Сара Јованова од Македонски Брод е ученичка во трета година во СЕПУГС “Васил Антевски-Дрен” во Скопје и девојка која располага со неверојатни ораторски способности. Таа е победник на овогодинешниот Државен натпревар „Образовно рандеву 2025“ на МАССУМ, а нејзиниот говор ќе предизвика лавина од емоции кај секој еден од нас.

Темата на говорот е загубените млади животи низ градските улици поради дивеење на поединци, борбата на родителите за правда, трулоста на системот кој често се става во заштита на моќниците и сторителите…..

Слушнете во продолжение:

На 26.04. во просториите на “Гран клуб” во Скопје се одржаа првите мастерси во категорија јуниори и ветерани во американски билјард, дисциплина 9-ка од натпреварувачката 2025 година.

Врвната игра и овој пат беше главен адут на прилепските ветерани и јуниори, кои од овие натпревари се вратија со три бронзени медали и едно петто место.

На овој мастерс ветераните Оливер Апостолоски и Мајкл Хол се закитија со бронзени медали, а високото трето место во категорија на јуниори му припадна на Константин Лазаровски, кој на турнирот покажа зрелост на играч од врвен калибар.

Петтото место го освои Марко Митанов, млад играч кој поседува голем талент за високи дострели во овој спорт. Интересно е што Марко беше и најмладиот јуниор на овој мастерс со само 10 години.

Константин Лазаровски и Марко Митанов припаѓаат на школата за билјард играчи “Билјард академија Табана”, клуб кој е предводен од тренерот Владимир Ѓорѓиески.

Со овие резултати јуниорите докажаа дека се на добар пат за во иднина да ги претставуваат Прилеп и Македонија на сите престижни натпреварувања во овој спорт.

-На 26.04.2025 во 20:50 часот, на ул. “Дабнички завој” во Прилеп, полициски службеници од ОВР Прилеп го лишиле од слобода Ф.А. (45) од Битола, затоа што бил фатен во угостителски објект при извршување на кражба, при што од едно лице одзел мобилен телефон.

Пронајденото било вратено на сопственичката, а по целосно документирање на настанот, против Ф.А. ќе следува соодветна пријава – информираат од СВР Битола.

Екипата на Алкалоид направи голем успех за македонскиот ракомет со пласман во финалето во Европскиот Куп на ЕХФ преку норвешки Рунар Сандефјорд.

Тимот предводен од Кирил Лазаров, а составен од 95% македонски ракометари, дојде до мечот за трофеј по изведување на седмерци. На радоста ѝ немаше крај, а играчите прославија со „осмиот играч“ – публиката.

Стотици Македонци дадоа поддршка за Алкалоид на ова гостување, претежно нашинци кои живеат во земјата. Честитки пристигнаа и од г-дин Живко Мукаетов, Генералниот директор и Претседател на УО на Алкалоид АД Скопје.

Со погодокот на Филип Димоски во 90-та минута, Победа забележа минимален триумф на гостувањато кај Вардарски во Богданци и успеа да се врзи два триумфи по подолго време.

Со новите три бода црвено-белите сега се наоѓаат на плус осум бода од опасната зона на табелата, и се на чекор да обезбедат сигурен опстанок во Втората лига.

Во наредното коло победашите ќе го пречекаат Осогово, а до крајот на сезоната играат со Скопје и Детонит на гости и против Кожув на домашен терен.

Во емисијата “БИЗНИС МУАБЕТИ” на ФАКТОР.МК, проект на новинарот Мишко Иванов, гостуваше Игор Гешовски, сопственик на најбрзорастечката брза пошта во Македонија и регионот – Еко логистик – ЕЛС.

Гешоски зборува за тоа колкав капитал се врти моментално во Македонија со бизнисот со транспорт на пратки од Амазон, Тему и други…, како и за ширењето на ЕЛС како најлојален партнер на клиентите.

Погледнете ја емисијата во продолжение:

Хуманитарен натпревар меѓу репрезентации составени од фудбалски великани на Македонија и Бугарија ќе се одигра денеска во Варна, а целиот приход ќе биде дониран за семејствата на настраданите и повредените во пожарот во Кочани во кој загинаа 61 лице, а околу 200 беа повредени.

Хуманитарниот натпревар е во организација на бугарската Фондацијата „Национали 94“, зад која стои славната генерација на Бугарија од Светското првенство 1994 година.

Натпреварот ќе се одигра на стадионот Спартак, во Варна, со почеток во 17 часот по македонско време.

На натпреварот за Бугарија ќе настапат легендарните фудбалери предводени од Христо Стоичков, Борислав Михајлов, Емил Костадинов, Јордан Лечков, Сираков, Јорданов, Генчев, Красимир Балаков, а од помладата генерација Валери Божинов.

Македонската репрезентација ќе биде составена од фудбалери од првата репрезентативна генерација, меѓу кои великаните, Илија Најдоски, Драган Канатларовски, Тони Мицевски, Љупчо Марковски, Неџмедин Мемеди, Зоран Бошковски, Горан Пандев, Агим Ибраими, Ѓорги Христов и Артим Шаќири.

Селектор на македонската репрезентација ќе биде Ѓоко Хаџиевски, а Димитар Пенев ќе ја предводи Бугарија од клупата.

Вандалски оштетени канделабри во центарот на Прилеп, на само неколку чекори од зона низ која секојдневно се движат деца и семејства – објавија од општина Прилеп, од каде најостро го осудија уништувањето на јавната инфраструктура од поединци, кои на ваков начин предизвикуваат сериозна опасност по безбедноста на граѓаните.

-Благодарение на навремената реакција на општинските служби и екипите задолжени за одржување, проблемот е веднаш саниран и безбедноста е воспоставена.Апелираме до сите сограѓани за зголемена свесност и одговорност. Заедно да го чуваме нашиот град чист, безбеден и уреден!Пријавете секаков вид на уништување на јавниот простор – заедно можиме да спречиме несакани последици – велат од општина Прилеп.

Планинарската група Прилепски Планинари – Авантуристи ве кани на планинарска дружба по Селечка Планина во чест на Томе Темелкоски, градителот на планинарскиот дом кој го носи неговото име.

Стартот на турата е во 9 часот од манастирот Св Димитрија во село Селце ( 7 км.) оддалечено од Прилеп.

Турата е во должина од 12-13км. средно тешка и висинска разлика од околу 800м.

Опис на турата:

– Старт 9 часот св. Димитрија с. Селце.
– првата пауза е во локалитетот Домаќинско Чешмуре.( поручек од ранец).
– втората пауза е пред ливадата на местото викано Дуна Нива.
– третата пауза е на местото викано Стогот под врвот Калушоец.( не е во програмата за негово искачување).
– движење по сртот на Селечка Планина со погледи кон Пелистер, Кајмакчалан, Кожув, Мариово. Солунска Глава, Прилеп и стигнување до споменикот Устрелец изграден во чест на Прилепските Бранители кои загинаа на Карпалак каде следи и пауза.
– упатување кон под врвот Чуле( не е во програмата за негово искачување) и се упатуваме кон Планинарскиот дом Томе Темелкоски.
– ручек во домот ( од ранец), мала дружба
– враќање кон манастирот Св. Димитрија
– Затворање на турата и видување до наредна година.

Време траење на турата е од 3 – 4 часа(пешачење нормално темпо)

Пауза за поручек 30мин.

Втора, трета и четврта пауза по 20мин.

Пауза за ручек и дружба 2-3 часа.

– Крај на турата 17 часот.

Напомена: Движењето оди во групата без оддстапувања напред пред водичите.

-СВР Скопје поднесе кривична пријава против Г.М.(36) од Прилеп поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурзори“. На 28.09.2024, полициски службеници извршиле преглед над пријавената, при што биле пронајдени и одземени марихуана и амфетамин – информираат од МВР.