Остануваме посветени и со силна поддршка за натамошно зголемување на платите во здравстевниот сектор во смисла на соодветно вреднување на работата на здравствените работници како предуслов за квалитетна работа, изјави директорот на Фондот за здравствено осигурување, Сашко Клековски, на денешната прес-конференција во Владата.

-Сакам да истакнам дека перцепцијата оти во јавниот сектор и во раководењето на јавниот сектор има некакво спротивставување на соодветно вреднување на работата. Да повторам дека во секторот здравство кумулативно платите во ноември 2024 и март 2025 се зголемија 17 проценти, диспропорционално многу повеќе со основно образование, со средно образование, лекарите беа помалку бидејќи беа линеарни зголемувањата. Кај матичните доктори капитациите се зголемија 33 отсто. Историско зголемување што беше направено за да се зголемат платите за докторите и за медицинските сестри вработени таму, бидејќи ние цврсто веруваме дека треба работата соодветно да биде вреднувана, рече директорот на ФЗО на прес – конференцијата во Владата на која заедно со министерот за дигитална трансформација промовираа четири нови електронски услуги на Фондот за граѓаните.

Тој потсети дека според договорот со синдикатите, во март, годинава ќе има уште едно зголемување на платите во јавно здравство.

-Така што, мислам дека барем платите за средномедицинскиот кадар, за медицинските сестри, се конкурентни на приватниот сектор. Мислам дека и во некои други сектори – образование, има постигнато договори за зголемување на платите. Така да, барем во мојот сектор можам со сигурност да кажам дека има силна поддршка натамошното зголемување на плати во смисла на соодветно вреднување на работата на здравствените работници како предуслов за квалитетна работа. Тука остануваме посветени. Веќе може да најавам дека нема да биде еднакво зголемувањето во март за сите, туку ќе биде процентуално, бидејќи платите меѓу понискиот кадар и докторите – коефициентот и разликата меѓу нив се намали, а сепак мора да бидат соодветно вреднувани и лекарите, појасни Клековски.

Во однос на констатираните наоди од спроведените контроли минатата година во јавни здравствени установи за директори и доктори коишто незаконски земале повеќе пари од тоа што треба за кои било кажано дека ќе биде побарано да се вратат, дали ги вратиле и дали има и други менаџери кои незаконски си ги зголемиле платите, кажа дека досега нема поврат на пари од прекумерните исплати.

-Во однос на извршените контроли, констатираните пречекорувања на надоместоците поврзани со работата, заклучно со 31 декември, ниту една јавна здравствена установа нема поврат на прекумерно исплатените надоместоци, плати. Ние немаме направено повторна контрола, меѓутоа знаеме дека нема направено поврат, одговори Клековски.

На дополнително прашањето што доколку не ги вратат парите, директорот на ФЗО беше дециден дека на повторените контроли ќе бидат изречени казни.

-Ние работиме и на дигитализација – тоа е внатрешно прашање на контролата на ФЗО што е една од најважните функции на ФЗО. Со дигитализацијата таму, сакаме да воспоставиме и критериуми каде што честите казни ќе водат кон последици на нашиот севкупен однос со установата. Во овој момент, казните кон јавни здравствени установи се симболични. Не дејствуваат образовно, едукативно – условно да кажам, не влијаат на спречување. Највисоката казна за здравствена установа е седумдесет и пет илјади денари. За установи што имаат милионски буџети, таа е безначајна. Го гледаме цел тој сегмент, не сакаме да казнуваме – тоа е последното нешто. Меѓутоа, сакаме да воспоставиме систем каде тие што не ги кршат правилата и регулативите, треба да бидат наградени, поттикнати, со понатамошни подобрувања, додаде директорот на ФЗО Сашко Клековски.

СВР Битола соопшти дека на 20.01.2026 во 16:20 часот во СВР Битола, 23-годишна прилепчанка пријавила дека во Битола била физички нападната од Д.Р. (33) од Битола, поранешен партнер на нејзината братучедка.

Се преземаат мерки за расчистување на случајот.

Петокот повторно носи ново гурманско и музичко уживање во Ресторан “ПОРТА” – местото каде вкусната храна, прекрасниот амбиент и добрата музика секогаш одат заедно.

Овој петок со почеток од 20:30часот ќе ве пречека составот кој плени со секој настап, луѓето кои знаат да направат вечер незаборавна дури и за најпребирливите – Група “МАРИФЕТ”.

Саботата викендов е резервирана за приватна забава!

Не чекајте друг да ви раскажува, резервирајте навреме и поминете одлично време заедно со семејството, пријателите, колегите…

Телефон:078 368 111

Водени од мисијата за побезбеден сообраќај, компаниите “АВТО КОНТРОЛ” и “УНИ РОЈАЛ” oд Прилеп и оваа година со заеничка соработка во интерес на сите.

Koмпанијата “АВТО КОНТОЛ”, која важи за пример за општествена одговорност, на сите свои клиенти при регистрација на возилата, ќе им подари ваучер во вредност од 1.000ден. за набавка на нови гуми во “УНИ РОЈАЛ”.

Од друга страна пак, “УНИ РОЈАЛ”, при користење на одредени услуги од својот асортиман, на своите клиенти ќе им подари ваучер во иста вредност, кој ќе можат да го искористат при регистрација на своето возило во “АВТО КОНТРОЛ”.

Акцијата трае до 15.03.2026

-Со оваа заедничка превентивна акција ја подигнуваме свеста за важноста од соодветна зимска опрема и редовна техничка исправност на возилата. Авто Контрол – Ваш сигурен партнер во сообраќајот. Безбедноста не е опција, туку обврска – стои во соопштението од компанијата.

Времето денеска променливо облачно време со повремени сончеви периоди. Според најавите на Управата за хидрометеоролошки работи (УХМР), во претпладневните часови се очекуваат локални врнежи од дожд и снег, додека на повисоките места и на планините ќе врне снег.

Во попладневните часови облачноста постепено ќе се намалува, а ќе дува слаб јужен ветер. Минималните температури ќе се движат од -4 до 0 степени, додека максималните ќе достигнат до 7 степени.

Во Скопје се очекува слично време со максимална температура до 4 степени.

Стабилен период со пораст на дневните температури не очекува до сабота, иако по одделни котлини е можна појава на магла. Промена на состојбата ќе настапи во сабота навечер.

„Пообилни врнежи ќе има во недела во попладневните и ноќните часови, кога на повисоките места ќе преминуваат во снег“, соопштуваат од УХМР.

Просечната месечна исплатена нето-плата по вработен, во ноември 2025 година, изнесувала 45 961 денар и во однос на истиот месец лани е повисока за 9.4 %, објави Државниот завод за статистика.

Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Административни и помошни услужни дејности за 16.5 %, Дејности на здравствена и социјална заштита за 11.1 % и Трговија на големо и трговија на мало; поправка на моторни возила и мотоцикли за 10.9 %.

Зголемување на просечната месечна исплатена нето-плата по вработен, во однос на претходниот месец, е забележано во секторите: Јавна управа и одбрана; задолжително социјално осигурување за 3.5 %, Административни и помошни услужни дејности за 2.2 % и Трговија на големо и трговија на мало; поправка на моторни возила и мотоцикли за 1.2 %.

Просечната месечна исплатена бруто-плата, пак, во ноември 2025 година изнесувала 69 141 денар.

-На 20.01.2026 во 17:00 часот во ОВР Прилеп, Н.Р.(54) од Прилеп пријави дека од домот се оддалечила неговата сестра С.У.(42).

Се преземаат мерки за пронаоѓање на лицето – информираат од СВР Битола.

Поранешниот претседател на Основниот суд Скопје Владимир Панчевски се пријавил на огласот за јавен обвинител на Република Македонија, што го распиша Собранието.

Во пријавата на Панчевски поднесена денеска до Собранието се наведува дека тој ги исполнува сите законски услови за извршување на функцијата државен јавен обвинител.

– Во прилог до надлежните органи доставил целосна предлог-документација и докази за исполнување на општите услови утврдени во член 61 од Законот за Јавното обвинителство, како и докази за исполнување на посебните услови од член 62 став 1 алинеја 1 од овој закон – се наведува во пријавата од Панчевски до Собранието.

Љупчо Коцевски во декември лани поднесе неотповиклива оставка на функцијата државен јавен обвинител. До изборот на нов за вршител на должноста е избрана Анита Тополова-Исајловска, досегашен заменик-републички јавен обвинител.

Досега најава за пријавување за функцијата најави и поранешниот виш јавен обвинител на скопското Вишо јавно обвинителство, Мустафа Хајрулахи.

Постапката за избор на нов државен јавен обвинител почна со огласот што го распиша Собранието на 12 јануари годинава, со рок за пријавување од 15 дена од денот на објавувањето во „Службен весник“.

Кандидатите мора да имаат непрекинат работен стаж од најмалку 10 години како јавни обвинители или судии од областа на кривичното право. (МИА)

Сите државни патишта се проодни низ цела Македонија, напиша вицепремиерот Николоски и објави видео на својот фејсбук профил.

-Сите државни патишта се проодни низ цела Македонија. Благодарам за силниот ангажман на вработените во Македонија пат. А, снегот дава дополнителна убавина на нашата Македонија, напиша вицепремиерот.

Наспроти ООУ „Кочо Рацин“, веднаш до продажниот салон на „Електро Опрема“, во Прилеп веќе неколку месеци успешно функционира Brainy Bee – дневен и едукативен центар кој голем број родители го препознаа како најдоброто место за нивните најмали.

Од септември минатата година до денес, Brainy Bee изгради репутација на безбедна, топла и стимулативна средина, каде децата од прво до петто одделение учат, се развиваат и растат со насмевка. Центарот моментално врши упис на нови дечиња за второто полугодие, а интересот од родителите е сè поголем.

Brainy Bee го водат млади, едуцирани и посветени педагози, кои со огромна љубов, трпение и ентузијазам му пристапуваат на секое дете индивидуално. Нивната мисија е јасна – децата да се чувствуваат како дома, прифатени, охрабрени и мотивирани да го дадат најдоброто од себе.

Што го прави Brainy Bee поинаков?

✔️ Топла и пријатна атмосфера во која децата учат без притисок
✔️ Стручна помош за домашни задачи – без стрес и нервози
✔️ Подготовка за тестови и подобро разбирање на наставниот материјал
✔️ Развивање на фина моторика, логичко размислување и говорни вештини
✔️ Креативни работилници, игра, дружење и тимска работа
✔️ Поттикнување социјални и емоционални вештини
✔️ Нови пријателства, убави спомени и здрав интелектуален развој

Во рамки на дневниот престој, цената вклучува и редовен, вкусен и здрав оброк, како и превоз за учениците, што дополнително им ја олеснува секојдневната организација на родителите.

Работно време:

07:00 – 17:00 часот
(со можност за полудневен или целодневен престој)

Brainy Bee не е само центар за учење – тоа е заедница во која децата растат сигурни, радосни и подготвени за нови предизвици.

Информации и контакт на тел.бр. 075 639 635

Бројот на места е ограничен!

Brainy Bee – безгрижни родители, среќни деца!