Со цел почитување на духот, верата и традицијата, по барање на Прилепското архијерејско намесништво, централната манифестација во Прилеп, чинот на положувањето на Светиот крст на Богојавленије (Водици) на 19-ти јануари, ќе се изврши во водите на базенот во дворот во црквата Св. Благовештение – се вели во соопштението од општина Прилеп.

Големиот Богојавленски водосвет ќе се изврши во 09:30 часот, а по Светиот Крст ќе се „фрлаат“ 20-тина православни верници. Оној кој ќе го „фати“ Светиот Крст ќе добие пригодни награди од градоначалникот на Прилеп, Борче Јовечски, кој ќе присуствува на чинот на осветување на водите во црквата Св.Благовештение.

Чинот на осветување на водите ќе се одвива и во населените места во општина Прилеп: Селце(6:45), Витолиште(7:00), Бешиште(9:00), Ново Лагово(10:00), Мало Коњари(9:00), Големо Коњари (10:00), Беровци (11:00), Клепач(10:30), Ерековци, Полчиште(10:00), Галичани(12:00), Чепигово(12:00), Подмол (9:00),Тополчани (11:30), Штавица (10:30) и Загорани (12:30).

Секретарот и менаџер на “Про Бокс Македонија” најави во дека во текот на месец јуни се планира да се организира голем професионален боксерски спектакл во Прилеп.

-Целта ни е после тригодишна пауза конечно да го вратиме професионалниот бокс во нашиот град. Во фајт кардот ни се одбрани најдобрите боксери од Прилеп. Мартин Крстески со скор од 1 победа и 1 загубена борба во профи рингот, дебитантите Матеј Чатлески, кој е двократен шампион на Македонија во бокс, и Илчо Костовски кој има 20 борби, од кои 15 победени и 5 загубени во аматерски бокс. Костовски сите борби ги има боксовано во Република Словачка.

Не е исклучена можноста да имаме и плус профи боксери од Прилеп. Во програмата планираме да има до 10 професионални борби со боксери од Македонија, Балканот и Европа. Најдоцна до месец април ќе знаеме за датумот, времето и каде ќе се одржи овој боксерски спектакл – вели Дарко Чатлески.

Новинарката Снежана Лупевска се огласи на Фејсбук со свој став по тековните настани со етикетирање на телевизиите Телма и Алфа од страна на премиерот Димитар Ковачевски и лидерот на ДУИ, Али Ахмети.

Лупевска вели дека Ковачевски ја загрозува безбедноста на вработените во Телма и е загрозена нивната слобода на изразување. Нејзиниот став може да го погледнете во продолжение:

-Наместо да го осуди поттикнувањето на говор на омраза од страна на неговиот коалиционен партнер Али Ахмети кој на партиската трибина во Гостивар без никакви факти и докази ја нарече Телма „непријатели на Албанците“ , премиерот Димитар Ковачевски ја осуди уредувачката политика на Телма напаѓајќи ја нејзината независнност. Со ова е загрозена безбедноста на вработените во Телма а истовремено премиерот Ковачевски од позиција на власт го воскресна тоа што не требаше да се повтори, етикетирање на медиуми и загрозување на слободата на изразување, вели новинарката Лупевска.

Со своја реакција се јавија и од Телевизија Телма и според нив станува збор за оркестриран напад врз Телма од премиерот Ковачевски и лидерот на ДУИ Ахмети. Целата реакција може да ја прочитате ТУКА.

Фирма што управува со инвестициски фондови или во име и за сметка на свои инвеститори купува компании во Југоисточна Европа ќе биде нов газда на прилепскиот Мермерен комбинат. Тоа е друштвото ЕЦМ Партнерс кое договорило превземање на грчката компанија Pavlidis S.A Marble – Granite која досега беше сопственик на прилепскиот Мермерен комбинат – објави “ФАКТОР.МК”

Информацијата е официјална и е објавена на веб страната на Македонската берза, а станува збор за Мермерниот комбинат од Прилеп.

Прилепски Мермерен комбинат е одлична инвестиција затоа што е убедливо најпрофитабилна од рударските компании во земјава. Од приходите лани речиси половина останале како добивка. Во апсолутен износ 14,8 милиони евра.

Целиот текст прочитајте го ТУКА

Триесетина спортисти и ентузијасти од Прилеп на посебен начин изминатите две години го одбележаа празникот Богојавление – Водици во замрзаното езерце кај Плетвар.

Празникот со капење во водите на езерцето ќе се одбележи и оваа година со почеток од 10 часот.

Во замрзнатите води на езерцето минатата година беше формиран крст, а учесниците не се фрлаа по светиот крст, туку симболично влегуваа во водата.

Организаторите се недеваат дека овој настан ќе биде традиција и во наредните години и ќе има се повеќе заинтересирани.

Осветената вода е образ на Божјата благодат: таа ги очистува луѓето од духовните нечистотии, ги осветува и укрепува во подвигот на спасението во Бога. До неа првично се докоснуваме во Светото Крштение, кога при извршувањето на таинството, трипати биваме потопувани во купелот, наполнет со света вода.

За Богојавление, секој православен христијанин носи дома сад со света вода, ја чува грижливо како голема светиња, причестувајќи се со неа, особено во време на болести и при секоја немоќ.

Богојавленската вода, како и Светата Причест, верните ја пијат/употребуваат на гладно. „Осветената вода – како што пишувал светителот Димитриј Херсонски – има сила за осветување на душите и телата на сите што се ползуваат со неа“. Таа, примана со вера и молитва, ги лекува нашите телесни болести.

Светата вода го гаси пламенот на страстите, ги изгонува злите духови – еве зошто со света вода се попрскува секое живеалиште и секој предмет што се осветува.

Препоодобниот Серафим, после исповедта секогаш на поклониците им давал да пијат света богојавленска вода.
Преподобниот Амвросиј на еден смртно болен човек му испратил шише со света вода – и неизлечивата болест, за чудење на лекарите, ја снемало.

Старецот еросхимонах Серафим Вирицки секогаш советувал да се попрскуваат производите и самата храна со Јорданската (богојавленската) вода која, според неговите зборови, „самата осветува сè“.

Свети Јован Шангајски советувал: „Секој треба да има дома богојавленска вода доволна за целата година и да се ползува со неа во секоја потреба: во случај на болест, тргнување на пат, кога некој е вознемирен, учениците пред испити итн. Луѓето што пијат по малку света вода секој ден, пред јадење, прават добро. Таа ги укрепува силите на нашата душа – ако тоа се прави со молитва и набожност, без да се очекуваат механички резултати од тоа“.

Температурите во најстудениот град во светот паднале на -50 степени Целзиусови, јавува Си-Ен-Ен.

Градот Јакутск во источен Сибир, кој е познат како едно од најстудените места во светот, доживува невообичаен долг удар на студ.

Јануари е најстуден месец и иако се навикнати на ниски температури, жителите превземаат дополнителни мерки за да останат стоплени.

-Не можете да се борите против тоа, изјавил за Ројтерс еден од жителите кој на себе имал два шала, повеќе пара ракавици, капа и качулка.

-Или ќе се прилагодиш и облечеш во согласност со времето или ќе страдат. Само треба топло да се облечеш, слоевито, како зелка, изјавил друг жител.

Во Јакутск живеат помалку од милион жители, а зимите во него може да бидат екстремно студени. Во 2018 година било толку многу студено што некои жители изјавиле дека им смрзнале трепките.

Премиерот Димитар Ковачевски информира дека во тек е реализација на првата фаза од автопатот Скопје – Блаце, која чини 12,18 милиони евра. Тој на прес-конференцијата посветена на реализацијата на капитални инвестиции кажа дека досега се реализирани 79%, а фазата 2 е во завршна фаза на проектирање.

-Вкупната должина на фаза 1 и фаза 2 е 12 км. Се подготвуваат автопати за изградба Коридор 10-Д и Коридор 8 и тоа изградба на автопат Гостивар – Кичево, изградба на автопат Тетово – Гостивар, изградба на автопат Требениште – Струга-Ќафасан и изградба на автопат Прилеп – Битола. Во текот на мандатот на оваа Влада рекордно се изградени и рехабилитирани патиштата во државата. Ако за 11 години на претходната власт беа изградени и рехабилитирани 650 км патишта, сега за 5 години имаме 1300 км патна инфраструктура, рехабилитирана и изградена, во која како држава инвестиравме над 1 милијарда евра, кажа Ковачевски.

Тој додаде дека што се однесува во делот на изградба и реконструкција на железничката инфраструктура е забрзан процесот на железничкото поврзување и доизградба на Коридорот 8.

-Започнуваме со изградбата на железничката пруга кон Република Бугарија, со вкупна инвестиција повеќе од 600 милиони евра, која ќе се гради во 3 фази. Ова е историска, најголема инвестиција досега. Овозможуваме алтернативна пруга за домашните компании за поевтин и побрз транспорт и поврзуваме пристаништата во Бургас и Драч, заклучи Ковачевски.

Храмот Св. Благовештение (Стара црква) ги информира верниците, дека и оваа година чинот на положување на светиот крст ќе се одржи во базенот во црковниот двор.

Положувањето на светиот крст ќе се одржи со почеток во 09:30 часот, а сите верници и добронамерници се поканети да присуствуваат на светите литургии и самиот чин на осветување на водите.

РАСПОРЕД ЗА БОГОЈАВЛЕНСКИТЕ ПРАЗНИЦИ:

18ТИ (СРЕДА) – ВОДОКРСТ (СТРОГ ПОСТ) – ЦАРСКИ ЧАСОВИ, СВЕТА ВАСИЛИЕВА ЛИТУРГИЈА СО ВЕЧЕРНА – ПОЧЕТОК 7.00 ЧАСОТ

19ТИ (ЧЕТВРТОК)-БОГОЈАВЛЕНИЕ (ВОДИЦИ)-УТРЕНА БОГОСЛУЖБА СО СВЕТА ЗЛАТОУСТОВА ЛИТУРГИЈА-ПОЧЕТОК 7.00 ЧАСОТ

20ТИ (ПЕТОК) – СОБОР НА СВЕТИ ЈОВАН КРСТИТЕЛ – УТРЕНА БОГОСЛУЖБА СО СВЕТА ЗЛАТОУСТОВА ЛИТУРГИЈА – ПОЧЕТОК 7.00 ЧАСОТ

Вечерните богослужби почнуваат во 16.00 часот. Во среда Вечерната Богослужба се служи утрото во склоп на литургијата.

Премиерот Димитар Ковачевски најави промена на директорот на Управата за извршување санкции, Марјан Спасовски.

„Јас не сум задоволен од работата на директорот на Управата за извршување санкции при министерството за правда и почнав процес на селекција на нов директор на управата за извршување на санкции“, кажа Ковачевски.

Следната седница на Владата е закажана за утре. Но точката за разрешување на директорот Спасовски нема да биде ставена на дневен ред се додека не се најде нов кадар.

„Утре нема да се најде на владина седница, ќе се најде на една од наредните седници бидејќи процесот на селекција е отпочнат. Во Идризово има нов директор од пред неколку месеци и промената беше направена на претходниот врз основа на консултации што ги имав со меѓународни институции во делот на управувањето на затворски систем и на финансиски интитуции кои финансираат унапредување на затворскиот систем на државата. Врз основа на тие консултации направивме промена на директорот на затворот во Идризово. Сега врз основа на неколкуте пропусти кои што се направени ќе имаме нов директор на Управата на извршување на санкции“, додаде Ковачевски.