Доналд Трамп, за разлика од многу негови претходници е познат по тоа што никогаш во животот не консумирал алкохол. Тој еднаш откри дека зад неговата одлука се крие трагична семејна приказна.

Минатата година, во поткастот на Тео Вон „This Past Weekend“, водителот ја истакна неговата апстиненција. „Забележав дека не пиете ниту пушите на настани, нели? Никогаш не сте го направиле тоа?“ праша Вон. Претседателот потврди дека ова е вистина и објасни дека смртта на неговиот постар брат влијаела врз неговата одлука да се држи подалеку од сите опојни средства.

Трагичната судбина на братот Фред

„Не, никогаш не сум пиел“, одговори Трамп. „Имав прекрасен брат кој ме научи лекција“. Се работи за Фред Трамп помладиот, кој починал од срцев удар во 1981 година на само 42-годишна возраст, а чија борба со зависноста беше прикажана и во биографската драма „The Apprentice“ од 2024 година.

„Тој пушеше и пиеше, беше прекрасен човек и беше многу згоден“, продолжи Трамп. „Имаше проблем со алкохолот и пушеше многу, но јас им велам на луѓето: „Без дрога, без пиење, без цигари“. Тоа постојано им го кажувам на моите деца“.

Трамп објасни колку многу му се восхитувал на својот постар брат. „Тој беше доволно возрасен за да земам пример од него, а јас му се восхитував. Толку многу му се восхитував, имаше толку многу предности. Имаше изглед, имаше неверојатен карактер“.

Трамп призна дека борбата на неговиот брат со алкохолизмот длабоко го погодила, особено затоа што бил изненаден од тоа колку долго телото на Фред ги издржало последиците од зависноста. „Мислам дека тоа веројатно започнало на факултет, можеби во некое братство? Семејството почна да го забележува тоа, но работите не се подобрувале“, рече Трамп, додавајќи дека и покрај сè бил воодушевен од физичката издржливост на неговиот брат.

Лекција за цел живот

Во поткастот, тој призна дека верува оти и самиот би станал зависник доколку некогаш почнал да пие.

Пропаѓањето на неговиот постар брат очигледно оставило длабока трага, за што зборувал и претходно. Според „Фокс њуз“, Трамп во 2018 година рекол: „Имав брат, Фред – прекрасен човек, најзгоден, со најдобар карактер, многу подобар од мојот. Но, тој имаше проблем, имаше проблем со алкохолот и ми велеше: „Немој да пиеш, немој да пиеш“.

„Имаше многу, многу тежок живот поради алкохолот. Беше силен човек, но тоа беше тешка, тешка работа низ која поминуваше. Поради Фред, решив дека никогаш нема да пијам“, истакнал Трамп тогаш.

Добредојдовте во Burger Boom, местото каде што добриот вкус, брзата услуга и пристапните цени се секојдневие! Сместени во срцето на Прилеп, во новата катна гаража, тие се омилен избор за сите љубители на сочни бургери, вкусни сендвичи, пици, пастрмајлии и што ли уште не.

Богатото мени е внимателно составено за да одговори на секој вкус – од класичен хамбургер или чизбургер, до специјалитети како Boom бургер и Boom стекови со сочно пилешко, кашкавал и бургер сос. Доколку сте љубител на пици, тука се Boom пицата, капричиоза и сите други познати вкусоци, а за тие што сакаат нешто поинакво – во Burger Boom будат и гиро порции, печени сендвичи, тостови, па дури и посни оброци.

Најголем хит во последно време им се пастрмајлиите – со пилешко и свинско месо. Младите дечки во BURGER BOOM имаат продукт кој досега воодушеви огромен број гости.

Приготвени од екстра квалитетни состојки, со совршен вкус и неодолив мирис… едно гастрономско уживање на кое ќе се сладат не само прилепчани, туку и сите гости во градот под Марковите Кули.

Покрај пастрмајлија, сега  во BURGER BOOM можете да уживате и во маестрално приготвени порции со пилешки крилца. Крцкави и сочни, со одличен сос во прилог, комбинација што одлично ќе се вклопи како добро мезе на секоја маса.

Во пресрет на празничниот викенд, кога се празнува 11-Октомври – Денот на народното востание, Прилеп ќе биде полн со гости, а прилепчани ќе бараат маса повеќе во локалите за храна и пијалок, од BURGER BOOM ги информираат вљубениците во нивната храна дека на 10.09. (петок) ќе работат со продолжено работно време, па сите оние кои ќе се задржат до подоцна во некое од кафулињата, ќе имаат можност да уживаат во добра храна и подоцна во ноќта.

Дојдете и уверете се зошто велат дека Burger Boom е број 1 во Прилеп кога станува збор за брза храна или порачајте на телефонскиот број: 078 786 000

НАЗДРАВЈЕ!

Зимата што претстои, според сите извештаи, ќе биде „како старата“, изјави службата за следење на времето „Severe Weather Europe“.

Како што објаснуваат експертите од таа служба, ваквите прогнози се однесуваат на делови од САД, Канада, но и на Европа.

Имено, како што е дополнително наведено, три фактори моментално покажуваат сличности со неколку силни и студени зими.

„Severe Weather“ ја анализираше состојбата на глобалниот временски систем и пронајде неколку години во изминатите децении со слични услови.

Потоа нивните експерти ги разгледаа податоците за тоа како поминале зимите во тие години за да ги користат добиените информации како насоки.

Студената фаза на La Niña почнува да се развива во тропските региони и се очекува да трае до оваа зима.

Се предвидува активен (слаб) настан Ла Ниња да влијае на зимата 2025/2026 година, со брз пресврт во 2026 година.

Што се однесува до вистинското влијание на временскиот модел на Ла Ниња, „Severe Weather“ пишува дека силен блокирачки систем со висок притисок обично се забележува во Северниот Пацифик.

Ова обично доаѓа со област со низок притисок над Канада, која го пренасочува поларниот „млазен поток“ кон северните Соединети Држави.

Каква зима нè очекува и кога ќе пристигне првиот снег?
Делови од североисточниот дел на САД и источна Канада, исто така, покажуваат зголемен потенцијал за снежни врнежи, како и делови од источниот дел на САД.

Друг фактор за претстојната сезона е пронајден во стратосферата.

Исто како и во океаните, тука постои и дел од атмосферата што се менува помеѓу позитивни и негативни фази.

Наместо температури, тука се забележуваат ветрови, т.е. нивниот правец. Тоа е феномен познат како QBO. Тоа е редовна варијација на ветровите високо над тропската стратосфера.

Силните ветрови во стратосферата патуваат во појас околу планетата и целосно ја менуваат насоката приближно на секои 17 месеци. Промените од една фаза во друга се толку редовни што QBO го доби прекарот „атмосферски ритам“, а во моментов значајна нова негативна фаза го презеде водството за претстојната зима.

Постојат неколку причини зошто и како QBO може да влијае на нашите зими, наведува тој понатаму и додава дека еден многу важен аспект е поларниот вртлог.

Ла Ниња ја „удира“ Европа; Објавена е голема прогноза

Слабиот поларен вртлог може да создаде силен временски одговор. Како резултат на тоа, тој потешко го задржува студениот воздух што може послободно да „избега“ од поларните региони во Соединетите Американски Држави или други региони со средна ширина.

Слабиот поларен вртлог во основа значи нарушување на атмосферската циркулација, а негативниот QBO фаворизира послаб поларен вртлог во стратосферата.

Со оглед на специфичната комбинација на овие фактори, шансите за постудена зима се поголеми.

Но, постојат многу други фактори што можат да ја променат ситуацијата, забележуваат експертите за „Severe Weather“.

По концертот во Гевгелија, оркестарот на Македонската филхармонија со „Бајка“ денеска со почеток во 20 часот ќе гостува И во Центарот за култура во Битола. Како солистка на овој концерт ќе настапи виолинистката Анна Кондратенко, концертмајстор во Филхармонијата.

На концертот во Гевгелија, Кондратенко воедно ќе го води оркестарот во изведбата на композициите „Come in!” („Чукни и влези”) од Владимир Мартинов и „Писма до пријателите” од Гија Канчели.

Кондратенко родена е во Новосибирск, Русија, каде што почнува да свири виолина на четиригодишна возраст. Своето музичко образование го започнува во Специјалната музичка школа во класите на О. Марченко и А. Гвоздев, а продолжува во класата на проф. В. Третјаков на Високата музичка школа во Келн, каде што дипломира во 2004 година.

Како солист и концерт-мајстор настапува со Младинскиот симфониски оркестар (Новосибирск), Симфонискиот оркестар на Филхармонија (Новосибирск), Интернационалниот симфониски оркестар (Мичиген, САД), Klassische Philharmonie Bonn (Германија), Philarmonie der Nationen и други во Русија, Украина, Унгарија, Германија, Шпанија, Франција, Бразил, Америка, Малезија, Кина, Либан и Јапонија. Исто така, учествува на различни мастер-курсеви (кај Z. Bron, D. Zigmondi) и фестивали, меѓу кои: Mozarteum (Австрија), Holzhausen Musiktagen (Германија) и др. Таа е победник на многубројни серуски и меѓународни натпревари, меѓу кои и Ерденко и Мравински во Русија и Ј. Ниман во Германија.

Пред две години, Кондратенко го основа квартетот „Филхармонија” составен од членови на оркестарот на Македонската филхармонија, со кој остварува настапи на домашни и на меѓународни фестивали. Моментно работи како концерт-мајстор и солист во оркестарот на Македонската филхармонија и како концертмајстор и солист на оркестар на „F.A.M.E.S Project” во Скопје.

Младите луѓе се движечката сила на секое општество, а наша должност е да инвестираме во нивната иднина и да им покажеме дека се грижиме. Знаеме дека еден од првите чекори кон самостојност, поголеми можности за вработување и целосна интеграција во општеството е стекнувањето возачка дозвола. Сепак, свесни сме дека трошоците за обука, кои често надминуваат 400 евра, се голем товар за семејните буџети – стои во описот на еден од проектите на кандидатот за градоначалник на општина Прилеп, Жарко Бошкоски, кој на престојните локални избори е поддржан од “Коалицијата за успех”, составена од политичките партии: ЛДП, ГРОМ, ИНТЕГРА и ПЦЕР.

Бошкоски во својата програма предвидува целосно покривање на трошоците за обука за возачка дозвола (Б-категорија) за секој млад човек од општината кој ќе наполни 18 години и е редовен ученик во завршна година од средното образование.

-Аплицирањето ќе биде едноставно, преку електронска пријава со потврда од училиштето. Оваа мерка ќе се спроведува преку јавен повик на кој ќе можат да се пријават сите лиценцирани авто-школи од градот, обезбедувајќи транспарентност и квалитет на обуката. Ова не е трошок, туку паметна инвестиција во нашиот најголем капитал – младите. Со оваа поддршка, им овозможуваме на младите подобри стартни позиции, поголема мобилност и полесен пристап до пазарот на трудот. Испраќаме јасна порака дека веруваме во нив и сакаме да им помогнеме да ги остварат своите соништа токму тука, во Прилеп – вели Бошкоски.

Премиерот Христијан Мицкоски и претседателот на ВМРО-ДПМНЕ, се обрати на денешниот народен митинг во Македонски Брод, во рамки на изборната кампања за локалните избори 2025 година, со слоган „Вистинскиот избор! Твојот човек! Твоето место! За твојата иднина! Мицкоски зборуваше дека се неопходни реформи, ресет на системот кој ќе донесе подобар живот и владеење на правото.

Мицкоски истакна дека судството мора да биде непристрасно и непокорливо, судиите да судат според законот, а не според влијанија.

„Моментот што го чекале генерации е пред нас, време за ресет на системот, време да ги скршиме ланците на неправдата и да изградиме држава на правда, слобода и грижа за секого. Судството мора да биде непристрасно и непокорливо, судии кои судат според законот, а не според влијанија; институции кои штитат, а не кои молчат; процедури кои враќаат доверба, а не кои создаваат сомнеж. Правдата не смее да биде привилегија на малкумина, туку право на секој граѓанин брза, достапна и ефективна. Слободата не е само збор во уставот, туку жив начин на живот: слобода на мислење, слобода на говор, слобода од страв и притисок. Здравствениот систем ќе биде столб на оваа држава модерни болници, достапни лекови, стручен кадар и превенција што штити семејства, наместо да ги остави ранливите сами да се борат. Ќе поставиме јасни правила, транспарентни процеси и нулта толеранција кон корупцијата која тоне животи и ја кочи промената. Овој ресет ќе биде праведен, но безмилосен кон оние што го злоупотребувале народот ќе вратиме одговорност, ќе го вратиме достоинството и ќе изградиме систем на кој гордо ќе му служиме. Заедно ќе ја допреме вистината, заедно ќе ја браниме слободата, заедно ќе ги исцелиме институциите и никогаш повеќе неправдата нема да биде нашата судбина. Не можеме да го чекаме утрото додека ситни и големи кочници ја гушат работата на државата кочници што се вградени во институциите, што делуваат тајно или откриено. На сите нивоа, од најмалите служби до поголемите структури, постојат елементи кои функционираат како дел од една „длабока држава“ не само во едно Министерство или една партија, туку во мрежи кои понекогаш се шират низ партии, институции и, жално, понекогаш и низ етничките заедници“, истакна Мицкоски.

Мицкоски додаде дека најавениот ресет не е реванш, туку враќање на довербата во институциите и владеење на правото.

„Ова не е напад врз народот, ова е повик на одговорност: каде што имало злоупотреба, ќе има истрага; каде што имало влијание, ќе има транспарентност; каде што имало корупција, ќе се воведе сила на правото. Ние нема да дозволиме никој да се крие зад статуси или мандати додека ги краде шансите на граѓаните. Реформите што ги најавуваме судска реформа, реформа на правосудството, реформа на администрацијата и целосна дигитализација на услугите ќе ги исечат вкоренетите врски и ќе ги вратат институциите кај граѓаните. Овој ресет не е реванш, туку вразумување: чесноста ќе биде мерило, отчетноста ќе биде правило, а слободата и правдата повторно ќе станат неприкосновени вредности. Јас и оваа Влада ќе работиме со цела сила, рамо до рамо со граѓаните и со партнерите кои веруваат во правото, за да изградиме држава каде што институциите служат на народот а не на сопствени интереси. Заедно ќе го направиме тој ресет; заедно ќе ја вратиме довербата“ истакна Мицкоски.

Мицкоски ги повика граѓаните да излезат на 19 октомври и да гласаат за број 9.

„Мене ми е јасна состојбата со опозицијата на трикови, подземни коалиции но тоа нема да го коментирам. Затоа е многу е важно да излезете на избори и да гласате. Македонија е исправена и подготвена да оди напред! Нема поголема сила од народот кој верува, од народот кој знае што сака и кој знае дека иднината е во негови раце. Нашата борба не е само за една општина, не е само за еден град. Нашата борба е за секое семејство, за секое дете што сака подобро училиште, за секој млад човек што сака работа и останува тука, дома, во Македонија. Нашата борба е за достоинството на секој еден граѓанин. Излезете и гласајте за број 9“, нагласи Мицкоски.

Бучин е населено место во општина Крушево, едно од најголемите населени места со над 500 жители, и има спортска сала, ако ова воопшто може да се нарече сала за спортување.

Тоа е едно од населените места каде и актуелниот градоначалник Томе Христоски деновиве бара гласови за престојните избори, надевајќи се дека ќе стигне до третиот последователен мандат.

Но, дали оваа негрижа за младите во селото и учениците кои треба да спортуваат и правилно да се развиваат во оваа спортска сала, бучинци ќе му ја простат?!

По се изгледа не. Жителите од ова населено место велат дека проблемите се многубројни и често се чувствуваат како да не припаѓаат на ниту една општина, бидејќи општина Крушево речиси и да ги има заборавено дека постојат на мапата.

Спортската сала е капак на се’, а каков ќе биде резултатот за оваа негрижа, останува да видиме на 19. октомври.

-Ја имавме честа да бидеме дел од незаборавна свадбена прослава на двајца браќа со две прекрасни невести – напишаа на социјалните мрежи од групата “МАЕСТРО”, фотографија на која добија голем број позитивни реакции.

Инаку, станува збор за Давид и Милан Дамески и нивните подобри половини Ивана и Викторија. Браќата од Прилеп се синови на Пеце Дамески, легендарниот мајстор за бурек и бели пецива и сопственик на брендот “ЏУЛИЈАНО”.

Браќата се трета генерација пекари кои ја градат успешната приказна, која трае цели 50 години.

Нам ни останува да им ја честитаме среќата и да им посакаме да се долговечни заедно! Една несекојдневна свадбена свеченост која со сигурност ќе се памети и за која долго ќе се зборува.

Кандидатите за советници од советничката листа на Движењето ЗНАМ за наша Македонија, ја продолжуваат кампањата во пресрет на локалните избори во Прилеп. Од ЗНАМ Прилеп денеска ги презентираа приоритетите од нивната програма наменети за унапредување на урбаното и еколошкото уредување на градот. Очекувањата на ЗНАМ се дека нивната советничка група ќе биде застапена со неколку имиња во идниот состав на Советот на општина Прилеп, а следните приоритети ќе бидат дел од програмската агенда на идната локална власт:

-Реконструкција и изолација на јавните објекти за подобра енергетска ефикасност

-Масовно пошумување на околината и формирање на нови парк зони

Видеолотарија Касинос Австрија им исплати фантастични 77.017.392 денари (околу 1.250.000 евра) на своите играчи на ВЛТ терминалите ширум Македонија во септември. Овие бројки не се само статистика – тие претставуваат илјадници нови среќни приказни!

Среќни бројки во септември:

5 СУПЕР МИЛИОНЕР џекпот добитници → заедно поделија 32.674.350 денари
23 МИЛИОНЕР џекпот добитници → исплатени вкупно 34.310.057денари
МИНИ џекпот добитници → играчите заедно поделија 10.032.985 денари
Доверба изградена со години

Видеолотарија Касинос Австрија веќе повеќе од една деценија успешно работи во согласност со сите законски регулативи и меѓународни стандарди.

Во изминатите 11 години, на среќните играчи низ Македонија им се исплатени преку три милијарди денари – доказ за транспарентност, стабилност и лидерска позиција во областа на електронските игри на среќа.

Септември докажа дека среќата секогаш е тука – на ВЛТ терминалите на Видеолотарија Касинос Австрија.