Од денеска до 5 мај 2025 е рокот за пријавување за правото на субвенциониран студентски оброк за академската 2024/2025 година.

Министерството за образование и наука во објавата на повикот за субвенцијата посетува дека се направени измени на Законот за субвенциониран студентски оброк, согласно кои се проширува опсегот на мерката.

-Отсега работниот статус не е ограничувачки услов за студентите, така што правото ќе можат да го користат сите редовни студенти на додипломски студии кои имаат месечен приход помал од просечната нето минимална плата, но и студентите запишани на постдипломски студии и на интегрирани студии на државните и приватните универзитети во државата, се наведува во објавата на МОН.

Студентите кои ги исполнуваат условите, а не аплицирале досега, може да поднесат апликација електронски преку порталот: https://e-uslugi.mon.gov.mk.

Во објавениот повик се наведени информации за условите и критериумите за остварување на правото на субвенциониран студентски оброк, како и контакти за поддршка при аплицирањето.

-Студентите на кои им било прекинато правото на субвенциониран оброк, а сметаат дека ги исполнуваат условите, можат повторно да аплицираат. Овој рок е исто така отворен за студентите кои не аплицирале во претходните активни рокови, информира Министерството за образование и наука.

Меѓународниот празник на трудот се одбележува во знак на сеќавање на 1 мај 1886 година, кога во Чикаго, САД, повеќе десетици илјади работници излегле на улиците, барајќи подобри услови за работа и доследна примена на осумчасовното работно време.

Тој ден во Чикаго околу 40.000 американски работници стапиле во генерален штрајк, под паролата „три осумки“ – по осум часа работа, одмор и слободно време.

Протестот, на кој е одговорено со репресија, поради бруталната реакција на власта и работодавачите, а потоа и со низа жртви, стана еден вид симбол на борбата за права на обесправените.

Протестите започнаа на 1 мај, а до сериозни судири со полицијата дошло на 4 и 5 мај, кои се прошириле и надвор од Чикаго.

Полицијата се обидела да ги разбие собирите, што завршило со жестоки насилства и многу жртви, како меѓу демонстрантите така и меѓу полицијата. Во судирите во Чикаго загинале најмалку шест лица, околу 50 работници се повредени, а многумина се уапсени. Подоцна петмина работнички лидери се осудени на смрт, а тројца на затворска казна.

Во знак на сеќавање на големата манифестација на обесправените и нивната одлучна борба, на Првиот конгрес на Втората интернационала во 1889 година е донесена одлука 1 Мај да се одбележува со масовни собири, протести и пригодни манифестации. На Вториот конгрес во 1891 година, 1 Мај и официјално е прогласен за Меѓународен празник на трудот.

Постепено, во текот на последните години од 19 век и на почетокот на 20 век, 1 Мај е сè помасовно прифатен и одбележуван, многу често и со големи протести. Во повеќето земји од светот овој ден е прогласен за државен празник.

Необичен е фактот дека само во САД, каде што всушност и сè започнало, празникот на трудот веќе не се одбележува на овој датум, туку под името Ден на трудот се празнува првиот понеделник во септември.

Работничките синдикати се следбеници на оваа иницијатива. До денешен ден, како во целиот свет така и кај нас, Први мај се одбележува во спомен на чикашките работници, на оние кои своите животи ги дадоа за зачувување и унапредување на работничките права. Синдикалното движење во Република Северна Македонија има длабоки корени и традиција. Првите синдикални зачетоци датираат од 1908 година, кога е формиран првиот легален Синдикат на чевларските работници.

Сè до 2006 година во нашата земја Денот на трудот се празнуваше два дена (1 и 2 мај), а од 2007 година се празнува само еден ден. Вообичаено кај нас овој ден не се одбележува политички, но е синоним за скара и природа. Традиционално на Први мај голем број граѓани ги посетуваат излетничките места.

Под слоганот „Играј со најдобрите“, Видеолотарија Касинос Австрија го пушти во функција  мултифункционалното игралиште во с.Моноспитово, општина Босилово. За неговата реконструкција, Видеолотарија донираше 4.315.391 денари.

Видеолотарија Касинос Австрија со буџет од милион евра, овозможи фунцкционалност на 20 игралишта низ Македонија досега. Најновото е мултифункционалното игралиште во Моноспитово, кое е реконструирано со донација од 4.315.391 денари.

Со задоволство споделуваме со јавноста дека овозможивме функционалност на 20 игралишта низ Македонија, со што придонесуваме за општествениот развој и унапредување на животот на луѓето во нашата земја.

Со донација од  4.315.391 денари, овозможивме функционалност на најновото спортско игралиште, комплетно оспособено за ракомет, фудбал, кошарка и одбојка. Поставена е нова подлога и нова ограда, обезбедени се и сите потребни спортски реквизити, кои ќе овозможат нови спортски навики кај младите, но и сите други жители.

Градоначалникот на Општина Босилово, Ристо Манчев изрази благодарност до Видеолотарија  Касинос Австрија за донацијата и успешната соработка. Оваа донација е значајна и корисна за развојот на спортската инфраструктура, нагласи градоначалникот Манчев.

Видеолотарија и во иднина, одговорно ќе продолжи со својата мисија за креирање на зони за спорт, забава и рекреација на најмладите низ целата земја. Со оваа стратегија, Видеолотарија Касинос Австрија ги реализира општествено одговорните компаниски цели, значајни за развој и унапредување на животот на граѓаните. Нашата идеја е да придонесеме во развојот на спортскиот дух кај младите и градењето здрави навики, преку забава и игра.

-На 29.04.2025, во 21:45 часот во ОВР Прилеп, Д.Р.(37) од Прилеп пријавил дека во игротека во Прилеп бил физички нападнат од непознато лице.

Се преземаат мерки за расчистување на настанот – информираат од СВР Битола.

Исплатени се субвенциите од општина Прилеп за набавка на инвертер клима уреди на оние граѓани кои аплицираа и ги исполнија условите од јавниот повик, информираше денеска градоначалникот Борче Јовчески.

-Денес, Општина Прилеп исплати вкупно 2.873.703 денари на граѓаните кои добија субвенции за дел од трошоците за набавка на инвертер клима уреди. Овие средства се доделени согласно јавниот повик, со кој беа опфатени 289 домаќинства, со цел поддршка на енергетски поефикасно и еколошки одржливо затоплување. Како Локална самоуправа, остануваме посветени на креирање на поквалитетни услови за живеење и на мерки што директно го подобруваат животниот стандард на нашите сограѓани – напиша Јовчески на ФБ.

-ОВР Кавадарци до ОЈО Кавадарци поднесе кривична пријава против О.В.(42) од Кавадарци поради постоење основи на сомнение за сторени 11 кривични дела, од кои девет кривични дела „тешка кражба“, по член 236 став 1 од Кривичниот законик и две кривични дела „кражба” по член 235 став 1 од Кривичниот законик.

Имено, во периодот од септември 2024 година до јануари 2025, О.В., најчесто со употреба на сила и подесен алат, од викенд куќи , семејни домови, верски објекти и продажен објект, на подрачје на Кавадарци и Росоман одзел различни предмети.

Со извршување на делата тој се стекнал со противправна имотна корист од околу 466.000 денари. На 16.01.2025 О.В. е лишен од слобода, а по издадена наредба од Основен суд Кавадарци, при извршен претрес во домот каде престојувал, биле пронајдени и одземени предмети од извршените кривични дела – информираат од МВР.

На пат од Валенсија кон Скопје, добив одлична вест во авион: раст на индустриското производство за март од 5,2% на годишно ниво, споредено со март 2024 година и после долго време раст на индустриското производство на квартално ниво, вели премиерот Христијан Мицкоски.

-Имено, во првиот квартал од 2025 споредено со првиот квартал од 2024 година, индустриското производство порасна за 2%. Посебно радува фактот што расте преработувачката индустрија во март за 4,8%, а во првиот квартал за 3,6%, рече тој.

Мицкоски одговори на прашањето: „Што наследивме како влада?“

-Во вториот квартал од 2024 година, индустриското производство паѓаше со -7%, а индустријата беше во тешка рецесија. Следеа два квартали на стабилизација и конечно имаме во првиот квартал од 2025 година раст на индустриското производство, во исклучително сложени услови за европската економија и автомобилската индустрија. Ова се солидни индикатори и инспирација да продолжиме со дисциплинирани и развојни економски политики. Горда Македонија е богата Македонија, рече премиерот.

На Државниот натпревар по географија, кој се одржа на 25.04.2025 г. во просториите на Природно Математичкиот Факултет – Скопје, гимназијаците од прилепската гимназија “Мирче АцевЌ ја продолжија традицијата на успешни настапи.

На натпреварот во различни категории се натпреваруваа учениците: Ангела Петреска, Галина Гешоска, Матеја Бардакоска, Јована Тодороска, Михаела Богевска, Александар Велјаноски, Теодора Тасеска, Марија Апостолоска, Андреј Вршкоски, Ненад Талески, Ева Јашмакоска, Јован Митов и Ивана Атанасоска.

Од нив најдобро се пласираа следните ученици:

Ненад Талески (втора година) – освои трето место и
Александар Велјаноски (трета година) – освои втора награда
Ментор на Ненад и Александар е проф. Александра Ристевска

Матеја Бардакоска (прва година) – освои трета награда.
Ментор на Матеја е проф. Виолета Проскоска Велкоска

Честитки за учениците и нивните ментори!

Да ја спасиме ногата на Андреа – 23-годишна девојка од Прилеп со срце поголемо од болката!

Фондацијата “Павел Андреев” објави иницијатива за собирање средства за млада прилепчанка, која мора итно да замине на операција на ногата во Турција.

Апелот во продолжение е на нејзината мајка Мариче:

Почитувани хумани луѓе,

Ве молам да одвоите миг и да ја чуете приказната на мојата ќерка – Андреа. Таа има само 23 години, но последните пет ги поминува во болка и страдање. Пред пет години преживеа тешка сообраќајна несреќа – несреќа што ѝ го промени животот засекогаш. Се здоби со повеќе тешки скршеници на целото тело, а нејзината нога беше двапати оперирана. За жал, ниту една од операциите не беше успешна.

Денес, Андреа живее со секојдневни и постојани болки. Не може нормално да се движи, не може самостојно да ги извршува ниту наједноставните обврски. Новите лекарски наоди укажуваат на сериозни оштетувања на коската – толку сериозни што, ако не се направи итна и прецизна операција во странство, постои реална опасност нејзината нога да мора да се ампутира.

Јас сум самохрана мајка. Андреа ми е сè во животот. Знам дека не можам сама да се справам со трошоците за третманот, но не можам ниту да прифатам дека моето дете ќе остане без нога затоа што немаме пари.

Затоа, со сето срце Ве молам – помогнете ни. Бидете дел од приказната што ќе ја врати надежта и животот на едно младо девојче. Секој денар значи чекор поблиску до спас. Да не дозволиме парите да бидат причината што ова дете ќе изгуби дел од себе.

Со благодарност и надеж до сите вас хумани луѓе од Мариче мајката на Андреа

АЈДЕ ХУМАН ПРИЛЕП, АЈДЕ ХУМАНА МАКЕДОНИЈО, да донираме кој колку може на линкот во продолжение:

https://pavelandreev.org/mk/campaign/idninata-za-andrea?fbclid=IwY2xjawJ-RMVleHRuA2FlbQIxMABicmlkETFlQ3h4SHBhZjJONVJLNXRDAR5A96Rq4jV1rhRd1iWv8rjmp6366UxwqaWU0D0EJViaDtYRRxqFwtcl4fFGnA_aem_UMYPbEmo9yCQpY1ufAVOVQ

Игор Стефановски Иџе трката во Австрија од ФИА Европскиот шампионат на ридски патеки (еHC), ја заврши на подиум. Иџе го освои третото место во генерален пласман од сите натпреварувачи на легендарната патека Рехбер

Летечкиот Македонец, Игор Стефановски Иџе изминатиов викенд во новиот ФИА Европскиот шампионат на ридски патеки (еHC), ја возеше втората трка во Австрија. Легендарната патеката Рехберт важи за една од најценетите и најстари патеки во Европа. Иџе во првото возење беше четврти, во втората трка направи второ најдобро време на патеката, а овој резултат му обезбеди трето место во генералниот пласман.

„Трето место во генерален пласман од сите натпреварувачи на легендарната патека Рехбер во Австрија, во конкуренција со над 250 натпреварувачи од цела Европа. Ова е силен успех. Успеавме да се искачиме на подиум во исклучително моќна конкуренција. Благодарен сум на целиот тим и особено на тимот на Ферари, кои со своите нагодувања го направија мојот автомобил перфектен за оваа трка. Тешко е навистина да се натпреварувате против возачи чии возила имаат повеќе од 1.000 кс и погон на сите 4 тркала. Секако, искуството кое го стекнав низ годините во кои се натпреварувам, ми овозможи да им парирам на овие „тркачки ѓавол и секогаш да се борам за висок пласман. Благодарност до моите спонзори и Министерството за спорт за несебичната поддршка на патот кон големите успеси, како за мене, така и во претставувањето на нашата земја“ изјави Стефановски.

Стефановски и годинава се трка со автомобилскиот ѕвер од Ферари 488 B8, специјално дизајниран за овие патеки. Стефановски е победник во Европскиот шампионат на ридски патеки, во група 1. ФИА Европскиот шампионат на ридски патеки, годинава има 11 трки, од кои две се завршени.

Тимот на Видеолотарија Касинос Австрија му го честита успехот и на оваа неверојатна трка. И во следните 9 трки од ФИА Европскиот шампионат на ридски патеки (еHC), ќе бидеме дел од неговиот тим. Ние сме горди што повеќе од една деценија заедно навиваме за Иџе и Македонија.