По објавата дека една од најголемите македонски музички ѕвезди, Каролина Гочева, ќе настапи на второто издание на AirFlow Music Festival, организаторите денеска го открија и второто име кое ќе ја збогати фестивалската програма.

Станува збор за легендарниот прилепски рок бенд The Hounds, состав кој со децении е препознатлив дел од музичката сцена низ цела Македонија.

„AirFlow не би бил прилепски фестивал без легендарниот рок бенд The Hounds. Со децении се дел од музичката приказна на Прилеп, а и оваа година ќе ја донесат препознатливата енергија и безвременските рок хитови на AirFlow. Подгответе се за вечер исполнета со одлична музика, силна атмосфера и вистински рокенрол! Се гледаме на AirFlow!“, порачаа организаторите преку социјалните мрежи.

Второто издание на AirFlow Music Festival ќе се одржи на 28 и 29 август на Спортскиот аеродром во Прилеп, каде посетителите ќе имаат можност да уживаат во два дена исполнети со музика, дружење и уникатна фестивалска атмосфера.

Минатогодишното дебитантско издание покажа дека Прилеп има капацитет за фестивал од ваков формат, а покрај големата посетеност, AirFlow остави силен белег и по својата хуманост. И оваа година фестивалот ќе има хуман карактер, бидејќи дел од средствата од продадените влезници ќе бидат наменети за лекувањето на малиот Никодим Мидоски, што значи дека секоја купена влезница ќе биде и директна поддршка за оваа благородна цел.

Со Каролина Гочева и The Hounds веќе потврдени како дел од програмата, очекувањата за второто издание на AirFlow Music Festival се уште поголеми, а организаторите најавуваат дека во деновите што следуваат ќе бидат објавени и нови звучни имиња кои ќе настапат на фестивалската сцена.

Прилеп повторно ќе живее во ритамот на AirFlow

Утрото секогаш е поубаво кога започнува со вкусен доручек, ароматично кафе и пријатен амбиент. Токму такво место веќе има и во Прилеп. Cipriani Fine Dining & Lounge Bar, новиот гастрономски бисер сместен во просторот на поранешниот ресторан „Лидер“, покрај препознатливиот модерен ентериер и префинетата атмосфера, сега нуди и одлични пакети за доручек кои се создадени за совршен почеток на секој ден.

Без разлика дали денот го започнувате со пријателите, колегите, семејството или сакате да одвоите неколку мирни моменти само за себе, во Cipriani ќе ве пречекаат внимателно подготвени комбинации од свежа и вкусна храна, кафе и освежителни пијалоци, сè по навистина атрактивни цени достапни за сечиј џеб.

Во понудата ве очекуваат неколку пакети за доручек, кои вклучуваат вкусни тост сендвичи, француски сендвич, кафе и освежителни пијалоци, внимателно комбинирани за да добиете комплетен оброк кој ќе ви даде енергија за целиот ден. Одличен вкус, квалитетни состојки и професионална услуга се она што ја прави оваа понуда уште попривлечна.

Покрај храната, посебен впечаток остава и самиот простор. Елегантниот амбиент, современиот дизајн и мирната атмосфера го претвораат секој доручек во вистинско уживање, без разлика дали сте на кратка пауза или планирате подолго утринско дружење.

Доколку сè уште не сте го посетиле, ова е вистинската можност да откриете зошто Cipriani Fine Dining & Lounge Bar за кратко време стана едно од најатрактивните места во градот.

Cipriani Fine Dining & Lounge Bar се наоѓа во просторот на поранешниот ресторан „Лидер“, во самиот центар на Прилеп.

Започнете го денот со вкус кој се памети – посетете го Cipriani и уверете се зошто нивниот доручек е новиот омилен избор на прилепчани.

ВМРО-ДПМНЕ соопшти дека студентите ќе добијат можност да стекнат практично работно искуство во општините преку програмата „Месеци на практикантство“, која ќе се реализира во текот на август и септември во соработка со државните универзитети.

Според партијата, програмата има за цел студентите уште за време на студирањето да го применат стекнатото знаење во практична работа, со што ќе се олесни нивниот премин од образовниот процес кон пазарот на труд.

Од ВМРО-ДПМНЕ наведуваат дека оваа мерка е дел од Стратегијата за регионален развој на Република Македонија 2021–2031 и е насочена кон подобрување на вработливоста на младите, жените и другите ранливи категории, како и кон намалување на јазот меѓу образованието и потребите на работодавачите.

Во соопштението се посочува дека програмата предвидува подобра координација меѓу државните институции, локалната самоуправа и академската заедница, со цел младите да стекнат практични вештини и работно искуство, особено во регионите каде што невработеноста кај младите е поизразена.

Според ВМРО-ДПМНЕ, вклучувањето на студентите ќе го координира надлежната агенција, додека Министерството за локална самоуправа, преку Ресурсниот центар за поддршка на општините и во соработка со државните универзитети, ќе ја организира нивната практична работа согласно потребите на општинските администрации.

Од партијата оценуваат дека со ваквите програми на младите им се овозможува стекнување практични знаења, работно искуство и полесен пристап до пазарот на труд, а општините добиваат дополнителен кадар и нови идеи.

МВР денеска излезе со важно соопштение за сите ученици кои сакаат да аплицираат за прием во Средното полициско училиште.

-Учениците кои ќе аплицираат за прием во Средното полициско училиште, не треба претходно да се отпишуваат од училиштата, потенцираат од МВР.

Министерството за внатрешни работи ги известува сите ученици кои сакаат да аплицираат на јавниот повик за прием во Средното полициско училиште, потребните документи да ги достават во оригинал или копија заверена на нотар.

Апликантите кои учеле прва и втора година во средните училишта ширум државата, не треба да се отпишуваат од истите во процесот на аплицирање и селекција. Со примените кандидати (родител, старател, законски застапник) Министерството за внатрешни работи склучува договор за школување, а со истиот понатаму се регулираат процедурите и обврските кон училиштата во кои учеле прва и втора година, велат од МВР преку соопштение за јавноста.

За само една година, Terasa Pub успеа да стане препознатливо место на прилепската ноќна сцена. Со внимателно избрана музичка програма, врвни изведувачи, одлична атмосфера и секогаш исполнета тераса, овој локал го наметна својот ритам и викенд по викенд ја потврдува репутацијата како едно од омилените места за вечерно излегување во Прилеп.

Безброј насмевки, преполни вечери, нови пријателства и незаборавни забави, сето тоа е дел од приказната што Terasa Pub ја испишува веќе една година. А јубилејот продолжува токму онака како што и доликува – со музика во живо и уште една вечер која ветува одлична забава.

Во сабота, на 11 јули, на сцената во Terasa Pub пристигнуваат Balkan Jam, бенд кој со својата енергија, одлична свирка и најголемите балкански хитови секогаш знае како да ја крене публиката на нозе. По спектакуларните забави кои ги приреди Дарко Гроздановски, ова е уште една вечер која љубителите на добрата музика не треба да ја пропуштат.

View this post on Instagram

Настапот започнува во 21:00 часот, влезницата чини 300 денари, а настанот е наменет за посетители 18+.

📞 Резервирајте го вашето место навреме на 070-304-967, затоа што интересот е голем, а најдобрите викенд спомени повторно ќе се создаваат токму во Terasa Pub.

Оваа сабота – музика, одлична атмосфера, Balkan Jam и уште една вечер која долго ќе се памети. Се гледаме во Terasa!

Денеска е Раѓање на св. Јован Крстител – Иванден.

Именден празнуваат: Иван, Ивана, Иванка, Јанко, Јане, Јана…

На свети Јован Крстител црквата му посвети неколку празници, и тоа не случајно. Овој светител беше наречен најголем меѓу родените од жена, со што е потврдено неговото посебно место во човечката историја.

Тој, заедно со пресветата Дева која ни го роди Бога е врската на стариот и новиот свет, врската на Стариот и Новиот завет.

Инаку, денес се празнува почетокот на благовеста за Христос, со што се определува и посебната врска меѓу Синот Божји и последниот пророк на Стариот завет.

За тоа зборуваат стиховите од тропарот, кои гласат: се разреши немоста на татковците, т.е. почна непосредната проповед за Христовото доаѓање.

Кога ќе се спомне летување во Грција, едно од првите места што им паѓа на ум на македонските туристи е токму Калитеа. Живописното место на првиот крак на Халкидики со години важи за една од најпосетуваните летни дестинации – благодарение на кристално чистото море, долгите песочни плажи, одличната гастрономска понуда, вечерната атмосфера и бројните содржини кои нудат вистински одмор за сите генерации.

Во оваа прекрасна летна приказна свое место има и Athina Mare-Sole, модерен и целосно реновиран хотел кој на своите гости им нуди удобност, функционалност и чувство како да се дома.

Веднаш штом ќе зачекорите во хотелот ќе ја почувствувате современата естетика која е присутна во секој детал. Светли, уредни и пространи соби, нов мебел и пријатен амбиент создаваат совршени услови за вистински одмор по ден исполнет со сонце и море.

Особено внимание е посветено на удобноста на гостите. Собите располагаат со нови, модерни кревети со висококвалитетни анатомски душеци, кои обезбедуваат мирен и квалитетен сон, додека целосно реновираните бањи со нова санитарна опрема и фен за коса го надополнуваат чувството на комфор.

За оние кои сакаат денот да го започнат со кафе или појадок во мирна атмосфера, секоја сместувачка единица располага со опремена кујна, овозможувајќи им на гостите сами да подготват лесен оброк и да уживаат на пространиот балкон.

Athina Mare-Sole нуди различни типови на сместување, погодни за парови, семејства и помали друштва. Комбинацијата од современо уредени студија и апартмани, функционалноста и вниманието кон секој детал го прават овој хотел одличен избор за сите кои сакаат квалитетно сместување во една од најубавите туристички дестинации на Халкидики.

Она што дополнително го издвојува хотелот е неговата мирна атмосфера и близината до прекрасната плажа на Калитеа, па гостите можат лесно да уживаат во сите убавини што ги нуди ова познато летувалиште, а истовремено да имаат место каде навистина ќе се одморат.

Доколку ова лето сакате спој од удобност, модерен амбиент, гостопримство и незаборавни денови покрај Егејското Море, Athina Mare-Sole е избор кој вреди да го разгледате.

Резервирајте го вашиот престој преку Booking и обезбедете си незаборавен летен одмор во прекрасната Калитеа.

Општина Ѓорче Петров ќе додели 10.000 денари поддршка за секој ученик со попреченост во општината, информираше градоначалникот Александар Стојкоски.

Тој истакна дека со оваа мерка, обезбедуваат еднократна годишна финансиска поддршка од 10.000 денари за сите ученици со попреченост, согласно класификацијата МКФ и мислење на ЗМЗ, во текот на целото образование.

„Оваа поддршка е наменета за полесно покривање на трошоците поврзани со образованието, развојот и секојдневните активности на учениците, затоа што секој ученик заслужува еднакви можности за учење, напредок и достоинствен живот“, посочи Стојкоски и притоа додаде дека инклузијата не смее да биде само збор, туку дека таа мора да биде конкретна грижа, мерка и поддршка.

Иницијативата „Мој Прилеп“ упатува јавен повик до сите граѓани кои сакаат да придонесат за почист, поуреден и поубав Прилеп да се приклучат на првата работна акција „Чистиме Џубрината #1“, која ќе се одржи во среда со почеток во 17:30 часот.

Акцијата ќе се реализира во паркот и детското игралиште зад зградите во населбата Бончејца, каде волонтерите заеднички ќе работат на расчистување и уредување на просторот, испраќајќи порака дека грижата за градот започнува од секој од нас.

Организаторите ги повикуваат сите кои се во можност да понесат мотика, гребло, тример, количка, работни ракавици или вреќи, бидејќи во моментов нема доволно опрема за сите учесници.

„Мој Прилеп“ ги охрабрува сите заинтересирани да ја поддржат иницијативата и да го потврдат своето присуство преку пријавата, со цел полесно да се организира акцијата и да се види колку граѓани ќе се приклучат.

Доколку сакате да дадете свој придонес за почиста и поубава околина, ова е можност заедно да покажеме дека со малку добра волја можеме да направиме голема разлика.

Пријавувањето можете да го направите преку следниот линк: https://shorturl.at/piP0k

Македонската песна повторно ќе одекне меѓу вековните камени ѕидини на Античкиот театар Хераклеја. На 29 јули, со почеток во 21:00 часот, еден од најавтентичните и најемотивни интерпретатори на македонската музика, Влатко Миладиноски, ќе одржи голем концерт кој ветува незаборавно музичко доживување.

Во еден од највпечатливите културно-историски локалитети во земјата, публиката ќе има можност да ужива во вечер исполнета со безвременски македонски песни, силни емоции и внимателно осмислена музичка продукција што ќе ја спои традицијата со современиот сценски израз.

На сцената, Влатко Миладиноски ќе настапи во придружба на оркестарот на Златко Миладиноски, составен од 30 врвни музичари. За оваа пригода ќе бидат изведени авторски композиции, како и нови оркестарски аранжмани на едни од најубавите македонски песни, создавајќи единствен музички спектакл под отвореното небо.

Организаторите најавуваат и настап на специјални гости од македонската музичка сцена, чии имиња ќе бидат објавени во наредниот период, а кои дополнително ќе ја збогатат програмата на оваа единствена концертна вечер.

Концертот претставува повеќе од музички настан – тој е прослава на македонската традиција, култура и песна. Во амбиентот на Хераклеја, каде што историјата и уметноста се испреплетуваат, публиката ќе има можност да ги доживее најголемите хитови на Влатко Миладиноски во сосема ново, раскошно оркестарско издание.

Билетите се во продажба по цена од 700 денари преку mktickets.mk, како и во продажната мрежа низ државата. Во Битола, билетите се достапни во TobaccoBrothers на Широк Сокак, а во Прилеп во туристичката агенција Бран.
За повеќе информации и резервации, заинтересираните можат да се јават на 077 611 669.

На 29 јули, Античкиот театар Хераклеја ќе биде сцена на вечер што ќе ја обедини публиката околу она што најсилно ја поврзува – македонската песна. Со врвни музичари, моќни интерпретации и амбиент што остава без здив, концертот на Влатко Миладиноски најавува вистински празник за сите љубители на домашната музика.