Најголема просечна нето-плата во Република Македонија добиваат во секторот Компјутерско програмирање, консултантски и сродни дејности, покажаа податоците на Државниот завод за статистика (ДЗС).
Во ИТ индустријата во ноември 2022 година земале нето-плата во просек од 84.018 денари, по што следи секторот Воздухопловен транспорт со нето-плата од 63.289 денари, додека по нив следат од секторот Останати стручни, научни и технички дејности со плата од 53.243 денари.
ДЗС, исто така, објави дека просечната нето-плата по вработен во ноември 2022 година изнесува 33.011 денари.
Планот за Косово веќе не е само француско-германски план, туку многу повеќе од тоа, порача српскиот претседател Александар Вучиќ во обраќањето до јавноста. Тој посочува дека на состанокот на „големата петорка“ му било кажано дека мора да го прифатиме планот, а дека во спротивно Србија ќе се соочи со прекин на евроинтеграцискиот процес, запирање и повлекување на инвестициите и сеопфатни мерки во економска и политичка смисла.
Тој вели и дека ќе има голема борба за Заедницата на српските општини, како и дека е загрижен дека нема порационален пристап за решавање на проблемот.
Претседателот на Србија рече дека во втората реченица на состанокот на „Големата петорка“ му било кажано дека мора да го прифатиме планот.
„Во втората реченица што ми беше соопштена, беше речено – мора да го прифатите овој план, а ако не го прифатите, бидејќи сметаме дека мора да се прифати, ќе се соочите – под еден со прекин на евроинтеграциите, под два со запирање и повлекување на инвестициите и под три со сеопфатни мерки во економска и политичка смисла кои ќе нанесат голема штета на Република Србија“, рече претседателот Вучиќ.
Тој вели дека ова му било повторено трипати во текот на разговорот.
Вучиќ изјави дека во следните неколку дена ќе ги покани на разговор сите претставници на пратеничките групи за да ги информира што се случува и да им даде повеќе информации за тоа како напредувале преговорите за Косово.
Буџетскиот дефицит за само 20 дена е околу 110.000.000 евра, коментира на социјалната мрежа на Фејсбук лидерот на ВМРО-ДПМНЕ Христијан Мицкоски.
-За само дваесет дена во 2023 година од 1ви до 20ти Јануари, буџетскиот дефицит е околу 110.000.000 евра. Нов долг за идните генерации. За да може неколкумина да крадат, цела држава е заложник. Ова не се европски вредности ова се криминални вредности. Доаѓа денот на одговорност за криминалците во политиката!, пишува во својата објава Мицкоски.
Американската Академија за филмски уметности и науки денеска во Лос Анџелес ќе ги објави номинациите за престижните „Оскари“.
Одличјето е претставено со позлатена статуетка во облик на човек, изработена од британиум, со црна метална основа, а висока 34 сантиметри и тешка 3,85 килограми. Годинешното, 95-то доделување на наградите ќе се одржи на 12 март, во 24 категории.
Свеченоста на прогласување на победниците е една од најпрестижните доделувања награди во светот на филмот.
Филмот „КОДА“ на режисерот Шан Хедер беше минатогодишен добитник на главниот „Оскар“ за најдобар филм.
Прилепчанката Елена Велевска деновиве заедно со колеги од естрадата е во Америка, а водителот Јанко Илковски објави нејзина заедничка фотографија со уште еден прилепчанец, кој важи за еден од најбогатите Македонци во САД.
Фотографијата е направена на празникот Водици, а друштво на Елена и прави Ѓорѓија Џорџ Атанасоски.
Ве поздравија Елена и Џорџ од топлата Флорида. Бај д веј, Ѓорги Атанасоски е сопственикот на ТВ Сонце, ако не сте знаеле. За Велевска не треба дополнителни податоци. pic.twitter.com/ZwnR6WZoP6
Поради одрон на камења на патниот правец Прилеп – Ресен, кај обиколницата над Битола, сообраќајот од 1:10 часот се пренасочува низ централното градско подрачје.
Фото/илустрација
Како што соопшти АМСМ, сообраќајот на државните патишта се одвива по влажни коловози, на некои повисоки места во западните и југозападните делови од државата со остатоци на кашест снег на коловозот по интервенција на дежурните екипи.
Врнежи од снег со променлив интензитет се бележат на Попова Шапка, на планинските превои Стража и Пресека, во Маврово и Ресен, но не преставуваат пречка за одвивање на сообраќајот.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
ТРТ Балкан Македонија направи анализа во врска со тоа, која земја во регионот има најмногу неработни денови. Па согласно нивните објавени податоци, можеме да заклучиме дека Македонија е на врвот.
Имено, со 28 неработни дена во текот на годината поради различни државни и верски празници, Северна Македонија е на првото место во регионот според неработните денови. Најмалку неработни денови имаат граѓаните на Албанија и Хрватска, односно 14.
По Северна Македонија, следуваат Црна Гора и Косово каде граѓаните имаат по 21 неработен ден поради различни празници.
Во Србија во календарската година има вкупно 19 неработни денови по основ државни и верски празници. Исто така, во Србија има и пет различни празници кои се празнуваат работно. Државјаните на Босна и Херцеговина имаат 18 неработни денови поради празниците.
Просечната плата во месец ноември 2022 година изнесувала 33.011 денари и таа бележи раст во споредба со истиот месец минатата година.
Сепак, споредено со октомври 2022 година имаме благ пад на просечната плата, бидејќи според податоците на Државниот завод за ститистика, во окотомври просечната плата изнесувала 33.104 денари.
Како што објаввуа ДЗС, растот во ноември 2022, споредено со истиот период претходната година се должи на зголемување на исплатена нето-плата во секторите: Трговија на големо и трговија на мало; поправка на моторни возила и мотоцикли (18,7 отсто), Објекти за сместување и сервисни дејности со храна (17,5 отсто) и Административни и помошни услужни дејности (17,3 отсто).
Просечната месечна исплатена бруто-плата по вработен, во ноември 2022 година, изнесува 49.397 денари.
Премиерот Димитар Ковачевски рече дека Северна Македонија најдобро се справува со енергетската криза од сите земји во регионот.
Тој кажа дека сите капацитети кои произведуваат струја се во погон и дека дури се продаваат вишоци на електрична енергија.
„Најдобро се справуваме со енергетската криза од сите земји во регионот. Од почетокот на грејната сезона, сите производствени капацитети се ставени во погон за производство, иако не веруваа аналитичарите. РЕК Битола, ТЕЦ Неготино и РЕК Осломеј, како и сите хидроцентрали. Тоа овозможи во деновите кога има најголема потрошувачка енергија, Македонија да не увезува електрична енергија, што значи дека оние компании кои се на регуларниот пазар и домаќинствата добиваат субвенционирана електрична енергија. Според закон ЕСМ треба да испорачува 60% на регуларниот пазар, со одлука на ВЛада, ЕСМ беше задолжено да испорачува 100%. Дополнително одлучивме дел од компаниите да се снабдуваат од ЕСМ, меѓу кои училиштата, компаниите кои произведуваат основни прехранбени продукти и болниците. Дополнително поради кризата, а особено здравствениот сектор, а особено после кризата, Владата исплати долгови за струја кои ги имаше здравствениот сектор. Се јавуваат вишоци, ЕСМ ги објавува и на аукција која компанија сака д ги купи. Секоја копанија која се занимава со трговија на електрична енергија, може да се јави на аукција и да ги купи“, рече Ковачевски.
