Министерството за економија и труд денеска во Прилеп го одржа првиот информативен ден, на кој беа презентирани мерките од Оперативниот план за активните програми и мерки за вработување и услуги на пазарот на трудот за 2025год., како и останатите мерки предвидени со Програмата за работа на министерството.

Во собраниската сала на Советот на општина Прилеп, заменик министерот Марјан Ристески, заедно со заменик директорот на Агенцијата за вработување и директорката на Агенцијата за претприемништво, пред голем број, пред се млади луѓе, претставници од бизнис секторот, невладини организации и граѓани, ги презентираа мерките и новитетите кои ги предвидува досега овој рекорден Оперативен план.

-Оперативниот план е рекорден, изнесува околу 2,5 милијарди денари, или околу 40 милиони евра, што значи за 7,5 милиони евра повеќе од претходните години. Со овој план ќе бидат опфатени 16 500 лица, од кои што најголем број ќе бидат млади луѓе, бидејќи целта на Оперативниот план е да се даде шанса на младите луѓе и да се намали одливот на млад работен кадар од Република Македонија. Да напоменам и тоа дека дека овој Оперативен план има предвидено и голем број на марки и подмерки, има и новитети во Оперативниот план, а една од најатрактивните е секако самовработувањето, каде треба да нагласам дека се зголемени средствата за цели 1.000 евра, односно од 6 на 7.000евра, а додека за младите луѓе ди 29 години, се зголемени од 6 на 10.000евра, истакна Ристески.

Заменик министерот зборуваше и за новитетите кои ги содржи овој Оперативен план на Владата.

-Новитет во овој план е и тоа што можат да се здружуваат во ДОО и две млади лица до 29 години, кои што можат да користат до 20.000 евра, или над 29 години до 14.000 евра. Исто така има предвидено и голем број на обуки, со кои ќе се зголемат перформансите на младите и невработените лица, да бидат поконкурентни на пазарот на трудот. Тука се обуките за ИТ вештини, за претприемништво, за водење бизнис, за странски јазици. Со оглед на проблемите со пожарите во Македонија во летниот период, предвидена е и мерка за ангажирање на 400 лица за извршување јавни работи за целиот летен период, со минимална плата од 24.000 денари, додаде Ристески.

Во однос на динамиката на спроведување на планот, Ристески посочи дека веќе од наредната недела ќе има оглас и ќе се започне со отпочнување на мерка по мерка, за што ќе биде известена јавноста.

-Јас во оваа прилика сакам да ги повикам сите категории невработени лица, особено младите, да ги следат огласите на веб страната на АВРМ и на Министерството за економија и труд и навремено да аплицираат, истакна заменик министерот за економија и труд, Марјан Ристески.

-СВР Битола, до Основното јавно обвинителство Битола, поднесе кривична пријава против Д.Н.(30) од село Долно Оризари, битолско, П.Н.(57)од с.Путурус, општина Могила и две правни лица од с.Долно Оризари.

Првопријавениот во текот на 2023 и 2024 година, во својство на овластено лице-управител во трето и четврто пријавените правни лица и второ пријавениот – сопственик на трето и четврто пријавеното правно лице довеле во заблуда 27 лица, од кои 25 земјоделци од пелагонискиот регион и две превозни претпријатија дека после извршен откуп на житни култури за одреден временски период ќе им платат и ги убедиле да ја предадат житната култура, со што вкупно им нанеле материјална штета во износ од 141.650 евра – информираат од МВР.

После подолго време, претседателот на СДСМ, Венко Филипче, доаѓа во Прилеп. Според соопштението на социјалните мрежи, Филипче ќе одржи средба со граѓани во паркот кај судот на 06.06.(петок) со почеток од 18часот.

https://www.facebook.com/photo?fbid=1019099127062437&set=a.278309981141359

Прилепчани очекуваат да го слушнат и името на кандидатот за градоначалник на партијата за престојните локални избори.

Чаршиските муабети велат дека на внатрепартиската анкета се неколку имиња, но засега нема ништо конкретно во јавност.

Со доделување на наградите и прогласување на Лауреатот, заврши годинешното 7.издание на Интернационалниот пијано натпревар, Пијанофест. Изминатите денови Офицерскиот дом – КИЦ Битола, беше храм на класичната музика и пречека 110 млади музички надежи од 10 земји учеснички и тоа : Македонија, Србија, Црна Гора, Косово, Албанија, Бугарија, Бугарија/Русија, Турција, Кина и Тајланд. Организатор на настанот и натпреварот е Здружението на пијанисти и музички педагози ПИЈАНО Битола, во соработка со ЈОУ КИЦ Битола и секако поддршка од Општина Битола и Министерство за култура.

Оваа година натпреварувачите се поделени во три категории: Пијано соло, Пијано четирирачно и Теоретски отсек облигати, а комисијата на натпреварот беше составена од еминентни пијанисти и педагози од Македонија и странство и тоа: Тереза Тревизан, Паола Кондакчи, Душан Сутон, Ана Гацева и Гоара Нона Лазиќ.

„Овие неколку дена беа исполнети со исклучителни настапи, инспиративна уметност и вистинска посветеност кон пијаното. Сведочевме на талент, труд и страст – вредности кои го движат овој фестивал напред од неговото основање. Им се заблагодаруваме на сите натпреварувачи што ја споделија својата музика со нас, на родителите за нивната вложеност и на членовите на жирито за нивната професионалност и фер оценување, на професорите за нивната поддршка, како и на публиката која со отворено срце ги поддржа нашите уметници“, истакнаа организаторките.

За Лауреат на натпреварот беше прогласен Владимир Србиновски од Р.Макеодинија, кој освен парична награда, ќе ја добие и наградата – Концерт за отворање на следното издание на Пијанофест 2026. Србиновски исто така ја понесе и наградата “Јасминка Чакар” за која му беше доделена парична награда во износ од 300 евра и плакета. Освен овие награди, беа доделени и три ваучери за учество на следното издание на Виена Гала Фест – концерт кој ќе се одржи во Виена следната 2026 година. Трите ваучери беа доделени на Вук Џокич ( Србија ), Еце Сарач ( Турција ) и Мариела Низамова ( Бугарија ).

„Пијанофест“ не е само натпревар – тој е празник на музиката, мост меѓу култури и генерации, и поттик за идните музички достигнувања.

Истиот беше отворен со настапот на НУ Камерен оркестар Битола и лауреатот на Piano fest 2024 Златица Лазарова.

И додека јавноста во Прилеп се’ уште чека да ги слушне кандидатите за градоначалници од двете најголеми партии, само еден човек досега јавно ги истакна амбициите да ја преземе градоначалничката функција.

Иако во ВМРО-ДПМНЕ се лиферува со неколку имиња, досега само актуелниот заменик градоначалник и советник во Советот на општина Прилеп, Диме Бозоски, јавно истакна дека би сакал да ја бара поддршката на граѓаните како кандидат на владеачката партија.

-Себе си се гледам како сериозна опција за градоначалник кој ќе донесе промени и развој на својот град. Со долгогодишно искуство во економијата, бизнисот и локалното управување, најавувам дека сум подготвен да одговорам на предизвиците и да понудам конкретни решенија за најдобар Прилеп, истакна неодамна Бозоски во интервју за весникот “ЗЕНИТ”.

Бозоски е активен член на ВМРО-ДПМНЕ од 2004 година. Од 2010 до 2012 година бил претседател на партиската комисија за економија, во 2021 година станува дел од Советот на општина Прилеп, а од 2024година ја извршува функцијата Заменик градоначалник на општината.

Важи за голем хуманист, или како што го нарекуваат бизнисмен од народот. Во изминатите 4 години од советничкиот мандат, Бозоски своите месечни хонорари ги донираше за социјални загрозени семејства, семејства кои ги снајде трагедија, разни организации….

Според неофицијални внатрепартиски информации, неговото име фигурира на партиската анкета, и покрај неодамнешните опструкции од разно-разни центри, тој ужива поддршка од голем број граѓани.

Верува дека со својот интегритет, интелектуален бекраунд и познавање на приликите на бизнис заедницата, ќе може значително да придонесе во придвижување на Прилеп во вистинската насока.

Дали токму Бозоски ќе биде кандидат на владеачката ВМРО-ДПМНЕ, останува да видиме во периодот кој следи.

ОК Могила ја започна најтранспарентната и најдемократска постапка за составување на кандидатската советничка листа за престојните локални избори.

–Во наредните дена, секој наш член од секој МК ќе има можност да предлага, гласа и биде избран за кандидат за советник на ВМРО-ДПМНЕ. ВМРО-ДПМНЕ ќе ја понуди најдобрата листа на советници во Могила – стои во соопштението објавено на социјалните мрежи.

Ќе се одлучи ли ОК ВМРО ДПМНЕ Прилеп на ист ваков чекор?

Во Старата прилепска чаршија на цветната улица, се најдува бутикот BABY BOOM, едно од најубавите катчиња каде ќе најдете се’ за вашите најмали.

Квалитетна облека изработена од убедливо најквалитетни материјали, облека во која вашите дечиња ќе се чувствуваат пред се удобно и ќе блескаат во секоја прилика.

И за момчиња и за девојчиња, од најмали нозе, па се до школска возраст. Во пресрет на топлите летни денови, во BABY BOOM ќе најдете најмодерни блузички, кошули, огромен избор на комплети, фустанчиња…

Тука ќе најдете и богат избор на прекрасно спакувани бебешки колекции, во разни бои, изработени од најмеки и најбезбедни материјали.

Со еден збор BABY BOOM е бренд на прилепската чаршија кога станува збор за детска облека!

Посетете ги уште денеска, а во меѓувреме погледнете дел од новата колекција:

Во насока на подобрување на условите за исхрана и обезбедување поквалитетна грижа за пациентите и персоналот, кујната во ЈЗУ Општа болница со проширена дејност Прилеп е затворена. Од денес, оброците се обезбедуваат преку кетеринг услуга од компанијата „Ана Марија Фуд“, со што се овозможува:

-Подобар квалитет и свежина на храната

-Поголема разновидност на оброци

-Подобра усогласеност со нутритивните и диететски потреби на пациентите

-Оваа промена е дел од континуираните напори за модернизација на болницата и унапредување на стандардите на здравствена заштита. Дополнително, направената промена е и финансиски поисплатлива, со што се овозможува подобро управување со буџетот и насочување на средства кон други приоритетни здравствени потреби. Истовремено, се воведоа дефинирани протоколи за поделба на храната, со цел да се обезбеди еднаков пристап и да се зголеми безбедноста и квалитетот на оброците за сите пациенти и вработени. Раководството останува посветено на унапредување на условите во болницата и обезбедување грижа на највисоко ниво – информираат од прилепската болница.

По повод Денот на државноста на Република Хрватска, во петок на 6. јуни 2025 година, во Културно-информативниот центар (Офицерски дом) во Битола ќе се одржи свечен настан во организација на Хрватскиот културен центар „Марко Марулиќ“ – Битола.

Програмата ќе понуди богата уметничка содржина. Препознатливиот далматински мелос, во Битола ќе го пренесе далматинската женска клапа „Виоле“ од Дрвеник и женскиот хор „Градац“ од Општина Градац, Хрватска.

Публиката ќе има можност да ја проследи и изложбата на фотографии „Хоризонти“ од авторката др.сц. Блага Петрески од Сплит, како и настапот на учениците од Државното музичко училиште – Битола како специјални гости.

Денот на државноста на Хрватска е еден од најзначајните за хрватската понова историја. Во текот на изминатите години Хрватскиот културен центар од Битола, воспостави соработка со сите релевантни институции од Македонија и Хрватска, беше иницијатор на неколку збратимувања со општини и КУД-ови, ги одбележа сите позначајни празници и датуми на РХ, организираше гостувања на актери, музичари, КУД-ови, групи, делегации од Македонија во Хрватска и обратно, се со цел збогатување на културниот мозаик на Битола, како и поголема соработка на двете пријателски земји.

Настанот е организиран во соработка со Културно-информативниот центар Битола, Општина Битола, Државното музичко училиште, Сплитско Далматинскиот округ и Централната канцеларија за Хрватите кои живеат надвор од Република Хрватска.

Видеолотарија Касинос Австријан е официјален платинум спонзор на Здружението за трчање, пливање, велосипедизам, дуатлон и триатлон 091РАНКРУ Скопје, за нивното учество на четвртото издание на Еуротрип.

Скопје, 2025 – Видеолотарија Касинос Австрија со гордост објавува дека е официјален платинум спонзор на Здружението за трчање, пливање, велосипедизам, дуатлон и триатлон 091РАНКРУ Скопје. Преку оваа соработка, Видеолотарија ја продолжува својата мисија за поддршка на здравиот начин на живот, спортскиот дух и заедницата.

Здружението 091РАНКРУ Скопје е познато по својата посветеност во промоцијата на активниот живот и инклузијата преку различни спортски дисциплини. Со поддршката од Видеолотарија, ќе се овозможи учество на членови од здружението на четвртото издание на Еуротрип во периодот од 04.06.2025 до 09.06.2025 година. Делница за трчање оваа година е од Инсбрук (Австрија) до Љубљана (Словенија) во должина од 450км, која треба да се истрча за помалку од 48 часа.

Ова е трка што ја трчаме заедно со сите. Огромна благодарност до – Видеолотарија Касинос Австрија затоа што нè поддржаа и веруваат во нашиот потенцијал, изјави претседателот на здружението, Ненад Божовиќ.

Горди сме што сме дел од една ваква приказна која ги поврзува луѓето преку спорт и заедништво. Нашата поддршка за Здружението за трчање, пливање, велосипедизам, дуатлон и триатлон 091РАНКРУ Скопје e уште еден чекор кон изградба на поздраво и посреќно општество.

Видеолотарија Касинос Австрија како модерна и општествено одговорно компанија, ќе остане посветена на поддршката на спортот и спортските настани, кои се од исклучително значење на правилно развивање на младите луѓе. Под слоганот „Играј со најдобрите“, помагаме млади кадри од спортот, образованието, културата, медицина. Во текот на изминатите 10 години за спонзорства и донации издвоивме буџет од над 205 милиони денари.