Министерката за култура е навредена од реакциите на јавноста за проектите од национален интерес, „Парада на Гордоста“ и „Прво па женско“ ќе се одржат со 395 илјади денари. И покрај коментари на културните работници и бурата од реакции во јавноста, не ја поколебаа министерка Бисера Костадиновска Стојчевска да го ревидира или повлече контроверзниот конкурс за доделување на пари за проекти од национален интерес. Токму, спротивното таа излезе да ги правда членовите на комисиите за нивните одлуки. Реакции има многу, како на пример тоа дека книгата за љубовта на „Гоце Делчев„ е одбиена, но меѓу одобрените проекти од национален интерес се наоѓаат Парада на Гордоста и феминистичкиот фестивал „Прво па Женско“, и двата финансирани со 395.000 денари. Таа не знаеше колку пари од колачот се одобрени за многубројните организации и здруженија чија дејност немаат никаква врска со националниот интерес.

„Не во овој момент навистина не знам колку пари се одобрени“, вели министерката за култура Бисера Костадиновска Стојчевска

Во однос на партиските врски и концертот на Цветанка Ласкава таа негира дека имало привилегии при одлучувањето на комисијата. Не е првпат ова име да се поврзува со доделени средства, нејзината снаа демантираше дека зела 330.000 евра кои Фондот за иновации и ги додели за проектот наречен „Декорирај ме“.

„Никакви партиски или било ккави врски ен се земени во предвид при одлучувањето. Мислам дека вчера и ЛАскова имаше изјава по ова прашање“, министерката за култура Бисера Костадиновска Стојчевска

Поради кратење на парите од Министерството за култура згаснува скопскиот џез фестивал „ОФФ ФЕСТ“ и уметничката манифестација Мал Битолски Монмартр. Организаторот на скопскиот фестивал е револтиран од одлуката министерството да им го скрати буџетот на половина за разлика од лани, а детското ликовно студио од Битола за првпат после 55 години постоење нема да ја одржи светската детска ликовна колонија. Министерката ги повикува сите огорчени меѓу кои и организатор на ОФФ ФЕСТ да вложат жалба.

„ДОколку некој олучи да ги врати средствата тоа е нивна лична одлука, секој кој не е задоволен со решението може да вложи жалба во рок од 15 дена, жалбата ќе биде разгледана и ќе биде одлучено“, министерката за култура Бисера Костадиновска Стојчевска.

Оваа година Министерството за култура располага со буџет од 3 милијарди и близу 800 илјади евра за разлика од лани кога изнесувал 3 милијарди е 985 илјади евра, што е видно намален за 20 проценти. Но, за интердисциплинарните проекти оваа година се издвоени 3 милиони денари повеќе за разлика од лани, односно лани биле одвоени близу 19 милиони денари, а оваа година се одвоени 22 милиони денари.

Алфа телевизија

На 14.02.2023 околу 18.45 часот во Прилеп, полициcки cлyжбеници од Полициcката станица Прилеп го лишиле од cлобода Р.М.(63) од Прилеп.

Околу 18.10 часот, по претходна pacпpaвиja со А.М.(28) и Б.М.(38), двајцата од Прилеп, тој од пиштол испyкал во земја и му се заканил на Л.П.(27) од Прилеп, кој се обидел да ги раздели.

Според пpиjaвеното, А.М. и Л.П. ycпеале да му го одземат пиштолот „Застава М-70“ калибap 9 мм. Увид бил извpшен, а пиштолот бил подигнат за понатамошна постапка.

Во полициска станица биле задржани А.М., Б.М. и Л.П. и бил извpшен cлyжбен paзговор со нив.

По целосно документирање на случајот, ќе биде поднесена соодветна пријава – информираат од МВР.

Министерството за внатрешни работи ја известува јавноста дека денеска (15.02.2023) во 18.30 часот завршија сите потребни проверки во врска со денешните пријави од училишта во Скопје и во Прилеп по добиените пораки на електронски адреси со закана за поставена експлозивна направа, и утврдено е дека станува збор за лажни пријави.

Веднаш по добиените пријави, од полициски службеници се преземени мерки за безбедно евакуирање на објектите, а потоа се извршени и детални проверки од тимови за антитерористички проверки и утврдено е дека станува збор за лажни пријави.

Соопштение од општина Прилеп:

-Попледнево дојави за бомби имаше во 5 основни училишта во Општина Прилеп и тоа: ООУ ,,Кире Гаврилоски – Јане”, ООУ ,,Добре Јованоски”, ООУ ,,Блаже Конески”, ООУ ,,Гоце Делчев” и ООУ ,,Страшо Пинџур”.

Веднаш по добиените информации за поставени бомби во овие основни училишта, сите вклучени фактори, учениците, наставниот кадар и другите вработени во училиштата брзо реагираа и беа преземени сите потребни мерки за безбедна евакуација на учениците и на сите присутни во училиштата.

Исто така беше известена полицијата, ТППЕ Прилеп, Дирекцијата за заштита и спасување и Центарот за управување со кризи.

Согласно претходно остварените координации и вежби, за среќа се помина во најдобар ред и без никакви несакани последици.

Безбедноста на нашите сограѓани е на прво место, остануваме во контакт и во координација со сите надлежни институции се до целосно расчистување за веродостојноста на дојавите.

Повикуваме на смиреност и почитување на пропишаните прописи – стои во соопштението од Општина Прилеп.

Театарот „Војдан Чернодрински“ на 18 февруари 2023 / сабота / одбележува 73 години од формирањето. Годишнината ќе биде одбележана со изведбата на претставата „Декамерон “ според Бокачо, во режија на Мартин Кочовски со почеток од 19.30 часот.

Драматизацијата е на Лидија Митоска-Ѓорѓиевска, сценографијата е од Филип Јовановски, костимографијата на Јулијана Војкова-Најман, за музиката е задолжен оркестарот на театар „Војдан Чернодрински“ под водство на Пеце Трајковски-Брада, додека вокал и музички соработник е Ана Митоска.

Во претставата играат Александар Степанулески, Наташа Ачански, Здравко Стојмиров, Илија Волчески, Димитар Ѓорѓиевски, Марија С. Илијеска, Ангела Наумоска, Игор трпчески, Михајло Миленкоски, Андон Јованоски – Ашата, Александар Тодески, Димитар Црцороски, Цветанка Чавлеска, Сара Спиркоска и Леонардо Лазов.

„Декамерон“ е претстава која ја следи цикличноста на постоењето, каде што човекот низ постојана борба со вселенските или божествените неправди успева експлозивно да го издигне својот дух.Силно удира по деликатни места на општеството, будејќи воодушевувачка радост од театарскиот чин. „Декамерон“ е претстава полна со живот. Претстава која стои на хуманистичката платформа на Џовани Бокачо и зборува за човековата волја за живот, радоста од „сега и тука“, за нашата кревкост, но и за силата на човечкиот дух низ ефемерноста на среќата и поуките на трагичноста.

********************************************************************
Првата претстава во театарот „Војдан Чернодрински е “Кир Јања” од Ј.С.Поповиќ, во режија на Аце Михајлоски, изиграна на 18.02 во 1950 година. Оттогаш, разните генерации актери, ределе премиери еднаподруга, нижеле успеси, а ансамблот се збогатувал со искуство. Денес, повторно, заради пензионирање на четворица актери, има недостиг од актери.

На сцената на театарот „Војдан Чернодрински“ досега се прикажани околу 370 премиери, изиграни над 7000 претстави, кои ги гледале над 1, 7 милиони луѓе. Најгледани и најиграни претстави во 73 годишното постоење се “Солунски патрдии” од Миле Попоски, во режија на Коле Ангеловски и „Од кол на кол“ исто во режија на Коле Ангеловски, играни над стопати.

Театарот низ годините постигна голем успех и со други претстави како “Колобан”, “Спиро Црне” “Арсениј”, “Полковникот птица”, „Тапани во ноќта“, „Змејовата невеста“, „Клетници“…. Во досегашната историја театарот освоил бројни награди на фестивали, меѓу кои на МТФ „Војдан Чернодрински“, на Експонто во Љубљана, на МЕСС во Сараево, во Никшиќ….

Театарот низ годините изведувал праизведби на текстови од македонски драмски автори. Тука за првпат се поставени текстовите на Коле Чашуле, Томе Арсовски, Благоја Ристески – Платнар, Трајче Крстески, Петар Петрески… Поставени се текстови од околу 140 автори, а најмногу се играни драмски дела од Васил Иљоски, Коле Чашуле, Миле Попоски, Брешан, Благоја Ристески – Платнар, Голдони, Гогољ, Њушиќ…

Воочи годишнината упатуваме топла благодарност, медиумите, но и до нашата публика која помогна да станеме она што сме, која е најдобарата гаранција за успеси и афирмација.

Маркукуле дознава дека попладнево до основните училишта: “Блаже Конески”, “Добре Јованоски”, “Гоце Делчев” и “Кире Гаврилоски” во Прилеп пристигнале дојави за поставени екcплозивни направи.

Во тек е евакуациja во четирите училишта.

Инаку, ова е втор пат во прилепските училишта да стигнат вакви дојави. Првиот пат таква дојава имаше во основните училишта: “Блаже Конески”, “Добре Јованоски” и “Гоце Делчев”.

Дојавите на 26 декември минатата година беа лажни.

Од полицискиот билтен со дневни настани на МВР

-На 14.02.2023 во 18.15 часот на ул.„Караорман” во Битола, полициски службеници од криминалистичката полиција при СВР Битола, со Наредба од Основен суд Битола, го привеле Б.А.(30) од Битола. Тој бил баран по потерница за издржување на затворска казна за извршени неколку кривични дела тешки кражби. Лицето било спроведено во Казнено-поправната установа Затвор Битола за издржување на казната.

-На 14.02.2023 на ул.„4 Ноември“ во Битола, полициски службеници од Полициската станица Битола ги лишиле од слобода Љ.П.(37) и В.К.(35), двајцата од Битола, затоа што кај нив биле пронајдени и одземени амфетамин и таблета. По документирање на случајот, ќе биде поднесен соодветен поднесок.

-На 14.02.2023 на место викано „Карамански пат“ во Битола, полициски службеници од криминалистичката полиција при СВР Битола ги лишиле од слобода П.Д.(31) и Д.Ј.(32), двајцата од Битола, затоа што кај нив била пронајдена и одземена марихуана. По документирање на случајот, ќе биде поднесен соодветен поднесок.

Живее од инвалидска пензија, но сепак, кат од куќата во која живее и викендичката во Стење е подготвен да ги отстапи на семејства погодени од земјотресите во Турција и Сирија. Благојчо Ѓоргиев, лице со инвалидитет, го привлече вниманието на македонската јавност откако упати јавен повик дека тој и неговата сопруга се подготвени да обезбедат сместување за фамилии од погодените подрачја. Тој за себе вели: „Човек сум и знам што е мака“ – објави “Мakfax”

-Со сопругата моја одлучувме да ве замолиме да не контактирате доколку познавате луѓе кои настрадале во земјотресите во Турција и Сирија, а случајно или намерно дошле во МАКЕДОНИЈА и им треба сместување, ние можеме привремено за две фамилии барем две години да им обезбедиме кров на глава, толку можеме и од срце и душа го правиме ова!!! Ако сакате споделувајте за да информацијата допре до повеќе луѓе! – напиша во фејсбук објава Благојче Ѓоргиев.

Игор Пехчевски, пациент со цистична фиброза, преку фотографии од болнички кревет одново упати критики што лекот „трикафта“ не е ни близу до набавка, но и жалење што на ваков начин го остварува правото на лек. Тој не добил ниту пристојно работно место, па ги праша Владата, премиерот Димитар Ковачевски и претседателот Стево Пендаровски: „повторно чекате да се вратам во болнички кревет?“.

„На никој не би му посакал на ваков начин да ги остварува своите права за работа и лек на социјалните мрежи и медиумите. Верувајте тоа е крајно понижувачки! Господа, уште колку време треба да чекам за лекот ‘трикафта’ и за пристојно работно место, а не било какво… Или повторно чекате да се вратам во болнички кревет? Постапете како да сум Ваше дете!“, напиша Пехчевски на „Фејсбук“.

Пет дена откако соопшти дека парите за набавка на „трикафта“ за најитните пациенти се обезбедени и дека нема да дозволи да почине уште еден пациент со цистична фиброза, премиерот Димитар Ковачевски вели дека се преговара за набавка на лекот. Министерството за здравство, Фондот за здравство и Клиниката за пулмологија и Клиниката за детски болести работата на набавка на лекот. Тој не кажа кога најрано би стигнал лекот кај пациентите иако пред пет дена беше згрозен сложените и бирократски процедури. Неговиот одговор денес на прашањето за набавката на „тиркафта“ беше дека во наредниот период сите работи ќе бидат завршени.

Тројца малолетници и 19 годишник попладнево биле приведени во Мала Речица откако претходно со украдено возило не запреле на полициските наредби, по што оштетиле две полициски возила и повредиле тројца полицајци. Четворицата млади луѓе на крај во Мала Речица удриле со нивното возило во бандера.

-Полициски службеници на СВР Тетово денеска околу 16 часот и 20 минути во близина на угостителски објект во тетовска Мала Речица ги лишиле од слобода Ј.Ј.(19) од Тетово и тројца малолетници од Тетово и селата Ларце и Непроштено. Лишените лица десетина минути пред тоа биле забележани на локалниот пат Палчиште-Камењане како се движат со противправно одземеното возило „пежо“ со скопски регистарски ознаки, сопственост на државна институција, а пријавено вчера. Тие во два наврати се оглушиле на наредбите на полициските службеници да застанат и притоа оштетиле две полициски возила и повредиле тројца полициски службеници на СВР Тетово, по што удриле во дрвена бандера, информира Марјан Јосифоски, портпарол на СВР Тетово.

Четворицата се задржани во Полициската станица Тетово за расчистување и документирање на случајот, додека полициските службеници на СВР Тетово пренесени се во тетовската Клиничка болница за укажување на лекарска помош.