Заводот за вработување на Германија, објави колку изнесува бруто заработката мината година за 100 најпопуларни професии, а според таа листа најплатени биле пилотите, кои заработувале повеќе од 6.150 евра, колку што се платени докторите и ревизорите.

Геријатриска медицинска сестра 3032 евра, Фармацевт над 6150 евра, Архитект 4087 евра, Асистент на лекар 2448 евра, Оптичар 2448 евра, Пекар 3502 евра, Продавач во пекара 1839 евра, Оператор на багер 3421 евра, Службеник во банка 4875 евра, Градежен инженер 5246 евра, Професионален возач 2556 евра, Деловен економист (текстил) 3834 евра, Биолог 5149 евра, Сметководител 3661 евра, Канцелариски службеник 3306 евра, Возач на автобус 2556 евра, Агент во кол-центар 2113 евра, Хемиско-технички асистент 3905 евра, Контролор 5277 евра, Работник на секач 3010 евра, Градежен работник (покриви) 3265 евра, Сценограф за театар/филм/телевизија 4866 евра, Комерцијалист 3758 евра, Работник во малопродажба 2446 евра, Електричар 3143 евра, Електромеханичар 3694 евра, Техничар за ИТ електроника 3820 евра, Рецепционер 1807 евра, Воспитувач 3598 евра, Организатор на настани 3486 евра, Комуникации 3306 евра, Инструктор за возење 2837 евра, Менаџер во канцеларија 4093 евра

Плочкар 3003 евра, Фризер 1684 евра, Возач на вилушкар 2687 евра, Водоводџија за гас и вода 3056 евра, Чистач во згради 2080 евра, Графички дизајнер 3322 евра, Трговец на големо 3150 евра, Хотелиер 2211 евра, Домашна помошничка 2140 евра, Менаџер на објект 2889 евра, Индустриски службеник 3624 евра, Индустриски механичар 3922 евра, Компјутерски научник 4236 евра, Електроинженер 5934 евра, Правен службеник 3307 евра, Касиер 2214 евра, Келнер 1934 евра, Акаунт менаџер 5398 евра, Автомеханичар 3077 евра

Готвач 2284 евра, Медицинска сестра 3547 евра, Сликар 2776 евра, Работник во магацин 2814 евра, Наставник во основно училиште 4318 евра, Наставник во средно училиште 5488 евра, Логистичар 3525 евра, Логопед 2575 евра, Молер 2776 евра, Асистент во маркетинг 3662 евра, Менаџер во маркетинг 4804 евра, Машински инженер 5652 евра, Ѕидар 3214 евра, Инженер за мехатроника 3077 евра, Медиа дизајнер 3010 евра, Медицинско-технички лабораториски асистент 3456 евра, Работник на метали 3738 евра, Болничар 3404 евра, Кадровски службеник 3889 евра, Физиотерапевт 2513 евра, Пилот повеќе од 6150 евра, Психолог 4537 евра, ПР менаџер 4436 евра

Програмер 4644 еврa, Правен асистент 2595 евра, Уредник 4393 евра, Чистач 1886 евра, Бродски механичар 3953 евра, Ковач 3050 евра, Секретар 3306 евра, Обезбедувач 2131 евра, Филигранист 2454 евра, Инженер за софтвер 5121 евра, Социјален работник 3891 евра, Службеник во социјално осигурување 4096 евра, Шпедитер 3252 евра, Даночен службеник 2803 евра, Градежник на патишта 3465 евра, Систем администратор 4722 евра, Технички илустратор 3384 евра, Технички асистент за животна средина 3533 евра, Продавачка 2446 евра, Продавач на осигурување 4609 евра, Правен аналитичар / истражувач 3620 евра, Механичар за алати 3858 евра, Ревизор повеќе од 6150 евра, Стоматолошки техничар 2628 евра, Столар 3153 евра

Како што најави министерот Филипче на денешната прес-конференција донесена е одлука за препорака на нови мерки, а таа подразбира забрана за семејни поголеми прослави и забави во домашни услови, како што се славите и разно-разните забави на кое е дозволено присуство на најмногу 4 луѓе, односно оние кои живеат таму и уште четворица други.

– Со оваа забрана дополнително ќе се избегне забавите од кафулињата и угостителските објекти да се префрлат во домашни услови. После 22 часот се забранува групирање на јавни места, односно во паркови, бензински и каде било…

Исклучок ова се и децата до 6 години во претшколска возраст, рече Филипче и најави дека овие препораки ќе бидат доставени до Владата.

Поминаа точно 21 година од легендарното интервју во центарот на Загреб на легендарниот југословенски фудбалер Дејан Дејо Савичевиќ.

Октомври 1999 година, последно коло на квалификациите за пласман на ЕУРО 2000, утакмица која одлучува – Хрватска на “Максимир” ја дочекува Југославија. Утакмицата која за целиот простор беше многу повеќе од обичен спортски настан.

Еден ден пред натпреварот беше јасно дека “сините” во Загреб ќе начекаат пекол и дека еуфоричните и непријателски расположените навивачи ќе направат се за да ги заплашат и да ги спречат да ја остварат целта.

Меѓутоа, популарниот Дејо сред Загреб им даде до знаење дека никој не може да се шегува на негова сметка. На тој 8 октомври “Генијалецот” пред хотелот во Загреб имаше интервју и говореше за тензиите кои ќе следат.

“Немам појдено во Загреб околу 8, 9 години, кога се случи она чудо и таа вojна… Немам некое специјално чувство, обезбедувањето е како што треба, нема страв. Тоа што мислат дека ние сме виновни, ние го имаме истото мислење за нив… Тоа воопшто не ме интересира и не ме тангира”, рече Дејо, а потоа следуваше прашањето на новинарот “кој се тоа тие?”.

“Па тие… Зборуваме за Хрватите, не зборуваме за Македонците! Според тоа нема што да повторувам…”, одговори Дејо.

Во тој момент од улицата еден хрватски навивач започна да го навредува, а “генијалецот” не му остана должен. Две децении по инцидентот тој ја опиша целата ситуација.

“Јас давам изјава, сам останав таму да зборува, а слушнав како некој ми дофрла и ме навредува. Во еден момент, кога главата ми беше полна со пцовки, а тоа беше во време додека давам изјава, се завртив, и гледам човек од метар и шеесет. Сега се сеќавам, имаше дрес, црна јакна и некои тренерки. Немаше два заби. И јас му го реков тоа што го реков, но што можев”.

Фудбалерите на селекторот Благоја Милевски блескаа на гости против Казахстан

Македонија до 21 година славеше победа со 4:1 против Казахстан во натпревар од квалификациите за Европското првенство!

Дарко Чурлинов постигна два гола за Македонија, Јани Атанасов и Димитар Митровски, исто така погодија во мрежата на Казахстан.

Младите фудбалери се наоѓаат на второто место во групата 6, а до крајот на квалификациите нашите момци ќе одиграат уште 3 натпревари.

Во рангирањето на второпласирани репрезентации Македонија е на осмата позиција и заостанува со 2 бода од Германија, која се наоѓа на петтата позиција, место кое води во бараж.

Наредниот натпревар нашите надежи го играат на 13 октомври на домашен терен против Израел.

Премиерот Зоран Заев синоќа гостуваше во емисијата „Економски магазин“ на “АЛСАТ М” Телевизија, каде зборуваше и за компаниите кои бележат загуби од кpизата.

На ова реагираше лидерот на ВМРО-ДПМНЕ, Христијан Мицкоски, кој напиша:

“Штотуку соопшти дека неколку илјади компании кои денес, пред се поради кризата, но и од други причини бележат загуби, нивните сопственици, вработените таму треба да знаат дека нема помош од Владата, тие ќе бидат оставени на милост и немилост да пропаднат, како што вели Заев. Илјадници вработени ќе останат на улица.

Вели ќе помагал на “локомотивите”(читајте – оние кои бележеле профит), а за жал единствените локомотиви денес се бизнисите на мафијата, оние кои земаат милионски бизниси од Владата.

Пред изборите Заев најави пет нови странски инвестиции во септември, доколку остане премиер. Дојде октомври, бројката е нула.

Вчера најави 3 милијарди долари странски инвестиции, демантот стигна уште денес, Владата раскина договор за закуп на земјиштето во Бунарџик со две странски компании.

Револуционерната мерка која Заев вчера ја најави е намалување на администрацијата за 20 проценти, што во превод значи партиски реваншизам, за да останеле пари за капитални инвестиции.

Финансии за капитални инвестиции има, но се клучни два фактори зошто нема нивна реализација, прво неспособни се министрите да ги реализираат, второ, парите за капитални инвестиции се трошат за купување на социјален мир, картички и политика „купи ден-помини“.

Земја во која премиерот се фали дека затворал факултети, нема иднина. Мафијата мора да падне, за Македонија да опстои”.

Без традиционалниот огномет и со скратена програма ќе се одбележи Денот на народното востание – 11 Октомври во Прилеп

„Одбележувањето на државниот празник, Денот на народното востанието 11 Октомври, оваа година ќе се организира во посебни услови, согласно протоколот за одбележување државни празници и без масовни собири, што го усвои Владата. Заради пандемијата со КОВИД-19, тие услови се однесуваат на бројот на учесниците, здравствено-безбедносната организација на местата каде што ќе се одржат свеченостите, како и местата за посетителите и учесниците, со обезбедена дистанца и заштита. Во таа насока, оваа година содржината на програмата за одбележување на Денот на народното востание е редуцирана, а акцентот е ставен на положување венци и свежо цвеќе на споменици и спомен обележја“, истакна на денешната прес конференција по повод Денот на народното востание 11 Октомври, градоначалникот Илија Јованоски.

Програмата за одбележување на Денот на народното востание започнува утре, во 11 часот на плоштадот „Методија Андонов – Ченто“, со отворање на Фестивалот на медот, „Медот и пчелните производи, инвестиција во вашето здравје“.

Во сабота, 10 октомври, во Центарот за култура „Марко Цепенков“, од 09 до 13 часот ќе се одржи крводарителска акција, во организација на Општинската организација на Црвениот Крст – Прилеп. Вечерта во 19 часот е импровизираниот напад на Участакот, а половина час подоцна во Центарот за култура „Марко Цепенков“ ќе се одржи Интернационалниот детски музички фестивал „Ѕвездички“. Детскиот фестивал ќе се одржи според сите протоколи за организирање настани во затворен простор, а кажано со бројки, тоа значи дека согласно пропишаната дистанца, во салата може да има максимум 105 посетители.

„Она што сакам да го потенцирам, е дека заради почитување на протоколот за одбележување државни празници, оваа година ќе изостане традиционалниот огномет. Сите знаеме дека огнометот е една од главните причини заради кој граѓаните во голем број излегуваат на градскиот плоштад ‘Методија Андонов – Ченто’. Тоа, во актуелните услови на пандемија од Ковид-19, е ризик и потенцијална опасност за ширење на коронавирусот. Ниту Општина Прилеп, ниту јас како градоначалник, немаме намера да им го ограничуваме правото на слободно движење на нашите сограѓани. Меѓутоа како одговорна власт и како одговорни граѓани, ќе ги спроведеме мерките за заштита од коронавирусот. Истовремено, искажувајќи грижа за здравјето на граѓаните на нашата општина, упатувам апел до сите нив, доколку сепак одлучат да излезат во центарот на градот, да користат заштитни маски и да одржуваат дистанца“, истакна градоначалникот Јованоски.

Во недела, 11 октомври, чествувањата по повод Денот на народното востание започнуваат во 8.30 часот, со полагање на свежо цвеќе на спомениците на Методија Андонов – Ченто и Кузман Јосифоски – Питу, Алејата на народните херои, споменикот „Жена борец“ и Могилата на непобедените.

Во 12 часот, во месноста „Топташ“ ќе се одржи „Топташ даунхил купот“, натпревар кој ќе биде бодуван за ранг листата на Велосипедската федерација на Македонија. Одбележувањето на празникот ќе биде заокружено во 17 часот, кога во Центарот за култура „Марко Цепенков“ ќе се одржи детскиот музички фестивал „Весели ѕвончиња“.

„Сакам да напоменам дека соработката на нашата Општина и Општина Куманово во заедничкото одбележување на Денот на народното востание продолжува и оваа година. Во сабота на 10 октомври, претставници на Општина Куманово ќе присуствуваат на дел од настаните кои ги организира Општина Прилеп, а следниот ден, во недела на 11 октомври, делегација од нашиот град ќе положи цвеќе на Спомен костурницата во Куманово. На крајот, на сите граѓани им го честитам Денот на народното востание. Нека ни е честит и вековит 11 Октомври!“, рече градоначалникот Јованоски на денешната прес конференција, одржана по повод Денот на народното востание, 11 Октомври.

И додека некои возачи одлично се снаоѓаат додека возат, други мака мачат со паркирање и застанување на црвено, па не се баш идеален избор кога треба со нив да се возите.

Според хороскопот, причината поради која некои луѓе важат за лоши возачи лежи во датумот на нивното раѓање, поточно во знакот во кој се родени. Your Tango направи листа на пет хороскопски знаци во кои се раѓаат најлошите возачи.

Овен

Марс владее со овој знак, поради што Овните имаат експлозивен карактер па не им треба многу за да изнервираат додека возат. Тврдоглави се и лесно губат контрола, но сакаат и брзо да возат па возењето со нив не е баш најпријатно.

Стрелец

Стрелците се сметаат за многу опасни возачи бидејќи тешко се фокусираат па најчесто погледот им бега од патот. Вниманието може да им биде насочено кон други работи, од мачка што ќе ја видат па до облак на небото додека возат.

Риби

Исто како Стрелците, и Рибите тешко остануваат фокусирани на возењето. Многу се емоционални па бурно ќе реагираат на секоја ситница во сообраќајот, што може да предизвика стрес. Токму затоа им е тешко да ги следат сообраќајните правила.

Водолија

Водолиите ги почитуваат сообраќајните правила само кога мораат, но кога знаат дека никој не ги гледа не им е воопшто проблем да свртат во еднонасочна улица или да минат на црвено на семафор.

Бик

Многу сакаат да се натпреваруваат па често забрзуваат ако видат дека некој ги престигнува. Територијални се па тврдоглаво се држат до нивната лента, но ќе внимаваат да не дојде до несреќа бидејќи нивниот автомобил во овој случај им е поважен од докажувањето.

Типстер купот на Sport Life му донесе стан на Водно на играч од Битола. Денес, клучевите од оваа главна премија му беа врачени на младиот Дејан Кузмановски, кој беше прогласен за најдобар типувач на Sport Life во Типстер купот од минатата и оваа година.

Преку 3.500 финалисти се натпреварува во финалето. Со освоени 126.402 поени тој беше прв на ранг листата на ниво на сите обложувалници на Sport Life.  Сѐ уште не привикнат на фактот дека освои нов модерен стан на Водно, овој млад човек  (34)  возбудено ни раскажа како успеал да стигне до финалето и да победи.

– Вербата и редовната игра се исплатеше, тоа им го порачува и на останатите играчи.

Играл секојдневно со влогови од по 20 денари на тикет, а по воведувањето на играта До 50 шанси за 100.000 денари, повисоките поени ги собрал на тикет со одиграни 50 пара и фатени 40, остварувајќи максимални 5020 поени за влог од 20 денари. Инаку веќе 10 години редовно игра различни игри од широката понуда на Sport Life, а тимот за кој навива се „топџиите“ од „Арсенал“.

„Оваа година се најдовме пред  повеќе предизвици. Да продолжиме со Типстер купот, да ја доделиме главната премија и притоа да ги исполниме сите протоколи поради вирусот Ковид-19. Продолживме со работа во нови услови и со воведување на  онлајн обложување, затоа што знаеме дека нашите играчи  живеат со спортот,  играат и навиваат за него. Им честитаме и воедно им благодариме на играчите за нивната лојалност и учество во натпреварот. Типстер купот продолжува оваа година со подинамично темпо и под мотото Типстер на месецот, со привлечни премии за најдобрите типувачи секој месец до 100.000 денари.“

Покрај главната премија, стан на Водно, голем број подароци беа доделени и за останатите учесници во типстер купот. На генерално ниво од финалната етапа, за освоеното 2-10 место следуваа поени за подароци од СЛ маркетот, а за сите останати финалисти Sport Life обезбеди подарок вредносни ваучери  за игра.

Типстер купот се одржува секоја година и веќе стана традиција која им носи забава и секој месец привлечни подароци на лојалните играчи на Sport Life.

Извршен бил увид на местото на незгодата од увидна екипа од Полициската станица Прилеп.

На 07.10.2020 во 22.10 часот било пријавено дека на крстосница од улиците „Генерал Васко Карангелески“ и „11 Октомври“ во Прилеп, патничко возило „фолксваген голф“, со прилепски регистарски ознаки, управувано од Д.У.(43) од Прилеп, удрило во пешакот Л.П.(66) од Прилеп, пишува на полицискиот билтен на МВР.

Во незгодата, пешакот се здобил со тешки телесни повpeди, констатирани во Градската болница Прилеп.

Извршен бил увид на местото на незгодата од увидна екипа од Полициската станица Прилеп.

Синоќа премиерот Зоран Заев гостуваше во емисијата Економски Магазин на Алсат телевизија каде на едно од прашањата за тоа дали ќе има силна реформа за да може да се преструктуира стопантството, посочи дека еден начин за да се помогне во економијата е намалувањето на јавната администрација.