Полициcки cлyжбеници од Отceкот за недозволена тpговиja со дpoга и opyжje од Одделението за крpиминалиcтичка полициja при СВР Битола, денеска (23.03.2021) по претходно издадена cyдcка нapeдба од Ocновен cyд Битола, извpшиja пpeтpec во дом на С.С. (38) во Битола – информираат од МВР.

– При пpeтpecoт се пpoнajдени и одземени 26 паковки со xepoин со тежина од околу 50 гpaма, пapи и мобилен телефон. По докyментиpaње на cлyчajoт, пpoтив него ќе биде поднeceна cooдветна пpиjaва до надлежното обвинителcтво – се вели во соопштението од МВР.

Комисијата за одговорност од македонската радио телевизија денеска донела одлука дека нема ништо спорно во тоа Гарванлиев да ја претставува земјава на Евросонг.

Од таму велат дека боите од бугарското знаме во спотот биле само перцепција, а државјанството е лична слобода.

„Јавниот сервис нема право да дискредитира никого по основа на верски, национални или други определби и дека има целосна слобода да одреди за претставник пејач независно од неговото државјанство. Праксата покажала дека речиси на секој Евросонг има такви случаи“ велат од МТВ.

Во последните 24 часа се направени 3.728 тестирања, а регистрирани се 1056 нови случаи на КОВИД-19 во:

Скопје – 590, Битола – 57, Прилеп – 42, Велес – 36, Кавадарци – 35, Куманово – 34, Охрид – 30, Тетово – 28, Струмица – 21, Гостивар – 19, Неготино – 18, Струга и Кичево – по 16, Штип, Кочани, Гевгелија и Берово – по 13, Делчево – 9, Свети Николе – 8, Радовиш и Пробиштип – по 7, Кратово – 6, Крива Паланка и Ресен – по 5, Валандово и Демир Капија – по 4, Крушево, Демир Хисар и Македонска Каменица – по 2, Пехчево – 1, информира Министерството за здравство информира, согласно податоците од Институтот за јавно здравје.

Регистрирани се 727 оздравени пациенти од:
Скопје – 457, Прилеп – 58, Куманово – 27, Гевгелија – 26, Гостивар – 22, Тетово и Струмица – по 21, Велес – 17, Штип – 13, Битола и Кочани – по 12, Крива Паланка – 8, Кичево, Ресен и Богданци – по 5, Валандово – 4, Пробиштип – 3, Радовиш, Крушево и Пехчево – по 2, Свети Николе, Неготино, Делчево, Виница и Демир Хисар – по 1.

Пријавени се вкупно 25 починати лица, на возраст од 29 – 87 година и тоа: 7 пациенти од Скопје, од Прилеп и Битола – по 4, од Кавадарци – 3 починати, и по едно починато лице е пријавено од Куманово, Тетово, Велес, Гостивар, Кочани, Струга и Охрид.

Сите пријавени се починати во болнички услови и со коморбидитети.

Направени се 3.728 тестови преку: ИЈЗ-454, ЦЈЗ Скопје-103, ЦЈЗ Битола-71, Клиника за инфективни болести и фебрилни состојби-0, Судска медицина-13, лабораторија болница Козле-13, УК Пулмологија со алергологија–5, ГОБ 8-ми Септември-0, Жан Митрев (Филип Втори)-189, Авицена-267, Биотек-461, Систина-311, лабораторија Лаор–195, Синлаб-159, Ремедика-34, ЈЗУ и ПЗУ (рапид тест) – вкупно 1452.

Досега во земјата се направени вкупно 595.686 тестирања на Ковид-19.

Вкупната бројка на КОВИД-дијагностицирани лица во нашата земја од почетокот на епидемијата изнесува 120.882, бројката на оздравени пациенти е 102.201, на починати е 3.528, а бројот на активни случаи изнесува 15.153.

Министерството за култура ја тргнало заштитата на „Порта Македонија“, со што се отвора можност за нејзино уривање – oбјави “Независен”

Градоначалникот на Општина Центар, Саша Богдановиќ вели дека со тргање на заштитата се отвора можност за тоа, но за тоа дали ќе се урива или не овој објект не одлучува Општината, туку инвеститорот, односно Министерството за култура.

Оттаму велат дека ја поддржуваат определбата на Владата за решавање на незаконските проекти.

Целиот текст прочитајте го ТУКА

Централниот совет на Демократскиот сојуз донесе одлука за самостоен настап на партијата на локалните избори или во коалиција со сродни политички партии, за што го овласти претседателот да води соодветни преговори, соопшти Демократскиот Сојуз.

Оваа одлука била донесена на седницата на Централниот совет, која, како што информираат од партијата, се одржала вчера онлајн на платформата Зум. На седницата се расправало околу актуелните политички случувања, здравствената криза, пописот и претстојните локални избори.

Дополнително, на седницата, Централниот совет бил информиран за состојбите околу пандемијата и одржувањето на пописот, при што зазеле став да ги повикаат граѓаните во дијаспората и во Македонија да се попишат, а државата да ги обезбеди сите неопходни услови за здравствено безбедно одвивање на пописот.

Во однос на претстојните локални избори, Централниот совет на ДС ја повикува Владата да ги обезбеди сите неопходни услови за фер и демократски изборен натпревар, вклучувајќи го и навременото обезбедување на апарати и софтвер за земање отпечаток од прст при гласањето.

И со продолжениот рок за откуп на вишокот на тyтyн не престануваат маките на тyтyнapите. Велат дека сега нивниот род се откупува и за мизерни 60 денари по килограм.

Oрганизаторите на пpoтecтите се жалат дека сега постои и реваншизам кон нивните членови, односно бришење од списоците и намалување на договорите за идната производствена реколта.

Повеќе погледнете во прилогот на Каролина Дурло за “АЛФА ТВ”:

На социјалната мрежа „Твитер“, се појави фотографија од албумот и почна да се шири. Ова е блиц фотографија како изгледа новиот албум за ЕВРО 2020 и кои играчи на Македонија ќе бидат во него.

И оваа година, собирањето на албумот на Панини во Македонија посебно ќе биде возбудлив, зашто ќе ја има нашата селекција со Горан Пандев, Енис Барди, Илија Несторовски, Езџјан Алиоски, Елиф Елмас…

Албумот на „Панини“ се уште не е пристигнат во Македонија, а вообичаено останатите албуми излегуваа во продажба во последната недела од месец март.

Кремљ објави дека рускиот претседател Владимир Путин и министерот за одбрана Сергеј Шојгу викендот го поминале во Сибир, каде го искористиле времето за одмор.

„Владимир Путин, заедно со министерот за одбрана Сергеј Шојгу, го поминува викендот во Сибир“, потврди вчера Песков.

Фотографиите и снимките покажуваат дека Путин управува теренско возило низ густа шума.

На снимката се гледаат Путин и Шојгу во длабок снег како преминуваат мосрт со јажиња преку замрзната река.

Шојгу му ја покажа својата работилница на претседателот Путин во која се занимава со резба во дрво.

Путин (68) традиционално ги поминува одморите во Сибир.

Раководството на Јувентус донесе одлука за кандидатите кои можат да го заменат главниот тренер Андреа Пирло.

Според „Ла Република“, Џанпјеро Гасперини, Симоне Инзаги и Лучијано Спалети се најсериозни кандидати за наследник на 41-годишниот Италијанец на тренерското место во Јувентус.

Желба беа и Јирген Клоп и Хосеп Гвардиола, но клубот од Торино нема доволно средства за да донесе еден од овие двајца врвни фудбалски стручњаци.

Позицијата на Пирло се влоши откако Јувентус загуби со 0:1 од Беневенто во Серија А. Торинскиот клуб испадна и од Лигата на шампионите во осминафиналето по пресметката со Порто.

Клубот е на третото место во италијанскиот шампионат со десет бода заостанување зад водечкиот Интер.

Почина Тале Герамитчиоски, поранешен заменик-министер за образование и пратеник.

Според информациите, починал од компликации од виpycoт Koвид-19.

Тој беше заменик-министер за образование во периодот од 2002 до 2006 и пратеник 2006-2008, истакнат член на СДСМ и посветен работник во науката.

Герамитчиоски е роден во Прилеп во 1962 година. Дипломирал на Машинскиот факултет во Скопје, а работеше како редовен професор на Техничкиот факултет на битолскиот универзитет „Св. Климент Охридски“.

Прилеп е една од најпогодените општини од почетокот на епидемијата на ковид-19. Според вчерашната ковид-статистика на Министерството за здравство, од почетокот на епидемијата таму се регистрирани 6 529 случаи, од кои 940 се активни, со што, од градовите во внатрешноста, Прилеп е прв според бројките на заразени. Од вкупно 457 нови случаи во текот на вчерашниот ден, 32 се регистрирани во Прилеп, од каде што се и шестмина од вкупно 30 починати.