Првиот човек на Алијанса за Албанците, Зијадин Села, врати на прозивките на премиерот Зоран Заев.

“За жалење си премиере, толку многу ве заслепи власта што не оставивте вредност во чие име дојдовте на власт, без да ja прегазите. Но, не заборавајте едно, не сме сите исти. Тешко е да се разбере зошто-то на оставката бидејќи вие тоа го немате во себе. А тоа е совестa, моралот а не власта”, напиша Села.

Претходно, по повиците на Села за оставка на Заев од морални причини, премиерот рече:

„Не размислувам. За Мицковски да дојде премиер? Не размислувам. Да ја користат грозотијата на најперфиден начин кога нашата нација е во најдлабока болка. Ќе дојдат кога ќе дадат идеји, кога ќе заслужат. Пусто желба за власт. Нема да се победи, додека се однесуваат вака, нема да победат“.

Викендот што следува на 18 и 19 септември, во Крушево по седми пат ќе се одрижи фестивалот на отворено „Крушево низ корија“, кој во своите содржини ќе опфати: кампување на Мечкин камен со сите придружни содржини, планински велосипедизам, планинарска тура низ крушевската корија и тандем летови со параглајдер, при тоа придржувајќи се до пропишаните мерки и уредби од Владата на Република Македонија.

Фестивалот е во организација на Форумот за Авангардна Креативност (ФАК) од Прилеп, во соработка со општина Крушево.

Велосипедската тура ќе се вози на 19.09.2021г(недела) на три патеки :

Мала МТБ тура „Крушево низ корија„

Турата е со должина од 15км и елевација од околу 300 метри…. категоризирана е како лесна тура за лица со нормална физичка подготвеност препорачлива за секој рекреативец.

Средна МТБ тура „Крушево низ корија“

Турата е со должина од 30 км и елевација од 700 метри… категоризирана како средно тешка тура 7/10 за лица со просечна физичка подготвеност.

Голема МТБ тура „Крушево низ корија“

Турата е со должина од 40 км и елевација 1000 метри категоризирана како тешка тура.

Тандем летови со параглајдер ќе има во недела , 19.09.21 , од 10.00ч – 19.30ч .

Планинарска тура

Планинарската тура ќе се одвива на релацијата Мечкин Камен – Крушево, во должина од 14 км. Истата би ја класифицирале како средно тешка тура која може да ја изоди секој од 7 до 77 години. Во 80%од патеката се движиме низ крушевската корија која изобилува со сенка, што е мошне пријатно за топлите августовски денови. Во текот на турата ќе се посетат двата манастири св. Василиј и св. Спас (каде што ќе има пункт со освежување). Во текот на патеката има пивка вода за пиење.

Турата завршува во Крушево каде учесниците ќе можат да ги посетат културните знаменитости.

Повелете заедно да уживаме во убавините што ги нудат Крушево и Крушевската корија!

Политичката партија Левица преку својот огранок од Прилеп, неодамна упати сериозни обвинувања против сега кандидатот за градоначалник на СДСМ за Прилеп, Горан Сугарески.

Нивната објава на ФБ во целост ја пренесуваме во продолжение:

“НАДЛЕЖНИТЕ ИНСПЕКЦИИ ВО ЗАШТИТА НА ДИРЕКТОРОТ НА ЦАРИНСКА УПРАВА – ГОРАН СУГАРЕСКИ!

Бројни прекршувања со узурпирање на јавна површина и прикривање на фактичка сопственост.

Неформалниот сопственик на Кафе-Клуб Табу и Ла Пиаца во Прилеп – Горан Сугарески, поранешниот Министер за транспорт и врски, денешен директор на Царинска управа, свесно и од позиција на моќ ги контролира инспекциските служби во градот за контрола на користењето на јавен простор.

Станува збор за дозволи за таканаречени „летни бавчи”, кои ги кршат сите критериуми и наликуваат на „цврсти градби”, затворени од сите страни со ПВЦ дограма, располагаат со одвод, довод, па дури и парно греење. Очигледно е намерното непостапување на инспекциските служби, под закрила на Сугарески, во заштита на неколку локални сопственици на кафичи.

Прекршенa e Програмата за утврдување на критериумите и стандардите за поставување на урбана опрема на подрачјето на Општина Прилеп од Заклучокот за објавување на програмата за утврдување на критериуми и стандарди за поставување на урбана опрема на подрачјето на Општина Прилеп, објавен во Службен гласник на Општина Прилеп број 16 од 25.12.2020 и тоа по бројни одредби”.

Заев во изјавата на Зијадин Села, кој вчера од него побара оставка од морални причини, гледа политикантство, желба за власт и за победа на изборите.

-Мицкоски да дојде, премеир да биде? Не размислувам за оставка, а премиер или заменик премиер ќе биде претседателот на Алијанса кога ќе заслужи, кога ќе биде тука да даде идеи, да понуди решенија, не грозотијата да ја користи на најперфиден начин и тоа за време на трите денови на жалост, се од пуста желба за власт, да се победи. Се додека вака се однесуваат ќе губат на избори. Другата алетрнатива е ова: заедништвото, инвестициите, повисоките плати, придонес во БДП, истакна Заев по посетаста на новата фабрика за кабли во Сарај.

Во однос на понудените оставки рече дека нема дополнителен коментар зашто за тоа, нагласи, секој ден дава изјави.

-Трагедијата не погоди сите и ќе ја памтиме цел живот. Изгубивме животи. Да ги причекаме форензичите извештаи, нагласи премиерот.

Тој уште еднаш рече дека сите покажале чувство на одговорност, доаѓајќи веднаш на местото на несреќата за да помогнат некако. Злоуптребувањето на болката низ која минува цел народ, рече Заев, е чисто политиканство.

Вкупниот број на креирани работни места, наспроти изгубените работни места е во суфицит. Тоа значи дека во вториот квартал се креирани повеќе од 2540 работни места, што значи дека без разлика на економската криза, во одредени индуствии и сектори се губат работни места, но затоа во други се добиваат, вели вицепремиерот за економски прашања, Фатмир Битиќи во „Тема на денот“.

Тој информира дека во информациско-комуникациските технологии има зголемување на работните места за 5420.

-Просечната плата е 900 евра. Во градежништвото имаме плус 2300, а во финансиските дејности околу 2000 и во сите просечната плата е далеку поголема од тие кои се изгубени. Процентот на вработеност е во нагорна линија, во моментов, во вториот квартал таа е 47,3 проценти.

Фудбалски Прилеп со аплауз ги награди црвено-белите и покрај несреќниот пораз и елиминацијата од Куп натпреварувањето за сезоната 2021-2022.

Денес, иако работен ден, фудбалски празник во Прилеп. Играше Победа и во својот храм Градскиот стадион “Гоце Делчев”, црвено-белите ја добија максималната поддршка од околу 5.000 љубители на фудбалот.

Атмосфера како што може само да се посака и за каква што останатите клубови и градови можат да сонуваат.

А кога се игра најголемото македонско фудбалско дерби Победа-Вардар не може поинаку. Машка, тврда, борбена агресивна и отворена игра од двете страни, иако условите беа потешки поради претоплото време.

Сепак актерите изгореа од желбата за победа на теренот. По саботното дерби со Саса, иако во некомплетен состав и без неколку повредени играчи, денес црвено-белите максимално се потрошија, и затоа по завршување на мечот ги заслужија и добија аплаузите од прилепската публика и своите навивачи.

Во глобала Победа беше поконкретна, особено во првиот дел кога до 20-тата минута избраниците на тренерот Крстески буквално го потиснаа Вардар пред својот гол и креираа неколку шанси.

За жал силниот притисок не вроди со плод и отворање на резултатот, а на спротивната страна гостите од наизглед неопасна акција имаа шанса, а Победа среќа – ударот на Блажевски заврши во стативата.

По мирниот почеток на вториот дел Вардар рано поведе – во 53-тата минута со евро-гол од слободен удар на капитенот Блажевски.

Подоцна Котевски спсуваше по обидот на Керими со што го одржа тимот во борбата за израмнување. Иако од 73-тата минута без исклучениот капитен Карчески Победа остана бројчано инфериорна на теренот не се откажа од израмнување.

Борбената игра ги награди црвено-белите во 94-тата минута кога по центаршутот од корнер на Бошески највисок во гостинскиот казнен простор со одличен тајминг беше Ангелески и мајсторски со глава го совлада Илиќ за 1-1 и ерупција воодушевување на трибините. Со тоа се чини правдата беше задоволена и по 90 минути нерешените 1-1 доведоа до рулет пенали.

При изведувањето на пеналите изведувачите од двата тима беа сигурни се до 3-тата серија кога Котевски во првиот обид го добрани пеналот на Николов, но судиите бараа да се повтори поради наводно предвремено напуштање на гол линијата(го има од убав кадар тој спорен пенеал па проценете сами), за во повторниот обид Николов да постигне погодок.

Во последната серија Петковски постигна гол за 4-5 додека последниот удар на новајлијата во Победа-дебитантот Петејчук гостинскиот голман Илиќ го одбрани и на тој начин го одведе Вардар во осмина финалето.

Стрелци на головите од пеналите за Победа беа: Ангелески, Ф.Спиркоски, Митрески и Бошески.

Се на се вистински празник…добра игра…задоволна публика…

Но, и денес доста фрлени предмети на терен за кои повеќе од сигурно Победа повторно ќе биде на тапет и казнета!!! А тоа ако сите си ја сакаме Победа не смееме да си го дозволиме да и го правиме- на штета најмногу на фудбалерите и онака лимитираниот клупски буџет!

Победа: Котевски, Петкоски (од 53мин Бошески), Стомнароски, Дигаловски, Кисески-Илијоски (од 78 мин Јосифоски), Карчески, Ангелески, Тодороски, Дрешлиоски (од 78 мин Митрески), Јошески (од 86 мин Петејчук) и Б.Спиркоски (од 86 мин Ф.Спиркоски).

Петар Димоски

Во салата од СОУ „Ристе Ристески – Ричко“ екипата на РК Прилеп беше подобра од Металург со убедливи 28:24.

Прилепчани водеа во текот на целиот меч, а на полувремето беше 15:13. Една одлична игра, како во одбраната, така и во нападот.

Се виде дека претходното издание, при минималниот пораз од Бутел викендов, кога за „влакно“ беше испуштена победа, беше само чиста случајност.

Тренерот на Прилеп Горан Кузманоски настапи со следните ракометари: Тренчевски 5, Дамчевски, Рустамов 7, Бикоски, Трајкоски 4, Ангелески, Андоновски, Х. Павлов, Шокоски 3, Милошески 3, Бурчевски, лозаноски, Чантурија 6, Христоски, Гавашелишвили, Цинцадзе.

Во идното 3. коло прилепчани му гостува на Пролет во Скопје.

Натпреварот можете да го проследите на линкот во продолжение:

Беше редовно на клупата на РК Прилеп во изминатите 5 години, се грижеше за здравјето на играчите и беше еден од луѓето кои сакаа по секоја цена клубот да опстане и да постои.

Сега откако стана кандидат за градоначалник на ВМРО-ДПМНЕ за Прилеп, Д-р Борче Јовчески, веројатно под притисок на СДСМ не бил повикан на клупата на ракометниот клуб, каде работеше целосно волонтерски.

РК Прилеп во овие моменти во спортската сала “Ристе Ристески-Ричко” игра скопски Металург, а Јовчески натпреварот го следи од трибините помеѓу навивачите и како и секогаш ги бодри момците.

Неофицијално, на само 4 часа пред натпреварот на Јовчески му било понудено да биде дел од екипата, но тоа се смета за крајно некоректно и непрофесионално, бидејќи сериозен прволигаш никогаш неда да дозволи да потклекне под нечии притисоци.

Министерот за внатрешни работи Оливер Спасовски денеска (15.09.2021) во Охрид имаше обраќање на „Симулациската вежба за размена на информации во реално време“ организирана со координација на Министерството за внатрешни работи и Мисијата на ОБСЕ во Скопје.

Тој пред учесниците од земјите од Западен Балкан, амбасадорот на мисијата на ОБСЕ во Скопје Клеменс Која, високите претставници на делегацијата на МВР на Република Чешка и претставници на проектот ИПА 2019 за борба против сериозниот криминал во Западен Балкан истакна дека оваа симулациска вежба е исклучително успешна и корисна.

„Предизвиците со кои се соочуваат државите од регионот и пошироко во насока на сузбивање на транснационалниот организиран криминал, од година во година стануваат се покомплексни и налагаат продлабочување на меѓународната полициска соработка во делот на сузбивање на меѓународните организирани криминални групи инволвирани во различни видови криминал.Во овој контекст и Република Северна Македонија заедно со земјите од регионот, ја препознава важноста од интензивна полициска соработка и ефикасна и ефективна размена на информации. Зајакнувањето на овој вид соработка, претставува приоритет врз основа на кој се надградува безбедносната и политичката стабилност на државите во Европа. Имајќи го ова предвид, Министерството за внатрешни работи беше иницијатор за спроведување на оваа вежба како еден дополнителен напор за потврдување на добрите пракси и евентуално, утврдување на областите во размената на информации каде што постои простор за подобрување“, истакна министерот Спасовски.

Министерот Спасовски потенцираше дека на регионален и меѓународен план, МВР изминатите години активно учествуваше во размената на информации и спроведување на меѓународни истраги за организиран криминал и сузбивање на организирани криминални групи од меѓународни размери, како по сопствени иницијативи, така и со партиципирање во иницијативи на други држави, при што оствари интензивна соработка не само со земјите од регионот, туку и со земјите од ЕУ.

„Како домаќин на овој настан, Министерството за внатрешни работи на Република Северна Македонија исполнува дел од задачите утврдени во рамки на Управната група за преземени обврски од областа на безбедност формирана како дел од Берлинскиот процес, со која годинава заеднички претседаваме со Обединетото Кралство“, рече Спасовски.

Тој изрази очекување дека извештајот што ќе го изготват претставниците на регионалниот проект за борба против организиран криминал ИПА2019 ќе укаже на евентуалните недостатоци и ќе даде препораки за нивно надминување, но исто така ќе ги потенцира и добрите пракси и искуства кои што ги користат земјите од нашиот регион. На крајот министерот Спасовски уште еднаш изрази голема благодарност до Мисијата на ОБСЕ за нивната перманентна поддршка и партнерство со МВР.

Во склоп на „Симулациската вежба за размена на информации во реално време“, присутните ја проследија и симулираната полициска операција на Специјалната антитерористичка единица – Тигар и Хеликоптерската единица, која ја заокружи вежбата и ги ефектураше резултатите од неа, а во која полициските службеници се справуваат со терористи кои напаѓаат објект на критична инфраструктура употребувајќи нелегално оружје.

Втората група бегалци од Авганистан кои Македонија се договори да ги прифати и да им понуди привремен дом, ќе пристигнат денеска по 16 часот на Меѓународниот Аеродром Скопје.

– Ве известуваме дека денеска, 15 септември 2021 година (среда), на Меѓународниот Аеродром Скопје ќе пристигнат граѓани од Авганистан, стои во соопштението на Владата.

Оттаму додаваат дека не се придвидени изјави на владини претставници при пристигнувањето.

Првата група од 149 лица пристигна на 31 август, но набргу станаа 150 откако една од нив се породи веднаш по пристигнувањето.