дома блог страница 1749

Се обидела да наплати паркинг на партиски моќник, па ја избpкале од paбота

Советникот во општина Центар од партијата Левица, Игор Димески, преку својот твитер профил обвинува дека првата одлука на новиот УО на Паркинзи на Општина Центар бил бркање од работа на вработена која сакала да наплати паркинг на некој партиски моќник.

„Првата одлука на новиот управен одбор на ПОЦ е бркање од работа на вработена и тоа со надгласување, 3 гласа ЗА од СДСМ, 2 гласа Против од Левица и ШЗЦ. Избркана е поради тоа што сакала да наплати паркинг на лице кое и се обратило со “ќе видиш ти кој сум јас”. Па да видиме кој е тој!“, напиша на Твитер советникот Игор Димески од Левица.

Ковачевски: Heмаме голем ценовен шок затоа што обезбедивме доволно cтpyja

„Немаме ценовен шок затоа што обезбедивме електрична енергија за домаќинствата и малите потрошувачи.

Ако зборуваме за генезата на проблемот со струјата, пред се имаме светска енергетска и финансиска криза, енергенсите се за неколку пати поскапи, гасот е за пет пати поскап.

Имаме помалку ветрови на Северното море, има дисбаланс помеѓу побарувачката и понудата предизвикано од пандемијата.

Имаме и до пет пати зголемено побарување на електрична енергија.“- објасни премиерот Димитар Ковачевски, во интервјуто за МРТВ.

„30 години имаме проблем со неизграден енергетски капацитет, имаме само неколку ветерници и „Света Петка“, но тоа е многу малку. Сите значајни капацитети се изградени во време на Југославија.

Ние имаме на хартија капацитет, но амортизацијата на енергетските капацитети, недомаќинското раководење, староста од пет децении, не можат да дадат капацитет на електрична енергија колку што е предвидено со нив.

Сега очекуваме старт на фотоволтаична централа, потоа инвеститор од Франција ќе вложи во соларна централа, германска компанија веќе има потпишано договор за ветерен парк и тоа ќе ја подобри енергетската криза.

Исто така, многумина го ветуваа Чебрен, но јас ќе бидам премиер кој ќе влезе во втората фаза за овој капацитет.“- изјави Ковачевски.

Пpeживeaл 30 минyти во машина за пepeње (Видео)

Мачор по име Брошa мина половина час во вклучена машина за перење облека и преживеа. Инцидентот се случил во Украина.

Сопствениците објасниле дека мачорот Брошa обожава да спие во машината, а со оглед дека е сив, со истата боја како и внатрешноста на машината, не го забележале во текот на вклучувањето.

Ова е објавено на Facebook страницата на ветеринарната клиника на која мачорот бил доведен за спасување. Според зборовите на вработените во клиниката, Брошa бил во машината за перење облека околу 30 минути пред сопствениците да го слушнат неговиот врисок.

„Замислете ги шокот и ужасот кога ќе сфатите дека мачорот толку долго бил во машината за перење. Изненадува тоа што веднаш по отворање на машината мачорот истрчал и се обидел да се сокрие. Го фатиле, веднаш го исушиле и го одвеле на ветеринар“, додаваат тие.

Во текот на прегледот животното имало ниска температура, очите не му биле доволно отворени поради прашокот за перење, а устата силно му мирисала на детергент.

Ветеринарите му одредиле терапија потребна за закрепнување, а откако резултатите му биле уредни мачорот набргу си заминал дома. Сега, повторно е активен, трча, скока по дома и има апетит.

„Ова не е прв пат да се сретнеме со ваков случај, но Брошa навистина има голема среќа. не за џабе се вели дека мачките имаат 9 животи“, додаваат од ветеринарната клиника.

Слична приказна имаше и во 2020 година во Австралија кога мачка преживеа 12 минути во машина за перење алишта.

СДСМ: Ја намалуваме стапката на невработеност

Владата предводена од СДСМ преку ефикасни мерки и политики обезбедува намалување на стапката на невработеност и повисок животен стандард за граѓаните и во време на криза. Оперативниот план за активни мерки и програми за вработување како еден од најуспешните владини проекти, испорачува видливи резултати, се вели во соопштението од СДСМ.

Од партијата наведуваат дека во 2021 со Оперативниот план се опфатија 11.292 невработени лица. 4.000 лица лани се вработиле само со мерките за самовработување и поддршка за креирање нови работни места, додека 3.787 млади лица до 23 години вработени во производство и земјоделство добија младински додаток на платите.

Веќе четврта година по ред се спроведува и проектот „Гаранција за млади“ кој опфаќа невработени млади лица на возраст до 29 години. Лани со оваа мерка се опфатија 19.298 млади невработени лица од кои 75% биле жени.

Дополнително, Меѓународниот монетарен фонд потврди дека околу 60.000 работни места се спасени со мерките за помош во време на криза.

Овие податоци се дополнителен мотив за реализацијата на мерките да продолжи понатаму.

Токму затоа, креиран е и оперативен план за 2022 година, за кој се обезбедени 1,73 милијарди денари, односно 28 милиони евра.

СДСМ како одговорна партија продолжува со реализирање на мерки и политики кои обезбедуваат нови работни места, намалување на стапката на невработеност и повисок стандард за граѓаните, се вели во соопштението од СДСМ.

Најдобрата реклама досега со најмоќна порака (Видео)

Видеото носи порака: “Сите заробени животни копнеат да бидат слободни, Зоолошките градини се затвор за животни”

Паркинг ќе си плаќаат и советниците, директорите и сите претходно повластени од ЈП за ПУП

Сите досега повластени лица, советници, директори, функционери… кои во минатото се служеле со разни привилегии и не плаќале, отсега ќе мораат да плаќаат за паркинг место во Прилеп.

Неофицијално дознаваме дека поголем број лица користеле разни пропусници доделени без одлука на Советот и паркирале бесплатно низ Прилеп.

Со новото раководство во Јавното претпријатие за просторно и урбанистичко планирање, ова ќе стане минато.

Засега останува непознато за колкава сума на пари е оштетен буџетот на јавното претпријатие во изминатите 4 години од неплаќачите на паркинг.

Битолската полициja во акциja: Kaзнети 17 возачи за непpoпyштање пешаци

Полициски службеници на СВР Битола денеска (28 јануари) од 11 до 15 часот, презеле 17 мерки против возачи кои не пропуштиле пешак на пешачки премин.Во рамките на овие активности биле откриени и санкционирани и 18 други видови сообраќајни прекршоци, кои биле заокружени со соодветни поднесоци.

СВР Битола и во наредниот период ќе продолжи со вакви и слични активности и апелира до возачите секогаш да ги пропуштаат пешаците односно да ги почитуваат сообраќајните правила и прописи.

Пендаровски се сретна со Македонци од Бугарија, ама не кажа дека се Македонци

Претседателот Стево Пендаровски денеска се сретна со претставници на Македонците од Бугарија. Во коментарот по средбата, шефот на државата ниту еднаш не спомена дека тие се Македонци туку граѓани од Бугарија

“Средба со претставници на ОМО „Илинден“ и претставници на неколку други здруженија на граѓани од Република Бугарија. Разговаравме за нивната работа и активности во областа на човековите права, промовирање на толеранција и градење на граѓанско општество.

Северна Македонија е насочена кон развивање на добрососедски и пријателски односи со Република Бугарија, во духот на Договорот за пријателство, добрососедство и соработка меѓу двете држави од 2017 година”, напиша Пендаровски.

Старт за во затвop – ова е тоа! (Видео)

Во рамките од 14. коло од квалификациите за Светското првенство во Катар во КОНМЕБОЛ зоната, Бразил му гостуваше на Еквадор.

Натпреварот донесе многу акција уште во првите 20 минути. Бразил поведе со 0:1 во шестата минута, а веќе во 15-та исклучен од игра беше голманот на Еквадор, поради прекршок за кој кај нас се вели дека се завршува во затвор.

Веќе во 20-та минута втор жолт картон доби и Бразилецот Емерсон Ројал, па силите на теренот одново беа израмнети. Екварод успеа да го израмни резултатот со голот на Торес во 75-та минута, а тоа беше и конечниот резултат.

Погледнете го стартот на голманот на Еквадор, Домингез:

Необичните чувари на Кремљ: Внимаваат на културното наследство, но и ги бркаат непожелните

Во Кремљ живеат и „работат“ невообичаени чувари: бувот Фил и десетина јастреби.

Станува збор за специјално обучени птици кои го штитат културното наследство oд штетните птици, пишува “Russia beyond”.

Борбата против враните во Кремљ трае долго време. Најпрво не ги сакаа поради суеверието дека „црнилото“ кое лебди над Кремљ укажува на војна или глад. Подоцна, борбата против враните почна да се објаснува со попрактични аргументи: враните ги привлекува златото на куполите на црквата, чии лисја се лупат.

Испробани се различни начини на борба. Во времето на Ленин, со пушки се пукало врз птиците, но тоа ја попречувало работата на главниот идеолог. Потоа се започнале да применуваат помалку крвав начин, испуштајќи агресивни тонови. Ни тоа не успеало. Потоа, во 1973 година, тие основале орнитолошка служба во Кремљ и почнале да одгледуваат соколи. Тие биле заменети прво со јастреби, а потоа со бувови. Бувовите се природни непријатели на врани.