Во пресрет на најголемиот христијански празник Велигден, учениците од IV б, IV в ,I а ,I в ,II а и II б одделение, заедно со нивните наставнички се потрудија да завладее празнична атмосфера во нашето училиште. Со велигденски мотиви го декорираа главниот влез на нашето училиште и училишниот хол, а со тоа и најавија дека велигденските работилници веќе се започнати во училиштето – објавија на ФБ од ООУ “Рампо Левката” Прилеп.

Повеќе фотографии погледнете ТУКА

Во мај, португалската партија Чега ќе биде домаќин на светскиот самит на лидерите на екстремно десничарските партии, на кој меѓу другите ќе учествуваат поранешниот бразилски претседател Болсонаро и италијанскиот вицепремиер Матео Салвини.

Претседателот на партијата Шега, Андре Вентура изјави дека Болсонаро и Салвини „веќе ја прифатиле поканата за големиот светски самит на десницата“ во Лисабон на 13 и 14 мај, пренесува Хина.

„Присуството на Болсонаро, Салвини и другите лидери на европската десница го прави Лисабон еден од најсилните нови центри на десницата во Европа и една од светските референци во борбата против социјализмот“, рече Вентура.

Заменик-претседателот на Советот за безбедност на Руската Федерација Дмитриј Медведев изјави дека никому не му е потребна Украина, па таа ќе исчезне и нема да биде на мапата на светот.

– Зошто Украина ќе исчезне? Затоа што тоа никому не му треба – изјави заменик-претседателот на Советот за безбедност на Русија во објава на ВКонтакте.

Медведев во написот забележува дека Украина не им е потребна на Европа, САД, Африка и Латинска Америка, Азија, Русија и, конечно, „Украина на чело со нацистичката елита не им е потребна ниту на сопствените граѓани“.

– Никому на планетата Украина не му е потребна ваква. Затоа нема ни да постои – заклучи тој.

Претседателот на опозициската ВМРО-ДПМНЕ Христијан Мицкоски денеска повтори дека нема да учествуваат во работната група за уставните измени, оценувајќи дека во оваа фаза тоа е беспредметно и оти власта сака да го политизира процесот.

По повикот што вчера повторно го упати вицепремиерот за европски прашања Бојан Маричиќ до ВМРО-ДПМНЕ да се вклучат во процесот и во рамки на работната група да ги кажат ставовите Мицкоски рече дека повеќе нема да се занимава со тоа прашање.

-Нема да учествуваме во работната група, тоа сме го кажале многу пати во минатото, ги кажавме и причините затоа што работата на оваа работна група сега во оваа фаза е тотално беспредметна. И врвни правни експерти го коментиарат тоа, дека овој прв чекор е практично утврдување на потреба за отворање на Уставот и доколку има две третини тогаш веќе се формира Уставна комисија, па се разгледуваат амандамни, се драфтираат, итн… Сега е тотално беспредметно, сакаат да го политизираат процесот. Еве уште еднаш јавно го кажувам ставот, и повеќе нема да се занимавам со тоа прашање, дека ВМРО-ДПМНЕ нема да учествува во работатата на Комисијата која ја формира Министерството за правда а има цел да работи на амандманите кои се потребни за уставните измени, рече Мицкоски, на новинарско прашање при посетата на Булачани.

Коментирајќи го отфрлањето од власта предлогот на ВМРО-ДПМНЕ за уставни измени според хрватскиот модел, Мицкоски рече дека иако за тој модел претходно зборувале премиерот Димитар Ковачевски, министерот за надворешни работи, претставници на меѓународната заедница, сега од Владата ретерираат.

-Свесни дека може да трпиме политичка штета излеговме во јавноста и кажавме во ред, го прифаќаме хрватскиот модел и истиот тој модел да го примениме за нашиот Устав, но сега од страна на Владата имаме ретерирање, односно чекор назад, рече Мицкоски.

Владејачките партии, како што рече, на следните парламентарни и претседателски избори, ќе доживеат дебакл, исто како на локалните.

-На следните парламентарни избори ќе изгубат најмалку 3 наспроти 1, рече Мицкоски, критикувајќи ги и теренските посети на СДСМ и на ДУИ.

Владата, премиерот Ковачевски и другите политичари од власта, од страна на граѓаните се оценети како што рече, „како лажливци и ќе бидат казнети на следните парламентарни и претседателски избори, како и да сакаат да ги организираат“.

– Ако мислат дури и да ги раздвојат бидејќи слушам дека имале таква намера, и едниот и другиот пат ќе бидат депласирани, рече Мицкоски.

Основното училиште “Добре Јованоски” од Прилеп важи за едно од ретките училишта каде се почитуваат различностите и учениците од различна етничка заедница функционираат како едно.

Можеби таквата кохезија и другарство, е и главната причина зошто училиштето низ годините било вистински расадник на идни познати и славни прилепчани.

Македонскиот репрезентативец Илија Несторовски, уредникот на Канал 5 телевизија Гоце Михајловски, ТВ презентерот Александар Петрески, новинарот Сунаи Сабриоски и најпознатиот инфектолог во Прилеп, Д-р Жежоски, сите тие имаат нешто заедничко во нивните животи, а тоа се истите училишни клупи каде седеле своевремено.

При денешната посета на општина Гази Баба, претседателот на ВМРО-ДПМНЕ Христијан Мицкоски одговарајќи на новинарско прашање во однос на кампањата на СДСМ „рамо до рамо„ истакна дека реакцијата на народот за кампањата на СДСМ е „внимавајте, затварајте ги дворовите, заклучете ги вратите, криминалци шетаат по улиците не им отворајте“.

„Мудроста на народот е најголема, и таа е неприкосновена, еве јас ќе искористам еден коментар кој што често пати го читам и го следам на социјалните медиуми. Одговорот на народот на оваа кампања на СДСМ е „внимавајте криминалци шетаат по улиците, не им отворајте“ ете таа е реакцијата на народот за кампањата на СДСМ, велат внимавајте затварајте ги дворовите, заклучете ги вратите, криминалци шетаат по улиците не им отворајте. Тоа доволно говори како ќе помине оваа кампања на СДСМ. Инаку ВМРО-ДПМНЕ е континуирано со народот, ВМРО-ДПМНЕ е народна партија и на ВМРО-ДПМНЕ кампањата трае 365 дена во годината. Само оние политичари кои што се забегани од власт и опиени од моќ и пари мислат дека со неколку скапо платени билборди и неколку скапо платени спотови дека ќе можат да корегираат нешто повеќе, но тука се лажат, и ако се навистина толку сигурни во својот капацитет еве јас им велам излезете на избори па да видиме“ нагласи Мицкоски.

Македонското јагне се извезе на европскиот пазар за католички Велигден, а сега стигнува во домашните месарници. Кланичарите велат дека годинашниов извоз е нешто помал од лани.

Во споредба со лани помал е извозот на македонското јагне на европските пазари. Се извезуваше за Хрватска, Италија. Главно поради цената, зашто имаше доволно стасано јагниња поради топлата зима. За сточарите е ниска цената од околу 200 денари за килограм жива мера, за извозниците и крајните европски купувачи беше висока. Има останато замакедонскиот пазар, ама не знам колку ќе се продаде зашто цената моментално во месарниците е од 500 до 550 денари за килограм. За потрошувачите е скапо, зашто за да испечеш јагнешко и да има доволно на трпезата, мора да се купи барем два, три килограми, вели Тони Павлески од кланичарската индустрија.

Според Марјанчо Стојаноски, сточар од Прилепско, трошоците се високи за одгледувањето јагниња, а со години е трендот на намалување на фондот, зашто нема млади сточари.

-Со овие откупни цени и со зголемени трошоци е многу тешко. Во светот е најевтино македонското јагне, зашто во Албанија, Бугарија е по 6 евра за килограм жива мера. Се намалува сточниот фонд. нешто подзадржуваат субвенциите што ги зедовме, но ситуацијата ќе биде тешка. Скапи се храната, препратите. А никој нема од младите заинтересиран за одгледување овци. Освен тоа, не може да се најде овчар. Последниве години нема млади сточари кои отвориле одгледувалиште. Тешко е, вели Стојаноски, кој е и потпретседател на здружението во Пелагонија „Орлови бари“.

Граѓаните чекаат пред месарниците и пресметуваат. Велат, зависи од џебот. Некои земаат само јагнешки дроб, колку да замириса за Велигден, други ќе купат месо, оти, еднаш во годината е Велигден.

Во текот на изминатата вечер (07/08.04.2023) во периодот од 22.00 до 04.00 часот на територија на СВР Битола спроведена е акциска контрола за санкционирање на возачи кои управуваат возило под дејство на алкохол.

При контролата санкционирани се 29 возачи, при што кај возач во Прилеп при алкотестирање биле измерени 2.99 промили алкохол во крвта.

Од нив 7 прекршоци на територија на Битола, 17 во Прилеп, 2 во Ресен и Македонски Брод и 1 Крушево. За време на контролата биле санкционирани и 17 други видови прекршоци.

Ќе се ревидираат цените на дел од 11-те видови овошје и зеленчук коишто со владина одлука се замрзнати од 5 април. Одлуката ќе се донесе во вторник на седница на Владата, а следува по новите цени кои се пријавуваат од увозниците во Царинската управа.

На средбата што се одржа вчера во Министерството за економија со увозниците на овошје и зеленчук е договорено да се направат минимални корекции на цените. Последните податоци што биле анализирани со увозниците покажале мало зголемување на увозните декларации на некои производи и според министерот за економија Крешник Бектеши би требало следствено на тоа да се коригираат и цените од одлуката.

Според Бектеши, ниту еден од производите опфатени со одлуката за замрзнување на цените нема да биде со повисока цена од 100 денари за килограм.

-Корекцијата ќе биде процентуална во зависност од зголемените трошоци за увоз прикажани во Царината од 28 март, па до денеска. Процентуално колку се зголемени цените на увозот на одредени производи, толку процентуално ќе се зголеми и цената која е замрзната. Ако има намалување на цените кои се прикажани во Царинската управа, процентуално ќе се намали цената на тој производ, а ако е истата ќе остане иста цената, изјави Бектеши.

Договорено е, како што рече, да се направи минимална корекција на цените, имајќи предвид дека веќе почнале да пријавуваат увозни цени кои кореспондираат со тоа што се дава како фактури во другите држави. Но, потенцира, никако нема да има цени како пред 10-ина дена кога во малопродажба се движеа околу 130-140 денари, па отидоа и до 150 денари и погоре.

-Ниту еден од производите кои беа наведени во одлуката за замрзнување на цените нема да има повисока цена од 100 денари за килограм. Ќе има мала корекција само во делот на доматите и краставиците заради тоа што нема веќе увоз од Турција и од Грција каде што има поголемо производство на овие производи. Генерално до крајот на месецов увоз се врши од Албанија и еден мал дел од Србија, заради тоа што во Албанија еден месец однапред излегуваат овие производи, информира Бектеши.

Во првите четири месеци од годината кај нас генерално се увезува зеленчук и овошје од Турција, Грција, Албанија и од Србија. Со Србија и Албанија кои се во ЦЕФТА немаме царини, а со Грција и Турција има, а се плаќа и 5 отсто ДДВ за увезеното овошје или зеленчук.

Очекувањата на министерот согласно податоците од домашните производители се дека нашите производи ќе излезат кон крајот на месецов и почетокот на наредниот по што ќе има нагло намалување на цените.

Со одлука на Владата од 5 април се определени највисоките цени во трговијата на мало за свежи домати, свежи краставици, кромид, карфиол, свежи зелени пиперки, грав, леќа, банани, портокали, мандарини и лимони. Килограм свежи домати може да се продава најмногу за 70 денари за килограм, свежите краставици до 75 денари за килограм, килограм кромид до 60 денари, килограм карфиол до 70 денари, килограм свежи зелени пиперки до 90 денари, килограм грав до 75 денари, килограм леќа до 110 денари, килограм банани до 70 денари, килограм портокали до 55 денари, килограм мандарини до 60 денари и килограм лимони до 55 денари.

Владата завчера на седница донесе одлука трговците кои продаваат овошје и зеленчук да прибавуваат и продаваат 70 проценти од количините што ги продале во јануари и февруари, а ќе важи до крајот на април.

Претходно беа замрзнати и цените на тестенините и млечните производи кои се намалени за 15, односно за 10 проценти, како и цените на јајцата и оризот кои останаа на нивото од 15-ти овој месец, додека цената на белиот и на полубелиот леб до 450 грама е замрзната на 33 денари.

Како што објави вчера Државниот завод за статитика, трошоците на живот и цените на мало во март се намалени за 0,1 процент во споредба со февруари, а во однос на март лани зголемувањето изнесува 14,7 проценти, односно 10,7 проценти.