Галатасарај и Фенербахче синоќа го одиграа најголемото турско дерби во рамките на третото коло од турското фудбалско првенство.

Натпреварот заврши без голови и многу жолти картони, а она што остави белег се случи во седмата минута, кога натпреварот беше прекинат поради запален факел кој заврши на тревникот.

За познавачите на менталитетот на турските навивачи тоа не би била никаква нова вест, особено за ваквите дерби натпревари кои се играат на “Турк Телеком” арената во Истанбул.

Но, со оглед дека натпреварот се играше без публика, навистина е мистерија како овој факел заврши на тревникот и го прекина натпреварот.

Fireworks thrown into the Galatasaray – Fenerbahçe derby – played behind closed doors. Only in Turkey. (via @mesutluk) pic.twitter.com/hy8I5YzFQW

— Çetin Cem Yılmaz (@cetincem) September 27, 2020

Aко посакувате нешто слатко, не морате да вадете миксер и да пуштате рерна. Овие здрави и едноставни чоколадни коцки се идеални за деновите кога немате доволно време за подготовка на десерт.

Потребни состојки:

225 грама чоколадо со 70% какао
120 грама путер од кикиритки

Подготовка:

Растопете го чоколадото на пареа па помешајте го со путерот од киткиритки. Смесата ставете ја во силиконски калап за мраз. Ставете во замрзнувач и оставете да се стврдне.

Добар апетит!

Убавината на македонската традиционална облека и везови ќе биде претставена на изложба во Етнографскиот музеј во Дубровник, до 6. декември, а изложбата е наречена “Скриеното богатство на Македонија”.

Со оваа изложба, музеите во Дубровник претставуваат бројни текстилни и други ракотворби, собрани во Македонија на крајот на 19 и 20 век, како и во текот на 50-тите и 60-тите од минатиот век. Сите експонати се дел од колекцијата или музејските збирки сочувани во Дубровник.

Изложбата е дел од истражувањето на текстилните ракотворби и нивните трансформации во различните културни и историски реалности. Целта е да се потенцира придонесот на хрватските истражувачи во собирањето, заштитата, зачувувањето и презентацијата на македонските народни носии како национално културно наследство и општо добро на сите словенски народи од Југоисточна Европа.

Покрај музејските експонати, на изложбата има и вредни примероци од сопствениците на ансамблот за фолклор „Линџо“, како и приватни колекционери.

Автор на изложбата е Бранка Хајдиќ, додека изложбата е потпишана од Ивона Михл. Во реализацијата на изложбата помогнаа и етнолозите од Заводот за заштита на спомениците на културата и музеите во Битола.

Од Либертас телевизија (ЛТВ) од Дубровник направија прилог за изложбата кој можете да го погледнете во продолжение:

Во СВР Охрид вчера вечерта 76-годишен жител на Охрид приjaви дека бил измамен од едно лице за сума од 650 евра и 40.000 денари.

-Според приjaвеното, околу 15.00 часот лицето му се јавило на неговиот мобилен телефон и му соопштило дека бил очевидец на cooбpaќajна незгода со cmpтни пocледици, пpeдизвикана од неговата ќерка во една соседна земја. Исто така, според приjaвеното, лицето му побарало 25.000 евра за да помогне ќерка му да ја избегне затвopcката kaзна. Како што е приjaвено, лицето се согласило и за помала сума и по кратко време пpиjaвителот му дал 650 евра и 40.000 денари, информираат од СВР Охрид.

СВР Охрид презема мерки за расчистување на случајот.

-Апелираме до граѓаните, посебно до повозрасните, да не наседнуваат на вакви и слични информации добиени од непознати лица и секој таков случај да го пријават на телефонскиот број 192 или во најблиската полициската станица, стои во апелот на охридската полиција.

Македонскиот фудбалски репрезентативец Елиф Елмас постигна погодок (за него втор во Серија А) во убедливата победа од 6-0 што Наполи предмалку ја забележа против Џенова на капитенот Горан Пандев. Младиот фудбалер прецизно стрелеше во 69 минута, тогаш за 5-0.

Инаку и Елмас и Пандев мечот го почнаа на клупата за резерви. Елмас рано влезе во игра, во 23 минута кога се повреди Инсиње, а Пандев доби шанса за настап во 54 минута, при резултат 2-0 за домашната екипа.

Инаку резултатот го отвори Лозано, во 10 минута. На почетокот на вториот дел погоди Зиелински за 2-0, а третиот гол на тимот предводен од Џенаро Гатузо беше дело на Мертенс во 57 минута.

Стрелец за 4-0 беше повторно Лозано, а Елмас се погрижи за петардата во голот на Џенова.

Конечните 6-0 во 72 минута ги постави нововлезениот Политано.

Љубовта кон фудбалот, особено кон нејзиниот идол Франческо Тоти, и помогнале на младата девојка Илениа да се разбуди од 9-месечна кома. Девојката од декември, минатата година по тешка сообраќајна незгода паднала во кома.

Како верен фан на ФК „Рома“ и голем обожавател на фудбалерот Тоти, играчите ја знаеле Илениа и кога слушнале за нејзината сообраќајка и исходот од неа, снимиле видео порака. Специјална порака за поддршка за својот обожавател снимил и Тоти. По девет месеци се случило чудо.

Оваа приказна на својот фејсбук профил ја сподели групата „Genius footbal“, приказна кој никого не остава рамнодушен: „Илениа Матили (19) е млад фан на фудбалскиот клуб „Рома“, која беше во кома од сообраќајна несреќа во декември.

После 9 месеци во кома, нејзините родители објавија дека таа се разбудила слушајќи видео порака испратена од нејзиниот идол Франческо Тоти! „Илениа не се предавај, ти ќе успееш, сите сме со тебе“, е видео пораката на Тоти.

Младата Илениа се разбудила слушајќи го гласот на Тоти, велат нејзините родители и му се заблагодарија на Тоти:

„Вашиот фантастичен глас, во комбинација со страста, љубовта што Илениа секогаш ја имала кон „Рома“, го поттикна нејзиното будење и враќање на нејзината заразна насмевка“. Каква приказна. Фудбалот е повеќе од обична игра“.

Победа загуби на гостувањето кај Кожуф во Гевгелија со 2-1, полувреме 1-0. Резултатот е идентичен со оној од 3-тото коло на минатогодишниот шампионат, а како и лани и денес беше 2-0 па Победа намали на 2-1. И лани и денес на тој резултат Победа имаше зицер да дојде до бод.

Лани не го искористи Ристески, а на денешниот меч од 6-7 метри во судиското надополнување од 6 минути-во 94-тата минута Каралиоски биеше високо и далеку над голот на домашните. Единствената разлика на ланскиот и денешниот меч е во тоа што попладнево домаќините не креираа ниту една изгледна шанса за гол, а Победа покрај зицерот на Каралиоски имаше и една убава прилика преку Колевски, кој со глава биеше крај голот.

Но, сигурно куриозитет претставува фактот дека и покрај фактот дека 3-те гола на денешниот меч ги постигнаа фудбалерите на Победа црвено-белите загубија затоа што двата домашни погодоци фактички беа нсреќни автоголови на Дебрешлиоски во 15-тата и Колевски во 51-та минута, додека стрелец на погодокот за Победа, негов 4-ти оваа сезона, со глава беше Филип Димоски.

Избраниците на Крстески одиграа добар натпревар по тешкиот и од дождот доста натопениот терен во Гевгелија. Имаа повеќе од играта и поголем посед од домашниот состав, кој важи за тим кој игра со поголем посед на топката.

Но, кога се ќе се собере останува прилепчани да жалат за овој сигурно несреќен пораз во меч во кој не беа надиграни, а одиграа добро, далеку подобро од поразот на гостувањето во Македонска Каменица, па и минатонеделното реми дома со Плачковица.

Победа:Котевски, С.Спиркоски, Петкоски, Колевски, Белески, Ангелески, Дебрешлиоски, Дунимаглоски (од 71 мин Каралиоски), Митрески (од 57 мин Гешоски), Јошески (од 62 мин Илиоски-Кисески), и Димоски.

Резултати 5 коло: Кожуф-Победа 2-1, Тиквеш-Брегалница 1-1, Осогово-Слога 1-1, Плачковига-Росоман 3-0 и Каменица-Саса-Кит Го 2-3.

Табела:Тиквеш и Брегалница по 11, Кожуф и Слога по 8, Победа и Росоман по 7, Кит Го 5, Плачковица 4, Саса и Осогово по 3 бода.

Во следното коло во недела на 4-ти октомври ќе играат:

Победа-Осогово, Кит Го-Брегалница, Слога-Тиквеш, Росоман-Кожув и Каменица Саса-Плачковица.

Сторијата за Борче Грујиќ кој живее во нечовечки услови во населбата Пржино во Скопје, многу брзо се прошири на социјалните мрежи, а хумани граѓани веќе почнаа да доставуваат помош

Борче живее сам и во многу тешки услови во старата куќа без елементарни услови, без струја, без вода.

Одгледува кокошки и една коза кои го снабдуваат со јајца и млеко. Но, и козата нема доволно млеко, затоа што нема храна за да ја нахрани.

Овој млад човек секојдневно преживува како што знае и умее, а не добива ниту социјална помош.

Борче заслужува нормален живот и човечки услови!

Вчера неговиот скромен дом го посети Отец Оливер Петровски од Хуманитарна организација “Свети Спас”.

“Денес успеавме да го посетиме нашиот брат Борче со кого се запознавме и поразговаравме. Борче е прекрасен млад човек кој немал лесен живот, но сепак не се предава. Сеуште не знаеме колкав е долгот за струја и вода затоа што сметките не се кај него, но ќе направиме сѐ што можеме за Борче да добие струја, вода и реновиран дом. Нашиот брат Blas Dim веќе уплати 12000 денари за дрва така што Борче ќе биде обезбеден и со огрев за оваа зима. Во акцијата се вклучуваат и Општина Кисела Вода и братот Filip Temelkovski со кого утре ќе го посетиме Борче и ќе видиме на кој начин може да помогнат.Сите кои сакаат да се вклучат во реновирањето можат да се пријават со коментар, но само доколку навистина можат и сакаат. Ќе нѝ требаат молери, гипсари, водоводџии, електричари… за да можеме да го доведеме домот во ред. Бог да ве благослови!”, напиша Отец Оливер на Фејсбук страната од хуманитарната организација.

Секој што е во можност да помогни нека се обрати до Хуманитарна организација “Свети Спас”

Премиерот Зоран Заев на денешната прес конференција го промовираше четвртиот сет на економски мерки.

Меѓу мерките се наоѓаат и грантови од 3.000 до 10.000 евра за рестораните за свадби.

„Поддршка ќе добијат сите регистрирани и лиценцирани субјекти за оваа дејност во вкупна вредност од еден милион евра. Грантовите одделно се во висина од 3.000 до 10.000 евра во зависност од остварениот промет во 2019 година“, додаде Зоран Заев.