Видеолотарија Касинос Австрија им исплати фантастични 55.290.290 денари на играчите на ВЛТ терминалите ширум Македонија во периодот од 01.03.2026 до 31.03.2026.

Овие бројки се убав доказ за илјадници нови среќни приказни. Во март имавме:

4 СУПЕР МИЛИОНЕР џекпот добитници → исплатени вкупно 25.068.342 денари
16 МИЛИОНЕР џекпот добитници → исплатени вкупно 23.212.191 денари
МИНИ џекпот добитници → играчите заедно поделија 7.009.757 денари
Видеолотарија Касинос Австрија повеќе од една деценија успешно работи во согласност со сите законски регулативи и меѓународни стандарди. Во изминатите 11 години, на среќните играчи низ Македонија им се исплатени преку три милијарди денари – доказ за транспарентност, стабилност и лидерска позиција во областа на електронските игри на среќа.

Само за потсетување, минатата 2025 година ќе се памети како година на рекорди, еуфорија и многу среќни ВЛТ добитници! Видеолотарија Касинос Австрија во текот на годината им исплати на играчите на ВЛТ импресивни 814.512.912 денари, односно повеќе од 13 милиони евра за ПРЕМИУМ, РОЈАЛ, СУПЕР МИЛИОНЕР, МИЛИОНЕР и МИНИ џекпот!

Да се стрпиме неколку недели или месеци. Додека не бидам сигурен во она што го зборувам, нема да кажам ниту име, ниту процес, одговори премиерот Христијан Мицкоски на прашањето дали ќе има промени во владиниот состав и има ли министри од чија работа не е задоволен.

Како што рече, до крајот на април и почетокот на мај ќе се фокусираат на реструктурирање во партијата што ја предводи, а потоа, во мај-јуни, ќе се посветат на евентуални промени и на договори во коалицијата.

-Очекувам дека до крајот на април или почеток на мај ќе ја затвориме внатрешната структура и потоа, во мај-јуни, ќе се посветиме на меѓукоалициските договори, на кадровските поместувања, освежувања, институциоанлни рокади, додаде претседателот на Владата.

По повод најголемиот христијански празник Велигден, хорот „Керамија“ вечерва / 6.04 – понеделник/ во фоајето од 19 часот ќе одржи концерт, на кој ќе бидат изведени тропари во византиски напев, литургиски песни од источната и западната
христијанска традиција, како и духовна и световна хорска музика. На програмата се дела од С.Мокрањац, Д.Бортњански, Nectarios of Aegina, Ola Gjeilo и други значајни композитори.

Женскиот камерен хор „Керамија“ е формиран на 11.01.2023 година во Прилеп, по иницијатива и под диригентската палка на Катерина Попоска. Хорот е составен од професионални музичари и аматери – ентузијасти и љубители на хорската уметност.

Во изминатиот период, постепено, но сигурно, се афирмира како значаен чинител во хорското пеење, придонесувајќи за развој на нова и современа хорска пракса во градот под Марковите кули. „Керамија“ на повеќе наврати успешно реализираше проекти во кои беше домаќин на хорови од други градови во Македонија. Хорот има остварено успешни и наградувани настапи на натпревари, како и бројни ревијални концерти низ земјата. Моментално, хорот брои девет членки. Ане Гембеш Чесноска, Оливера Цветаноска, Катерина Талеска, Ангела Иваноска, Билјана Црвенкоска, Катерина Ангелеска-Димеска, Фросина Вандевска, Ивана Љоческа и Катерина Попоска хорист, уметнички директор, диригент.

Последната седма недела од чесниот пост што му претходи на Велигден е Страстната – Страдалната седмица.

Од денеска – Велики понеделник до Велика сабота верниците ја поминуваат во строг пост, молитви и покајание.

На богослужбите во црквите се потсетува на последните земни денови на Исус Христос, неговото приведување и страдањето на крстот.

Оваа недела се нарекува „страстна“ според старословенскиот збор „страст“ што значи страдање, трпение и болка.

На Велики понеделник црквата потсетува на осум библиски настани – четири од Стариот и четири од Новиот завет. Велики понеделник е: ден на старозаветниот Јосиф, намразениот од браќа си, ден на пророчките виденија, ден на маките во ропството и ден на праведниот Јов, како и ден на бесплодната смоква, неправедните лозари, за крајот на светот и очистувањето на храмот.

На Велики вторник православната црква го покажува Богочовекот Исус Христос како сезнаечки, кој во саботата кога го воскреснал Лазар, знаел дека еврејските старешини го осудиле на смрт. На богослуженијата се читаат текстовите од Светото евангелие што ги опишуваат настаните што се случиле токму на Велики вторник, кога Исус Христос изговорил најмногу поуки и параболи во Ерусалим. Тоа се Неговите последни поуки и опомени пред да биде предаден и распнат.

На Велика среда се споменува предавството на Јуда. На тој ден во спомен на жената која истурила миро на христовите нозе, во црквите се врши една од седумте свети тајни-осветувањето елеј. Верниците тогаш се помазуваат со осветеното масло како лек за телесно и за душевно здравје.

На Велики четврток си спомнуваме за Тајната вечера и сè што се случувало тогаш – подготовката, миењето нозете на апостолите, поуката за смирението и братољубието, посочување на предавникот и излегувањето на Јуда од вечерата. На тој ден Исус Христос ја востановил светата тајна на причестување во облик на леб и вино што го претставуваат телото и крвта Господово. На Велики четврток се служи литургија на Василиј Велики. Вечерта има бдеење и се читаат 12 евангелија за Христовите страдања.

На Велики петок нема литургија. Тоа е најжалосниот ден за христијаните бидејќи Исус Христос бил осуден и распнат на крст. Во времето на смрттта на Синот Божји земјата се затресла, Сонцето се помрачило, а завесата во ерусалимскиот храм се искинала на два дела. Наместо камбани, во црквите се до недела се слуша звукот на клепалото. Вечерта се изнесува плаштеницата која го означува посмртното облекување и полагање во гробот на Исус Христос и се служи опело. По обиколката околу храмот верниците минуваат под плаштеницата.

Велика Сабота е денот меѓу смртта и воскресението, меѓу петок и Велигден, денот што ги спојува распнувањето и радоста, исчекување пред Христовото Воскресение. На Велика сабота последниот ден од Велигденскиот пост се служи опело за Исус Христос. Во раните попладневни часови се служи литургија на Свети Василиј Велики. Во ерусалимскиот храм на Светиот гроб на Господ Исус Христос во кој претходно се изгасени сите свеќи и кандила се пали светиот оган што го прима ерусалимскиот патријах и потоа го пренесува на народот.

Во недела е Велигден, денот на воскреснувањето на Исус Христос, кога ја докажал својата божествена моќ и воскреснал од мртвите. Воскресението Христово на полноќ се објавува во сите православни храмови, а се одржуваат воскресенски литургии. Овој празник е спој на верата и традицијата. Широко е распространета традицијата кршење со велигденски јајца за здравје, благостостојба и напредок.

Велигден е тридневен празник кој покрај недела ги вклучува и понеделник и вторник.

На Велигден верниците се поздравуваат со поздравот „Христос воскресе“ и „Вистина воскресе“.

Во време кога сè почесто слушаме за кашлици, алергии и ослабен имунитет кај децата, кога вирусите не се тоа што беа, мутираат, се појавуваат нови, здравјето на најмалите, но и нашето, на повозрасните ни е приоритет. За среќа во Прилеп постои едно топло, тивко катче кое за многумина веќе направило разлика.

Позади Бизнис центарот, веднаш до „Калипсо“, се наоѓа Salt Play Spa – место создадено со љубов од три другарки, кои од идеја направија приказна што денес им помага на голем број деца и возрасни од нашиот град, но и од регионот, да дишат полесно и да се чувствуваат подобро.

View this post on Instagram

Ова не е само бизнис! Ова е мисија!

За што станува точно збор?! Солената соба е природен сојузник на здравјето!

Во просторијата исполнета со фина сол, децата не чувствуваат дека се на „третман“. Тие играат, се смеат, градат замоци од сол… а во исто време, нивното дишење станува полесно.

Станува збор за халотерапија – природен метод кој со вдишување на микрочестички сол ги прочистува дишните патишта, ја намалува слузта и го олеснува дишењето.

Медицинските лица објаснуваат дека ваквата терапија може значително да помогне кај состојби како астма, бронхитис и алергии, но и генерално да го зајакне имунитетот, а сето тоа се случува на природен, нежен начин.

НАЈВАЖНО, ШТО МОЖЕБИ МНОГУМИНА ДОСЕГА НЕ ЗНАЕЈА, ДЕКА СОЛЕНАТА СОБА НЕ Е САМО ЗА ДЕЦА – И ВОЗРАСНИТЕ ТУКА МОЖАТ ДА ГО ПРОНАЈДАТ ПАТОТ ЗА ПОДОБРО ЗДРАВЈЕ!

Иако најмногу насмевки ќе видите кај децата, ова место не е само за нив.

Сè повеќе возрасни го откриваат бенефитот од солената соба – момент кога конечно можат да застанат, да земат здив и да се ослободат од секојдневниот стрес.

Помага при проблеми со синуси, алергии, хронична кашлица, но и едноставно – да се почувствувате подобро.

А кога на тоа ќе се додаде и масажа во солена средина – релакс, терапевтска или вакуум масажа – тогаш искуството станува целосно.

Самото име Salt Play Spa кажува дека тука се кријат уште изненадувања, па да ви откриеме дека тука има волшебно катче кое ќе биде од огромна помош за оние најмалите, најслатките – бебињата.

Да, во овој топол простор посебно внимание им е посветено и на најмалите, преку третманите за Baby Spa.

Станува збор за уникатно искуство каде бебињата, со помош на специјални гуми, слободно се движат во топол базен во форма на џакузи. Тоа не е само момент на радост – туку и важен чекор во нивниот развој.

Движењето во вода им помага да ја развијат моториката, да ја зајакнат мускулатурата и да се релаксираат, што често значи и подобар сон.

Осoбено за издвојување е нивната програма за детска гимнастика (Kids Gym), нешто што ја прави Salt Play Spa комплетна за целосен развој кај најмалите со подобрување на нивната моторика и психофизичко здравје.

Преку Kids Gym програмата, тие учат да се движат, да балансираат, да координираат… но сето тоа низ игра, смеа и дружба.

Со внимателно подготвена програма и работа со професионалци, децата ги развиваат своите моторички и психо-физички способности – нешто што е клучно за нивниот раст.

За крај неколку збора и за детските работилници, кои се причината за најголем број насмевки кај нашите најмали.

Секоја сабота, просторот оживува со детска креативност. Работилниците не се само активност – туку можност децата да создаваат, да учат и да се поврзуваат.

Тука се дружат, се смеат и растат заедно.

Како што кажавме и погоре, Salt Play Spa не е само бизнис, ова е визија, храброст и желба да се направи нешто добро за заедницата, да се изградат здрави поколенија и да се подобри здравјето на целата популација во нашиот град.

Ова е место каде: децата дишат полесно, родителите се чувствуваат посигурно, а секоја посета остава чувство дека сте направиле нешто добро – за себе и за вашите најмили.

Не чекајте ни ден повеќе, посетете ги, или јавете се и закажете на телефонскиот број: 075 511 717

Ракометарите на Прилеп продолжуваат со максимален ефект во суперлигашкиот плеј-аут, откако на гостински терен го совладаа Пролет со 30-29, запишувајќи ја четвртата победа во исто толку натпревари во борбата за опстанок.

Клучна фигура во триумфот беше голманот Иван Ангелески, кој блесна со вкупно 14 одбрани, а херојскиот момент го имаше во самиот финиш, кога одбрани пенал по истекот на регуларното време, спречувајќи израмнување по ударот на Стоилевски и обезбедувајќи вредни бодови за својот тим.

Прилепчани подобро го отворија натпреварот и рано поведоа со 3-0, задржувајќи ја предноста во поголемиот дел од првото полувреме. Сепак, домаќините од Пролет се вратија во игра и во еден период имаа и водство, но на паузата се замина со израмнет резултат 15-15.

На почетокот од второто полувреме, капитенот на Пролет, со два брзи погодоци донесе водство од 17-15, но Прилеп експресно возврати и повторно ја презеде контролата врз резултатот.

Во завршницата, гостите имаа предност од 27-24, но Пролет успеа да се доближи на само еден гол разлика и пропушти можност за израмнување. Тоа Прилеп го искористи и со два брзи погодоци повторно се одлепи на 30-27. Иако домаќините намалија на 30-29 и добија пенал во последните секунди, Стоилевски не успеа да го совлада Ангелески од седум метри.

Најефикасен во редовите на Прилеп беше Шипинкоски со седум гола, додека Димитриоски и Илиески постигнаа по пет. Кај Пролет, по седум погодоци запишаа Стоилевски и Андоновски.

Владата денеска во 11 часот ќе одржи вонредна седница на која ќе се разгледува состојбата со цените на горивата, во пресрет на можен нов раст поради турбуленциите на светските нафтени берзи.

По седницата, во 11:45 часот, прес-конференција ќе одржи премиерот Христијан Мицкоски.

Претходно, Мицкоски најави дека Владата ќе донесе одлука за намалување на акцизите, со цел да се ублажи ценовниот притисок и да се спречи ново поскапување.

„Според овие калкулации, дизелот требаше да поскапи околу 7 денари, а бензините околу денар и пол до два. Со владината седница исполнети се условите да ги намалиме акцизите – за дизелот за 4 денари по литар, а за бензините за 2 денари по литар“, изјави Мицкоски.

Според најавите, цената на дизелот се очекува да стагнира, додека бензините би можеле да поевтинат за околу половина денар, зависно од тоа дали ќе продолжат попустите од компанијата ОКТА.

Конечната одлука за цените, како и досега, ќе ја донесе Регулаторната комисија за енергетика во понеделник.

Премиерот нагласи дека мерките ќе имаат фискални последици, но Владата ќе продолжи со интервенции.

„Тоа ќе се одрази врз буџетот, но ќе продолжиме и со мерката 10% ДДВ уште две недели, по што ќе ја следиме состојбата и ќе реагираме“, изјави Мицкоски.

Православните христијани денеска го празнуваат Влегување на Господ Исус Христос во Ерусалим Цветници.

Празникот Цветници познат уште и како Цветоносна недела и Врбица, секогаш е една недела пред Велигден и се празнува во спомен на влегувањето на Исус Христос во Ерусалим, кога неговите ученици и симпатизери со цвеќе и врбови гранчиња, како и со својата облека, му го постилале патот.

Неделата, една седмица пред Велигден е празникот Цветници познат уште и како Цветоносна недела и Врбица, што се празнува во спомен на влегувањето на Исус во Ерусалим, кога неговите ученици и симпатизери кршеле цвеќе од дрвјата и врбови гранки и со нив, како и со својата облека му го постилале патот по кој минувал. Саботата пред Цветници се вика Лазарева Сабота или Лазарица, односно Лазара. Според преданието, во саботата умрел Лазар од Витанија, а во неделата Исус го воскреснал. Поради тоа во народот неделата се смета за поголем празник од саботата.

Според тогашните закони учител можело да биде само лице што наполнило триесет години. Исус веќе четврта година го проповедал своето учење, а бидејќи за Пасха мноштво народ доаѓал во Ерусалим за да го прослави празникот и Исус по четврти пат доаѓал како учител.

Но тогаш разбрал дека неговиот пријател Лазар од Витанија е тешко болен. Исус веднаш се упатил таму, но стигнал четири дена по неговата смрт и по погребот. Сестрите на Лазар, Марта и Марија, го прекориле Исуса велејќи му дека ако дојдел на време немало Лазар да умре. Марта му рекла: „Господи, ако беше Ти овде, немаше да умре брат ми. Но и сега знам што и да посакаш од Бога, Бог ќе ти даде“.

Легендата вели дека Бог сакал Лазар да умре за врз него да се манифестира силата Божја. Кога дошол до гробот, Исус го повикал Лазара: „Лазаре, излези надвор“. И Лазар веднаш излегол завиткан со платно на рацете и нозете и со крпа околу лицето. Сите што го виделе тоа се почудиле и поверувале дека Исус е синот Божји. Со овој чин Исус уште повеќе се здобил со слава. И пак се упатил кон Ерусалим.

Кога стигнал во подножјето на Маслиновата гора, Исус пратил двајца свои ученици во Витфагија за да му донесат осле (магаре) и ослица. Им рекол: „Одете во селоно, што е наспроти вас и веднаш ќе најдете врзана ослица и осле со неа; одврзете ги и доведете ми ги. А ако ви рече некој нешто, ќе му кажете дека му се потребни на Господа и веднаш ќе ги прати“.

Учениците ги донесле, а потоа ги ставиле на ослето своите облеки врз кои седнал Исус и така влегол во Ерусалим поздравен од мноштво народ. Ваквиот пречек на Исус во Ерусалим бил последица од неговата голема популарност меѓу народот уште повеќе зголемена по воскреснувањето на Лазара. Се поставува прашањето, зошто Исус во Ерусалим влегол качен на магаре?

Толкувачите на Светото Писмо истакнуваат дека кај источните народи магарето било симбол на мирот, наспроти коњите што служеле за водење војни. Магарето мирно му служело на човекот, како што и Исус му служел на народот. Пречекувајќи го Исуса воодушевениот народ со цвеќе, врбови гранки, но и со својата облека го постилал патот и пеел: „Осана на синот Давидов. Благословен е оној кој доаѓа во името Господово. Осана на вистините“.

Во спомен на ова свечено влегување на Исус во Ерусалим уште од најраните христијански времиња е востановен празникот Цветници кој, меѓутоа, се празнува од III век. На иконата овој чин е насликан како Исус јава на магаре, а неговите ученици и народот му го постилаат патот со цвеќе и облека.

Во рамките на националната кампања „Недела на пешаците“, иницирана од Републичкиот совет за безбедност на сообраќајот на патиштата (РСБСП), во Прилеп се реализираше едукативна активност насочена кон подигнување на свеста за безбедноста на пешаците.

Активноста беше организирана од Општинскиот совет за безбедност на сообраќајот, а во нејзината реализација активно се вклучи и компанијата „Авто Контрол“. Во едукативниот процес учествуваа ученици од СОУ „Ристе Ристески“ – сообраќајна струка, како и претставници од Министерството за внатрешни работи.

Целта на настанот беше да се потсети јавноста на важноста од почитување на сообраќајните правила и зголемување на вниманието кон пешаците како најранлива категорија во сообраќајот.

Од „Авто Контрол“ истакнуваат дека како општествено одговорна компанија, континуирано се залагаат за безбеден сообраќај и одговорно однесување на сите учесници, давајќи активен придонес во вакви иницијативи.

Во рамки на кампањата беше упатен и апел до возачите:

✔️ Да ја намалат брзината пред пешачки премин
✔️ Да бидат внимателни, бидејќи нечиј живот зависи од нив

Пораката е јасна – сите сме пешаци и сите имаме одговорност да придонесеме за побезбедни улици.

Големата сала на ЈОУ ГРАДСКА БИБЛИОТЕКА „БОРКА ТАЛЕСКИ“ – ПРИЛЕП беше претесна да ги собере сите љубители на пишаниот збор и почитувачи на делото на Венко Андоновски, на синоќешната промоција на неговото најново дело “Александар јава на запад”.

Прекрасен настан во кој уживаа сите присутни. Настанот го отвори директорката Андриана Ристеска, промотор беше Габриела Стојаноска Станоеска, а извадоци читаше актерот Александар Тодески.

Се разви и дискусија помеѓу авторот и публиката, што е доказ дека ние како организатори успеавме да ги заинтригираме присутните да се запознаат поблиску со содржината на овој нов роман, кој е веќе достапен за зајмување во нашата установа.

Повторно се уверивме во она што веќе го знаевме, а тоа е дека Венко Андоновски е вистински мајстор на пишаниот збор!

Библиотеката Борка Талески и понатаму останува вистински Светилник на културата во Прилеп и пошироко, место каде книгата живее, а знаењето и мудроста се пренесуваат од генерација на генерација!