ТРЕТА ГОДИНА ПО РЕД – ВЕЛИГДЕНСКА ЛИТУРГИЈА ВО ХРАМОТ „СВ. ПЕТКА“ ВО ПРИЛЕП

Почитувани браќа и сестри, драги родители, баби и дедовци,

Со голема духовна радост и благодарност кон Бога, ве известуваме дека и оваа година во храмот „Св. Петка“ во населбата Точила во Прилеп, покрај полноќната воскресенска богослужба и Божествената Литургија која ќе се отслужи после полноќ, ќе биде отслужена Божествена Литургија и на првиот ден на Воскресението Христово – Велигден, на 20 април 2025 (недела), со почеток во 9:00 часот и ќе трае до 10:15.

Оваа Литургија ќе се богослужи по трет пат во нашиот храм, поттикната од исклучителната посетеност и силната духовна доживеаност на претходните две Велигденски Литургии. Стотици верници, особено многу деца, учествуваа со верба и љубов, и се причестија со Телото и Крвта Христови, вкусувајќи од вистинската радост на Воскресението. Токму поради таа силна потреба и желба на верниот народ, оваа убава и значајна духовна пракса продолжува и оваа година!

Литургијата е наменета за сите верници особено за оние кои поради различни причини не можат да присуствуваат на полноќната пасхална богослужба, како и за најмладите – дечињата. Ги повикуваме сите родители да ги доведат своите деца, кои, според учењето на Црквата, од најмала возраст треба да се воспитуваат во верата и љубовта кон Бог. Препорачуваме, каде што е можно, децата да постат неколку дена пред најголемиот празникот. За дечињата до седумгодишна возраст постот не е задолжителен.

Во духот на радоста, и оваа година, за сите деца кои ќе присуствуваат на Литургијата, храмот „Св. Петка“ подготви велигденски подароци.
Ако дозволат временските услови, Литургијата ќе се одржи под отворено небо, на платото пред храмот, каде сите заедно ќе можеме свечено да ја прославиме Пасхата Христова.

Христос Воскресе! Навистина Воскресе!

Очекуваме со љубов и радост да се собереме и оваа година во голем број, за да ја доживееме убавината на Воскресението во полнота, преку Литургијата и Светата Причест.

Со благослов,
Протоереј Љупче Петрески, в.д. старешина
со управата и вработените при храмот „Св. Петка“ – Прилеп

Одделот за внатрешна контрола, криминалистички истраги и професионални стандарди при МВР до надлежното Основно јавно обвинителство за гонење на организиран криминал и корупција – Специјализирано одделение за гонење на кривични дела сторени од лица со полициски овластувања и припадници на затворската полиција поднесе кривична пријава за кривично дело „тешки дела против општата сигурност“ по член 292 став 2 од Кривичниот законик во врска со кривично дело „предизвикување општа опасност“ по член 288 став 2 и став 3 од Кривичниот законик против 10 лица и тоа: П.С. (во времето на извршување на кривичното дело на работно место помошник началник во СВР Штип), Ј.Т. (во време на извршување на кривичното дело на работно место главен инспектор за сообраќајни работи во Одделение за полиција во СВР Штип), С.Д. (во времето на извршување на кривичното дело на работно место главен инспектор за сообраќај во Одделение за полиција во СВР Штип), М.С. (во време на извршување на кривичното дело на работно место началник на одделение во Одделение за полиција во СВР Штип), Љ.Т. (во време на извршување на кривичното дело на работно место началник во СВР Штип), В.П. (во времето на извршување на кривичното дело на работно место главен инспектор по сообраќајни работи во Одделение за полиција во СВР Штип), Д.А. (во време на извршување на кривичното дело самостоен инспектор за јавен ред и мир во СВР Штип), А.А. (во време на извршување на кривичното дело на работно место помошник началник на СВР Штип), В.И. (во време на извршување на кривичното дело на работно место документарист во ПС ОН Кочани во СВР Штип) и А.Т. (во времето на извршување на кривичното дело на работно место командир на ПС ОН Кочани).

Првопријавениот П.С. на 07.12.2012 потпишал акт и истиот го доставил до Министерство за економија со кој дал согласност дека кабаре „ПУЛС“ поседува елаборат за заштита од пожари и опасни и експлозивни материи и ги исполнува законските услови во делот на сообраќај со што придонел на правниот субјект ДПТТУ „Класик ДМ“ ДООЕЛ Кочани од страна на Министерството за економија да му биде издадена лиценца за вршење на угостителска дејност на кабаре “Пулс“ од 13.12.2012.

Второпријавениот Ј.Т. и третопријавениот С.Д. на 10.02.2018 доставиле мислења и не извршиле целосна проверка пред да ги изготват мислењата и согласноста, каде спротивно на член 6 став 3 од Законот за угостителска дејност констатирале дека кабаре „Пулс“, претставувано од ДПТТУ „Класик ДМ“ ДООЕЛ Кочани ги исполнува законските услови во делот на заштита на јавен ред и мир и во делот на сообраќај.

Четвртопријавениот М.С. и петтопријавениот Љ.Т. иако знаеле и биле должни да знаат дека кабаре „Пулс“, претставувано од ДПТТУ „Класик ДМ“ ДООЕЛ Кочани не ги исполнува законските услови во делот на заштита на јавен ред и мир и сообраќај, на 10.02.2018 и 24.01.2019 одобриле и потпишале известување до Министерството за економија во кое е констатирано дека се исполнети законските услови во делот на заштита на јавен ред и мир и сообраќај.

Шестопријавениот В.П. на 24.01.2019 и 21.01.2022 изготвил акт до Министерството за економија со кој доставил известување и констатирал дека кабаре „Пулс“ ги исполнува законските услови во делот на сообраќај на начин што не ги извршил потребните проверки со кои би утврдил дека не се исполнети законските услови за давање на согласност во делот од сообраќајот.

Седмопријавениот Д.А. на 21.01.2022 изготвил акт со кој на ДППТУ „Класик ДМ“ ДООЕЛ Кочани – кабаре „Пулс“ му издава согласност за вршење на угостителска дејност и истото го доставил до Министерство за економија, спротивно на член 6 став 3 од Законот за угостителска дејност. Иако знаел дека во кабаре „Пулс“ имало нарушувања на јавниот ред и мир, не извршил никакви проверки, туку се повикал на одговорот од ОВР Кочани во однос на нарушувањата на јавниот ред и мир, во кој пак не била правилно отсликана вистинската фактичка состојба, по што констатирал дека кабаре „Пулс“ ги исполнува законските услови во делот на јавен ред и мир и сообраќај.

Осмопријавениот А.А. и второпријавениот Ј.Т. на 21.01.2022 одобриле и потпишале известување до Министерството за економија, во кое е констатирано дека се исполнети законските услови во делот на заштита на јавен ред и мир и сообраќај.

Деветтопријавениот В.И. на 21.01.2022 изготвил телеграма во која наместо да даде точни и целосни податоци дека во кабаре „Пулс“ и во близина на истото кабаре има пријавени нарушувања на јавен ред и мир и пријавени кривични дела, истиот дал податоци само дека во кабарето, односно во правното лице ДПТТУ „Класик ДМ“ ДООЕЛ Кочани во 2021 година имало едно нарушување на јавниот ред и мир, а истиот иако знаел дека има нарушувања на јавниот ред и мир и пријавени кривични дела во 2019 и 2020 година, не дал никакви податоци за истите.

Десеттопријавениот А.Т. иако знаел и бил должен да знае дека има повеќе пријавени нарушувања на јавниот ред и мир во близина на кабаре „Пулс“, истиот вака изготвената телеграма ја контролирал, одобрил и потпишал со своерачен потпис.

Со чинење на наведените дејствија, пријавените како службени лица овозможиле правното лице ДПТТУ „Класик ДМ“ ДООЕЛ Кочани да се стекне со лиценца за вршење на угостителска дејност – кабаре „Пулс“ во Кочани на начин што не постапиле според прописите за мерките за заштита и не извршиле целосна проверка пред да биде издадена позитивната согласност за издавање на лиценца за кабаре, со што предизвикале опасност за животот и телото на луѓето на место каде што се собираат поголем број луѓе, при што на 16.03.2025 во кабаре „Пулс“ настанат е пожар во кој животот го загубија 61 лице.

Од пријавените, лишени од слобода се шест лица, по едно се трага, а тројца од претходно издржуваат мерка притвор.

Очекувам дека во брзо време ќе видиме инвестиции од Обединатите Арапски Емирати во Македонија. Потпишавме неколку договори за економска соработка што се услов за идната соработка. Посебно е важно тоа што Дубаи станува центар за извозот кон Истокот, што е одлична можност за домашно извозните компании да ја користат помошта и логистиката што ја нуди Владата на ОАЕ, истакна вицепремиерот Александар Николоски, кој е дел од владината делегација која е во работна посета на Обединетите Арапски Емирати.

-Министрите за надворешни работи потпишаа договор за економска соработка, исто така има договор и во образованието и културата, како и договор за заштита на инвеститорите и одбегнување на двојното оданочување. Овие договори се предуслов за да можеме да одиме кон следната фаза, а тоа се конкретни инвестиции и конкретни проекти кои што ќе ги видиме во Македонија. Она што е исто така значајно, што е можеби комплетна новина за македонскиот бизнис и стопанство, а тоа е дека ОАЕ особено Дубаи, стануваат центар за трговијата кон Истокот, особено во овие комплицирани и турбулентни времиња во светот, имајќи ги во предвид геополитичките игри. Постои огромна можност за македонските компании кои што извезуваат да го користат Дубаи и Владата на ОАЕ како помош и сервис при нивниот извоз, како би се отвориле бројни нови пазари, кои што во моментов не се достапни за македонските компании – изјави Николоски.

Како што соопшти Министерството за транспорт, по средбите со стопанските комори во Шарџа и Дубаи, тој потенцирал дека има голема заинтересираност за соработка во делот на туризмот, инфраструктурата и земјоделскиот сектор.

-Морам да кажам дека фокус број еден е туризмот, кој сериозно расте и потенцијалите кои ги нуди Македонија навистина се нешто што е препознаено. Секако тука е и инфраструктурата, коридорите 10 и 8, како и коридорот 10Д, како потенцијални места за инвестирање, тука секако е и земјоделието, тука се и недвижностите. Така што ова се области каде што има огромна заинтересираност од страна на Обединетите Арапски Емирати да инвестираат во Македонија, очекувам во периодот кој што е пред нас ќе одиме кон втората фаза, а тоа е конкретизирање на проекти и за брзо време ќе можеме да видиме делегација на ОАЕ во Македонијa, како и инвестиции тука – рече Николоски.

По вчерашните претреси на осум локации во Прилеп обезбедена е целокупна документација за финансиското работење на прилепската болница од 2020 година па до денеска. Сега документацијата ќе се анализира, велат од прилепското Основно јавно обвинителство. Оформен е предмет во фаза на предистрага заедно со Финансовата полиција.

-По претресот кај осомничени лица на осум локации е обезбедена документацијата. Се вршат проверки и на тендерска и на целокупна книговодствена и сметководствена документација. Обезбедена е и електронска и материјална документација како докази, вели основниот јавен обвинител од Прилеп, Стевчо Биноски.

Од Обвинителството, поради предистрагата, не откриваат за колку осомничени лица станува збор, само дека се повеќе.

Претресите на осумте локации во Прилеп и предистражната постапка се поради сомневања за кривично дело – злоупотреба на службена положба и овластување во врска со финансиското работење на општата болница со проширена надлежност од Прилеп, а се анализира документацијата од 2020 година до денеска.

Од Болницата велат дека во моментот работат со деблокирана сметка, а долговите моментално се околу 100 милиони денари што е половината од затекнатата состојба пред повеќе од шест месеци.

На Велика Среда се одбележуваат три значајни настани: Последното претсм ртно помазание на Господа, Заговорот на јудејците за да го уб ијат и Јудиното пpедавство на Христа за триесет сребреници.

На светата и велика среда, светите Отци заповедале да правиме спомен на жената блудница, којашто го помаза Господа со миро, бидејќи тоа се случило пред самите Спасителеви стр адања.

Кога Господ дошол во Јерусалим и се ноаѓал во куќата на Симон лепpозниот, му пристапила жената блудница и на Неговата глава излила скапоцено миро. Од кои побуди се раководела таа! Бидејќи забележала дека Христос е сочувствителен кон сите, и дружељубив, та особено сега, кога видела дека Он е влезен во куќата на лепpозниот, а законот налагал таквиот да се смета за нечист и одлачен од заедницата, таа заклучила дека Он, како што и Симоновата лепpа, така ќе ја исцели и нејзината душевна болеcт.

И, ете, додека Он вечерта седел на трпезата, таа излива на Неговата глава миро, вредно околу тристотини динари, т.е. шеесет асарии, десет пенези и три сребреници. Учениците ја спречувале, особено Јуда Искариот, но Христос застанал во нејзина заштита, за тие да не ја спречат нејзината добра намера. Притоа го спомнал својот погpеб, одвраќајќи го Јуда од предавcтвото и удостојувајќи ја жената со чест, со тоа што насекаде низ светот ќе се проповеда за нејзиното добро дело.

И на Велика Среда се читаат библиските текстови кои се во контекст со претходните денови и во врска со настаните од денот (на Утрената:Јован 12,17-50; на Литургијата: Матеј 26,6-16). Последното претсмртно помазание на Господа Христос е помазан со миро во Витанија (Матеј 26,6-13; Марко 14,3-9; Лука 7,37-50; Јован 12,1-8).

Според евангелските сведоштва, Господ Исус Христос и апостолите ноќта ја поминале „во Витанија, во куќата на Симона Прокажениот“ (Матеј 26,6). Во Евангелието, коешто се чита на Предосветената Литургија (Матеј 26,6-16), се вели дека токму на тој ден некоја жена излила миро врз главата на Господа Исуса Христа (Матеј 26,7). Со тоа, таа Него Го подготвила за погребение, како што рекол и Самиот Он (Јован 12,7).

На Исток, помазувањето со миро било позната работа. Тоа се правело на значајни личности (на цареви и првосвештеници) или, пак, кога во домовите на побогатите ќе дојдел значаен гостин, кој бил особено почитуван и уважуван – и тој бил помазуван. Обично, при помазувањето, ја помазувале косата на главата, челото, лицето и брадата, а кога сакале кон некого да покажат исклучителна почит, му ги помазувале и нозете.
Освен ова помазание, Евреите имале востановен обичај да ги помазуваат со мириси и телата на упокоените при погр ебувањето.

На Велика среда во некои краеви почнуваат да ги фарбаат велигденските јајца.

На овој ден се забранува перење, пиење, веселба.

Не треба да се работат тешки работи по дома.

Во утрото на Велика Среда, по завршената Литургија на Претходоноосветени Дарови, за последен пат се чита великопостната молитва на Св. Ефрем Сирин, и се прават три големи поклони. Потоа веќе не се прават поклони, освен пред плаштеницата на Спасителот во центарот на храмот.

Повеќе од еден милион евра, односно фантастични 64.182.837 денари Видеолотарија Касинос Австрија исплати кон играчите за ВЛТ добивки, во месец март. Среќните статистики во март покажаа: 4 СУПЕР МИЛИОНЕРИ, нови 19 МИЛИОНЕР ЏЕКПОТ добитници и дури 1926 играчи освоија МИНИ џекпот добивки.

Март ни донесе нови рекорди со ВЛТ добивки и многу нови среќни ВЛТ приказни. ВЛТ играчите на Видеолотарија Касинос Австрија изминатиот месец заедно поделија фантастични 64.182.837 денари.

Четворица играчи на видеолотариските терминали, во март освоија СУПЕР МИЛИОНЕР џекпот и заедно поделија 27.007.945 денари. Среќната низа ја започна С.З од Гостивар кој на 04.03.2025 освои СУПЕР МИЛИОНЕР вреден 7.040.573. Н.М. од Пробиштип го освои вториот вреден 7.400.427 денари на 13.03. Третиот во вредност од 6.868.155 денари замина кај Г.А. од Дојран на 21.03.2024. Четвртиот СУПЕР МИЛИОНЕР џекпот во март во износ од 5.698.790 денари го освои Р.Т. од Струмица на 28.03.

19 ВЛТ играчи станаа среќни милионери, освојувајќи МИЛИОНЕР џекпот добивки. Тие заедно поделија одлична сума од 28.491.669 денари. Во март се радуваа и играчите кои освоија МИНИ џекпот и заедно поделија 8.683.223 денари.

Видеолотарија Касинос Австрија со гордост споделува дека во текот на изминатите 10 години од нашето работење, кон играчите на видеолотариските игри на среќа, исплативме сензационални три милијарди денари. Компанијата работи согласно важечката законска регулатива и светските стандарди за организирање на игри на среќа, што ни овозможи лидерска позиција на полето на електронските игри на среќа.

Црковните храмови во Прилеп ги објавија распоредите на богослужбите за Велигденските празници:

СВЕТО БЛАГОВЕШТЕНИЕ – СТАРА ЦРКВА:

СВЕТИ КИРИЛ И МЕТОДИЈ – ПАРАКЛИС

14 април до 16 април-ВЕЛИКИ ПОНЕДЕЛНИК-ВЕЛИКА СРЕДА
07:00 ч.- Утрена, часови, вечерна;
17:00 ч. – Повечерие;

17 април – ВЕЛИКИ ЧЕТВРТОК

07:00 ч. – Часови, Изобразителна, Вечерна со Василиева Литургија, маслосвет;
18:00 ч. – Утрена со 12 Страдални Евангелија, Распетие Христово;

18 април – ВЕЛИКИ ПЕТОК
07:00 ч. – Царски Часови, Погребение Христово и полагање на светата Плаштаница;
18:00 ч. – Утрена со Статии, Оплакување на Христа и литија со Плаштаницата;

19 април– ВЕЛИКА САБОТА
07:30 ч. – Вечерна со Василиева Литургија;
23:30 ч. – Воскресен канон: Волноју морскоју;

20 април- НЕДЕЛА – ВОСКРЕСЕНИЕ ХРИСТОВО – (ВЕЛИГДЕН)
00:00 ч. – ХРИСТОС ВОСКРЕСЕ!
00:30 ч. – Утрена со Златоустова Литургија;

21 април – 2 ДЕН ВЕЛИГДЕН – СВЕТОЛ ПОНЕДЕЛНИК
07:30 ч. – Утрена со Златоустова Литургија;
17.00 ч- Вечерна

22 април – ТРЕТ ДЕН ВЕЛИГДЕН – СВЕТОЛ ВТОРНИК
07:30 ч. – Утрена со Златоустова Литургија;
17:00 ч. -Вечерна богослужба.

СВЕТО ПРЕОБРАЖЕНИЕ – ГРЧКА ЦРКВА

СВЕТА ПЕТКА – НАСЕЛБА ТОЧИЛА

-Во СВР Скопје 24-годишна жена пријавила дека таа и нејзиниот сопруг биле измамени од едно женско лице за сума од околу 824.000 денари.

Според пријавеното, таа се претставила како адвокат и сопственик на правно лице од Битола и ги довела во заблуда дека ќе им овозможи да купат стан кој бил на лицитација со учество од 30% од вкупната сума на чинење на истиот и дека останатите 70% ќе бидат платени од државни пари.

Парите во три наврати и биле дадени на рака на неа и на уште едно лице, а исто така им дале и изводи од матична книга на родени и копии од нивни лични карти.

Се преземаат мерки за расчистување на случајот – информираат од МВР.

Вицепремиерот и министер за транспорт и врски, Александар Николоски, најави директен лет Скопје – Дубаи. Веста доаѓа за време на официјалната посета на Обединетите Арапски Емирати, каде владината делегација остварува средби од економски и стратешки интерес.

Николоски информираше дека се потпишани неколку договори за соработка помеѓу Македонија и Обединетите Арапски Емирати и дека се отвараат нови можности за македонските извозно ориентирани компании.

-Министрите за надворешни работи потпишаа договор за економска соработка, исто така има договор и во образованието и културата, како и договор за заштита на инвеститорите и отргнување на двојното оданочување. Овие договори се предуслов за да можеме да одиме кон следната фаза, а тоа се конкретни инвестиции и конкретни проекти кои што ќе ги видиме во Македонија. Она што е исто така значајно, што е можеби комплетна новина за македонскиот бизнис и стопанство, а тоа е дека ОАЕ особено Дубаи, стануваат центар за трговијата кон Истокот, особено во овие комплицирани и турбулентни времиња во светот, имајќи ги во предвид геополитичките игри. Постои огромна можност за македонските компании кои што извезуваат да го користат Дубаи и Владата на ОАЕ како помош и сервис при нивниот извоз, како би се отвориле бројни нови пазари, кои што во моментов не се достапни за македонските компании, истакна вицепремиерот Николоски.

Николоски вели дека туризмот, инфраструктурата и образованието се секторите на соработка на кои се фокусираат.

-Ние веќе сме во интензивна комуникација со две од трите компании од ОАЕ, “Флај Дубаи” веќе го договоривме и за многу скоро време, прашање е на месеци, ќе има директен лет од Дубаи до Скопје. Веќе сме во интензивни преговори со “Ер Арабија”, за чартер летови од Абу Даби до Скопје и до Охрид, така што разговараме за најмалце две нови дестинации кои што би оделе од ОАЕ кон Македонија, изјави во телефонски разговор за Дневникот на МТВ, Николоски.

-На 14.04.2025 околу 15.50 часот во СВР Велес било пријавено дека на експресниот пат Дреново–Градско, во близина на приклучокот за автопатот Градско-Велес, патничко возило „фолксваген голф“ со прилепски регистарски ознаки, управувано од М.А.(74) од Прилеп, излетало од коловозот.

Во несреќата со тешки телесни повреди се здобила сопатничката Љ.А.(70) од Прилеп, додека со телесни повреди се здобил возачот и другиот сопатник Ц.Б.(65) од Прилеп, констатирани во Општата болница во Велес Извршен бил увид од увидна екипа на СВР Велес – информираат од МВР.