На годинешниот “Европски квиз за парите”, на кој се натпреваруваат ученици на возраст од 12 до 15 годин, второто место го освоија македонските ученици Марин Христоски и Алексеј Мицкоски од ООУ „Кире Гавриловски – Јане“ од Прилеп, под менторство на наставничката Соња Јорданоска. Тимот од Италија го освои првото место, додека третото место и’ припадна на Шведска.

Второ место меѓу тимови од 30 држави, меѓу 73 илјади натпреварувачи е многу високо достигнување и потврда дека Македонија има талентирани и едуцирани деца кои одлично ги познаваат економските процеси, знаат да планираат буџет и да управуваат со пари и финансиски ризизи, рече министерката за образование и наука проф. д-р Весна Јаневска на доделувањето на наградите на ученичкиот тим кој ја претстави Македонија на Европскиот квиз на пари 2025 година, што го организира Европската банкарска федерација.

„Министерството за образование и наука се заложува да ја подигне финансиската писменост меѓу сите млади. Важно е и затоа ќе започнеме посериозна соработка со финансиските институции како Народната банка, Македонската банкарска асоцијација и Комисијата за хартии од вредност и заеднички ќе го обликуваме моделот преку кој уште поефективно, финансиски ќе ги едуцираме новите генерации“, рече Јаневска.

Информираше дека државата ги зголеми средствата за поддршка на талентираните ученици, за да може без било какви грижи, во иднина да учествуваат на големи меѓународни натпревари и олимпијади.

„Првенствено заради вас, заслужувате поддршка во градењето на талентот. Но и да му покажеме на светот дека и оваа земја има извонредни деца кои се подготвени да управуваат со општествените процеси и да учествуваат во креирањето и насочувањето на глобалните текови и трендови“, додаде министерката.

Изрази благодарност до Македонската банкарска асоцијација што го организира националниот квиз за пари и порача активноста да продолжи и во иднина, заоа што го стимулира натпреварувачкиот дух на младите и придонесува во градење на финансиски писмени и одговорни генерации.

Претставници од Македонија второто место освоија и во 2019 и 2020 година, а во 2024 година беа третонаградени.

Основното јавно обвинителство Битола поведе постапка против едно лице за кое постои основано сомнение дека сторило дело – Напад врз здравствен работник и здравствен соработник при вршење здравствена дејност предвидено во член 304-г од Законот за здравствена заштита, како и кривично дело – Напад врз службено лице при вршење работи на безбедноста согласно член 383 од Кривичниот законик.

На 29 јуни, во казино во Битола, осомничениот најпрво нападнал доктор од итната медицинска служба кој му давал лекарска помош. Го удрил со тупаница и му нанел телесна повреда. По укажувањето на медицинската помош, осомничениот бил пренесен во ЈЗУ Клиничка болница – Битола каде исто така давал активен отпор да биде третиран, па била повикана и полициска асистенција. Кога пристигнале двајцата полициски службеници, осомничениот 28-годишник и нив ги нападнал, ги удирал повеќе пати и им се заканувал.

Ценејќи дека се исполнети законските основи – опасност од бегство и можност за повторување на делото, јавниот обвинител до судијата на претходна постапка од Основниот суд во Битола достави предлог за определување мерка притвор за осомничениот.

Свети Наум Охридски Чудотворец (мак. Свети Наум Охридски Чудотворец) (околу 830 година – манастир Св. Наум, брег на Охридското Езеро, 23 декември 910 година) е христијански светител. Тој бил познат како учител и организатор на црковниот живот, образованието и културата.

Бил соработник на св. Климент Охридски. И двајцата биле ученици на Св. Кирил и Методиј.

Тој е еден од основачите на Преславската книжевна школа, каде што учителствувал од 886 до 893 година. Предавал и во Охридската книжевна школа.

Клемент и Наум отидоа во Охрид за да го просветлат тамошниот полк, но и учениците кои дојдоа од другите краишта на средновековна Македонија и Бугарија и други области.

Во Охрид го основаа првиот Сесловенски универзитет каде студираа околу 3.000 студенти, црковните книги напишани во Охрид се наоѓаат во сите православни библиотеки, овие книги беа напишани на кирилица и беа основа на православното христијанство. Климент и Наум основале и изградиле многу цркви и манастири, во Охрид Климент изградил катедрала на Плаошник, а Наум манастир на најубавиот дел од Охридското Езеро, на просторот каде што се изворите на Охридското Езеро. Вториот го изградил при крајот на својот живот во 895 година, основал манастир на брегот на Охридското Езеро. Последните години од животот ги поминал во истиот манастир и таму бил погребан во 910 година.

Откако умреле, народот ги прогласил за светци. Свети Климент Охридски е патронот на Охрид и на денешните Македонци и Бугари, а Свети Наум е Чудотворец Охридски, светец кој имал исцелителна, чудотворна моќ.

Нему му се припишуваат делата Канон за апостол Андреј и Канон за пренесување на силата на св. Јован Златоуст.

Неговиот спомен е на ден 20 јуни според Грегоријанскиот календар (и во Римокатоличката црква), а ако се пресметува според јулијанскиот календар тогаш се паѓа на 3 јули. Вториот ден што се слави е 23 декември според Грегоријанскиот календар, а ако се пресметува според јулијанскиот календар, тогаш се паѓа на 5 јануари.

Беранци е поголемо село сместено помеѓу планинската падина на Древеник на запад и рамнината Пелагонија на исток. Околни села се: Долно Српци, Вашарејца и Могила.

Беранци е македонско село, а за тие што не знаат, над селото се наоѓа преубавиот манастир Свети Јован Крстител, или познат како Беранечки манастир. Манастирската црква, која е осветена на 2 август 1879 година, е прекрасно светилиште кое во изминатите години собира голем број верници и гости, а еден од деновите кога тука е највесело, е празникот кога слави раѓањето на Свети Јован Претеча и Крстител Господов – Иванден.

И оваа година портите на храмот ќе бидат отворени за сите верници и добронамерници. По повод празникот на 06.06.2025 ќе се одржи вечерната служба, а после службата гостите ќе ги забавуваат Оркестар Маестрал и естрадниот пејач Благоја Грујовски.

На 07.07. на сам ден Иванден, по утринската богослужба ќе следува уште едно дружење со овие музички имиња и секако посен празничен ручек.

Од црковниот одбор упатуваат покана до сите кои сакаат да го посетат прекрасниот манастир да дојдат за Иванден, да запалат свеќа и да се помолат за своето и здравјето на своите најблиски.

Во Одделението за гинекологија и акушерство при ЈЗУ Општа болница со проширена дејност “Борка Талески” – Прилеп, oтворена е првата ШКОЛА ЗА ТРУДНИЦИ.

Станува збор за простор каде идните мајки и татковци ќе добијат поддршка, знаење и охрабрување на секој чекор од патот до родителството.

-Искрено им благодариме на нашите пријатели и поддржувачи: Vitabiotics, ProMedika, подмладокот на Rotary Club, Euroglass и други, кои со својата несебична помош придонесоа оваа идеја да стане реалност. Нивната поддршка ни овозможи да создадеме топол и пријателски простор за сите идни родители. Со нас – чекор по чекор, кон сигурно, информирано и спокојно родителство. Ве очекуваме со отворено срце – напиша на социјалните мрежи Д-р Билјана Кржеска, началник на Одделението за гинекологија и акушерство.

Школата за трудници нуди:

-Стручни предавања од акушерки, гинеколози и психолог,

-Вежби за релаксација и справување со страв од породување,

-Техники за доење и нега на новороденче,

-Лесни физички вежби прилагодени за трудници,

-Вклучување на идните татковци и заедничка поддршка на паровите

Од нас честитки за раководството на болницата, ова е уште еден одличен потег кој заслужува секаква пофалба!

Во Битолскиот театар се одржа 4.издание на Креативниот Ден 2025 – настан посветен на младите таленти во модата, текстилот и визуелната култура. Овој веќе препознатлив образовно-креативен проект уште еднаш ја потврди својата мисија: да создаде мост помеѓу образованието, индустријата и јавноста.

Настанот понуди модна ревија со оригинални креации на ученици, креативни перформанси, поткаст воден од средношколци, едукативна работилница со ВИП гостите – модни дизајнери, кои добија и Благодарници на крајот од настанот. Присуствуваа индустриски професионалци, спонзори и медиуми, а настанот беше поддржан од локални и национални партнери.

Публиката имаше можност да го види најдоброто од младинската креативност.

„Креативен ден“ е настан по иницијатива и идеја на Весна Божиловиќ, продуцент и дизајнер од продукција “Божиловиќ“, која годинава одбележува 20 години работа, а на која од првиот настан се приклучија професорките Анита Стефановска, Ема Ќука и Живка Танушевска од текстилната струка на СОУ “Таки Даскало“, Битола.

„Ова не е само настан. Ова е движење. Со поглед кон иднината, Креативен Ден се развива во национална платформа за младинска мода, одржливост и креативно учење. Следат нови проекти: етички моден бренд со млади дизајнери, нова онлајн продавница, летен камп и учество на меѓународни модни саеми. Модата е уметност. Креативноста е нашата моќ“, истакнува Божиловиќ и додава:„ Она што започна како мала иницијатива, Денот на креативноста, сега се прошири на национално ниво, поврзувајќи средношколци, студенти, ментори, успешни жени и професионалци од индустријата. Една од нашите клучни цели е да ја разбиеме стигмата околу стручното образование и да им покажеме на младите дека изборот на овој пат не е само паметен, туку и возбудлив, модерен и полн со можности. Со здружување на студенти, експерти од индустријата, дизајнери и бизнис лидери, создаваме мост помеѓу образованието и пазарот на труд, давајќи им на младите луѓе доверба да се гледаат себеси како професионалци – дури и пред да дипломираат“.

Темата за 4.издание беше Ориент. Повеќе реномирани дизајнери ментори беа дел од настанот и тоа: Благој Мицевски, Андреј Папаз, Александар Ортаковски, Муамед Маликовски, Монсоло, Екатерина Петреска, Боркица, Христијана Голубовиќ, Сербез, Алшар Силвија Михајловска, Весна Божиловиќ, Бе.оне, Маја Петковска, Маја Андревска, Ирена Стојановска, Снежана Петровска, Анастасија Зулевска, училишта од Скопје, Струга, Прилеп, Богданци, Куманово, Штип, Виница и домаќинот Битола. ВИП гости: Никола Ефтимов, Ивана Кнез, Елена Лука, Татјана Алексиќ, претставници од Текстилен Кластер.

„Целта не ни беше само да прикажеме облека , туку и целосно визуелно и културно искуство инспирирано од ориентот“, велат професорките Анита Стефановска, Ема Ќука и Живка Танушевска.

На овогодинешниот Креативен Ден, видовме синергија меѓу генерации, вкусови и стилови. Дизајнерите дизајнираа заедно со младите од текстилниот отсек во средните училишта низ Македонија. Учествуваа 32 екипи од 11 градови, 9 стручни училишта. Секој тим беше уникатна приказна, составена од дизајнер – ментор, ученик – талент во подем и една вистинска дама, за која креацијата беше создадена – според нејзиниот сензибилитет, стил и дух. Тие не создаваа само облека. Тие создадоа став, култура, порака. Од инспирацијата на Истокот, видовме:

• Применета мода – нослива, паметна, иновативна.
• Концептуална мода – со порака, став и експеримент.
• Висока мода – драматична, рафинирана, раскошна.

Секоја креација беше прозорец во душата на тимот што ја создаде. Модната сцена кај нас има глас – и тој глас денес прозвучи гласно и гордо. Со тоа настанот секоја година станува се помасивен, со се поголема заинтересираност и учество на училиштата. Поврзаноста со бизнис секторот е во насоката на тоа што моделите ги носат успешни деловни жени од Битола, а собраните средства одат за подобрување на практичната настава.

Оваа година донесе уште една новост. Беа доделени Признанија и Благодарници на модни активисти – личности и колективи кои со својата креативност, професионализам и човечност оставаат трага на нашата модна сцена. Благодарници за несебично пренесување знаење и искуства беа доделени на дизајнерите: Никола Ефтимов за неговата повеќегодишна работа како моден дизајнер и универзитетски професор, Ивана Кнез -дизајнер со плодна и инспиративна кариера во модниот дизајн.

Признание за човечност и професионализам се додели на Роза Василевска– за подигање на достоинството и односите во професијата на повисоко ниво.

Признание за модна конзистентност се додели на Елена Лука– бренд што денес е синоним за домашната модна сцена.
Доделени беа и Пофалници за најдобрите три ученички креации на овогодинешниот конкурс: Никола Петровски, Весна Дунимагловска, Анета Ангелковска Груевска.

Признанијата ги врачија успешните жени-менаџери Александра Филиповска Alex Fx (БлекБело, Виница) и Љупка Миладинова Џамбазовски (Албатрос, Штип) – двете дел од Текстилниот кластер и препознаени по квалитетот и на меѓународно ниво.

Оваа година, Креативен Ден доби уште една уметничка димензија. Во еден исклучителен момент, сцената стана живо платно, каде се преплетоа музиката, движењето и сликарството, низ призма што ја слави женската енергија, стилот и индивидуалноста. На сцената настапи
Стефанија Милевска Враниќ, а заедно со неа, младите танчерки од Анастасија центарот, кои ѝ дадоа тело на музиката – динамика, ритам, нежност и сила. Уметницата Бојана Артиновска создаваше дело во живо – платно инспирирано од движењето, музиката, модата и женственоста. Овој настан полека но сигурно, прераснува во растечка заедница на иноватори, едукатори и претприемачи кои веруваат во моќта на модата како професионален пат и алатка за промени, се трансформира во вистинска Модна Зона.

Реализацијата на капиталните инвестиции на Министерството за спорт до крајот на 2024 година изнесуваше 98,26%. Во првите шест месеци од 2025 година, веќе е достигната реализација од 74,32% – истакна министерот за спорт Борко Ристовски на прес-конференција на која беше презентиран годишниот отчет за првата година од формирањето на Министерството за спорт.

Целосна забрана за движење во шума и шумско земјиште на територијата со која стопанисува/управува ЈП „Национални шуми” се воведува од денеска до 31 август годинава. Забраната, како што информираат се воведува со оглед на зголемената опасност од појава и ширење на пожари на отворен простор за временскиот период во терминот од 00.00 до 24.00 часот. Движењето ќе биде дозволено единствено со писмено одобрение издадено од подружниците на ЈП „Национални шуми” -Скопје за подрачјето со кое стопанисуваат управуваат.

За непочитување на оваа забрана на физички лица кои се затекнати да се движат во шума и шумско земјиште, согласно член 106 од Законот за шумите, се изрекува глоба од 1500 до 2000 евра во денарска противвредност.

Министерството за земјоделство, шумарство и водостопанство, како што информираат од ЈП „Национални шуми” – Скопје, на 26 јуни годинава согласно член 57, став 3, дало согласност за Целосна забрана за движење во шума и шумско земјиште за периодот од 01.07.2025 до 31.08.2025 година.

Целосната забрана за движење во шума и шумско земјиште не важи за вработените во ЈП „Национални шуми”-Скопје и подружниците, како и за вработените во Министерството за внатрешни работи (МВР), Министерството за одбрана, Шумска полиција, Центар за управување со кризи, Дирекцијата за заштита и спасување (ДЗС), Државниот инспекторат за шумарство и ловство (ДИШЛ), субјектите што вршат шумскостопански активности сеча, дотур и транспорт на дрво и дрвни сортименти на површините со кои стопанисува ЈП „Национални шуми” – Скопје, припадниците на ловочуварската служба и службени лица од корисниците дивеч во ловиштата кои вршат работи за корисникот на дивеч во ловиштето и на лица кои што имаат писмено одобрение за движење во шумите со кои стопанисува ЈП „Национални шуми” – Скопје.

Забраната ја спроведуваат вработените од ЈП „Национални шуми” кои вршат дејност заштита, Шумска полиција, МВР и ДИШЛ.

FacebookTwitterCopy LinkShare

Во свет каде што сè е итно, а парите секогаш „на пат“, Mint Visa е тука – веднаш.

Со неа не чекаш зелено светло. Го стартуваш сам.

🔓 Од 3.000 до 300.000 денари – достапни кога ќе ти затребаат.

📲 Цел процес дигитален, преку One ID. Без шалтери. Без нервоза.

🧾 Без непотребни документи. Со јасни услови.

Со Mint Visa, не прашуваш дали можеш – знаеш дека можеш.

• Купуваш онлајн без нервоза.
• Резервираш патување без дилема.
• Плаќаш било каде – без објаснувања.

Во Mint Credit не глумиме магија.

Ние сме тука да направиме парите да работат за тебе – не обратно.

Mint Visa е нашиот најнов начин да ти кажеме:

Животот не треба да се одложува. Ни твоите планови.

Аплицирај денес. Јави се на 📞 15 107, или директно преку платформата на Mint Credit.

Започната во 2014 како упорен глас и визија на „Битола на точак“, иницијативата за велосипедски патеки по цели 11 години добива свој епилог – Битола конечно влегува на мапата на вело – градови.

„Еден од првите посериозни состаноци кога започнавме ни беше во СВР, каде што ни го презентираа баш овој проект, уште тогаш, дека е одобрен и потпишан, но ете колку години требаше застапување за да го видиме реализиран“, вели Виктор Илиев од иницијативата „Битола на точак“.

Битола со забрзан чекор се движи кон визијата за уреден, еколошки и одржлив град. Градоначалникот Тони Коњановски, вчерашното утро го започна симболично – со велосипед до работа, како дел од заложбата за промоција на урбаната мобилност и активен начин на живот. По завршувањето на работниот ден, повторно го одбра велосипедот како средство за враќање дома, испраќајќи силна порака за личен пример и поддршка на вело-културата.

„Битола станува вело град. Со над 5 километри изградени велосипедски патеки и нови планови што следуваат, го трасираме патот за поеколошка, побезбедна, подостапна и поатрактивна урбана средина“, изјави градоначалникот Коњановски, по средбата со млади велосипедисти, пешаци и претставникот на иницијативата „Битола на точак“.

Во наредниот период, ќе следува доуредување на постоечките патеки – расчистување на теренот, поставување на соодветна вертикална и хоризонтална сигнализација, со што безбедноста и функционалноста ќе бидат значително унапредени. Паралелно, ќе започне и изградба на нови велосипедски рути во делот на поранешната касарна АРМ и други локации низ градот.

Реконструкцијата на тротоарите на улиците „Васко Карангелевски“ и „Партизанска“ со нови велосипедски патеки, се реализира со средства од Буџетот на Општина Битола и претставува проектна активност на проектот Smart4you2, поддржан од Европските фондови. Новите велопатеки се дел од пошироката стратегија на општината за подобрување на пешачките зони и воведување велосипедски патеки во клучни делови од градот.

Со ова, Битола не само што инвестира во подобра инфраструктура, туку и се позиционира како привлечна дестинација за љубителите на велосипедизмот и активниот туризам, поттикнувајќи здрави навики и зелени решенија.