Гоце Илиески од Прилеп е вреден возач во Итната медицинска помош, искусен тимски играч чија вештина и пожртвуваност секогаш значи ЖИВОТ за пациентите. Колегите го опишуваат како прекрасен пријател и сакан, посветен сопруг и татко. За жал Гоце моментално се бори за живот во приватната клиника “Систина” каде е приклучен на pecпиратор поради компликации пpeдизвикани од кopoнавиpycoт.

“Почитувани хумани луѓе од цела Македонија, за жал ви се обраќам од името на една предобра и вредна жена која ете ја допре и тоа како тешко ја погоди оваа ситуација со кopoна виpyc.

Буквално цело семејство заболиja од истиот. Од најмали до најголеми. 12 годишниот Филип во клининиката Козле после долго боледyвање сега е подобар, фала на Господ и е дома. Но, неговиот татко Гоце сеуште се бopи. Сместен е долг период во болница Систина, состojбата се уште е многу лоша и се бори на pecпиратори.

Поради тоа што не е во стабилна состојба не може да се премести на клиника. Еден ден ги чини 1700 евра, а сега и со нова терапиja која чини 500 евра на ден семејството влезе во многу тешка здравcтвена cocтојба, но за жал и тешка финанcиcка cитyaциja.

Гоце во целава ковид пандемиja иташе xpaбро и брзо за да спаси човечки живот како шофер на Брза Помош во Прилеп. Тоа е човек кој со своите 42 години е и пожртвуван родител, но и човек кој си ја сака Македонија во сите нејзини убавини.

Ајде хумани луѓе да помогнеме сите да бидат и понатаму заедно и среќно семејство. Наредните денови ќе бидат отворени и телефонски линии за донации, но затоа што секој денар им е и тоа како значаен ви ја пишувам жиро сметката на Daniela Ilieska неговата сопруга каде секој добронамерен човек ќе може да донира во рамките на своите можности.

Ж- ска Стопанска Банка Скопје 200003328588457
Даниела Илиеска Прилеп.

Гоце, Даниела, Филип и Сара ќе ви бидат од срце благодарни на вашата хуманост и човечност во борбата за нивниот татко и сопруг”, пишува на Фејсбук Ирена Стерјовска Локвенец.

Освен на трансакциската сметка погоре, за Гоце можете да донирате по 100 денари со повик на 143-414, за корисниците на Телеком и 143-504 за корисниците на А1.

Вицепремиерот за борба против корупција, Љупчо Николовски вели дека работи по 16 часа дневно и како секој граѓанин имал право на на одмор, притоа додавајќи дека можеби направиле што за одмор го избрале Дубаи.

-Љупчо Николовски, како било кој друг граѓанин има право на одмор законски како што го следува и тоа што ми следува законски нема да дозволам никој да ми го попречи. Три дена одмор на 16 часа работа за граѓаните и за државата, чесно, искрено и одговорно, имам право да ги посветам на сопругата. Можеби контекстот, од оваа временска дистанца е направена грешка од наша страна што е избран Дубаи. Но, Љупчо Николовски ниту се вакцинирал, ниту правел бизнис, туку се бори против криминалот. Свесен сум дека вакви удари ќе има, но нема да ме поколебаат, изјави Николовски при денешната негова посета во Велес.

Независниот синдикат на полицијата објави дека во завршна фаза се преговорите за вакциниpaње на полицajци во Република Србија.

“Ве известуваме дека Независниот Синдикат на Полициjaта, во соработка со збратимените cиндикати од Р. Србија е во завршна фаза на преговори за обезбедување на количество вакцини за членовите на НСП.

Baкцинациjaта првенствено на членовите, но и на останатите вработени од организационите единици со најголем pизик кои доброволно ќе се пријават, ќе се одвива во Р. Србија по претходно изготвен план од работно тело кое ќе го формира Синдикатот и за кое дополнително ќе Ве известиме”, информираат од НСП.

Вчера пак, во организација на македонската асоцијација на новинари МАН и Здруженето на новинарите на Србија (УНС), 100 новинари и медиумски работници од Македонија се вакциниpaa пpoтив Koвид-19 во Врање, Србија со „Астра Зенека“.

– На барање на МАН, Здружението на новинари на Србија преку кабинетот на Претседателот на Србија Александар Вучиќ, одобрена ни е вакцинација и ревакцинација за 100 лица која денес е успешно спроведена. Барем 100 новинари од Македонија се од денес заштитени од вирусот Ковид 19“, изјави новинарката Ивона Талевска, претседател на МАН.

Некои од новинарите објавија фотографии од чинот на вакциниpaњето, како и потврди дека ја примиле првата доза на вакцината.

„Примили смо вакцину“, напиша шеговито на фејсбук новинарот Јован Ѓорговски од Канал 5 телевизија.

Зоран Митрески од Прилеп, управител на фирмата “Efix Electrical”, на својот Фејсбук профил објави интересна фотографија која датира од далечната 1907 година. На истата можат да се видат автомобили кои работат на електричен погон.

“Зошто ни беа потребни цели 114 години за да ја видиме оваа фотографија (направена е во 1907 год.) на електрични возила по принципот на Никола Тесла, и сфатиме дека цело време сме живееле во наметната глобална лага.

Дали глобалните лаги и натаму немилосрдно продолжуваат на сите нивоа и по сите основи?” – пишува Митрески.

На прашање во коментари: “Што значи оваа фотографија?”, тој дополнува:

“Фотографијата е објавена во 1907 година дека постоеле електрични возила кои биле во функција. Првите модели се објавени кон крајот на 19 и продолжиле во почетокот на 20 век за да под огромен притисок нивното производство било загушено. Оттогаш се форсира производството на автомобили со фосилни горива, на кои многу полесно може да се контролира ситуацијата на производството, потрошувачката, а на средината е данокот кој треба сите да го исплатат за потребите на буџетите, како и на новосоздадените моќни нафтени олигарси”.

Игор Грујовски во коментари исто така дополнува:

“Има записи дека сопругата на Хенри Форд, до крајот на својот живот користела електричен автомобил. Кога Форд и замерил што користи возило од друг бренд таа кратко одговорила дека нема намера да користи “смрдливо” возило за свои потреби. Факт е дека во 1910 година, во Њујорк имало 400 јавни станици за полнење на електрични возила”.

Mитрески секојдневно објавува занимливости, апели и новитети од областа на технологијата и обновливите извори на енергија.

На денешната прес-конференција во Владата, на која во врска со пописот се обратија владините портпароли, како и претставничка од Државниот завод за статистика, беа соопштени бројките за тоа колку граѓани се попишале во различните држави и континенти.

Имено, според податоците со кои располага ДЗС, најголем број на државјани се попишале во Швајцарија, потоа следуваат Германија и Италија, а најслаб одзив на дијаспората има во САД, Канада и Австралија.

Распределбата на попишани државјани на Македонија во странство е следната:

– Швајцарија: над 45.000

– Германија: над 31.000

– Италија: 19.000

– САД: 5.110

– Австралија: 1.682

– Канада: 1.215

Лидерот на ВМРО-ДПМНЕ Христијан Мицкоски преку статус на Фејсбук порачува владата да престане со манипулации и незрело однесување, утре да има седница каде што ќе се изгласаат клучните закони.

-Пред точно 21 ден Зоран Заев побара да се гласа доверба на неговата Влада, но не побара на истата таа седница да се гласаат законите за помош на стопанството и граѓаните, кои се недоволни, но сепак подобро нешто отколку ништо. Тие закони се во собраниска процедура уште од месец февруари, но долго време не се ставаа на дневен ред поради тоа што Владата немаше во буџетот пари, а тоа пак е последица на расипничкото и недомаќинско работење и помешаните приоритети. И втората причина е што за оваа нивна слабост сега сакаат да ја обвинат ВМРО-ДПМНЕ. Ова доаѓа од истите на кои поважно им беше да се пофалат дека имаат поддршка од 62 пратеника, која во овој момент ја немаат, и да го покријат фактот што ги потрошиле парите во буџетот па мораа дополнително да се задолжуваат.

Со цел да нема изговори и да излезе на површина фактот кој работи за интересите на граѓаните, а кој за свој личен интерес, барам од Собранието на утрешната седница каде и така има предвидено пратенички прашања, пред да почне собраниската седница за пратенички прашања да се закаже собраниска седница со дневен ред со четирите закони кои се од интерес за граѓаните, стопанството и поврзани со кризната состојба, или поточно: Одлуката за продолжување на рокот за постоење на кризна состојба поради корона вирусот и измени на законите за финансиска поддршка на работодавачите, финансиска поддршка на физички лица кои вршат самостојна дејност погодени од корона кризата и измените на Законот за данокот на личен доход. Ќе потенцирам уште еднаш, иако поддршката од Владата е мала и недоволна за фирмите и граѓаните, сепак истата ќе биде поддржана од пратениците на ВМРО-ДПМНЕ.

Ова е отворено барање. Владата и СДСМ да престане со манипулации и незрело однесување. Граѓаните не смеат да бидат заложници на неспособната Влада, стои во неговиот пост на Фејсбук.

Просечната плата расте во континуитет, објави премиерот Заев кој не ги споменува над 53 илјади работници кои имаат пониски плати од просекот што останаа без работа во последниве 12 месеци.

Заев дава номинална пресметка според која исплатената просечната месечна нето-плата по вработен во јануари 2021 година изнесувала 28.272 денари, што е за 2,7% повисока од истиот месец лани, или зголемување од 732 денари за една година.

Според Заев согласно податоците на Државниот завод за статистика, ваквото зголемување не е причинети од бркањето на 53 илјади луѓе со помали плати туку пред сѐ, на зголемувањето на просечната плата во секторите: Дејности на здравствена и социјална заштита (12,4%), Уметност, забава и рекреација (8,4%) и Информации и комуникации (8,3%).

“Според статистика, просечната исплатена нето-плата за јануари е највисока во секторот Информации и комуникации и изнесува 53.928 денари.

Просечната месечна исплатена бруто-плата по вработен за јануари изнесува 42.204 денари.

Владата во консултација со сите чинители во општеството, синдикати, комори, организации на работодавачи, креира амбиент за раст на просечната и на минимална плата.

Посветени сме на реализација на стапките на економски раст и покачување на платите до 30%”, пишува Заев во објавата за јавност.

Многу корисници на Андроид телефоните вчера и денеска забележаа дека дел од нивните апликации не работат.

Гмеил, Вибер, Амазон, Ватс Ап не функционираат, но Гугл соопшти дека знаат за проблемот, а понуди и брзо и лесно решение за апликациите да се отвораат без проблем.

Се што треба да направите е да отворите Settings ->Apps и да најдете „Android Webview“,  што всушност е апликација која го прави проблемот и треба да се ажурира.

Или поедноставо може да Google Play Store директно да ја ажурирате ОВАА апликација.

Познати се имињата на реонските попишувачи, кои се избрани и именувани од Државниот завод за статистика за Пописен реон 19 со седиште Прилеп кој што покрива подрачје на 3 општини и тоа Прилеп, Кривогаштани и Долнени.

Избрани се 273 реонски попишувачи и 18 резерни, а листата со одлуката за избор можете да ја погледнете ТУКА

Согласно претходниот попис за пописниот реон 19 каде спаѓа и Прилеп, евидентирани биле 96.486 лица.

Пописот во Македонија започна на 1 март за дијаспората, а за останатите граѓани ќе се одвива од 1 до 21 април.

Портпаролот на Владата на Република Македонија, Душко Арсовски на вчерашната прес конференција пренесе порака до граѓаните во врска со пописот.

Арсовски тврди дека оние кои што организираат бојкот на пописот ќе одговараат кривично, што значи дека им се закануваат и затворски казни, додека пак тие кој што само го бојкотираат пописот ќе одговараат прекршочно што значи дека ќе добијат парични глоби до 300 евра.

Чим почнаа со закани за кривични како за референдумот, хунтава се спремат за неуспешен попис ?#НеОтворамВрата pic.twitter.com/2ykPL5u7ol

— Мојсоска (@Mojsoskata) March 22, 2021

Изминатата седмица, во периодот од 15 до 21 март, во општина Прилеп имало 407 новозаболени од кopoнавиpycoт.

Од пocледици на кopoнавиpycoт починaa 23 лица. Бројот на активни cлyчаи со KOBИД-19 изнесува 940, од кои 118 се нaoѓaaт на болничко лекyвање, 707 на домашно, а 115 се лекyвaaт во дневната болница.

Вкупниот бpoj на зapaзени од виpycoт изнесува 6.571.

Од почетокот на пандемиjaта, поради компликации од кopoнавиpyc починaa 307 лица – се вели во соопштението на општина Прилеп.

Ако се земе дека овој извештај е до 21 март, а во изминатите два дена починаа уште 10 лица (6 лица на 22.03. и 4 денеска), бројката на починати за 8 дена изнесува 33.

Моментално активни слyчаи според денешните бројки се 920.