Тројца малолетници и 19 годишник попладнево биле приведени во Мала Речица откако претходно со украдено возило не запреле на полициските наредби, по што оштетиле две полициски возила и повредиле тројца полицајци. Четворицата млади луѓе на крај во Мала Речица удриле со нивното возило во бандера.

-Полициски службеници на СВР Тетово денеска околу 16 часот и 20 минути во близина на угостителски објект во тетовска Мала Речица ги лишиле од слобода Ј.Ј.(19) од Тетово и тројца малолетници од Тетово и селата Ларце и Непроштено. Лишените лица десетина минути пред тоа биле забележани на локалниот пат Палчиште-Камењане како се движат со противправно одземеното возило „пежо“ со скопски регистарски ознаки, сопственост на државна институција, а пријавено вчера. Тие во два наврати се оглушиле на наредбите на полициските службеници да застанат и притоа оштетиле две полициски возила и повредиле тројца полициски службеници на СВР Тетово, по што удриле во дрвена бандера, информира Марјан Јосифоски, портпарол на СВР Тетово.

Четворицата се задржани во Полициската станица Тетово за расчистување и документирање на случајот, додека полициските службеници на СВР Тетово пренесени се во тетовската Клиничка болница за укажување на лекарска помош.

126 мостри на црвени, бели и розе вина и ракии беа доставени по јавниот повик од страна на општина Неготино за учество во натпреварот за избор на најдобри вина од реколтата 2022 година и ракии од индивидуални производители од цела Македонија.

Со дегустацијата на мострите на 10.02. и официјално започнаа активностите од „Неделата на виното“ која општина Неготино ја организира по повод верскиот празник Свети Трифун-заштитникот на лозарите и винарите.

Оценувањето на 28 мостри црвени вина, 36 бели, 14 вина розе и 48 мостри на ракии го изврши 5-члена комисија составена од енолози од Здружението на енолози на Македонија, при што ракијата на прилепската винарија “Сарика” со 90 освоени бода го освои првото место, а во конкуренција на розе вина прилепчани освоија второ место.

Милијардерот Илон Маск го претстави „новиот извршен директор“ на Твитер, истакнувајќи дека „тој“ е „многу подобар од оној другиот човек“.

А, тоа не е никој друг, туку неговиот миленик Флоки, куче од расата Шиба Ину. Во низа Твитер-објави, претприемачот сподели фотографии од Флоки седнат на маса во седиштето на Твитер, во маица со натпис „CEO“ (извршен директор).

The new CEO of Twitter is amazing pic.twitter.com/yBqWFUDIQH

— Elon Musk (@elonmusk) February 15, 2023

„Новиот извршен директор на Твитер е неверојатен“, „Одличен е со бројки“, напиша Маск на Твитер.

He’s great with numbers! pic.twitter.com/auv5M1stUS

— Elon Musk (@elonmusk) February 15, 2023

Шегите, се чини, се на сметка на Параг Агравал, поранешниот извршен директор на гигантот меѓу социјалните мрежи. Маск во октомври го отпушти Агравал заедно со тројца други високопоставени лица во тогашното раководство.

And has ?? style pic.twitter.com/9rcEtu9w1Z

— Elon Musk (@elonmusk) February 15, 2023

На 13.02.2023, во ОВР Прилеп, М.Н. (61) од Прилеп пријавил дка во продажен објект на ул. “Браќа Ламески” бил физички нападнат од две лица.

Се работи на расчистување на случајот – информираат од ОВР Прилеп.

Потпретседателот и пратеник на Демократската унија за интеграција, Изет Меџити е скептичен околу обезбедувањето на потребните гласови за гласање на реконструкцијата на Владата. Тој рече дека додека Владата обезбедува осум пратеници од Алијансата за Албанците, од парламентарното мнозинство излегуваат повеќе од осум пратеници.

СО ИЗЈАВАТА НА ПРЕМИЕРОТ ДЕКА ИМААТ 64 ПРАТЕНИЦИ, КОГА ВЕЛИ ТОЈ, МИСЛАМ ДЕКА Е ДА СЕ ОДРЖИ СМИРЕНОСТА ВНАТРЕ ВО СТРУКТУРАТА, ВНАТРЕ ВО МНОЗИНСТВОТО И ОВА ГОВОРИ ДЕКА НЕМААТ НИТУ 64. ФАКТИЧКИ СЕ ПОТВРДУВА ТОА ШТО СУМ ГО КАЖАЛ ВО КОНТИНУИТЕТ ДЕКА СИГУРНО ОВА ГОВОРИ ДЕКА Е ПОЛИТИЧКА АКРОБАЦИЈА КОЈА НЕМА ВРСКА СО ОБЕДИНУВАЊЕ ЗА ЕВРОПА, НИТУ ЗГОЛЕМУВАЊЕ НА МНОЗИНСТВОТО ИЛИ СТАБИЛИЗИРАЊЕ НА МНОЗИНСТВОТО, БИДЕЈЌИ ГЛЕДАМЕ ДЕКА ОСУМ ПРАТЕНИЦИ МОЖАТ ДА ВЛЕЗАТ, НО ВЕЌЕ ОСУМ ИЗЛЕГУВААТ. ИМА НАЈАВИ ЗА ПОВЕЌЕ ЗАМИНУВАЊА ОД ВЛАДИНОТО МНОЗИНСТВО – РЕЧЕ МЕЏИТИ ВО ИЗЈАВА ЗА ТВ21.

Меџити потенцира дека со реконструкцијата на Владата, ДУИ има изгубено 20 проценти од моќта. Посочува дека ДУИ направила промени во извршната власт, прекршувајќи го статутот на партијата.

БЕЗ ДА ОДЛУЧИ МНОЗИНСТВОТО, БЕЗ ДА СЕ ЗЕМЕ МИСЛЕЊЕТО ОД ГЕНЕРАЛНИОТ СОВЕТ, СЕ ОТСТРАНУВА ЕДЕН ОД ОНИЕ МЛАДИ КОИ РЕКОА ДЕКА ЌЕ ЗАСТАНЕМЕ ЗАД НЕГО, ОДНОСНО ГОСПОДИНОТ НАСЕР НУРЕДИНИ, МИНИСТЕР ЗА ЕКОЛОГИЈА, КОЈА И СЕ ДАВА НА АЛИЈАНСАТА ЗА АЛБАНЦИТЕ, БИДЕЈЌИ ТОЈ Е НАДОМЕСТ ЗА МИНИСТЕРСТВОТО ЗА ПРАВДА. БЕЗ ДА СЕ ПРАША НЕКОЈ, СО ГОЛЕМА ЛЕСНОТИЈА НА АЛИЈАНСАТА ЗА АЛБАНЦИТЕ И СЕ ДАВА РЕСОРОТ НА ПОРАНЕШНИОТ ПРЕТСЕДАТЕЛ НА ОГРАНОКОТ НА ПАРТИЈАТА, ОДНОСНО ЗАМЕНИК-МИНИСТЕРОТ ЗА ОДБРАНА БАШКИМ ХАСАНИ. ДУИ Е ВЕЌЕ МИНУС 20 ПРОЦЕНТИ ОД МОЌТА ШТО ЈА ИМАШЕ, КРШЕЈЌИ ГО СТАТУТОТ И БЕЗ БЕНЕФИТ. ВЕЌЕ СЕ ИЗЈАСНУВААТ ДЕКА ИМААТ 64 ПРАТЕНИЦИ, НО ЌЕ ВИДИМЕ КАКО ЌЕ БИДЕ ДО КРАЈ – РЕЧЕ МЕЏИТИ.

Во Собранието веќе два дена пратениците расправаат за реконструкција на Владата, со која во владината коалиција влегува Алијансата за Албанците, која има осум пратеници, а излегуваат Алтернатива и Демократскиот сојуз. Пред пратениците се разрешувањата на тројцата министри од редовите на Алтернатива, Беким Сали за здравство, Адмирим Алити за информатичко општество и администрација и Џемаил Чупи, министер без ресор задолжен за дијаспора.

За нови министри, премиерот Димитар Ковачевски ги предложи Кренар Лога за правда, Фатмир Меџити за здравство, Азир Алиу за информатичко општество и администрација, тројцата од редовите на Алијансата за Албанците, како и Каја Шукова од СДСМ за животна средина и просторно планирање.

Мајстори во занаетот, ама и големи хуманисти!

-Петок 17.02 и Сабота 18.02 од целокупната продажба што ќе се оствари во Слаткарница Дизниленд Трејд ќе одделиме 20% и ќе донираме средства за Турција и Сирија. Мал дел од нас и вас, заедно сите да помогниме – напишаа од познатите прилепски слаткари на Фејсбук.

– Покажете што сработивте во изминатата година, упати порака пратеникот на СДМС Дарко Каевски во текот на седницата во Собранието за реконструкција на Владата на Македонија до ВМРО-ДПМНЕ.

„Ќе си пукнете од мака од успесите на оваа Влада. Зошто вие не излезете со документи да докажете што сработивте. Чесно е. Една година локална власт, не направивте ништо. Ветувавте се и сешто. Добро е дебатата да ја водиме низ бројки. Оваа Влада е силно посветена на кризата, во комуникација со граѓаните, коморите, економијата. Кога напаѓате, да говориме со бројки и аргументи“, порача Каевски.

На 12.02.2023 во 17.00 часот во СВР Скопје било пријавено дека во угостителски објект на подрачјето на Карпош, по претходно недоразбирање, бил нарушен јавниот ред и мир со физичка пресметка помеѓу Д.С.(21) и М.С.(50), двајцата од Прилеп, од една страна и А.О.(33) од Скопје и уште две лица, од друга страна.

По целосно документирање на случајот ќе следи соодветен поднесок – информираат од МВР.

Во организација на Општина Прилеп и Прилепската чаршија, се подготвува првиот и најголем, „OUTLET Weekend“ во Прилеп кој ќе се одржи на 17ти и 18ти февруари.

Во него се вклучија над 200 трговци кои на своите дуќани ќе имаат налепница со заштитен знак на настанот за купувачите да знаат каде да пазарат. Големиот интерес за купување на купувачите од регионот: Битола, Крушево, Долнени Кривогаштани, Новаци, Могила, Ресен, Кичево, Македонски Брод, Кавадарци и пошироко од Македонија, на првиот „Prilep OUTLET Weekend“ им нуди шопинг забава и евтино купување на брендови. Попусти, велат прилепските трговци, ќе има до 70% на секој чош!

Настанот е замислен како голем „шопинг мол“ во целиот град, а муштериите посетувајќи ги трговските дуќани во Прилеп, да уживаат во шопинг забавата, добрата услуга, љубезноста и гостопримството на прилепската чаршија, надалеку позната по својата ексклузивност, квалитет и трговски шарм.

На „Prilep OUTLET Weekend“, производи ќе има за сите муштерии, а чаршијата под Марковите кули ќе ги отвори вратите за сите купувачи од Регионот и Македонија, од 08:00 до 19:00 часот. Купувањето ќе создаде незаборавно искуство кај сите купувачи, од 7 до 77 години, затоа сите шопинг љубители се добредојдени, а „Prilep OUTLET Weekend“ покрај попустите во трговските дуќани ќе понуди и интересни содржини и пакет-услуги и во кафетериите и кафулињата, кое ќе преставува посебно уживање за сите оние кои на 17ти и 18ти ќе дојдат на шопинг во Прилеп.

„Prilep OUTLET Weekend“ се организира за прв пат, а прилепчани и Општина Прилеп, како организатори на настанот, очекуваат прилепската чаршија да биде посетена од илјадници купувачи кои ќе уживаат во секој шопинг момент.

Градот и прилепската чаршија предвидуваат и други изненадувања за сите посетители и купувачи кои на 17ти и 18ти ќе го посетат Прилеп, а сите случувања од настанот ќе бидат објавувани на специјално креираната фејсбук фан страна https://www.facebook.com/profile.php?id=100089628293137

26-годишна девојка по име Мине Акгул, е спасена денеска откако поминала 201 час под урнатините, јавуваат турските медиуми.

“Веднаш ги алармиравме сите, ангажирани се спасувачките екипи и потрагата. Беше тивко, одевме чекор по чекор. Веднаш ја завиткавме во термо ќебе и сега е во болница”, изјавил еден од учесниците во операцијата, пренесе Телеграф.рс.

Hatay’da depremin 201. saatinde 26 yaşındaki Mine Akgül enkazdan sağ olarak kurtarıldı. pic.twitter.com/qGA4Kq3FT8

— BPT (@bpthaber) February 14, 2023