Во рамките на програмата „Автор во фокус“, Македонскиот театарски фестивал „Војдан Чернодрински“ – Прилеп и Факултетот за драмски уметности – Скопје утревечер (среда) во 20 часот на сцената на ФДУ, организираат разговор со Дејан Дуковски, еден од најзначајните современи македонски драмски автори и воедно еден од најизведуваните на театарската сцена во Европа и светот. Разговорот ќе го води проф. д-р

Ана Стојаноска и директорка на МТФ „Војдан Чернорински“. Оваа активност е дел од програмата на 60. издание на фестивалот што годинава ќе се реализира од 5 до 12 јуни во Прилеп.

Дуковски дипломира на Факултетот за драмски уметности во Скопје во класата на Горан Стефановски. Уште од првите драмски текстови: „Балканска 3/a“ (1988), „Последниот балкански вампир“ (1989), „Силјан Штркот шанца“ (1991) и „Џинот и седумте џуџиња“ (1991), ја најавува својата препознатлива поетика. Неговото творештво ја носи во себе македонската драмска традиција, но истовремено ја преиспитува и ја трансформира, создавајќи моќен и автентичен театарски јазик кој директно комуницира со времето во кое
живееме.

Проф. д-р Ана Стојаноска за Дејан Дуковски вели дека тој не пишува само драмски текстови – туку претстави. Кај него драмата се одвива веќе во самиот текст, како да се случува на сцена, што ги прави неговите дела живи, динамични и силно поврзани со актерската игра и режисерската визија. Неговите драми се создаваат во дијалог со театарот, со режисерите и со публиката, а токму затоа тие постојано добиваат нови верзии и нови сценски животи.

Од „Балканот не е мртов“ и „Буре барут“, до „Маме му ебам кој прв почна“, „Друга страна“ и „Утерус“, драмите на Дуковски создаваат специфична театарска текстура исполнета со цитати, иронија, балканска стварност и силен општествен коментар.

Со својата фрагментарна драматургија, со својот брутално искрен и провокативен стил, Дуковски не само што ја обележува современата македонска драма, туку и го најавува новиот европски бран познат под синтагмата „in yer face“ или „драма на крв, сперма и пот“.​

Разговорот со Дејан Дуковски е можност одблизу да се запознаеме со авторот чии драми повеќе од три децении го обликуваат современиот театарски јазик.

Најпосакуваната ВЛТ добивка е освоена на видеолотариските терминали кај деловниот соработник „Спортлајф“, на 25.03.2026 година, во Враниште.

Тимот на Видеолотарија Касинос Австрија искрено му честита на добитникот.

Во периодот од 23.03.2026 до 29.03.2026 година, Видеолотарија Касинос Австрија исплати вкупно 12.042.726денари кон играчите на ВЛТ терминалите низ Македонија, и тоа:

• 1 СУПЕР МИЛИОНЕР џекпот 6.328.023 денари

• 4 МИЛИОНЕР џекпот добивки – вкупно 4.190.965 денари

• МИНИ џекпот добивки – 1.523.738 денари

Видеолотарија Касинос Австрија повеќе од една деценија успешно работи во согласност со сите законски регулативи и меѓународни стандарди. Мината 2025 година беше година на рекорди, еуфорија и многу среќни ВЛТ добитници! Видеолотарија Касинос Австрија им исплати на играчите на ВЛТ импресивни 814.512.912 денари, односно повеќе од 13 милиони евра за џекпот добивки.

Со одигрувањето на финалните средби од баражите, познати се сите учесници на фудбалскиот Мундијал 2026. Ирак стана последен учесник на Светското првенство, откако рано утрово во Монтереј (Мексико) ја совлада Боливија со 2:1.

Синоќа преку европските баражи, пласман на планетарниот собир изборија, Босна и Херцеговина по победата над Италија на пенали (4:1), Турција по триумфот над Косово (1:0), Чешка над Данска (на пенали 3:1) и Шведска над Полска 3:2.

На Мундијалот ќе учествуваат 48 екипи поделени во 12 групи. Групи на Светското првенство во 2026 година:

А: Мексико, Јужна Африка, Кореја, Чешка;

Б: Канада, Босна и Херцеговина, Катар, Швајцарија;

В: Бразил, Мароко, Хаити, Шкотска;

Д: САД, Парагвај, Австралија, Турција;

Е: Германија, Курасао, Брегот на Слоновата Коска, Еквадор;

Ф: Холандија, Јапонија, Шведска, Тунис;

Г: Белгија, Египет, Иран, Нов Зеланд;

Х: Шпанија, Зелен ‘Рт, Саудиска Арабија, Уругвај;

И: Франција, Сенегал, Ирак, Норвешка;

Ј: Аргентина, Алжир, Австрија, Јордан;

К: Португалија, ДР Конго, Узбекистан, Колумбија;

Л: Англија, Хрватска, Гана, Панама.

Светското првенство ќе се одржи во САД, Канада и Мексико од 11 јуни до 19 јули 2026 година.

Тимот на “РЕСТОРАН ПОРТА” ви закажува ново викенд уживање со три добро проверени музички состави.

Во петок, 03.04. со почеток од 20:00 часот, ќе ве пречекаат со “ТАЈФАТА НА З’Ц”. Kвартетот од Штип како и секогаш ќе понуди музика за уживање за сите вистински гурмани и вљубеници во староградските звуци.

Во сабота, викендот продолжува со ДЕНСКА ЗАБАВА заедно со маестралните ТИАНА и ДАНИ, девојките за чиј секој настап се бара маса повеќе.

Вечерта во сабота (04.04.) сцената е резервирана за составот од Тиквешијата – “ТРИО МАЊИФИКО”.

Дојдете и уживајте и овој викенд во срцето на Старата прилепска чаршија, во ресторанот кој создава една поинаква гастрономска приказна во која секој има своја улога и остава свој белег.

Резервирајте навреме на 078 368 111. Тимот на Ресторан “ПОРТА” ве очекува! Да градиме спомени полни со љубов и уживање, затоа што еднаш се живее!

Младиот прилепчанец Лука Најдоски испиша историја на светската сцена во воздухопловното спортско моделарство, освојувајќи го првото место во Светскиот куп и титулата светски јуниорски шампион за 2025 година.

Ова престижно признание официјално му беше врачено на годишното пленарно заседание на Комисијата за аеромоделарство (ЦИАМ), во рамки на Светската федерација за воздухопловни спортови (ФАИ), што се одржа во Лозана. Со медал и диплома во рацете, Лука ја потврди својата извонредна сезона и континуираниот напредок во овој специфичен спорт.

Како член на прилепскиот клуб „Фил Феникс“ и дел од македонската репрезентација, Најдоски доминираше во категоријата Ф1А – едрилици во јуниорска конкуренција. Покрај светската титула, тој се најде и на високото 13-то место на светската ранг-листа во сениорска конкуренција, што претставува дополнителен доказ за неговиот квалитет и потенцијал.

Љубовта кон воздухопловството кај Лука започнува уште од најрана возраст, а токму спортот ја одредил и неговата професионална насока. Денес тој се школува во Белград, на Воздухопловната школа, каде што се подготвува за професија авиотехничар и механичар.

Успехот на Најдоски е гордост не само за Прилеп, туку и за цела Македонија, која добива уште еден млад и перспективен амбасадор на меѓународната сцена.

Воедно, прилепскиот клуб „Фил Феникс“ продолжува да биде двигател на воздухопловното спортско моделарство во земјава. Ова лето, клубот ќе биде организатор на два врвни меѓународни настани – Светското јуниорско и Европското сениорско првенство. Натпреварите ќе се одржат во периодот од 26 јули до 2 август, на терените кај Веселчани, при што Прилеп ќе биде домаќин на учесници од 45 држави, вклучително и од светските сили како Кина и САД, со повеќе од 500 присутни.

Ракометниот клуб од Прилеп со сериозни амбиции ќе ја започне наредната сезона во суперлигашката конкуренција, а раководството веќе презема конкретни чекори за стабилен и конкурентен тим.

Клубот ја потврди довербата во тренерот Наум Танески, кој и следната сезона ќе го предводи тимот од клупата. Континуитетот во стручниот штаб се смета за клучен фактор во градењето на посакуваните резултати.

Во играчкиот кадар, дресот на Прилеп ќе продолжи да го носи и најдобриот стрелец Димитриоски, кој останува верен на клубот од својот роден град, како што претходно беше најавено.

Покрај него, соработката е продолжена и со десниот бек Никола Шипинкоски, кој се приклучи на тимот од Охрид во текот на полусезоната и остави позитивен впечаток.

Во ростерот за следната сезона остануваат и странските интернационалци Владан Кастратовиќ, Томислав Квастек и Денис Шабановиќ, кои веќе имаат важечи договори и ќе бидат значаен дел од амбициите на прилепскиот состав.

Со ваква основа, Прилеп јасно покажува дека ќе атакува на повисок пласман и стабилна позиција во елитното друштво.

На 2 април /четврток/од 20.00 часот на Сцена 105 театарот „Војдан Чернодрински“ премиерно ќе ја изведе претставата „Саатот“.

СААТОТ од Лидија Митоска-Ѓорѓиевска

Режија: Кристина Димитрова
Драматург: Лидија Митоска-Ѓорѓиевска
Сценoграфија и костими: Благој Мицевски
Музика: Филип Јездиќ и Томе Темелкоски

Играат:

СААТОТ – Филип Јездиќ
ЈОВАН – Димитар Ѓорѓиевски
ВЕРА – Наташа Ачански
Вокална појава во финалната сцена – Ана Митоска

Техничка екипа:

Инспициент – Елена Иваноска
Светло мајстор – Ристе Грковски
Тон мајстор – Томе Темелкоски
Суфлер – Кети Јанчески
Сликар исполнител – Пеце Ристески
Реквизитер – Гоце Тодороски
Гардеробер – Снежана Ѓорѓиоска
Фризер-перикер – Даринка Богоеска
Декоратери – Сашо Смоквоски, Роберт Стојкоски, Владимир Владимироски, Јане Јанкулоски

Благодарност до Огнен Јанески, Даниела Иваноска, Гоце Кантар и Кристина Димитрова за позајмените гласови

Персонифициран ѕиден часовник е дел од животот на еден брачен пар – постојано ги следи, им го окупира просторот и буквално им го одбројува времето. Проблемот започнува токму од нивниот различен однос кон времето: додека мажот е спокоен и нема проблем со присуството на саатот, на жената ѝ пречи неговото непрекинато чукање, ја прави нервозна и премногу свесна за поминувањето на времето. Таа упорно
го наведува сопругот да заминат некаде и да почнат да прават нешто значајно со своите животи пред да биде предоцна, но каде и да оди, што и да прави, таа не успева да се ослободи од чукaњето на саатот.

Времето не гарантира смисла – ни овде, ни никаде.

Ова е претстава за судирот меѓу објективното и субјективното време кои ретко се синхронизирани, но и за повторливоста наспроти минливоста – две спротивности од кои колку и да бегаме, секогаш, без исклучок, нѐ наоѓаат.

На 1 април 2026/ среда/ од 19.00 часот во киното Мис Стон ќе се прикаже филмот „НА СЀ ДОAЃА КРАЈ“

Влезници на билетарницата од Центарот за култура од 11. 00 до 13.00 часот и еден час пред проекцијата на филмот во киното Мис Стон.

Податоци за филмот:
Зeмja: Хрватска, Бугарија, Србија, Македонија, Црна Гора, Босна и Херцеговина и Турција.
Година/ времетраење: 2024 / 89′
Драма, трилер
СЦЕНАРИЈО: Рајко Грлиќ, Анте Томиќ
ДИРЕКТОР НА ФОТОГРАФИЈА: Бранко Линта х.ф.с
МОНТАЖА: Томислав Павлиќ х.ф.м
ЗВУК: Момчил Бошков
МУЗИКА: Дуке Бојаџиев
УЛОГИ: Jелена Ѓокиќ,Живко Аночиќ, Борис Исаковиќ,Јанко Поповиќ Волариќ,Емир Хаџихафисбеговиќ, Ксенија Маринковиќ, Марина Реџеповиќ, Петре Арсовски

ПРОДУКЦИЈА: Интер Филм д.о.о

КО-ПРОДУКЦИЈА: RFF International (Bulgaria), West End Production (Serbia), ABHO Film (Montenegro), Veda Film (Macedonia), Oktavijan (Bosnia and Herzegovina), Saudade (Turkey)

Макс Пинтер, успешен адвокат од Загреб, успева да ги отфрли обвиненијата против неговиот клиент за двојно убиство, богатиот и моќен бизнисмен Динко Хорват. На прославата, Макс е пијан и му кажува на Динко дека ладнокрвно ги убил работниците, кои што дошле да прашаат за своите плати. Соочувањето со еден од столбовите на општеството го прави Макс непожелна личност, тој го губи својот партнер и клиенти, а неговата сопруга го напушта. Со својата девојка од универзитетските денови, Нина,
започнува мисија за одмазда. Од друга страна, никој во оваа приказна не е целосно невин и сите се тесно поврзани.

-На 30.03.2026 во 10:00 часот во ОВР Прилеп е пријавено дека во отворениот дел од Казнено – поправната установа Затвор Прилеп, осуденикот А.Ф.(34) од прилепско, физички го нападнал осуденикот Ф.С.(45) од Прилеп и притоа употребил остар предмет, нанесувајќи му повреди, констатирани во Општа болница Прилеп. Се преземаат мерки за расчистување на настанот, информираат од МВР.

Општина Битола тргнува во сериозна трансформација на старото градско јадро, со нови правила за урбаната опрема, ред во јавните површини и целосно преуредување на изгледот на Широк сокак.

На денешната седница на Советот, градоначалникот на Битола, Тони Коњановски, најави дека градот конечно добива стратешки документ кој ќе стави крај на долгогодишниот урбан хаос и ќе донесе европски изглед во централното подрачје.

„Како Општина сериозно и темелно ги решаваме проблемите во градот. Урбаната опрема ќе ја има, но во форма каква што доликува на европски градови“, истакна Коњановски.

Новата програма за поставување урбана опрема опфаќа многу повеќе од просторот пред кафулињата – таа ги регулира сите јавни површини, вклучително и билборди, киосци, клупи, канделабри и детски реквизити.
Една од најголемите промени се однесува на Широк сокак. Според новите правила, повеќе нема да има оградување на просторот пред локалите, особено во зимскиот период – нешто што со години беше мета на критики од граѓаните.

Истовремено, се најавува и целосно отстранување на киосците од централното градско подрачје, кое е заштитена зона, додека билбордите веќе се делумно отстранети од центарот.

Коњановски потенцираше дека целта е Битола да добие урбан, модерен и европски изглед, каков што граѓаните очекуваат и го гледаат во другите градови.
Покрај ова, Советот ќе расправа и за нови правила за поставување тезги и трицикли во Градскиот парк и шеталиштата, како и за утврдување на почетни цени за закуп на микролокации.

Со овие мерки, Општина Битола најавува крај на импровизациите и воведување ред во користењето на јавниот простор, со јасна цел – поубав, поорганизиран и функционален град за сите граѓани.