Осум нови современи инфузиони пумпи се обезбедени за одделенијата за детски болести, анестезиологија и гинекологија со акушерство, со цел унапредување на квалитетот и безбедноста на здравствената грижа за пациентите.
Опремата е донација од хуманитарната организација Project HOPE, обезбедена благодарение на заложбите и ангажманот на директорот д-р Кире Јоноски и д-р Габриела Тавчиоска.
Новите инфузиони пумпи овозможуваат попрецизно и контролирано дозирање на терапијата, што е особено важно при третманот на најмладите и најранливите пациенти.
Како дел од донацијата, стручниот тим на Project HOPE спровел и сеопфатна обука за медицинскиот персонал, со цел правилно и безбедно користење на новата медицинска опрема и обезбедување максимална ефикасност при третманите.
Од здравствената установа упатија благодарност до Project HOPE за хуманоста, поддршката и придонесот во подобрувањето на условите за работа на медицинскиот персонал и унапредувањето на здравствената заштита.
Набавката на современа медицинска опрема претставува значаен чекор кон побезбедно лекување и поквалитетна грижа за пациентите, особено за оние на кои им е потребна најголема внимателност и посебен медицински третман.
Три музички доживувања, три различни енергии, едно место каде што добрата атмосфера е секогаш дел од планот!
Името се гради со стил, атмосфера и програма поради која секој викенд е приказна за себе, а кога станува збор за добри музички вечери, AVRA знае како се прави вистински избор.
Еве зошто за престојниот викенд треба да резервирате маса што побрзо:
Петокот (16.10.) oд 16:00 до 20:00 часот – датумот што секогаш нè потсетува на нашиот никогаш непреболен ангел, Тоше Проески, музиката добива поинаква емоција. Неговите песни и денес нè спојуваат, нè враќаат на најубавите спомени и нè потсетуваат дека вистинските легенди никогаш не заминуваат од нас. Затоа во АVRA ве очекува посебен AFTER WORK настан со Lili Acoustic Live – попладне исполнето со музика, емоции и песни што сите ги знаеме наизуст, во чест на Тоше и неговото безвременско музичко наследство.
Петочната вечер продолжува со уште едно музичко изненадување, заедно со ANNA feat. Aleks & Goran.
По емотивното попладне, следува вечер со поинаква енергија, ритам и музика за уживање до доцна!
САБОТА, (17.10.) во АVRA за прв пат доаѓааТ PUBLIC BAND, млад и енергичен состав кој гарантира одлична забава.
AVRA не е само место за излегување, тоа е местото каде што викендот добива свој ритам!
Резервирајте ја вашата маса навреме на: 078 564 477
Д.Н. од Скопје е најновиот среќен ВЛТ добитник. Тој освои Супер милионер вреден 6.367.443 денари.
Најпосакуваната ВЛТ добивка е освоена на видеолотариските терминали кај деловниот соработник Делта Бет Моцарт на 09.10.2026 година во Скопје. Среќната игра е 40 Брнинг хот. Тимот на Видеолотарија Касинос Австрија му честита на добитникот.
Во периодот од 05.10.2026 до 11.10.2026 година, Видеолотарија Касинос Австрија исплати вкупно 14.156.489 денари кон играчите на ВЛТ терминалите низ Македонија, и тоа:
• 4 МИЛИОНЕР џекпот добивки, вкупно исплатени 6.068.309 денари
• МИНИ џекпот добивки, вкупно исплатени 1.720.737 денари
Само за потсетување, Видеолотарија Касинос Австрија во периодот од 1 до 30 септември 2026 година исплати 54.345.757 денари за ВЛТ џекпот добивки.
Видеолотарија Касинос Австрија повеќе од една деценија успешно работи во согласност со важечките законски регулативи и меѓународните стандарди, со посветеност на одговорното приредување игри на среќа.
На денешен ден во 2003-та година, во Скопје починал Ѓорѓи Колозов, еден од најпознатите актери во Македонија.
Дипломирал на тогашната Академија за драмска уметност, на универзитетот „Свети Кирил и Методиј“ во Скопје во 1973 година. По дипломирањето, тој е во постојан работен однос во Македонскиот народен театар.
Неговата популарност била резултат на неговото долгогодишно искуство и мошне популарната македонска ТВ-серија „Македонски народни приказни“ засновани на збирките народни приказни издадени во XIX век од собирачите на македонски народни умотворби како Марко Цепенков, Кузман Шапкарев, Ѓорѓија Пулевски и други.
Овие приказни имаат непроценливо значење за македонската фолклористика, за етнографијата, лингвистиката, националната историја и за правото и моралот на Македонците.
При Драмата на Македонскиот народен театар остварил позначјани улоги во претставите: „Од многу ум“, „Андрокле и лавот“, „Госпоѓа министерка“, „Чорбаџи Теодос“, „Женидба“, „Воена тајна“, „Мрестење на краповите“, „Слободни врски“, „Валпургиска ноќ“, „Рекламна бајка“ и други. Настапил во повеќе играни филмови, меѓу кои: „Македонскиот дел од пеколот“, „Тетовирање„ и други.
-Почитувани, поради дефект на водоводна линија ќе биде во прекин водоснабдувањето на следниве улици: ул.Блаже Иваноски, ул.Тетовска, ул.Слобода, ул. Преспанска, ул.Цане Коњарец, ул.Максим Горки, ул.Јордан Грабулоски, ул.Пенка Котеска и ул.Архимедова. Екипите се на терен и работат на санирање на настанатите дефекти. Замолуваме за разбирање.
Со донации и волонтерска работа, запуштеното игралиште доби нов изглед и подобри услови за игра на најмладите
Една идеја започната на утринско кафе прерасна во конкретна акција за подобрување на условите за игра и спорт на најмладите прилепчани. Здружението „Мој Прилеп“ го уреди игралиштето во подрачното училиште „Блаже Конески“ во Варош, со цел децата да добијат поубав и пофункционален простор за спорт и рекреација.
Како што информираат од здружението преку објава на социјалните мрежи, идејата се родила откако дознале дека во училишниот двор во текот на целиот ден има деца кои играат, поради што одлучиле, со дозвола и соработка со училиштето, да го освежат игралиштето.
Во рамки на акцијата била заменета старата кошаркарска табла со нова, донирана од ООУ „Кире Гаврилоски – Јане“. Обрачот бил обоен, а била освежена и бојата на таблата пред нејзиното монтирање.
Дополнително, биле поставени нови фудбалски голчиња, донација од прилепската компанија „Колукс“, која ги изработила во краток рок. Волонтерите го обоиле теренот, ги поставиле мрежите на головите и ја замениле заштитната мрежа на оградата, со што се спречува топките да излегуваат надвор од игралиштето.
Средствата за набавка на мрежите биле обезбедени со поддршка од партнерите на здружението, „Pure Bite“.
Од „Мој Прилеп“ упатуваат благодарност до сите што придонеле за реализација на проектот, меѓу кои Александар, Душко Мургоски, наставникот по физичко образование Методија, директорките на училиштата, како и општествено одговорните компании „Колукс“ и „Pure Bite“.
Иако станува збор за мал проект, од здружението велат дека резултатот е голем, особено кога се гледа радоста кај децата кои секојдневно го користат игралиштето.
По завршувањето на уредувањето, останува заедничка обврска просторот да се чува и одржува, за да им служи на најмладите и во иднина.
Игралиштето во Варош сега е побезбедно и поуредено место за детска игра, спорт и дружење, со поглед кон Марковите Кули што му дава посебен белег.
Во рамки на празничната програма по повод 11 Октомври – Денот на народното востание, Армијата и денеска продолжи со активностите за одбележување на празникот, организирајќи тактичко-технички збор во Прилеп. На настанот присуствуваа началникот на Генералштабот на Армијата, генерал-мајор Сашко Лафчиски, командантот на Командата за операции, бригаден генерал Мирче Ѓоргоски, командантот на 1. пешадиска бригада и бригаден генерал Дејан Чиплаковски.
Граѓаните имаа можност одблизу да се запознаат со дел од вооружувањето и воената опрема со која располага Армијата. Голем интерес предизвикаа и показните вежби за боречки вештини, кои ги изведоа припадниците на Баталјонот на специјални сили.
Празничната програма започна во пресрет на празникот, кога припадниците на Армијата традиционално реализираа демонстрација на импровизиран напад на „Участокот“.
Организирањето вакви настани по повод државните празници има за цел да ја доближи воената професија до граѓаните, да ја промовира Армијата и нејзините способности, како и дополнително да ја зајакне цивилно-воената соработка.
Со реализираните активности, Армијата уште еднаш оддаде почит на овој значаен историски датум, кој останува траен потсетник дека слободата, мирот и безбедноста се темелни вредности што се чуваат и унапредуваат со единство, одговорност и континуирана посветеност.
Денес по скоро една година откако ја презедов функцијата градоначалник на Општина Гевгелија, целосна почит кон граѓаните кои ми ја дадоа довербата, а водејќи се од принципот на отчетност и одговорност сакам да направам осврт на сработеното, предизвиците и активностите кои придонесоа во 2026 година Гевгелија да продолжи да се развива како урбана и модерна заедница за сите, вели Андон Сарамандов, градоначалник на Општина Гевгелија.
-Изминатиот период, поучени од предизвиците од минатото успеавме да се справиме со истите и да реализираме голем број на проекти и активности. Работевме на реализација на ветеното, но истовремено ги решававме и барањата на граѓаните. Продолживме посветено да работиме за економски развој и овозможување подобра клима за инвеститорите, подобрување на патната инфраструктура, инвестиции во комуналната инфраструктура, унапредување на животната средина, уредување на јавните простори, изградба на паркови и содржини за најмалите, вложување во образованието, подобрување на условите за социјалната заштита, а истовремено Гевгелија го продолжи патот кон урбана заедница со развој на културата, туризмот и спортот, вели Сарамандов.
Градоначалникот вели дека е задоволен од постигнатото, а истовремено тоа му дава уште поголем мотив и обврска да продолжи со уште поголема посветеност.
-Во делот на капиталните објекти и подобрување на патната инфраструктура, реализиравме повеќе проекти во Гевгелија и населените места: Изградба на нова детска градинка и ставање во употреба на новиот современ објект на детската градинка „Сончогледи“ со капацитет за нови 140 деца, реконструкција со реставрација на фасадите и партерот на Старата Чаршија во Гевгелија, проект со огромен и долгогодишен бенефит за градот и нова туристичка атракција, во тек е и реконструкцијата на улицата „Маршал Тито“ од градската библиотека до Железничката станица, улица која ќе го задржи автентичниот лик со калдрмата. Извршена е и целосна реконструкција на спортската сала ДТВ „Партизан“, а деновиве заврши и нејзиното опремување со реквизити за спорт и истата наскоро ќе биде пуштена во употреба, во завршна фаза е и реконструкција на старата училишна зграда во населено место Серменин која ќе биде адаптирана во нов туристички информативен центар за одржување на настани, а во проектот е опфатено и изградба на велосипедска патека во должина од 1.005 метри до манастирот Св.Илија. Во завршна фаза е и реконструкција на конференциската сала во Пионерскиот дом со најсовремени услови Завршена е изградба и асфалтирање на новата сообраќајна врска улица „Новопланирана 7“, која ги поврзува улиците „Гоце Делчев“ и „7 Ноември“. Изградба и асфалтирање имаме на влезната улица „Новопланирана сервисна 2“ во Урбан Блок 5 – Касарна, целосно е реконструирана со асфалтирање влезната улица „Атанас Ѓуров“ во Прдејци, во должина од 500 метри, рче тој.
Сарамандов потсети дека извршена е реконструкција со асфалтирање улицата „Иван Марков Братот“ во населеното место Богородица, во должина од 800 метри, асфалтирана е и улицата „Александар Македонски“ во Давидово, во должина од 500 метри, а целосна реконструкција со асфалтирање направена е и на влезната улица во Моин, во должина од 550 метри.
-Целосно реконструирана е улицата „Петар Мусев“ во Гевгелија со површина од 2.500 м² и овде имаме и нова пешачка патека, реконструкција со асфалтирање имаме и на улицата „Караорман“, а целосна реконструкција со асфалтирање имаме и на улицата „Ванчо Прке“ во Гевгелија, по изградбата на новата фекална канализација извршивме асфалтирање и на дел од улиците во населеното место Милетково. Со големи вложувања продолживме и во делот на обезбедување на нова комунална инфраструктура, решавање на долгогодишни проблеми и изградба на нови подземни мрежи таму каде што има потреба. Во градот Гевгелија реализиран е проектот за нова подземна инфраструктура во урбан блок 4.4. Станува збор за еден од најзначајните инфраструктурни зафати во овој дел од градот, со кој се создаваат услови за поквалитетно и современо урбано живеење. Преку истиот изминатиот период изградена е нова: водоводна мрежа, фекална канализација и атмосферска канализација на улиците:„Кожуф“, „Ристо Јанев“, „Караорман“, „Леонид Јанков“, „Миле Пецанов“ и „Панче Пешев“. Веќе започнавме и со градежни активности за припрема и целосно асфалтирање на улиците во овој блок. На улицата „Гоце Делчев“ во Гевгелија , „Новопланирана 7“ решивме долгогодишен проблем со изградба на атмосферска канализација, нова атмосферска канализација е изградена на улицата „Кукушка“ во должина од 646 метри. Граѓаните на Милетково конечно добија решение за нивното приоритетно барање, изградена е фекалната канализација во должина од 1.344 метри, на улицата „Александар Бел“ во населеното место Мрзенци после пробивањето продолживме со изградба на нова водоводна линија, како и нова фекална канализација во должина од 800 метри и овие два проекти се завршени. Нова атмосферска канализација исто така е изградена на улиците „Леонид Јанков“ и „Миле Пецанов“ во Гевгелија во должина од 400 метри, на улицата „Ванчо Прке“ изградена е атмосферска канализација во должина од 400 метри, со атмосферска канализација опфатена е и улицата „Петар Мусев“; а во Негорци го решивме проблемот со атмосферските води долж главната улица која води кон Прдејци. Изградба на потпорен ѕид имаме имаме во Давидово покрај реката, како барање на граѓаните и како предуслов за уредување и изградба на нова улица, а паралелно продолжуваме со изградба на комунална инфраструктура во новите станбени делови, кои во моментот забрзано се развиваат и градат, рече тој.
Градоначалникот потоа посочи дека изграден е нов урбан парк на булевар „Гевгелија“ на улицата „Деко Ковачев“, на површина од 3.150 м² и има и ново детско катче за најмалите, започнува со уредување на нова зелена инфраструктура кај Сува Река на површина од 25.000 м², ова е проект со кој градот ја добива најголемата зелена површина.
-Извршивме уредување на зелената површина и поставување на урбана опрема на просторот пред Македонски пошти на улицата „Маршал Тито“, изградено е и ново детско катче во урбан блок 5 „Касарна“, извршивме партерно уредување на просторот пред детската градинка „Сончогледи“ со што обезбедивме и нови паркинг места. Населеното место Миравци доби нов модерен урбан парк со урбана опрема и модерно осветлување на површина од 2.500 м², а од неодамна на ова место имаме и ново детско катче на површина од 200м2. Во населеното место Негорци изградивме нова пешачка патека во должина од 550 метри покрај главната улица која води кон Прдејци. Во завршна реализација во Негорци е нов урбан парк со ново детско катче во со површина од 2.000 м²; Реализација на еколошката акција годинава имавме „Да пуштиме корени во Гевгелија“ и засадени се 14.000 нови чемпреси. За унапредување на животната средина поставени се за прв пат 10 контејнери во градот за текстилен отпад. А во Гевгелија, Миравци и Негорци поставени се и специјализирани контејнери за собирање на електричен отпад. Во делот на образованието и детската заштита продолживме со инвестиции за создавање подобри услови за најмладите. И направени се неколкукратни вложувања и во детските градинки, и во основните училишта: Од оваа година сите ученици во основните училишта добиваат бесплатни униформи. Во Основното училиште „Климент Охридски“ во Миравци имаме нови клима-уреди, принтери и уредување на подот во дел од училниците; Во Основното училиште „Ристо Шуклев“ во Негорци, поставена е подна подлога во две училници, 6 клима-уреди и 6 паметни табли. Во Основното училиште „Крсте Мисирков“ во Гевгелија, поставени се 23 нови инвертер клима-уреди, 6 паметни табли и молерисување на целата училишна зграда, овде во Крсте Мисирков извршена е целосна реконструкција на соблекувалните и тоалетите во спортската сала. Во Основното училиште „Владо Кантарџиев“, направено е целосно опремување на кабинетот по информатика со нова опрема и поставени се принтери во секоја училница. Овде во ова основно училиште опремена е нова сензорна соба со сите потребни помагала за децата со попреченост. Во сите основни училишта во општина Гевгелија поставени се прочистувачи на воздух со цел подобрување на квалитетот на образовните услови за децата. За унапредување на услугите кај социјалната заштита и грижата за повозрасните граѓани, отворивме нови можности за активен и квалитетен живот: Отворен е Дневен центар за стари лица со активно стареење во Гевгелија. Центарот е наменет за лица над 65 години, со капацитет за 50 корисници. Обезбедени се и социјални, културни, едукативни, креативни, рекреативни и здравствено – превентивни активности.
Во културата и туризмот, продолживме да го градиме препознатливиот лик на Гевгелија и да создаваме содржини кои го збогатуваат животот во општината и ја промовираат како туристичка дестинација. Во делот на спортот и создавањето подобри услови за спортување, особено за младите, како локална самоуправа во континуитет ги поддржуваме спортските активности, спортисти и ентузијасти кои придонесуваат за анимирање што поголем број млади во нашата општина да бидат активни во делот на спортот.
Она на што ставивме посебен акцент изминатите години, паралелно со реализацијата на огромен број на проекти, беше создавање услови за економски развој и привлекување на нови инвестиции.Продолживме со активности кои ја зајакнуваат позицијата на Гевгелија како туристички, т рговски и услужен центар на мапата во регионот. Како резултат на тоа имаме одлични резултати и оваа година реализирани се две големи инвестиции во нашата општина, Гевгелија доби Mega Shopping Park, трговски центар на влезот во градот на површина од 20.000 м², а отворен е трговскиот центар Gevgelija Mall, Vero Jumbo, покрај автопатот Е75 кај граничниот премин Богородица.
Овие две инвестиции носат нови содржини, над 400 работни места и дополнителна понуда за граѓаните, а истовремено придонесуваат биде уште попривлечна Гевгелија за посетители и нови инвеститори.
Почитувани, сакам да им се заблагодарам на сите кои секојдневно придонесуваат Гевгелија да се развива, да биде поуредна, модерна и подобра за живеење, на вработените во Општина Гевгелија, на јавните претпријатија и установи, на советниците, на сите институции, компании и организации, но пред се на граѓаните кои со своите предлози и барања секојдневно ни даваат поддршка. Ова беа проектите и активностите со кои во изминатиот период продолживме да работиме на развојот на Гевгелија и на подобрување на условите за живот во сите делови од нашата општина, рече Сарамандов.
Македонија почнува да гради нов автопат од Букојчани до Кичево, шести проект што го започнува оваа Влада. Поврзувањето од Кичево до Букојчани со автопатско решение ќе даде целосна смисла на Коридорот 8, што ќе значи целосна доизградба на коридорот и целосно автопатско поврзување на Скопје и Охрид, истакна на денешното поставување камен темелник на новиот автопат, заменик-претседателот на Владата и министер за транспорт, Александар Николоски.
-Овие 12 километри се исклучително важни и треба да дадат смисла и целина на целокупното автопатско поврзување, не само од Скопје до Охрид, туку и на целиот Коридор 8. Со ова автопатско поврзување, целиот коридор добива смисла, рече Николоски.
Тој нагласи дека градежните активности започнуваат токму на локацијата каде што завршува автопатот Охрид – Кичево, од каде трасата ќе продолжи кон Букојчани. Истовремено, на делницата од Букојчани до Гостивар веќе интензивно се работи на изградба на автопатско решение.
“Се работи за терен кој што е планински, кој што е исклучително тежок, терен кој што бара многу знаење, многу искуство и сметам дека изведувачите кои што се избрани, заедно со надзорот и со техничката поддршка, ќе можат да завршат одлична работа и сум убеден дека во предвидениот рок од 4 години проектот ќе биде завршен”, посочи вицепремиерот Николоски.
Проектот, предвидува изградба на современ автопат со две возни ленти во секоја насока, со ширина од по 3,5 метри, како и помошни ленти од по 2,75 метри од двете страни. Проектираната брзина ќе изнесува од 110 до 130 километри на час.
“Станува збор за една исклучително тешка задача којашто ќе ја имаат изведувачите, коишто ќе добијат целосна поддршка од Владата, од Министерството за транспорт од ЈП за државни патишта”, потенцираше заменик претседателот на Владата, Александар Николоски.
Тој се заблагодари на премиерот и посочи дека почетокот на изградбата е дел од развојната визија поставена во 2024 година, со која државата треба да се позиционира како значајна крстосница на двата паневропски коридори – Коридорот 8 и Коридорот 10.
-Сакам да се заблагодарам на премиерот, затоа што овие работи не се случајни, ова е дел од визијата која што беше поставена во 2024год. кога оваа Влада беше формирана. Ние решивме државата да ја развиваме како раскрсница помеѓу двата пан европски коридори – Коридорот 8 и Коридорот 10. Македонија нема излез на море, но има уникатна географска местоположба, која што со силни инвестиции во автопатите и железниците, треба да значи економски напредок за бројни генедариции коишто доаѓаат после нас, го заврши своето излагање министерот за транспорт, Александар Николоски.
Изградбата на делницата Букојчани – Кичево претставува значаен инфраструктурен чекор кон подобра поврзаност, побрз и побезбеден транспорт и зајакнување на стратешката улога на Македонија во регионалните транспортни коридори.
-На 10.10.2026 во 19:10 часот полициски службеници од ОВР Прилеп, на патот Прилеп-с.Селце,прилепско лишија од слобода двајца малолетници на возраст од 16 и 17 години затоа што при преглед кај истите била пронајдена марихуана. По документирање на настанот ќе следува соодветен поднесок, информираат од МВР.
