заштита.
Имотното осигурување е една од најпаметните одлуки пред секое патување. Заштитата од непредвидени ситуации ви носи чувство на сигурност дека домот е заштитен и кога никој не е таму.
Бидејќи одморот е многу поубав кога не размислувате што се случува дома.
Една од најголемите предности е што ОБД Минт Инс е лиценциран осигурителен брокер. Тоа значи дека не сте ограничени на понуда од една осигурителна компанија.
Ние соработуваме со сите активни осигурителни компании во државата и ви помагаме да ги споредите нивните понуди, услови и покритија, за полесно да ја изберете онаа што најдобро одговара на вашите потреби и буџет.
Наместо сами да пребарувате, споредувате и анализирате различни понуди, добивате стручен совет и објективна препорака на едно место.
Затоа, кога ќе побарате понуда преку ОБД Минт Инс, не добивате само полиса. Добивате избор.
Наместо да барате различни решенија на повеќе места, преку ОБД Минт Инс можете да добиете совет и понуда за:
Нашиот тим ќе ви помогне да ја изберете опцијата што најдобро одговара на вашите потреби, за да можете безгрижно да го испланирате секое патување.
Најубавите фотографии се оние на кои сите се насмеани. А најубавите патувања се оние на кои единственото нешто што го носите назад се спомени. Пред да тргнете на следната летна авантура, проверете дали домот е заштитен, автомобилот е подготвен, а вие сте осигурени каде и да ве однесе патот.
Со ОБД Минт Инс, патувајте со повеќе мир. Затоа што кога знаете дека сте заштитени, полесно е да уживате во секој момент од летото.
За повеќе информации, контактирајте нѐ денес на 15 107, [email protected] или во една однашите филијали.
Премиерот Христијан Мицкоски при денешната посета на Клиничката болница во Битола изјави дека здравството останува еден од клучните приоритети на Владата, нагласувајќи дека за оваа година се издвоени рекордни повеќе од една милијарда евра за здравствениот сектор.
Тој оцени дека состојбата во здравството е резултат на долгогодишни проблеми кои, како што рече, не можат да се надминат преку ноќ, туку бараат време, финансиски средства и континуирана работа.
„Како Влада оваа година рекордно издвојуваме веќе повеќе од една милијарда евра за здравството и потребите на граѓаните за здравствени услуги“, истакна Мицкоски.
Премиерот ја пофали директорката и вработените во Клиничката болница во Битола за реализираните проекти, оценувајќи дека тие претставуваат почеток на поширок процес на модернизација на установата.
Според него, целта е постепено целосно обновување на болницата, со инвестиции во реконструкција, современа медицинска опрема и зајакнување на човечките ресурси, со цел да се подобрат здравствените услуги за пациентите.
Мицкоски им се заблагодари на здравствените работници, на Министерството за здравство и на Фондот за здравствено осигурување за досегашната соработка и трпение, нагласувајќи дека Владата ќе продолжи со истото темпо на инвестиции и во наредниот период.
Тој порача дека Владата останува определена за создавање современ здравствен систем кој ќе може да одговори на потребите на граѓаните, додавајќи дека јавноста и понатаму ќе може да ги следи проектите што се реализираат во здравството.
-На 29.07.2026 во 15:37 часот во СВР Битола било пријавено дека на крстосница од ул.„Филип Втори Македонски“, бул.„1 Мај“ и ул.„Јане Сандански“ во Битола, патничко возило „киа“ со холандски регистарски ознаки, управувано од 39-годишната У.М. од Украина, со привремен престој во Битола, удрило во 55-годишниот Д.В. од Битола. Во несреќата со тешки телесни повреди се здобил пешакот, констатирани во болницата во Битола. Извршен бил увид од увидна екипа на СВР Битола, информираат од МВР.
Во Полициската академија на Министерството за внатрешни работи во Идризово, денеска ќе се одржи свечена промоција на новите полициски службеници од генерацијата 2025/2026 година.
Како што информираа од МВР, обраќања на настанот ќе имаат министерот за внатрешни работи Панче Тошковски и помошник министерот на Полициската академија Влатко Митковски.
По премиерата на 66. Охридско лето и светската премиера во Верона, Битолскиот театар успешно ја заокружи сезоната со нови премиери, бројни меѓународни гостувања, соработки.
Последната премиера за оваа сезона „Кориолан“ по делото на Шекспир, во режија на Џон Блондел, беше успешно претставена во рамките на драмската програма на 66. Охридско лето, а веднаш потоа меѓународниот успех НТБ го потврди со светската премиера на Verona Shakespeare Fringe Festival, каде ја позиционираше и потврди македонската театарска сцена високо на глобалната театарска мапа. На фестивалот учествуваа театри од Италија, Велика Британија, Малта, Ерменија и Унгарија.
Во текот на овие неколку месеци НТБ реализираше премиери од современа светска и домашна драматургија:
-„Госпоѓа Бовари“, од Гистав Флобер, во режија на Дејан Пројковски,
-„Секстет“ од Марк Камолети, во режија на Марјан Георгиевски,
-“Пинокио” од Карло Колоди, во режија на Деан Дамјановски.
Оваа година акцентот повторно е ставен и на македонските автори од македонската драматургија и на македонските креативци и театарски работници, па во тие рамки беше изведена “Пламенка” од авторот Петре Димовски, во режија на Софија Ристевска Петрушева.
Во текот на сезоната Битолскиот театар оствари бројни гостувања во Македонија и во странство, меѓу кои:
-Фестивалот „Бабелфаст“ во Трговиште, Романија, со „Ричард трети“, од Вилијам Шескпир во режија на Мартин Мирчевски, претставата која минатата година ја освои публиката и жирито на 33. издание на Меѓународниот фестивал на камерен театар „Ристо Шишков“ и беше избрана за најдобра претстава на истиот.
На ова гостување се најави формирањето на Балканска асоцијација на театри и фестивали – значајна иницијатива која има за цел продлабочување на културната соработка, размена на искуства и заеднички развој на театарската уметност во регионот. НУ Народен Театар Битола ќе биде меѓу основачите, потписниците и членови на оваа асоцијација и со тоа продолжува да ги гради своите меѓународни партнерства и да биде активен промотор на македонската театарска уметност пред светската публика.
Гостувања во Македонија:
-НТБ беше дел од јубилејното 60. издание на Македонскиот театарски фестивал „Војдан Чернодрински, со претставата „Едмонд“ од Дејвид Мемет, во режија на Оливер Мицевски.
-На сцената во Драмски театар Скопје, а по повод 80. годишнината од постоењето на оваа театарска институција, Битолски театар ја изведе претставата „Кокошка“, на авторот Николај Кољада, е во режија на Марјан Георгиевски.
-Претставата „Црно семе“ од Ташко Георгиевски, во режија на Андреј Цветановски, беше изведена на сцената на Македонскиот народен театар.
Тука е и соработката со Норвешка поточно приемот кај македонскиот амбасадор д-р Дритон Куќи во Осло, за директорот на НТБ
Васко Мавровски и актерката м-р Јулијана Мирчевска, воедно претседателка на Македонскиот национален центар на детски театри АСИТЕЖ Македонија, што само по себе отвора нов простор за идни соработки.
Следува гостувањето со “Едмонд” од авторот Дејвид Мемет, во режија на Оливер Мицевски, во Подгорица, Црна Гора на “Festival of International Alternative Theatre – FIAT”.
Досега во сезоната 2025/2026, премиерно се изведени 8 претстави, репризно одиграни 177, посетители 34.311.
Во споредба со сезоната 2024 / 2025 за 27 проценти е зголемен бројот на репризно одиграни претстави, а за 37 проценти е зголемен бројот на посетители. Полните сали и интересот на битолчани за театарот е само уште еден мотив и оваа година НТБ да продолжи да работи посветено, како и досега.
Сцената на НТБ беше домаќин на еминентни театри и уметници од Македонија и странство меѓу кои:
– Танцовата претстава: „F_AI_LLE“ на групата K.Danse од Франција во соработка со Францускиот институт во Скопје, Француската Aлијанса , Француското Конзуларно претставништво, Фестивалот ТАНЦ-ФЕСТ .
– 9 издание на Џез фактори фестивалот со учество на уметници од Франција, Албанија, Австрија, Унгарија, Полска, Црна Гора, Србија и Македонија: Tribevibers – Blal Ljujić Pierre (Франција) и Gent Rushi Trio (Албанија), Voice and Bass (Унгарија) и Oststyrian Rhythm Section (Австрија).
-Сичуанската и Пекиншката опера, како дел од европската турнеја „Кина низ културата: Прекрасниот Сичуан“, гостување кое беше симбол на културното пријателство меѓу Кина и Македонија.
Партнерствата меѓу компаниите и Битолскиот театар продолжија и оваа година и истите создаваат можности за реализација на содржини со висока уметничка вредност и придонесуваат за унапредување и промоција на македонската култура.
Бимилк – Партнерството беше официјализирано со потпишување на договор за соработка помеѓу Васко Мавровски, директорот на НТБ и Полексена Јанкуловска, маркетинг директор на Бимилк.
СН Сервис, професионален сервис за хигиена, MAK BPO, компанија која нуди услуги за “аутсорсинг” на деловни процеси (BPO), специјализирана за поддршка на медицинска и правна пракса, со посветен тим од искусни професионалци и најсовремени технолошки решенија.
Тука се и бројните активности за одржување на театарот.
Значајна информација беше пронаоѓањето на оригиналната завеса подарок од српската кралица за тогашниот Битолски градски театар. Токму првата претстава на македонски јазик
Ѓоре Магаревски се одвивала со таа црвена завеса зад актерите.
Се реализираше и соработката со добро познатиот македонски илустратор Михајло Димитриевски, кој оваа година се потпишува зад дизајнот на рекламниот материјал и визуелниот идентитет на дел од претставите.
Новата сезона НТБ ќе ја започне со: “Господин Благородник” од авторот Молиер, во режија на Благој Мицевски, следуваат: “Ни треба пејачка” од авторот Кен Лудвиг, во режија на Ненад Витанов, “Новогодишен сон” од авторот Јулијана Мирчевска, во нејзина режија.
Тука се и активните подготовки за “Битола Шекспир Фестивал” во месец ноември.
Општина Кривогаштани информира дека градежните активности за целосна реконструкција на главната улица во населеното место Пашино Рувци се одвиваат со предвидената динамика и влегуваат во својата завршна фаза. Локалното население наскоро ќе добие комплетно модернизирана сообраќајница, која значително ќе го подигне квалитетот на живот и безбедноста за сите учесници во сообраќајот.
Овој капитален инфраструктурен проект се реализира со финансиски средства обезбедени од Светска банка, преку Министерството за транспорт, во рамките на крупниот „Проект за подобрување на инфраструктурата на локалните патишта“.
Вкупна должина на улицата: 922 метри
Ширина на коловозот: 5,0 метри
Вкупна површина на коловоз за асфалтирање: 4.610 м²
Изградени тротоари: 1.155 м² (наменети за целосна безбедност на пешаците)
Во изминатиот период на терен успешно се завршени сите подготвителни работи, машинскиот ископ, како и тампонирањето и нивелацијата на подлогата. Исто така, веќе е нанесен и новиот квалитетен асфалтен слој и успешно се уредени пешачките зони со тротоари од 1.155 м².
Проектот во моментов влегува во последната фаза — обележување на хоризонталната и поставување на вертикалната сообраќајна сигнализација, со што сообраќајницата ќе биде комплетно безбедна и технички подготвена за користење.
По повод тековните финални активности на терен, градоначалникот Игор Каравилоски истакна:
„Се наоѓаме на самиот праг до комплетно завршување на овој голем проект кој е од витално значење за Пашино Рувци. Со асфалтирањето на коловозот и уредувањето на тротоарите, ставивме крај на долгогодишните проблеми со кои се соочуваа жителите. Останува уште последната фаза на сообраќајно обележување и сигнализација, по што улицата ќе биде и официјално пуштена во употреба. Голема благодарност до граѓаните за трпението, како и до Министерството за транспорт и Светска банка за одличната соработка.“
-На 29.07.2026 во 14:45 часот во ОВР Прилеп бил пријавено дека на крстосница од ул.„Тризла“, ул.„Горан Миноски“ и ул.„11 Октомври“ во Прилеп се случила сообраќајна несреќа помеѓу патничко возило „фолксваген“ со кавадаречки регистарски ознаки, управувано од З.Б.(52) од Кавадарци, товарно возило „мерцедес“ со прилепски регистарски ознаки, управувано од С.Т.(39) од с.Мало Коњари, прилепско и патничко возило „сузуки“ со прилепски регистарски ознаки, управувано од Д.А.(27) од Прилеп.
Во несреќата со тешки телесни повреди се здобил возачот на патничкото возило „фолксваген“ З.Б., констатирани во Градска болница Прилеп. Извршен бил увид од увидна екипа на ПВР Прилеп, информираат од МВР.
Општата болница со проширена дејност – Прилеп испиша нова страница во развојот на современата хирургија. За првпат во установата успешно беше изведена лапароскопска операција на ингвинална хернија со TAPP техника – современа минимално инвазивна метода која на пациентите им овозможува значително помала постоперативна болка, пократок болнички престој и многу побрзо закрепнување.
Со воведувањето на оваа хируршка метода, пациентите од Прилеп и целиот регион повеќе нема да имаат потреба да се упатуваат во други медицински центри за ваков вид интервенција, туку ќе можат да добијат современ третман во својата матична болница.
Иницијативата за воведување на TAPP техниката ја покрена д-р Златко Јаков, кој ја воспостави соработката со „Витаминка“ – Прилеп и го предводеше процесот на имплементација на методата во Хируршкото одделение. Успешната операција беше реализирана благодарение на заедничкиот ангажман на целиот оперативен тим – хирурзи, анестезиолози, операциони сестри и останатиот медицински персонал.
Современите лапароскопски инструменти беа обезбедени преку донација од „Витаминка“ – Прилеп, додека директорот на болницата, д-р Кире Јоноски, обезбеди потрошен материјал и ги создаде неопходните услови техниката веднаш да стане достапна за пациентите.
Оваа прва успешно реализирана интервенција претставува значаен исчекор за прилепското здравство и потврда дека Општата болница со проширена дејност – Прилеп продолжува да ги следи современите светски медицински практики, овозможувајќи поквалитетна, побезбедна и подостапна здравствена заштита за граѓаните.
