Македонската фаланга се загрева во пресрет на клучниот натпревар за Македонија на Светското првенство во ракомет.

Нашите момци вечерва со почеток од 18 часот силите ќе ги одмерат со Холандија, а победа на овој натпревар ќе ги отвори вратите за втората рунда.

Додека момците на Кире Лазаров го чекаат стартот на натпреварот, бројната македонска фаланга го “окупираше” Краков, а од нашата фан зона може да се слушне гласна поддршка за репрезентацијата, но и познатата парола која одекнува на секој спортски натпревар: “Никогаш Северна, само Македонија”.

Видеото погледнете го ТУКА

Жителите на село Дреновци во општина Долнени конечно имаат хумани услови за живеење. После долги години ветувања од различни гарнитури, конечно се асфалтираше патот и главната улица низ селото.

Дреновчани со години се соочуваа со горлив проблем, особено при врнежливи денови. Жителите на ова село населено се етнички Македонци и долго време се жалеа дека до нивните домови не може да пристигне ниту брза помош, ниту такси возило, ниту противпожарна служба.

Денеска конечно актуелниот градоначалник на општина Долнени, Урим Ибески, ја пресече црвената лента и им посака на дреновчани со здравје да си го користат новиот асфалтиран пат.

Мештаните задоволни од локалната власт на Ибески му приредија и ручек како знак на благодарност.

Пејачката Бојана Скендеровски на свој начин одговори на провокациите од бугарскиот националист и европратеник Ангел Џамбаски.

Со песна испеана среде Бугарија Бојана го потсети Џамбаски дека тој може да ја одрекува, но Макеоднија е бесмртна.

,,Поздрав до Џамбаски,тој денес во Скопје,ние во сред Бугарија ќе му ја пееме “Заветна”!??❤️?
Ако не си знаел да те потсетам: “Можат да ја одречат,други да ја предадат,само таа е бесмртна, жива вода подземна, кај што тоне, таа извира…” Македонија!??”, напиша Бојана откако предходно Џамбаски во Скопје ги негираше Македонците.

Видеото со песната одговор на Џамбаски на овој линк

На граничниот премин „Табановце“, Царинската управа запленила 35 килограми кафе во зрно.

-На 14.01.2023 во утринските часови, при вршење на детална царинска контрола на автобус на влез во државата, мобилните тимови од Одделението за оперативни работи од Царинската управа и царинските службеници од ЦИ Табановце на граничниот премин Табановце открија и привремено задржаа 35 килограми кафе.

Поради постоење сомнеж, автобусот со македонски регистарски ознаки кој се движи на редовна линија од Љубљана (Словенија), бил селектиран за контрола и упатен на царинскиот терминал на граничниот премин. При прегледот со мобилен скенер се воочени неправилности и сомнителни форми во пределот на задната врата. По извршената детална контрола во фабричка празнина на автобусот се пронајдени 35 пакувања од по 1 кг кафе во зрно LAVAZZA, велат од Царината.

Стоката е привремено задржана и предметот е предаден во понатамошна постапка.

На 14.01.2023 во 11.20 часот во СВР Битола било пpиjaвено дека на крстосница од ул.„Партизанска“ и ул.„Север-Југ‘’ во Битола, патничко возило „пежо“ со битолски регистарски ознаки, yпpaвyвано од М.П.(69) од Битола, yдpило во пешакот Е.Л.(19) од Струга.

Во нecpeќата, Е.Л. се здобила со тешки телecни повpeди констатирани во Клиничка болница Битола. Увид на местото извршила екипа од СВР Битола.

Тутунарите скоро и да не паметат целиот род на тутунот да биде откупен до Нова Година, велат дека останати биле уште можеби 50-тина тони груба проценка. Според земјоделскиот инспекторат откупени до сега биле 20.800 тони, со просечна цена од 288 денари, што досега била највисока откупна цена. Откупувачите бараа околу 26.000 тони, но годинава имаше помалку род. Тутунарите велат дека доколку не се зголеми цената на тутунот, производството и понатаму ќе опаѓало.

„Оваа цена не е којзнае колкава во споредба со нашите трошоци и нашиот животен стандард. Значи доколку компаниите сакаат и наредната година тутунопроизводството да се одржува и да дојде до мало покачување во килограмите, младите тешко се нафаќаат на оваа цена да садат тутун, затоа ги повикуваме компаниите да ги коригираат цените, да се направат добри цени и в година да се стартува со добри цени, со реална проценка за да не биде никој оштетен со проценката“, истакна Менде Стомнароски, претседател на Сојуз на земјоделски здруженија.

Тутунарите бараат зголемување на цените по класи толку колку што ќе се зголеми инфлацијата. Моментално производната цена на тутунот била над 200 денари.

„Младата популација е замината надвор, старосната граница знаете до каде, сите што работат тутун моментално, скоро сите се пензионери. Ги повикуваме компаниите да соберат храброст, да седнеме на заедничка маса, да ги коригираме цените и да ајде ќе цените на класи, но да се коригираат цените, да се даде трета класа доволно колку што треба, втора и прва“, рече Злате Даноски, претседател на Здружение „Мице Козар“ – Прилеп.

Дали тутунопроизводството ќе продолжи да се намалува во Македонија, со тенденција еден ден комплетно да исчезне од нивите или ќе се врати во некоја нормала со зголемување на површините ќе зависи од најмногу од желбите на откупувачите и откупната цена.

Македонската ракометна репрезентација по стартниот пораз од Норвешка, вечер ќе го игра натпреварот од второто коло на Светското првенство 2023. Противник на „црвено-жолтите“ ќе биде селекцијата на Холандија за која селекторот Кирил Лазаров искажа многу комплименти.

– Холандија е екстра квалитетна репрезентација која игра модерен и квалитетен ракомет. Во секој момент знаат што прават, и офанзивно и дефанзивно. Ќе треба многу да се помачиме ако сакаме да победиме. Добро ја анализиравме нивната игра. Имаме шанси, треба позитивно да размислуваме. Хендикеп за нас е повредата на Томислав Јагуриновски кој ќе ни недостасува. Ќе се обидеме да одиграме квалитетно во текот на целиот натпревар, треба да бидеме на ниво 60 минути за да победиме. Без разлика на високиот пораз од Норвешка, расположението во репрезентацијата се враќа. Ако сакаме оваа репрезентација, оваа нова генерација да расте, ние на секој натпревар треба да влегуваме со самодоверба и да играме на победа, изјави Лазаров.

Натпреварот денеска почнува во 18 часот.

Цените на основните прехранбени производи се намалени до 10 проценти и тоа може да се види насекаде. Кај месните производи има намалување од пет до 12 проценти, а доколку се погледнат месечните стапки на инфлацијата може да се забележи дека два месеци по ред таа се намалува. Ова значи дека мерките кои Владата ги презема вродија со плод, изјави премиерот Димитар Ковачевски одговорајќи на новинарско прашање.

Ковачевски посочи дека Владата мерките ги носи во координација со стопанските комори и со претставниците на сите сектори во рамките на стопанските комори, односно производителите на основни прехранбени производи.

Како што рече, тие добиваат субвеницонирана цена на електрична енергија од 80 евра за мегават час, што е за неколку пати помала цена на електрична енергија од она што го купуваа на берзата претходно.

-Меѓутоа, цената на струјата, односно струјата, е еден влезен параметар во финалната цена, а на цената на струјата влијае и зголемената цена на суровините на светските берзи, тука пред се мислам на месото, млекото, житото..Свесни се и компаниите дека државата во рамки на своите можности прави максимум што може за да им помогне, бидејќи давањето на електирчна енергија од 80 евра по мегават час кога цената на електирчна енергија беше и 500 евра за мегават час значи финансиски издаток за државата со цел да имаме намалување на цените, потенцираше Ковачевски.

Доколку се погледнат месечните стапки на инфлацијата, Ковачевски рече дека два месеци по ред стапката на инфлацијата се намалува, а годишната инфлација со која ја завршивме годината е на нивото со другите европски држави

-Нормално дека државата носи мерки. Ние го продолживме ограничувањето на маржите, но за дополнителни фискални олеснувања во моментов не се разговара. Тоа не значи дека во иднина нема да се разговара, но мора да се внимава и на буџетот. Буџетот има своја приходна и расходна страна. Ако постојано ја зголемуваме расходната страна а ја намалуваме приходната страна, тоа ќе се одрази негативно врз други параметри на буџетот, додаде Ковачевски.

На националната консултација во Унгарија, 97 отсто од граѓаните кои учествуваа гласаа против антируските санкции на ЕУ, изјави Александра Сенткирај, портпарол на унгарската влада.

“Владата ги сумираше резултатите од националните консултации. Овие резултати се јасни – 97% од Унгарците се против санкциите кои предизвикуваат сериозна штета. Санкциите кои не престанаа но предизвикаа и продолжуваат да предизвикуваат невидени економски тешкотии во Европа“, рече Сенткирај во видео порака објавена на профилот на унгарската влада на социјалните мрежи.

„Резултатот од консултациите ќе биде испратен до унгарските власти, а ние ќе инсистираме да го слушне и Брисел. Тоа е неопходно затоа што наместо да се ревидира политиката на санкции, тие сакаат да воведат нови санкции… Пораката од консултациите е јасна – неопходно е да се ревидира политиката на санкции на Брисел. Не ни требаат санкции кои водат во ќорсокак, туку мировни преговори“, рече таа.

Сенткирај, исто така, изрази благодарност до речиси 1,4 милиони граѓани кои учествуваа на консултациите.

Националната консултација во Унгарија траеше од 14 октомври до 15 декември, а граѓаните беа замолени да го кажат своето мислење за санкциите за енергетските извори од Руската Федерација и санкциите што предизвикаа намалување на бројот на руски туристи и зголемување на храната. цените. За разлика од референдумите, националните консултации немаат праг на излезност.

Унгарскиот премиер Виктор Орбан на крајот на септември изјави дека земјата е прва во Европа која започна национални консултации за да го дознае мислењето на граѓаните за санкциите на ЕУ против Русија. Тој ги повика сите граѓани на земјата да се изразат и на тој начин „да стават крај“ на поскапувањето на енергенсите предизвикано од санкциите што Брисел ги „наметна на земјите од ЕУ“. Според него, цените во Европа за неколку дена би се намалиле за половина доколку ЕУ ја промени политиката на санкции.

СВР Битола, до Основното јавно обвинителство Битола, поднесе кривична пријава против Б.А.(35) од Скопје поради постоење основи на сомнение за сторено кривично дело „измама“ и против Б.У.(38) од Прилеп поради постоење основи на сомнение за сторено кривично дело „помагање“ во врска со кривично дело „измама“.

Првопријавениот Б.А., кој е на издржување казна затвор во Казнено-поправната установа Затвор Идризово, во текот на 2022 година во повеќе наврати измамил повеќе лица од различни градови од државата.

Тој им се јавувал телефонски и лажно претставувајќи им се ги доведувал во заблуда и им нудел различни услуги.

Додека, второпријавениот Б.У. со уште едно лице го организирале преземањето на парите. Откако ги земале парите го прекинувале контактот со лицата – информираат во дневниот билтен на МВР.