Денешно обраќање на пратеникот од редовите на ВМРО-ДПМНЕ, Петар Ристески, на седницата на Комисијата за здравство.

“Вистината боли! Пратениците од власта избегаа од фактите.

Зборуваат за грижа за јавното здравје а не сакаа да ги видат доказите како во Штип се поткупуваа гласачи, како се делело храна без почитување на протоколи, без маски, дистанца и никаква заштита.

Како градоначалникот и пратеници се гоштеваат во кафеана после 21ч, а предлагаат затворање на угостителските објекти за празниците до 18ч. Лицемерие од лицемерни политичари на дело”, порача Ристески.

Бугарскиот министер за одбрана и вицепремиер во Владата, Красимир Каракачанов, продолжува со провокациите на сметка на македонскиот идентитет и историја.

Во неговото интервју за Бугарската национална телевизија Каракачанов истакна дека ФК Вардар во 1942 година станал шампион во Царството Бугарија.

Во 1943-та или 1942 година Вардар е шампион во Бугарија, вели Каракачанов, но она што го пропуштил е информацијата дека ФК Вардар е формиран во 1947 година.

Гледај до крај ?, што се тресе главниот “овластен” Бугарски преговарач pic.twitter.com/jVaAe3t53A

— Демир (@Trollowsky) December 13, 2020

Фејсбук статус на Универзитетскиот професор Иван Грозданов, еден од шестемина научници од Македонија кои беа рангирани во листата на 2% најцитирани и највлијателни научници во светот за 2020 година.

НЕ. БЛАГОДАРАМ НА ПОКАНАТА!

Не отидов на свечен прием кај министерката за образование и наука, Мила Царовска, на кој бевме поканети шестемина научници од МК кои сме дел од 2% најцитирани и највлијателни научници во светската наука за 2020 г. (според анализите на колеги од универзитетот Стенфорд, САД). Апстинирав, од следниве причини:

1) Таа констатација за мене и моите пет колеги не дојде од наши институции, туку од странски колеги/универзитет. Затоа, нашите политичари немаат морално право да си ловат партиско-политички поени за ова. Барем јас не се ставам во служба на ничие дневно-политичко саморекламирање.

2) Ниту една досегашна влада во МК немала ни слух ни определба пристојно, континуирано и систематски да ја помага науката во нашата земја. Напротив, политичарите на многу начини ја одмагаат, па и ја згаснуваат. Важни им се само партиски профитабилни инвестирања.

3) Во мојот случај, партиско-политичките попречувања одеа до таму што бев принуден и изработката и одбраната на мојата докторска дисертација да ги правам по туѓи земји – во еден вид политичко прогонство. Овде бев брутално спречен дури и да пријавам докторска дисертација, токму преку партиско-политичките структури и на универзитетот и многу пошироко. Само поради мојата аполитичност и христијански светоглед.

4) Исто така, сите мои влијателни научни трудови се извршени во друга земја, со нивна логистичка и финансиска поддршка. Овде ниту имав услови, ниту поддршка. Оттаму, не гледам зошто министерката за образование и наука би се гордеела, барем во мојот случај. Попрво треба срам да ја фати.

5) Пред неколку месеци ѝ пишав на дотичната министерка во врска со некои образовни прашања – не бев удостоен ни со одговор. Како и нејзините претходници, бездруго и таа си рекла : „Кој е овој, да му одговарам! Не сум го видела на ниеден партиски собир!“

6) На лично ниво, не чувствувам никаква чест да одам на свечен прием кај министерка која во најчувствителната област на образование на нашите деца, програмата за образование по ткн. „Сестрано сексуално образование“ ја доверува на хомосексуално-лезбејски здруженија, чиј промотор е и самата министерка. Тоа е како да им довериш на проститутките да ги учат децата на морални вредности. Со заложба токму на оваа министерка, не само што се озаконија и истополови бракови, контроверзни родови идеологии, туку се работи на тоа, кај децата да се внесат искривени морални вредности за половите машко и женско, за бракот и семејството. Токму оваа министерка турка закони и образование во насока на уривање на јавниот општествен морал – нешто, што допрва ќе го почувствуваме.

Има уште, но и ова нека биде доволно. И јас нешто да бојкотирам!

П.С. Инаку, професионална чест ми е што дури 4 од нас 6 научници во ова рангирање, сме хемичари од ПМФ – Институт за хемија, Скопје, а двајцата најмлади беа и мои студенти. Честитки, колеги, држете се!

Германскиот министер за здравство Јенс Шпан изврши дополнителен притисок врз Европската агенција за лекови (ЕМА) пред католичкиот Божиќ да издаде дозвола за употреба на вakцина против Koвид-19 на Фајзер и БионТек.

– Нашата цел е да се одобри употребата на вakцината пред Божиќ, за да можеме да почнеме со вakцинирање оваа година, истакна Шпан.

Притисокот што го прави германскиот министер за здравство врз ЕМА се однесува на вakцината што ја разви германската фармацевтска компанија БионТек во соработка со американскиот Фајзер и која веќе им се дава на граѓаните во Велика Британија, Канада и САД.

ЕМА најави состанок на 29 декември во врска со вakцината, а директорката на ЕМА, Емер Кук, рече дека нејзиниот тим работи „без престан“.

Проблем може да биде и тоа што ЕУ планира да се почне со вakцинација во исто време во сите 27 земји-членки, а Германија веќе е подготвена да почне масовна вakцинација на своето население.

Шпан исто така изјави дека Германија е подготвена во јануари да вakцинира меѓу три и четири милиони Германци со вакцините на БионТек и Фајзер, уште 11 милиони во текот на првиот квартал од следната година и дури 60 проценти од германските граѓани до крајот на летото 2021 година.

Во последните 24 часа во Германија се регистрирани нови 14.432 случаи на кopoнавиpyc.

„Песната во филмот „Трето полувреме“ беше мој избор, јас сакав да се пее некоја народна песна која што полека како на отпорот на трибините ќе стане фудбалска навивачка песна. И после тоа Кирил Џајковски побара од таа песна „Море сокол пие“, да направи акциона музика за нивниот последен натпревар на кој победуваат. Изборот на песната не беше случаен. Барав нешто што има добар ритам, што може да стане навивачка песна, но што истовремено нема никаква политичка конотација, но има борбеност во неа и има географски поим. „Море сокол пие, вода на Вардарот“, не пие на Морава, не пие на Марица туку пие на Вардар.

Ние сме народ кој што живее, така на школо не учеа од левата и десната страна на Вардарот. Таа земја од извора па до Солун ние тука живееме, тоа е нашата земја. Таа песна не дефинира нас, каде сме и кои сме и какви сме. Во песната се опишува некаков јунак, како изгледа тој јунак и како се замислуваме себеси и што посакуваме да станеме. Ама, пак ќе речам тоа мислев ќе е добро за на филм, не мислев дека ќе се случи да го гледаме по улиците на Скопје“, истакна Дарко Митевски во вчерашното гостување во емисијата „Заспиј ако можеш“.

Митевски додаде дека македонскиот народ треба да е горд на песната бидејќи таа е испеана токму од македонскиот народ, тоа е стара македонска песна. Соколот не пие вода на Црно море и на Дунав, туку од Вардар пие.

„Ми е драго што луѓе се сеќаваат на песната и ја користат како инспирација за својот отпор, кон една политика која што мислам дека е погубна за државата“, нагласи Митевски.

Митевски посочи дека не му се допаѓа што Македонија се силува пред очите на македонскиот народ, и ние како граѓани немаме друго орудие освен песна. Македонија последен пат во ваква ситуација како денес била во Балканските војни. Тогаш Македонците биле без оружје во рацете, без интелектуална елита, разграбани, силувани, обесчестени и поделени. Прв пат од тогаш во иста ситуација Македонија денес се наоѓа.

„Око не ми трепнува, филмот би го снимил уште три пати ако треба. „Трето полувреме“ е дел од мојот живот тоа е сценарио, тоа е приказна која што јас сум ја открил во 1999 година. А, од тогаш поминале 21 година. Јас сум формиран како човек, како уметник низ таа приказна и низ разни други приказни еве една од нив е да речеме оваа афера „Мис Стоун“. Приказните за Македонија од „Досие Скопје“, преку „Балканкан“ до „Трето полувреме“ се мои приказни. Јас никогаш ништо не снимав во Македонија освен приказни за Македонија. И за тоа ми е тешко ова што се случува сега“, рече Митевски.

Владата денеска на седница ќе ги разгледа предлозите на Комисијата за заразни болecти и на Главниот штаб. Комисијата за зapaзни болecти реши да и препорача на Владата нов пакет рестриктивни мерки за период од 18 декември до 21 јануари, со цел да се избегне зголемување на бројот на заболени од Koвид-19 во претстојниот период на празници. Се предлага угостителските објекти да се затвораат во 18 часот, наместо во 21 часот и да нема групирања дома и на отворено.

Препораките за рестриктивни мерки се насочени на реорганизација на работното време на угостителите, препораки за јавни собири, препораки до верските заедници, до работните организации и препораки кои се однесуваат на работата на рестораните во хотелските објекти.

Според анализите на Министерството за здравство, претходните мерки веќе даваат резултати, а репродукцискиот број (R0) или факторот на репродукција, кој на почетокот на ноември беше 1,5, сега е под 1, поточно 0,95.

Вчера беа забележани нови 213 случаи на зapaзени си кopoнавиpycoт од направени 741 тестирања, 26 починати и 632 оздравени пациенти.

Вкупната бројка на ковид дијагностицирани во нашата земја од почетокот на епидемиjaта изнесува 73851, бројката на оздравени пациенти е 50046, на починати е 2147, а бројот на активни случаи изнесува 21658.Најмногу активни има во Скопје – 11307, следи Тетово – 976, Прилеп – 893, Битола – 843.

Смарагдната година се најавува како многу среќна за најпрогресивниот знак во Зодијакот.

Најпрогресивни, најориентирани кон иднината, подготвени да живеат во 22-от век! Затоа, за нив даровите од големиот мецена Јупитер кои се очекуваат во 2021 година се навистина богатство – астролозите велат дека ќе биде Смарагдна година за родените во знакот на Водолија!

Да почнеме со објаснување за тоа што значи Смарагдна година. Се смета дека е година во која сите 12 месеци ќе бидат среќни за избрани луѓе, така што тие може да се сметаат за вистински космички кралеви и кралици.

Во 2020 година, која беше тешка година за сите нас, Јарците се најдоа во оваа елитна ситуација и, иако имаше и многу Јарци кои се соочија со тешкотии, астролозите сепак велат дека биле поштедени од уште потешки исходи. Сега е време да се предаде престолот на Водолијата, на која ѝ се отвораат многу среќни прилики.

Пред вас се широки можности, бројни шанси за патување, но и најважната пресвртница во животот – можноста да ја запознаете вашата вистинска љубов.

Ако веќе сте во среќен брак, сметајте на принова, како и многу слободно време што ќе можете да го поминете со партнерот и децата, што е богатство што денес многумина го немаат.

Во деловна смисла, едноставно ќе напредувате, а ова особено важи за оние кои лесно се прилагодуваат на новите технолошки промени и работната атмосфера.

Водолијата важи за знак кој е најподготвен да живее „во иднината“, а сега тоа е потребно за успех и среќа.

Смарагдната година за Водолијата исто така, претставува пресвртна точка важна за ерата на Водолијата. Многу планети транзитираат низ овој воздушен знак, така што целото општество се свртува кон нејзините визии за напредок.

Затоа, подгответе се да постигнете сè што сакате, само имајте на ум дека можеби ќе треба да почекате некое време за реализација. Во првата половина на годината, Сатурн и Јупитер се во опозиција, така што некои Водолии нема да чувствуваат доволно енергија во јануари и февруари. Сепак, веќе во средината на март, космичките сили ќе „смекнат“, Јупитер се оддалечува доволно далеку од прегратките на Сатурн и – светот ќе биде пред вашите нозе!

Маркетите, пекарите, дуќаните ќе мора да воспостават ред и внатре и надвор во објектите, за да го спречат ширењето на вирусот – во спротивно ќе плаќаат казни до 2.000 евра.

Во новото законско решение, кое е во собраниска процедура, наведено е дека секоја продавница ќе мора да обезбеди редарска служба која ќе го контролира минималното растојание од 2 метри пред и внатре во објектот. Дезинфекцијата на раце при влезот ќе биде задолжителна, правецот на движење ќе мора да биде означено, како и минималното растојание од 2 метри. Пред секоја каса за наплата, но и пред објектот задолжителната дистанца мора да биде означена. Вработените ќе мора да носат маски и ракавици цело работно време. Во објектите ќе може да пазари најмногу по едно лице на 10 метри квадратни.

Во моментов, според граѓаните, мерките за заштита генерално се почитуваат, но има и такви објекти каде гужвите се секојдневие.

Микро и малите фирми кои нема да го почитуваат законот, ќе плаќаат од 500 до 1.000 евра казна, додека средните и големи трговци од 1.000 до 2.000 евра. Глоба од 50 евра е предвидено и за вработеното лице кои нема да гo почитува законот.

Регулаторната комисија за енергетика ги соопшти новите цени на нафтените деривати кои ќе стапат на сила од денес.

Малопродажните цени на бензинот ЕУРОСУПЕР БС-95, на ЕУРОДИЗЕЛ (Д-Е V) и на Екстра лесното масло за домаќинство (ЕЛ-1), се зголемуваат за 0,50 денар/литар.

Согласно новото зголемување на цените, ЕУРОСУПЕР БС-95 изнесува 60,00 ден/лит, малопродажната цена на ЕУРОДИЗЕЛ (Д-Е V) изнесува 53,50 ден/лит и малопродажната цена на Екстра лесното масло за домаќинство (ЕЛ-1) изнесува 53,50 ден/лит.

Малопродажната цена на бензинот ЕУРОСУПЕР БС-98, се зголемува за 1,00 денар/литар, во однос на малопродажната цена утврдена со одлуката од 07.12.2020 година и со тоа малопродажната цена на ЕУРОСУПЕР БС-98 изнесува 62,00 ден/лит.

Малопродажната цена на Мазутот М-1 НС се намалува за 0,081 ден/кг во однос на цената утврдена со одлуката од 07.12.2020 година и со тоа малопродажната цена на Мазутот М-1 НС изнесува 28,287 ден/кг.

Овие денови кога тутунарите мака мачат за реално да го наплатат својот труд, вистинско време е да се потсетиме што се’ им беше ветувано од актуелната локална и централна власт во предизборието.

Сегашниот градоначалник на општина Прилеп, Илија Јованоски пред локалните избори во 2017 година, за тутунарите вети укинување на четвртата класа и откуп на тутунот во три класи.

Тој вети дека достоинството на земјоделците ќе биде негов приоритет.

Во продолжение погледнете што се’ ветуваа Јованоски и СДСМ за земјоделците и жителите во руралните средини.