Денес имаме и жална вест: Почина еден од нашите другари, битолчанецот Благојче Илиевски Ѕвончарот кој боледуваше од цистична фиброза и од државата до ден денес не ги доби потребните лекарства. Благојче прости ни, ова не била држава ниту ќе биди – напишаа на социјалните мрежи од битолскиот портал “Бабам Битола”.

Во изјава за “ФАКТОР” неодамна Благојче истакна:

-Јас верувам дека сум во онаа група од осум пациенти кои сме во најтешка здравствена состојба и дека први би го добиле, но образложението дека процедурата ќе биде подолга додека се случи набавката, некако нè обесхрабри. Од последниот пат кога разговаравме, а тоа беше кон крајот не ноември, јас уште еднаш бев хоспитализиран. Повторно 12 дена на Клиниката за пулмологија, го чистат белодробието до секретот, но верувајте состојбата не ми се подобрува, и сега ме слушате како едвај дишам, како не можам да искашлам…Ми останува навистина само да се надевам дека ќе дочекам да почнам терапија со „Трикафта“.

ЈКП „Водовод и канализација“Прилеп со препораки и апел до граѓаните за превентивни мерки против замрзнувања на водоводните инсталации и водомери.

Вработените од јавното претпријатие од секторот за техничко одржување и развој препорачуваат, граѓаните на град Прилеп да ги заштитат водните инсталации и водомерите поради бранот на ниски температури во овој период од годината, со цел да не настанат дефекти и да не се предизвикаат трошоци и за физичите лица, но и за самото јавно претпријатие Водовод и канализација- Прилеп.

Со самата претпазливост на сите нас како одговорни граѓани кон еден од најважниот ресурс за човекот, бенефет ќе имаме и како домаќинства со тоа што штедиме вода, но и како јавно претпријатие Водовод и канализација – Прилеп што неискористена чиста и пивка вода нема да се испушта во канализација.

Препораките се однесуваат на тоа,

• да не се заштитуваат инсталациите пред се преку константно испуштање на водата преку славините!

• водомерите во водомерни шахти да бидат заштитени со соодветна изолација од топли материјали!

• надворешните чешми (во дворовите) да бидат испуштени и затворени, а потоа заштитени повторно со соодветни материјали за изолација од ниски температури!

• во подрумските простории каде е видлива водоводната инсталација да биде заштитена со термо изолација, но и да се внимава да нема провев од отворени врати или скршени прозори со цел да не дојде до пукање на стакло на водомери, пукање на цевки и сл.

Во случај на дефект или пукање на водомери од ниските температури на располагање се дежурните служби на Водовод и канализација – Прилеп 24/7!

На иницијатива на Градоначалникот на општина Битола, Тони Коњановски и Претседателката на Советот, Габриела Илиевска, денес се одржа вонредна седница на општинскиот совет, на која беше донесена Одлука за доделување на финансиска помош од Буџетот на општината Битола за настраданите од земјотресот во Република Турција и Сирија.

Одлуката беше донесена едногласно со поддршка од сите советници, со што Општина Битола, ќе овозможи финансиска помош во износ од 500.000 денари.

Веднаш по потресната вест за настраданите од земјотресите во Турција и Сирија, Советот на Општина Кавадарци и Градоначалникот на Општина Кавадарци свикаа седница на која се обезбедија 900.000 денари помош!

Општина Кавадарци вчера вечерта ја одржа вонредната, шеста по ред седница на Советот на Општина Кавадарци, со цел одобрување на финансиска помош од буџетот на Општина Кавадарци за погоденото население од земјотресот во Република Турција и Сирија. На почетокот од седницата Советниците со едноминутно молчење оддадоа почит на загинатите во земјотресот.

Едногласно беше одлучено сума од 600.000 денари да биде уплатена на трансакциона сметка добиена од Турската амбасада за настраданите во Р.Турција, а сума од 300.000 денари да биде уплатена на сметката на Црвен Крст на РСМ со намена за настраданите од земјотресот во Сирија.

На седницата, Градоначалникот на Општина Кавадарци Митко Јанчев информираше дека на помошта, дополнително ќе се приклучи и Компанијата Кожувчанка од Кавадарци и Фондацијата Никола Јанчев испраќајќи денес и утре 10 шлепери со вода за пиење кон настраданите. Пет шлепери се донација од Кожувчанка и Фондација Никола Јанчев, а пет од почесниот конзул на Р.Турција во Битола господинот Ајдован Адемоски.

На крај беше упатен и отворен апел до граѓаните и пред сите, до бизнис секторот, за организирано прибирање на финансиска и материјална помош за настраданите подрачја, со напомена дека по медиумите ќе биде објавен списокот на материјални добра кои се потребни и кои може да се собираат.

Можеме заедно!
Да помогнеме во овие тешки моменти за Турција и Сирија со својата солидарност и хуманост на дело!

Oткако пред извесно време спортистите во Прилеп го кренаа гласот и побараа од државните власти да им го вратaт спортскиот храм – Универзалната сала, се јави и директорот на Агенцијата за млади и спорт, Наумче Мојсоски, кој на прес конференција побара спортските работници и градоначалникот да се обратат до него, за потоа да се побара Владата да изнајде решение за овој спортски објект.

Универзалната сала во Прилеп во моментов ја стопанисува АД за изградба и стопанисување со станбен простор, а синоќа голем број спортисти и спортски клубови во општинската сала се потпишаа на петиција, со која побараа Агенцијата за млади и спорт да биде медијатор помеѓу трите страни, за овој спортски објект да им биде ставен на располагање.

Спортистите од Прилеп се едногласни во ставот дека на градот и тоа како му е потребна оваа сала, која ќе помогне и за правилен развој на спортистите, но и секако да се отргнат тренинзите на многуте спортски клубови од училишните сали и реализирање на тренажниот процес во прилепскиот храм на спортот.

На вчерашната седница, Владата донесе одлука со која се усвои Програмата за финансирање на земјоделски производители на храна за 2023 година, информираше министерот Љупчо Николовски.

Целта на програмата е подобрување на производни капацитети и квалитет на производство, за производителите на храна од примарни земјоделски производи од животинско и неживотинско потекло, со неповратни авансно исплатени финансиски средства за инвестиции во опрема и ангажирање на стручно лице.

Со програмата ќе се поддржат домашните производители на храна преку проширување на постоечките капацитети, подобрување на технолошките процеси, подобрување на квалитетот на производите и развој на нови производи како и зголемена економска активност, која ќе продуцира поголеми приходи и можности за развој и нови инвестиции.

Челните места во министерствата за правда и за здравство, вицепремиерско место, заменик-министри во ресорите земјоделство и одбрана и директори на Царинската управа, на Управата за јавни приходи и на Финансиската полиција.

Ова е пленот на Алијанса на Албанците на Арбен Таравари од преговорите за влегување во владата на СДСМ и на ДУИ, тврди ТВ21. Денеска Ковачевски потврди дека разговорите со Алијанса „во добар дух и во атмосфера насочена кон постигнување договор“ се приведуваат кон крајот.

Таравари, сепак, дава претпазливи изјави:

– Верувам дека денеска или утре договорот ќе биде конечно финализиран и тогаш официјално ќе го објавиме. Мислам дека договорот треба да биде целосно завршен за потоа да го презентираме. Сметам дека би било некоректно да кажеме нешто, а утре да се промени – вели тој.

ТВ21 шпекулира дека партијата Алтернатива на Африм Гаши сѐ уште нема одлучено дали ќе остане или ќе се повлече од мнозинството, поради, како што велат, непочитување на договорот.

Но, добро упатени извори велат дека ако ДУИ го одобри конечниот договор меѓу Таравари и Ковачевски, што е речиси завршена работа, Гаши нема друг избор освен да остане во Владата.

Владата, на денешната седница, го утврди и Предлогот на законот за изменување и дополнување на Законот за игрите на среќа и за забавните игри, предложен од Министерството за финансии.

Со цел заштита на младата популација измените и дополнувањата се предлага деловните простории, односно уплатно-исплатните места во кои се приредуваат игрите на среќа да бидат на оддалеченост не помалку од 500 метри од основни и средни училишта. Со постојниот закон не е утврдена оддалеченоста на деловните простории во кои се приредуваат игрите на среќа од основни и средни училишта, односно не го утврдува ваквиот критериум.

Исто така, меѓу целите на предложените измени се посочува на потребата од зајакнување на доказите потребни за издавање на лиценци, како и прецизирање на тоа дека едно трговско друштво со една лиценца, приредува еден вид на игра на среќа. А се зголемуваат и надоместоците за издавање лиценци за игри на среќа.

Фејсбук статус на проф. д-р Дејан Трајкоски од Битола

-Возот за Жабени тргнува од Битола во 10:30 часот, а пристигнува во 10:39. Поаѓањето назад е во 11:00 часот. Воз и возен ред за Гинис.

Цената на билетот во една насока е 43 ден., а на повратниот – 65 денари. Прашав на билетарница и најсериозно ми одговорија. Единствено не знам што би правеле во Жабени 20 минути, ама барем ќе се повозиме.

П.С. Ми текна. Ќе прошетам до Меџитлија и ќе се вратам пешки во Битола! Додека не ја укинале линијата како нерентабилна.