Жител на Азербејџан вчера бил фотографиран како со дотраено натоварено возило носи помош за нacтpaданите семејства од земjoтpecoт во Турција и Сирија.

Новинари од оваа земја го пронашле човекот и биле шокирани кога виделе во какви услови живее, а сепак се решил да донира се’ што може.

Човекот се вика Сервер Бесирли, а на прашањето од новинарите каде ги нашол душеците и јорганите кои ги донира, тој одговорил:

„Не ги најдов, тоа е сè што имав дома. На нашите браќа им требаат повеќе од мене. Па ја испразнив куќата и однесов што имав, и се надевам дека ќе направат нешто со нив, затоа што многу се користени”

Гостиварчани ја наполнија спортската сала “Младост” со хуманитарна помош за настраданите од земјотресот во Турицја и Сирија и ја покажаа својата огромна хуманост.

Погледнете ја фотографијата:

Бројот на загинати во разорниот земјотрес што ги погоди Турција и Сирија сега е најмалку 12.049 лица, јави Си-Ен-Ен, повикувајќи се на локалните власти.

Турскиот претседател Реџеп Таип Ердоган изјави дека според најновите податоци, број на загинати во Турција сега изнесува најмалку 9.057, а пријавени се 52.979 повредени.

Еден од луѓето кои помага на загрозените е и македонскиот репрезентативец кој е роден во Прилеп, Езѓан Алиоски…

ВИДЕОТО погледнете го ТУКА

Дури 8 гола прими Победа на пријателскиот натпревар, кој во вторникот го одигра на гостувањето во Србија против второлигашот Лозница.

Иако Победа настапила со мешан состав и со неколку фудбалери кои во зимскиот период се на проба, недозволиво е да се примат дури 8 гола од тим кој се натпреварува во втората српска фудбалска лига.

Според извештаите на српските медиуми, фудбалерите на Победа во текот на целиот натпревар успеаја да упатат само еден удар во рамката од голот.

Во продолжение и видео преглед од натпреварот:

Од денеска медиумското семејство на интернет просторот во Македонија порасна за уште еден член – рацин.мк, портал за расудување на духот на времето.

Порталот Рацин.мк е основан за да го заземе своето место како портал со мисија да понуди информации, длабински анализи и други медиумски формати коишто, во светот преплавен со дезинформации, ќе им обезбедат на читателите содржини на кои ќе им веруваат.

Само нашите вредности ги одредуваат темите што се од интерес и што произлегуваат од нашите основачки вредности и уредувачка политика.

Во име на тие вредности Рацин.мк ги отвора портите за општествените активисти и интелектуалците за критички дебати за предизвиците што стојат пред демократијата во земјата и во светот. Во центарот на нашто внимание и дебатата ги ставаме врвните интереси и цели на нашето општество и држава.

Инспирирани од животот и делото на Кочо Рацин наша определба се темите како што се социјална правда, солидарност, владеење на правото, општество еднакво за сите.

Во фокусот на нашиот новинарски интерес се консолидацијата и развојот на демократијата и демократските процеси, поддршката за зајакнување на капацитетите на институциите како сервис на граѓаните, непоколебливата поддршка и унапредување на концептот за општество еднакво за сите и за интеркултурализам, нашите залагања за социјална правда, нашето место и придобивки во НАТО и учеството во забрзување на евроинтеграциите и регионалните прогресивни иницијативи, поддршка на критичкото јавното мислење, улогата на медиумите, граѓанското општество, и навременото укажување на  заканите од авторитаризам.

Една од нашите принципиелни определби е да им дадеме глас на безгласните, да им обезбедиме видливост за маргинилизираните групи и секогаш да повикуваме на одговорност на оние кои го добиле мандатот на граѓаните за да управуваат со државните и општествените ресурси кои се сопственост на граѓаните.

Уверени сме дека автентичното непристрасно новинарство сѐ уште има моќ со вистинити информации да ја стекне довербата на читателите и да го поттикне просветленото расудување за да создаваме посилно и поправедно општество.

Наша цел и стремеж е да ги почитуваме и следиме највисоките стандарди на журнализмот и на нашите читатели да им го испорачаме најважното на најдобар можен начин.

Рацин.мк ќе преземе активности за да учествува во создавањето на следната генерација новинари и медиумски работници, критичари на времето и политички еманципирани граѓани за да бидат неодминлив фактор во создавањето политики од интерес на граѓаните и општеството.

Рацин.мк силно верува во новите технологии и ќе ги прифати најдобрите практики и алатки за да испорача новинарство и медиумски содржини во духот на времето. Затоа бидете со Рацин.мк и на социјалнте мрежи Фејсбук и Инстаграм.

Извор: рацин.мк

Веста за бебето кое се роди под урнатините во Сирија го обиколи светот. Видео снимката од моментот кога спасувачите го пренесуваат штотуку роденото бебе на сигурно ги преплави социјалните мрежи. Станува збор за девојче, кое е пренесено во болница и е здраво.

Порталот Аваз, пишува дека нивната редакција била контактирана од млад брачен пар од Сараево кој сака да го посвои девојчето.

-Ве молиме да ни помогнете, да дојдете до ова дете и да му пружиме бескрајна љубов и утеха. Објавете вест, да се знае дека во Сараево постојат двајца млади луѓе кои немаат свои деца, а кои би сакале да го посвојат ова бебе и да му ја пружат сета љубов на светот, со солзи изјавила младата жена за Аваз.

Мајката на бебето почина, а тоа нема други преживеани членови од семејството.

Се сеќавате ли на Вања Ѓорѓиоски – ученикот во ООУ “Климент Охридски” Прилеп, кој минатата година учествуваше на Светското финале на натпреварот по англиски јазик “Хипо”?

За потсетување, Вања во септември минатата година се натпреваруваше со ученици од целиот свет: Италија, Хрватска, Србија, Романија, Бугарија, Латвија, Тунис, Малезија, Египет, Филипини, Виетнам… и д 28 финалисти во категоријата Хипо 1, го освои ПРВОТО место и доби златен медал.

Неговите другарчиња тогаш му приредија шампионски шпалир во школскиот двор, а ваквиот дочек беше уште поголема мотивација за него.

На литературниот конкурс од baalroom.com. за состав на тема “Божиќна приказна”, Вања Ѓорѓиоски ја освои првата награда, а неговиот соученик Дарио Нанески од VII-1 ја освои втората награда.

Честитки за вредните ученици, и им посакуваме уште поголеми успеси во иднина.

Доскорешниот министер за локална самоуправа и лидер на ЛДП, Горан Милевски од Битола, се повлече од политиката и веќе се вратил на старото работно место.

Пред активно да се вклучи во политичките води, Милевски бил професор во средното економско училиште во Битола “Јане Сандански”.

Taму работел од 2004 до 2014 година, а дознаваме дека сега одново се вратил на старото работно место и држи настава.

Милевски беше еден од 81 пратеници во 2019 година кои изгласаа промена на Уставот за промена на името на државата, а неодамна се повлече од министерското место и лидерското место во Либерално демократската партија, каде неговото место го зазеде актуелната пратеничка Моника Зајкова.

Стотици битолчани вчера ја поддржаа иницијативата на порталот “Бабам Битола” и сестрите Назар и Налан Салиевски од Будаково, и го преполнија плоштадот “Магнолија” со донации наменети за нacтpaданите семејства од земjoтpecoт во Турција и Сирија.

Храна, хигиенски средства, ќебиња… и се друго што е потребно за погоденото население кое претрпе огромна катacтpoфа.

Уште од 09часот утрото битолчани почнаа да ги оставаат своите донации и покажаа дека се град со огромно срце.

Донации ќе се собираат и денеска од 8-13ч. на пунктовите “Магнолија” и паркинг “Нов Пазар”.

ВИДЕО: “Бабам Битола”

Казината и обложувалниците да бидат оддалечени не помалку од 500 метри од училиштата, се предвидува со измените и дополнувања на Законот за игри на среќа, што вчера ги усвои Владата.

Асоцијацијата на приредувачи на игри на среќа (АПИС) смета дека со предложените измени на Законот за игри на среќа и забавни игри, Владата го отпочна процесот на затворање на игрите на среќа во земјава. Тие предупредуваат дека ќе им се укине работата на 10 илјади луѓе и ќе го осиромаши државниот буџет за 280 милиони евра на годишно ниво. Сето ова во услови на невидена економска криза, најголема после Втората светска војна, велат од АПИС во реакција до медиумите.

„Ниедна европска земја нема ваков закон затоа што тој едноставно не функционира. Ваквите рестриктивни закони докажано носат спротивен ефект – ниту ќе се намали играњето на игрите на среќа ниту ризиците кои ги носат, туку ќе се отвори ново поле на нелегален профит и ризик за играчите“, рече денеска Васко Илиевски од АСОМ.

Како што додаде тој,доколку од Владата итно не ги прими на состанок и на кој било начин се обидуваат да го протуркаат законот, тој нагласи дека ќе преземат радикални чекори.