Танц студиото ЗОДИЈАК при ЦК „Марко Цепенков“ со целовечерен концерт во големата сала на 29.04.2026 год./среда/ во 20 часот ќе го одбележи 27-от роденден од своето постоење, и ќе даде свој придонес во одбележувањето на интернационалниот ден на танцот 29 април.

– Со танцов перформанс на сите учесници од најразлична возраст ќе се претстав и студиото, а воедно ќе бидат прочитани и итернационалната порака за оваа година која ја напиша канадската кореографка Кристал Пајт, како и македонската порака напишана од првенецот балерина и истакнат солист при МНТ Зоица Пуровска Велевска. Режијата е на Кире Миладиноски. Како кореографи заеднички се потпишуваат Кире Миладиноски, Бисера Гаралоска и Марта Шаркоска – велат од „Зодијак“.

Играат: Софија Иваноска, Љубица Ангелеска, Лана Спиркоска, Милана Здравеска, Јована Ангелеска, Јана Чучуроска, Сара Камческа, Сара Иваноска, Исидора Митревска, Анисија Тренеска, Марија Стојаноски, Бисера Тренкоска, Неа Попоска, Марта Шаркоска и Бисера Гаралоска.

Дизајнот за промотивниот материјал и видео монтажата е на Петар Јошески, додека автор на промо видео спотот е од Љупчо Атанасоски.

Влезот е слободен, но заради протокол и безбедност на сите во салата ќе се сместуваат само лицата со влезници до ислопнување на капацитетот. Услугата е прв дојден прв услужен. Влезници ќе можат да се подигнат три часа пред почеток на настанот од билетарницата на ЦК „Марко Цепенков”.

Настанот кој што ќе биде празник за очи, е поддржан од Општина Прилеп.

Вознемирувачки случај на насилство врз животно е регистриран во Прилеп, откако куче било тешко повредено од огнено оружје во централното градско подрачје.

Од Ветеринарната амбуланта „Дамески“ информираат дека поради сериозноста на повредата, биле приморани да извршат ампутација на ногата за да му го спасат животот.

„Денот го завршуваме со пациент на кого беше неопходно да му се ампутира ногата. Причина – рана нанесена со огнено оружје, и тоа во централно градско подрачје. Кучето ќе биде добро и ќе има квалитетен живот и покрај својот хендикеп“, стои во нивната објава.

Од амбулантата изразуваат загриженост за односот на поединци кон животните, потенцирајќи дека ваквите случаи отвораат сериозни прашања не само за хуманоста, туку и за безбедноста во заедницата.

„Се наметнува прашањето – каде исчезна хуманиот однос кој треба да го имаме спрема животните, но и прашањето за безбедноста, не само на кучињата“, додаваат од „Дамески“.

Џудо мајсторот кој 40 години живееше во САД, редеше историски спортски успеси и беше успешен бизнисмен, сега во пензионерски години, се’ уште е активен и посветен на џудото и се’ уште се натпреварува во ветеранска конкуренција. Сега прв човек на Џудо клубот Осака од Прилеп, каде неговите ученици во изминатите десетина месеци освоија: 4 златни, 5 сребрени и 4 бронзени медали на различни домашни и меѓународни натпревари.

Димески преку ФБ статус реагира за начинот на кој работат одредени клубови низ државата, што според него е погрешно и незаконито.

Фејсбук статусот на Димески го пренесуваме во целост во продолжение:

-Спортски клубови, профит и криминал на газди регистрирани како Клуб на граѓанско здружение!

Спортски клуб регистриран како ДООЕЛ има право на ова се горе наведено, дури и повеќе. Ова е само мое мислење (консултирајте се со вашите адвокати), пишува Димески

Во второто коло од одбојкарската лига на ветерани одиграно во Тетово, екипата на 11-ти Октомври се сретна со екипата на Струмица.

Со дисциплинирана игра прилепчани ја осигураа победата со 2:0 во сетови (25:18, 25:15) и сега имаат две победи од два натпревари, и со тоа се во самиот врв на табелата.

На вчерашниот натпревар екипата на прилепчани ја сочинуваа: Жарко Илиески, Теодор Ангелески, Димитар Стрезоски, Мартин Наумоски, Илија Милошевски, Александар Савиноски, Гоце Бурнески и Атанас Николоски.

Во третото коло 11-ти Октомври е слободен, а во четвртото коло играат против фаворизираната екипа на Шкендија

Заменик претседателот на Владата и министер за транспорт Александар Николоски денеска ќе оствари работна посета на општина Прилеп.

Како што соопшти Министерството за транспорт, Николоски заедно со градоначалникот на Прилеп ќе извршат увид во реконструкцијата на улица „Кеј 1 Мај”.

Изјави за медиуми се предвидени во 11:30 часот.

Прес-конференција денеска во 12:00 часот пред Основното јавно обвинителство ќе одржи Јане Ченто, на која, како што најави ќе бидат споделени информации за поднесување кривична пријава против поранешен јавен обвинител и ќе бидат изнесени детали и аргументи поврзани со постапката за настаните од 27 април.

– Време е за вистинска правда и вистината за 27 април. Ве покануваме да присуствувате на прес-конференција која ќе се одржи на 27 април 2026 година во 12:00 часот пред Основното јавно обвинителство. На прес-конференцијата ќе бидат споделени информации за поднесување кривична пријава против поранешен јавен обвинител со иницијали В.Р. и ќе бидат изнесени детали и аргументи поврзани со постапката – се наведува во најавата.

Во најавата Ченто вели дека ова претставува почеток на процес за утврдување одговорност и расчистување на сите околности поврзани со судскиот процес за 27 април.

– Во име на опфатените со судскиот процес изјава за медиумите ќе даде Јане Ченто, се вели во најавата.

Апелациониот суд минатата недела донесе одлука со која не го прифати барањето за повторно судење на осудените за насилството при упадот во Собранието на 27 април 2017 година.

– Жалбата е неоснована. Судот го ценеше жалбениот наод за сторена суштествена повреда на одредбите на кривичната постапка од член 415 ст.1 т.11 од ЗКП, меѓутоа истиот не го прифати како основан, со оглед да образложеноро решението не содржи такви недсостатоци поради кои што не би можело да биде испитано во однос на неговата правилност и законитост, изреката на решението е јасна и разбирлива, а во образложението се содржани доволно причини за решителните факти и заземени правни ставови на судот, се вели во одлуката на Апелација, која е потврда на решението на Кривичниот суд од декември.

Јане Ченто заедно со уште 15 други лица во 2019 година беше правосилно осуден на 13 годишна затворска казна под обвинение за „терористичко загрозување на уставниот поредок“ а во предметот „27 април“ поврзан со упадот во Собранието. Предметот го судеше судијката Добрила Кацарска, сега судијка во Уставниот суд.

Дел од обвинетите во случајот добија амнестија со законот кој беше донесен во Собранието кон крајот на 2018.

Во Прилеп наскоро своите врати ќе ги отвори новиот модерен ресторан Cipriani, сместен во просторот на поранешниот ресторан Лидер – место кое ќе внесе свежина и ново гастрономско искуство во градот.

Со современ концепт, пријатен амбиент и високи стандарди во услуга, Cipriani има за цел да стане едно од омилените места за излегување, уживање и дружење во Прилеп.

Во пресрет на отворањето, сопствениците го избираат тимот кој ќе работи на реализација на новата гастрономска приказна во градот. Се бараат мотивирани, одговорни и позитивни личности, кои сакаат да работат во динамична и професионална атмосфера.

Отворени позиции:

• Келнер/ка
• Шанкер/ка
• Кувар/ка
• Помошник кувар/ка
• Салатер/ка
• Хостеса

Доколку си комуникативен/на, тимски играч и имаш желба за работа – ова е вистинската можност за тебе. Се нудат конкурентна плата, одлични услови за работа и пријатна работна средина.

📞 Јавете се на: 078 534 334

👉 Аплицирај веднаш и стани дел од тимот на Cipriani!

Градот кој важи за расадник на театарската култура во Македонија, продолжува да живее без функционална театарска зграда.

Театарот “Војдан Чернодрински” веќе цела година е затворен, просторот околу истиот е запустен, претворен во џунгла, а на повидок нема ништо од најавената реконструкција.

Во изминатите години се најавуваше изградба на нов театар во центарот на градот, во склоп на Центарот за култура “Марко Цепенков”, но таа идеја се чини се напушти. Следуваше ветување дека целосно ќе се реконструира и обнови старата театарска зграда, но и тоа не е на повидок.

Прилеп – градот кој го има најголемиот театарски фестивал, гости и оваа година ќе пречекува без театарска зграда…Жално и срамно кон генерации на актери и театарски работници, кон целиот таленти и култура кои постојат на овие простори и кон илјадниците вљубеници во театарската култура во градот под Марковите Кули.

26-годишниот Андреј Тодороски е роден во Прилеп. Веќе втора сезона има одлични настапи за српси ТСЦ

Тодороски во последното коло од Српската супер лига постигна два гола во триумфот на својата екипа над Спартак Суботица, носејќи на својот тим важни три бода во обидот да се обезбеди уште една сезона настап во прволигашката конкуренција.

Тодороски, кој во зимскиот преоден рок 2025 година пристигна во ТСЦ за сума од околу 450.000 евра, одигра еден од своите најдобри натпревари во дресот на клубот од Бачка Топола. Покрај головите, се истакна и со низа квалитетни дриблинзи, креативни додавања и постојана опасност по противничката одбрана.

На листата на стрелци, Тодороски сега има 6 погодоци и уште исто толку асистенции.