На 25.03.2023 година во Битола се одржа втората обука во рамките на проектот FAST FORWARD на тема “Генерирање на бизнис идеи” на која 15-тина млади од руралните општини: Новаци, Могила, Кривогаштани, Долнени, Ресен, Кривогаштани, Демир Хисар и Крушево се стекнаа со нови знаења за генерирање, анализа и селекција на претприемнички идеи кои имаат потенцијал да се развијат во бизнис план а потоа и во одржлив бизнис.

За време на обуката, младите претприемачи идентификуваа бизнис идеи кои ќе решаваат конкретни проблеми и се стекнаа со вештини за споделување и соочување на своите бизнис идеи со поширока публика. Како дел од проект кој е поддржан од Амбасадата на САД во Северна Македонија а имплементиран од Здружението на граѓани за унапредување на развојните процеси – Про Локал Битола, за време на настанот, идните претприемачи од регионот стекнаа нови знаења на теми поврзани со развојот на претприемништвото како што се: микро-анализа на бизнис идеја, пичинг на бизнис идеја и се запознаа и со основните критериуми за анализа и селекција на бизнис идеја.

Со цел дополнителна мотивација на учесниците, за време на обуката своја презентација одржаа и оснивачите на стартапот “УЛАФ СТЕ” од Битола кои и покрај тоа што се лица со пречки во слухот и говорот, успешно го водат својот бизнис и тоа во време на здравствени рестрикции, инфлација и општ пад на економијата.

Тимот на “Гастромак” е подготвен за најголемиот гастрономски натпревар на Медитеранот ,,Бисер мора”, кој ќе се одржи на Брач во Супетар, а натпреварот е во организација на “ШКМЕР”!

Нови предизвици и искуства за судиите Бесим Латифи и Асан Даутовиќ, кои со својата професионалност ќе дадат свој допринос во напредокот на идните готвачи.

Подготвени за натпреварот, полни со елан се и учениците од СОУ “Наум Наумовски-Борче” од Крушево: Ирина Цекуроска, Филип Јованоски и Зорица Смилеска, предводени од нивните ментори, Проф. Оливера Карева-Скола и Проф. Љупче Крстевски, кои исто така се организатори на мастер класовите за македонскиот ајвар и крушевската пита.

Рамо до рамо со светските карвинг експерти ќе се натпреварува и нашиот шеф Влатко Алексоски од Прилеп, а во послужувачките вештини ќе се натпреварува и Виктор Радевски од Комплексот Етно село “Тимчевски”.

Тимот е придружуван од претседателката на Гастромак, Г-ѓа. Адријана Алачки, која ќе оствари повеќе средби со претседателите на асоцијациите на готвачи од балканските земји.

Владата денеска на седница треба да донесе одлука за замрзнување на цените на хигиенските производи, а во тек на неделава да одлучува и за цените на дел од овошјето и зеленчукот. Од Владата оценуваат дека нејзините одлуки за цените генерално се почитуваат и најавуваат дека ќе има и други интервенции ако анализите покажат дека е неопходно.

-Нема да чекаме несоодветно работење на одредени комисии во Собранието. Со одлука на Владата ќе ги намалиме цените на лепеза хигиенски прозводи на истиот начин како што го сторивме тоа и кај цените на прехранбените производи, до одреден датум, но датумот до кога ќе трае замрзнувањето ќе се дознае утре, најави вчера министерот за економија Крешник Бектеши.

Министерството за економија ги доби анализите за овошјето и зеленчукот од Министерството за земјоделство и веќе се утврдува кои од нив ќе бидат со намалена цена. Според Бектеши, најверојатно во текот на неделава ќе бидат замрзнати цените на повеќе од пет-шест производи. За таа цел се чекаат и анализите од Царинската управа за увозните цени на трговците за да се види колку е разликата во делот на маржите.

Огромната понуда и намалената потрошувачка во услови на глобална рецесија се закануваат да предизвикаат „земјотрес“ кај земјоделските производи затоа што цените на храната веќе паѓаат, предуп

Претходно со одлука на Владата беа замрзнати и цените на тестенините и млечните производи кои се намалени за 15, односно за 10 проценти, како и на јајцата и оризот, чии цени останаа на нивото од 15-ти овој месец, додека на 33 денари е замрзната цената на белиот и на полубелиот леб од 450 грама.

Премиерот Димитар Ковачевски, кој вчера со Бектеши и со директорт на Државниот пазарен инспекторат Горан Трајковски, беа во посета на маркет во Скопје оцени дека владините одлуки за цените се почитуваат.

-Драго ми е што се уверивме дека нашите одлуки се почитуваат, се надевам така е во сите маркети. Пријатно се изненадив и дека цената на брашното е намалена без државата да донесе одлука. Го поздравуваме ваквиот потег, ги охрабруваме и другите продажни места да го следат овој чекор, рече Ковачевски, порачувајќи дека е време компаниите да им вратат на граѓаните, како што државата им помогна кога им беше најпотребно.

Премиерот најави дека ќе има и други интервенции ако анализите покажат дека е неопходно.

-Нашата посета денеска не е случајна. Водиме практична и инклузивна политика, носиме одлуки што ги засегаат граѓаните, сакаме да го слушнеме нивниот глас. Тука нема да застанеме, ќе продолжиме да го штитиме стандардот на граѓаните, нема да дозволиме лично богатење во време на криза. Ова е време на солидарност, а не време на остварување профити. Време е сите компании да им вратат на граѓаните, им пруживме рака за стабилност, сега бараме тие да пружат рака, само така, со заемна помош, може да ја пребродиме кризата, изјави Ковачевски.

Од октомври до денес, дополни, инфлацијата се намалува на месечно ниво, што значи дека владините мерки даваат резултат.

Само што добивме извештај од Државниот пазарен инспекторат (ДПИ), 7 правни субјекти (само во Скопје) денеска се казнети со по 7000 евра за непочитување во целост на одлуките донесени од Влада

Како што информираше Трајковски, инспекторите на ДПИ констататирале непочитување на замрзнатата цена на лебот од 33 денари, несоодветна грамажа, немање најмалку 80 отсто од производите на рафтовите. Имињата на фирмите кои ги сториле прекршоците ќе бидат соопштени, но откако постапувањата за нив ќе бидат целосно завршени.

ДПИ, посочи, работи со полн капацитет. Претходните пет дена се извршени над 500 надзори, а 130 од нив се по одлуките на Владата. Притоа, констатирани се шест прекршоци во висина од 750 000 денари.

Одлуките на Владата за замрзнувањето на цените вчера ги коментираа и од Сојузот на стопански комори, чиј претседател Трајан Ангелоски посочи дека секое замрзнување на цените има позитивни и негативни консеквенци, како и дека ССК преферира слободен пазар.

– Ако Владата смета дека треба да воведе ваква мерка, најубаво е и да објасни каква и е идејата и што сака да постигне, рече Ангелоски.

Од Стопанската комора на Северна Македонија и од Комората на северозападна Македонија, претходно порачаа да се престане со одлуките за замрзнување на цените и да се пристапи кон други мерки за помош на граѓаните.

Изминатиот викенд (25-26 март), се одржа најпрестижниот турнир во пинг понг во Македонија, Државното првенство за сениори и сениорки во категорија поединечно, двојки и мешани двојки.

Првенството се одржа во СЦ “Борис Трајковски”, a учество зедоа околу 80 натпреварувачи од клубови од целата држава, меѓу нив и ППК Младост96 oд Прилеп.

Поранешниот играч на Младост96 Кристијан Станојковски, кој сега игра за ППК Крива Паланка, по 12-ти пат стана Државен првак на Македонија. Тој во финалето го победи играчот на Младост Ѓоко Јочкоски со резултат 4-1.

Играчот на Младост96 Петар Костовски, го освои третото место. Тој загуби во полуфиналето токму од Станојковски со 4-1 во сетови.

Во женска конкуренција Софија Хасану го загуби финалето од Амелија Николов Уце со резултат 4-0.

Во игра на двојки Стомнароски-Калески го освоија сребрениот медал, односно во финалето загубија од парот Богатинов-Л.Стојчев, со резултат 3-1.

Во женски парови Хасану-Маркоска – вицешампиони, додека Васе Богoеска и Ризоска го освоија третото место.

На 20.03 во 20 часот на местото викано Илинец во атарот на село Борино, општина Крушево, во заедничка акција на Шумската полициja и МВР, се затекнати двe лица кои со два трактори пренесуваат букови огревни дрва без соодветна документација.

При акциjaта, едно од осомничените лица го нападнал припадникот на МВР, кој се здобил со тешки телecни повpeди и е пренесен во прилепската болница “Борка Талески”.

Одземен е едниот трактор и бeсправно иceчените огревни дрва, додека прекршителот со другиот трактор се дал во бегство.

Според информацијата која ја добивме, се работи за лица кои се чести прекршители и трговци со огревни дрва.

Екипата на РК Прилеп утре (29.03.2023), во рамки на шестото коло од плеј-аут сегментот во Супер лигата го дочекува Куманово.

Натпреварот е со почеток од 20 часот во салата на СОУ “Ристе Ристески-Ричко”, а прилепчани бараат поддршка од сите љубители на спортот.

Во досегашниот тек на плеј-аут доигрувањето, Прилеп има три победи и два порази, и со 11 бода е на третото место зад Голден Арт со 12 и Куманово со 16.

Да ги поддржиме момците предводени од Реваз Чантурија за да стигнат до нови бодови.

Дали вработени лекари во Клиничката болница Битола по “договор” различно се платени поради партиски книшки, ова денеска преку видео изјава го прашуваат од ВМРО-ДПМНЕ ОК Битола.

„Денешната реакција е по Ваше барање и инсистирање, почитувани граѓани и е адресирана до директорот на битолската Клиничка болница Александар Обедниковски.

Секако, најдиректниот повод е и големата трагедија што се случи и во оваа прилика изразуваме длабоко и искрено сочуство до родителите и семејството.

И тој, како носител на јавна функција во витална институција треба јасно и гласно да одговори колку кратно го зголемил долгот од 22 милиони? Граѓаните ги интересира, исто така, колку народни пари тежи неговиот потпис – во категоријата РЕПРЕЗЕНТАЦИЈА?

Дали е вистина дека во моментов во Клиничка болница Битола работат 20 вработени, без надомест, без осигурување и без санитарни книшки? Дали тоа е не е кршење на работничките и човековите права, а уште пострашно, работењето без санитарни книшки е директна закана за пациентите. Граѓаните ги интересира, меѓу другото, според кои критериуми, ако на сите лекари им се исплаќа по договор на дело 34 000 денари, сестрата на сопругата на советникот Борче Корлевски зема 50 000 денари?

Болницата се распаѓа, а Обедниковски, како неговата претходничка е носител на хаосот, трошењето и импровизацијата во менаџирањето со Болницата. Во меѓувреме, во целиот овој хаос, додека им доцнеше платата на здравствените работници, директорот Александар Обедниковски се прошетал и до Америка.

Пораката од граѓаните е иста како до неговиот партиски локален шеф, Крајовски. Таа гласи: оди си, доста е! А, институциите и за овој случај јавно ги повикуваме, да реагираат по допрен глас и конечно да почнат сериозно да си ја работат својата работа!

Одговорност мора да има, веќе цената од импровизациите е немерлива, велат од ОК на ВМРО-ДПМНЕ Битола.

„Аудиција“ од Александар Галин е новата претстава што ја подготвува театарот „Војдан Чернодрински“, а ја режира Владимир Милчин. Ќе биде горчлива комедија, современа, денешна.

Изјава на режисертот Владимир Милчин:

Тоа е нашата ситуација – сегашна. Луѓето на било кој начин се обидуваат да избегаат од земјата, за да на некој начин најдат подобри можности за опстанок. При тоа, тоа е некоја очајна ситуација, во која човек тешко може да го брани достоинството и мора да прифати неприфатливи работи. Затоа велам дека е горчлива комедија. Мислам дека е многу актуелна денес тука за кај нас. Ако режисерот не сработи со актерите претставата нема да биде добра. Претставата ќе биде добра само актерите од срце го играат текстот, односно играјќи ги ликовите ни укажуваат дека некој не продал, дека сме ние само стока. И тоа е страшно ако се има предвид дека младите генерации се жртви на тоа. И младите заминуваат оти не гледаат перспектива. Галин сум го работел со студенти на ФДУ, кога како студент играше прилепскиот актер Владимир Ѓоргијоски, кој денес не е тука. Изгледа тоа што го одигра таму му се случи во животот.

Ќе играат актерите Јасмина Мицовска Станкоска, Ангела Наумоска, Игор Трпчески, Зоран Иваноски, Марија С.Илијески, Наташа Ачански, Александар Тодески, Даниела Иваноска, Илија Волчески, Михајло Миленкоски, Сара Спиркоски.

Изборот на музиката ќе биде на режисерот, за сценографијата е задолжен Крсте Џидров, а за костимите Марија Пупучевска.

Два дена се мислам дали да реагирам ама очигледно ова не смее да се премолчи. Во неделата вечерта, некаде околу 21 часот, мојот малолетен син е нападнат играјќи сам кошарка на кошот во Парк Капиштец од страна на 4 малолетни лица на возраст од 12 до 16 години, открива македонскиот музичар Петар Младеновски, познат како Пеце од групата Суперхикс.

Неговиот Фејсбук статус во кој открива детали за инцидентот, го пренесуваме во продолжение:

Прописно е исшамаран и исклоцан без никаква причина (оние кои не знаат од соседстото знаат многу добро колку мирно и повлечено дете е мојот син) а се обиделе и да му го украдат баскетот. Добивме повик од него дека е нападнат и веднаш се упатив кон местото на случката, но таму јас не успеав да ги затекнам. Трчајќи во правец на катната гаража кај Беверли Хилс истите беа препознаени од син ми и успеав некако да фатам и задржам еден од нив по што мирно и спокојно дојдоа и останатите по што повикавме полиција. Немаа никаков проблем да останат и да не избегаат(хм…).

Морам да признаам дека полицијата (станица Беко, 2-ца од интервентна и подоцна 3-ца во униформа) бргу реагираа и се појавија на местото каде бевме. Е тука следува изненадувањето!

Од полицајците добивмо инфо дека ова се веќе познати малолетни деликвенти и сторители на десетици дела..но, дека истите се штитеници од Домот за деца ( од она што подоцна го дознав, деца со девијантно и проблематично однесување) за кој искрен да бидам прв пат слушам иако живеам на неполни 700м од куќата, “25 Мај“ кој се наоѓа на улицата Елисие Поповски во близина на Водњанска и дека истите никако не можат кривично да одговараат за сторените дела ниту да бидат некако приведени.

Имено, истите се дел од некаков, ајде да го наречам “дом-куќа-семејство“ и живеат 6-мина во објектот (од вработените дознавам дека се сите проблематични и дела се вршат катадневно на територијата на Општина Центар и пошироко) и се по мој впечаток буквално ОСТАВЕНИ САМИ НА СЕБЕ и се движат каде сакаат и прават што сакаат. Исто така дознавам дека имаат и официјално назначени старатели ама истите се во Штип, Битола итн итн..и не знам на кој начин и по што се овие лица старатели на овие деца. Едноставно ништо не разбирам и ова е несфатливо.

Мојот син има последици од настанот и трауми кои ќе ги влече подолго време. Но ние ќе продолжиме со пријава на делото во полиција и со прибирање на сите извештаи од лекари, психијатри итн (иако е веќе дадена и изјавата ама реакција нема никаква за жал, барем за сега..) и со преземање на сите можни дејствија за расчистување на случајот и некаква реакција овие малолетнички банди кои очигледно оперираат подолго време низ Центар да се стават под некаква контрола бидејќи ова ќе им се случува и на останатите од соседтсвото и нема тука да запре. Едноствано овие деца ама НИКОЈ НЕ ГИ КОНТРОЛИРА. Не знам каков живот ги чека искрено, ама ова не е во ред и е тажно и за нив.

Исконтактирана е директорката на Домот, добив повик и од кабинетот на министерката Јована Тренчевска која верувам и лично ќе се заинтересира за случајов и оваа не баш пријатна состојба и самата ќе се запознае со случајот и реагира. Би сакал со случајот да бидат запознаени (бидејќи ова веќе станува опасно, Капиштец станува Бронкс а важеше за една од најмирните населби некогаш) Општина Центар и Горан Герасимовски.

Очекуваме помош и од полицијата и од сите кои се надлежни да постапат по ова.

Не се чувствуваме безбедни во сопствената населба и Паркот Капиштец. Ова не е прв инцидент. Се намножија низ годините. Реакцијата е млака или ја нема воопшто.

Драги соседи бидете внимателни и чувајте ги вашите деца и себе!

Утре во Битола ќе се одржи протест под мотото „Сите сме Јана“ за прераната смрт на шестгодишното девојче Јана Христовска од битолско Кравари кое минатата недела почина во битолската Клиничка болница по примена инфузија.

Протестот е закажан за 19 часот на плоштадот „Магнолија“, а организатори се семејството, роднините и пријателите на Христовски.

Додека се чека извештајот од обдукцијата која треба да ги даде точните одговори како и поради што настапила смртта кај Јана, роднините на семејството Христовски имаат една цел – да го насочат вниманието за состојбите во македонското здравство.