Времето во земјава ќе биде сончево и топло со мала до умерена локална облачност. Ќе дува умерен, а вдолж Повардарието повремено засилен ветер од северен правец.
Утринската температура ќе се движи од 12 до 21, а максималната ќе достигне од 28 до 36 степени.
УВ-индексот ќе изнесува 9.
Во Скопје, сончево и топло со мала до умерена облачност. Ќе дува умерен, повремено засилен ветер од северен правец. Утринската температура ќе се спушти до 18, а дневната ќе достигне до 34 степени.
Во Прилеп температурата ќе се искачи до 31 степен.
До петок времето ќе биде сончево и многу топло, со пораст на дневната температура. Во петок и за време на викендот ќе има појава на локална нестабилност проследена со пороен дожд и грмежи.
Денеска е Света Агрипина, празникот кога се исполнува секоја желба на жените.
Родена и воспитана во Рим. Од детството се подвизуваше да живее евангелски, одгонувајќи ја од срцето смрдливоста на страстите и налевајќи го со благоуханието на девствена чистота, со целомудрие.
Му беше вереница на Господ Христос и како Негова невеста пострада во времето на царот Валеријан. Нејзините другарки Васа, Пауна и Агатоника и ги пренесоа моштите на островот Сицилија и таму ги погребаа чесно. Подоцна овде подигнаа црква во име на Света Агрипина.
Од нејзините мошти стануваа безбројни чуда. Едно од нив е повлекувањето на Агарјаните пред силата на Светите мошти на оваа маченичка од пред градот во којшто беа положени. Света Агрипина се упокои во 275 година.
Доколку на денешниот ден се помолите на оваа светителка и во црква и запалите свеќа, се верува дека нејзината чудесна моќ ќе им помогне на сите болни и ќе ги излечи.
Градоначалничката на Битола Наташа Петровска во емисијата “Директно” на ТВ “Тера”, рече дека ја поднела својата кандидатура до партијата за втор градоначалнички мандат за есенските локални избори.
Таа рече дека партиската процедура течи со одредување на кандидати и дека завршија состаноците по месните одбори на предлагање на кандити, каде што е и нејзиното име на таа листа, но и дека таа до партијата ја поднела својата кандидатура.
Англискиот премиерлигаш Лидс денеска со жалење соопшти дека македонскиот фудбалски репрезентативец Езѓан Алиоски нема да биде дел од тимот во новата сезона.
Алиоски заминува од Лидс по четиригодишен престој во клубот од Јоркшир за кој одигра 171 натпревари и постигна 22 голови.
– Лидс може да потврди дека четиригодишниот договор на Џани Алиоски со клубот за жал заврши, соопшти попладнево англискиот прволигаш.
Алиоски (29) дојде во Лидс во август 2017 година од швајцарската екипа Лугано и му помогна на тимот да се врати во Премиер лигата по пауза од 16 години.
Турскиот претседател Реџеп Таип Ердоган го пречека поранешниот бугарски премиер Бојко Борисов со две турски знамиња, наместо со турско и бугарско, како што тоа го очекуваа во Бугарија и за што замерија.
На тоа се налути европратеникот Ангел Џамбаски кој му забележа на Борисов дека дозволил да биде пречекан со две турски и ниту едно бугарско знаме во неговата резиденција.
Според потпретседателот на бугарското ВМРО, додека поголемиот дел од бугарските политичари гледаат кон Запад пред новите парламентарни избори, Борисов отишол „да му ја бакне раката на Султанот“.
Овој месец во Бугарија се одржуваат нови парламентарни избори откако по првите не беше составена Влада. Овој пат прогнозите велат дека ГЕРБ нема да биде партијата што ќе освои најмногу гласови.
На 05.07.2021 во 01.00 часот било пpиjaвено дека во Прилеп, на кpcтocницата од ул.„Тризла“ со ул.„11 Октомври“ и ул.„Миноски Горан“ се cлyчила cooбpaќajна незгода помеѓу мопед „хамачи“, ypaвyван од малолетник и патничко возило „мepцедec“, со пpилепcки peгиcтapcки ознаки, yпpaвyван исто така од малолетник, двајцата од Прилеп.
Во незгодата со тешки телecни повpeди се здобила малолетна сопатничка на мопедот, а со телecни повpeди се здобил возачот на мопедот, конcтатиpaни во Општата болница Прилеп.
Извршен бил yвид на местото на незгодата од yвидна екипа од Полициcката cтаница Прилеп – информираат од МВР.
Денеска (05.07.2021) полициcки cлyжбеници од Надвоpeшната канцелapиja за кpиминалиcтички работи од ОВР Прилеп, по добиена cyдcка нapeдба извpшиja пpeтpec во дом и други простории кај Д.Р.(50) од Прилеп.
Фото/илустрација
При пpeтpecoт се пpoнajдени и одземени пyшка „Црвена застава“ калибap 16 мм, пиштол германско производство калибap 9 мм, 4 парчиња спорогоречки штапин за екcплозив, детонатopcка капиcла број 8, 10 пapчиња мyнициja 7,9 мм и 6 ловечки патpoни, за кои не пoceдувал дозвола.
По целосно документирање на cлyчajoт пpoтив Д.Р. ќе биде поднeceна кpивична пpиjaва за „недозволено изработување, држење и тpгyвање со opyжje или pacпpcкyвачки матepиjaли“, казниво по чл.396 од Kpивичниот законик – информираат од МВР.
Пратеникот од редовите на ВМРО-ДПМНЕ, Тимчо Муцунски денеска на расправа во Комисијата за финансирање и буџет, истакна дека цените на струјата, производите и инфлацијата растат, па побара со амандман стапката од 5% на ДДВ-то да остане и во иднина.
-Подолго време алармираме дека цената на струјата ќе порасне. Цената на струјата расте, цената на сите производи кои ги купуваме ќе порасне, инфлацијата расте, а јавниот долг се зголемува. Од владеачкото мнозинство цело време сме информирани пак дека цената на струјата нема да порасне, цената на производите нема да порасне, инфлацијата не се зголемува, а ова што се случува со јавниот долг било нормално, иако НБРМ алармира дека треба со огромно внимание да се постапува со сите овие процеси, критикуваше Муцунски.
-Сега дојдовме до денот каде она што беше „лажни вести“ од ВМРО-ДПМНЕ, тоа што беа „дезинформации“ од ВМРО-ДПМНЕ наеднаш стана вистина, цената на струјата порасна, вели Мицунски.
Тој вели дека го поздравува тоа што Владата се согласила на предлогот на партијата да се намали ДДВ-то, за да реалниот раст на цената на струјата да не се почувствува, но тој вели дека предлогот на ВМРО-ДПМНЕ е и за домаќинствата, но и за компаниите за шокот од цената да не се почувствува за секој граѓанин, се однесува амандманот кој е поднесен.
Муцунски вели дека не само на домаќинствата, туку треба да им се помогне и на компаниите и да и се помогне на индустријата коишто се катастрофално погодени од несоодветната реакција на оваа страшна социо-економска криза која ни се случува.
Имаме и дополнителен амандман којшто предвидува барање за стапката на ДДВ-то да остане 5% и во случај цената на електричната енергија да остане иста или да продолжи да расте во иднина, ова е во исклучителна важност затоа што целта е ова прашање долгорочно да го решиме, вели Муцунски.
Тој апелираше до пратениците од мнозинството да ги прифатат овие амандмани бидејќи истите се во интерес на компаниите и индустријата, но и во интерес на сите граѓани, за да може да се одржи некоја ценовна стабилност.
Ги има околу 2000 во Македонија. Овие македонски фирми во 2020 година акумулирале вкупен приход од неверојатни 150 милиони евра.
Заедничко на сите нив им се неколку работи – сите тие имаат верувале или не „0” вработени, второ и без вработени дел од овие компании одлично заработуваат и трето изгледа имаат суперспособни газди. Според информациите на Pari.com.mk и БизнисМрежа.мк ги има од повеќе сектори-трговија со струја, информатички компании, нафтен бизнис, градежништво, трговија и услуги.
Заради создавањето поволни услови за отворање на бизниси (добра бизнис клима), Македонија овозможува отворање на фирми без да поседуваат деловен простор, односно без да имаат докази за користење на деловен простор под закуп и без да имаат вработени лица. Логиката е да им се овозможи да застанат на нозе, па потоа да започнат да вработуваат. Компаниите се основаат согласно со Законот за трговските друштва, а вработувањето се врши со почитување на одредбите на Законот за работните односи. Овие два закони имплицитно не наложуваат компаниите да имаат вработени лица, но… Посебни одделни прописи ја налагаат обврската за вработување. Овој момент подолу во текстот го објаснува Павле Гацов, експерт за даноци и еден од сопствениците на Агенцијата за економско-правна поддршка и процена, ПРО АГЕНС.
