Можно е враќање на дневната евтина струја, но ќе треба да почекаме за тоа до крајот на грејната сезона, изјави претседателот на Регулаторната комисија за енергетика, Марко Бислимоски.

„Позитивните трендови продолжуваат, намалени се загубите, а ЕСМ може да има дополнителни приходи од продажбата на вишоците. Така што имаме добар материјал за почеток на дискусија за враќање на евтината дневна струја“, изјави Бислимоски.

Претседателот на Регулаторната комисија за енергетика, Марко Бислимоски, не ја исклучува можноста за враќање на дневната евтина тарифа за струјата. Тој најави дека ќе се разгледаат сите опции по завршување на грејната сезона.

Да видиме како ќе заврши оваа грејна сезона, да го видиме производството на ЕСМ, да видиме како оди набавката на електричната енергија, па понатаму ќе размислуваме за сите можни опции што ги имаме“, изјави Бислимоски одговарајќи на прашања на новинарите по средбата во Стопанската комора посветена на нова регулатива за складирање на струја произведена од обновливи извори.

Домашното производство на електрична енергија во периодот од октомври минатата година до јануари годинава е на завидно ниво, информираше Бисмимоски.

Така, во првиот месец годинава, 87 отсто од потребите за електрична енергија во државата се обезбедени од домашни капацитети, додека само 13 отсто е увезена струја и тоа за сите потрошувачи, а не само за домаќинствата и малите потрошувачи. Тоа, според Бислимоски е добар резултат.

Во моментот, граѓаните користат само ноќна евтина струја од 22 до 06 часот наутро, како и во недела цел денЕвтината дневна тарифа беше укината на 1 јануари 2022 година, кога имаше и поголемо зголемување на цената на електричната енергија за 9,48 отсто.

Доколку останеше евтината дневна тарифа, ќе требаше да се зголеми цената на струјата за дополнителни 5 отсто, односно зголемувањето ќе изнесуваше 14,23 отсто.

Евтината тарифа беше укината со образложение дека цената на струјата во Македонија била најниска во Европа и освен кај нас, модел на користење на струјата како евтина тарифа немало никаде.

Родителите на кантавторот Ѓорѓе Балашевиќ никогаш не присуствувале на ниту еден концерт на нивниот син.

Тој со своите песни и текстови одбележа цела ера во музиката, а сигурни сме дека неговите песни ќе се пеат со децении.

Кога ја започнал кариерата, неговите родители Вероника и Јован биле против неговиот животен избор да се занимава со музика – мислеле дека треба да се занимава со географија, за што и студирал.

– Мислам дека е многу добро што Ѓорѓе сето ова го постигна без помош и туркање. Дома, каде што тој постојано ги пишуваше стиховите и шегите, не го сфативме сериозно кога рече дека може да успее. Верувавме дека просперитетот на таков простор бара голема поврзаност, влијателни луѓе… – изјави мајката на Ѓорѓе, Вероника во интервју за Новости во 1980 година.

Се започнало кога Ѓоле еден ден се јавил во радио и им рекол дека има песна што би сакал да ја слушнат.

– Знаете, јас и мојот сопруг знаеме најмалку за тоа како успеа нашиот син! Бевме навикнати на неговиот ведар дух, на леснотијата со која може да се изрази, но никогаш не помисливме дека тоа може да биде толку блиско и драго на некој друг, покрај нас. И денес тоа што го прави, го прави лесно. Тој не е фанатик – рече тогаш таа.

За жал тие никогаш не присуствуваа на негов концерт.

Вчера во Кочани се одржа изборното државно првенство во борење до 15години, на кое учество зеде и прилепскиот боречки клуб “7-ми Мај”.

Нашите млади борачи освоија две први места, 1 второ и 3 трети места во женска конкуренција.

Ангела Трајкоска беше прва во категорија до 42кг, Тамара Цветкоска освои прво место во категорија до 58кг, Анабела Стојаноска заврши втора во категорија до 50кг, а трети места освоија Викторија Стојаноска, Јована Мидоска и Ана Марија Мицкоска.

Во севкупен пласман, прилепскиот клуб “7-ми Мај” го освои второто место во женска конкуренција.

Денеска во рамки на рамки на Минхенската конференција за безбедност, вицепремиерот за евроинтеграции Бојан Маричиќ заедно со премиерот Ковачевски се сретнаа со претседателот на Фондацијата Отворено општество Џорџ Сорос и заменик претседателот, Александар Сорос.

„Поддржуваме идеи и иницијативи кои водат кон стабилност и развој на демократското општество“, напиша после средбата вицепремиерот Маричиќ на својот Фејсбук профил.

На состанокот било разговарано за евроинтеграцискиот процес, регионалната соработка, реформите и за можностите за унапредување на соработката во областите кои ќе бидат приоритетни за Северна Македонија во оваа фаза од пристапните преговори и кои ќе го забрзаат процесот, како владеењето на правото и функционирањето на демократските институции.

Интегрален текст од објавата на вицепремиерот Маричиќ:

„На средбата со основачот на Фондацијата Отворено општество, Џорџ Сорос и заменик-претседателот Александар Сорос, се согласивме дека промоцијата на демократските вредности и регионалната соработка се импулс за економски развој, поголема мобилност и подобрување на животниот стандард на граѓаните.

Поддршката која во континуитет ја имаме од Фондацијата во реформите, преку проекти во различни области и пренесување на добри практики, значи побрз пристап кон европската интеграција.

Благодарни сме за досегашната помош и како Влада сме отворени за унапредување на соработката со нашите пријатели од Отворено општество, особено во областите кои за нас во моментов се клучни за преговорите со ЕУ, а тоа се владеењето на правото и функционирањето на демократските институции“, пишува во објавата на Маричиќ.

Македонскиот пијанист со светско реноме Симон Трпчески во интервју за црногорскиот весник „Вијести“ уште еднаш го промовира својот патриотизам и својата љубов кон татковината Македонија.

На прашањето „Благодарејќи на клавирот, го обиколивте целиот свет, имавте бројни концерти и Ве сметаат за еден од највиртуозните пијанисти на светот. Колку му е тешко на еден талентиран музичар од мала земја каква што е Cеверна Македонија да се пробие на светската сцена?“, маестро Трпчески одговори:

-Македонија (никогаш нема да користам одредници како северна, јужна, западна пред името, затоа што мислам дека тоа е прашање на политика) е мала земја како Црна Гора и вистинско чудо е човек од толку мала држава да успее да ги досегне височините. Апсолутно сум горд на тоа што сум од Македонија и што потекнувам од скромно семејство, со нозете сум цврсто на земја и никогаш не сум заборавил кој сум, што сум и од каде потекнувам. Мислам дека тоа е успех на една личност. Секој има право на надеж и треба да се бори. Татко ми секогаш велеше дека животот е борба. Ова што сум денес се должи, пред сè, на моето семејство, кое секогаш ме поддржувало. Имавме исклучително лоши услови за живот, па дадоа повеќе од што можеа за да имам можности и шанси. Им должам и на моите професори, кои несебично ми дадоа знаење и горд сум што сум производ на македонското образование. Научив многу кога почнав да патувам низ светот, запознав многу луѓе, неверојатни личности, бев отворен и подготвен за нови знаења. Поради мојата отвореност, станав и духовно богат. Јас сум едноставна личност и тоа ми помага во животот, иако денешниот свет е поинаков и оди во чудни правци. Верувам во чистотата на човечката душа, во природата, отвореноста на изразувањето и моќта на музиката. Можам да кажам дека луѓето кои доаѓаат од мали земји и кои имале многу предизвици се поцврсти, знаат како да стигнат до целта. Друг проблем е што владите на овие мали земји не сакаат да одат напред побрзо за да се развиваат, но што е – тука е. Немаме време за чекање, треба да одиме напред и тоа го знаат сите свесни луѓе од која било професија. Горд сум што доаѓам од Македонија и што успеав да го направам сето тоа и одам напред.

Прилепскиот театар „Војдан Чернодрински“ синоќа одбележа 73 години од формирањето. Годишнината беше одбележана со изведбата на претставата „Декамерон “ според Бокачо, во режија на Мартин Кочовски.

Во претставата играат Александар Степанулески, Наташа Ачански, Здравко Стојмиров, Илија Волчески, Димитар Ѓорѓиевски, Марија С. Илијеска, Ангела Наумоска, Игор трпчески, Михајло Миленкоски, Андон Јованоски – Ашата, Александар Тодески, Димитар Црцороски, Цветанка Чавлеска, Сара Спиркоска и Леонардо Лазов.

„Декамерон“ е претстава која ја следи цикличноста на постоењето, каде што човекот низ постојана борба со вселенските или божествените неправди успева експлозивно да го издигне својот дух.Силно удира по деликатни места на општеството, будејќи воодушевувачка радост од театарскиот чин. „Декамерон“ е претстава полна со живот. Претстава која стои на хуманистичката платформа на Џовани Бокачо и зборува за човековата волја за живот, радоста од „сега и тука“, за нашата кревкост, но и за силата на човечкиот дух низ ефемерноста на среќата и поуките на трагичноста.

Првата претстава во театарот „Војдан Чернодрински е “Кир Јања” од Ј.С.Поповиќ, во режија на Аце Михајлоски, изиграна на 18.02 во 1950 година. Оттогаш, разните генерации актери, ределе премиери еднаподруга, нижеле успеси, а ансамблот се збогатувал со искуство. Денес, повторно, заради пензионирање на четворица актери, има недостиг од актери.

На сцената на театарот „Војдан Чернодрински“ досега се прикажани околу 370 премиери, изиграни над 7000 претстави, кои ги гледале над 1, 7 милиони луѓе. Најгледани и најиграни претстави во 73 годишното постоење се “Солунски патрдии” од Миле Попоски, во режија на Коле Ангеловски и „Од кол на кол“ исто во режија на Коле Ангеловски, играни над стопати.

Синоќешната изведба беше проследена со аплаузи за екипата од претставата “Декамерон” од преполната сала, а притоа со многу емоции беше проследено последното поклонување и доделувањето на признанијата за актерите Андон Јованоски,
Марјан Чакмакоски, Цветанка Чавлеска, Најдо Тодески и реквизитерот Гоце Наумоски, кои заминаа во пензија.

Им посакуваме среќа и долги години да си ја користат заслужената пензија.

Фудбалерите на Победа денеска го започнуваат пролетниот дел од сезоната. На градскиот стадион “Гоце Делчев” денеска со почеток од 14:00часот гостува екипата на Работнички.

Црвено-белите во вториот дел од сезоната ќе бидат предводени од Благојче Дамевски, и секој дуел, особено пред домашната публика ќе биде финале.

Со голем број новајлии, победашите ќе се обидат да ги изненадат “романтичарите” и да донесат голема радост за фудбалските вљубеници во Прилеп.

“Претрпевме големи промени во играчкиот кадар, се разделивме со доста играчи, а ни пристапија нови и квалитетни фудбалери. Задоволни сме од преодниот и припремниот период. Здравствениот билтен е на завидно ниво, ги имаме речиси сите на располагање, освен Агон Хани кој е суспендиран, како и Петковиќ, Делибашиќ и Фавакри кај кои има административен проблем. Ги повикувам сите фанови да дојдат и да бидат дванаесетти играч на Победа”, истакна за “Гол.мк” тренерот на Победа, Дамевски.

Градоначалникот на Киев и поранешен светски шампион во бокс, Виталиј Кличко, призна дека сонува да влезе во рингот со рускиот претседател Владимир Путин.

Кличко изјави дека „би сакал да го нокаутира Путин“, но дека тоа е „само фантазија“.

Кличко, на прашањето на новинар на „Билд“ дали ќе го нокаутира Путин, одговори: „Се разбира дека би сакал да го нокаутирам Путин, но тоа е само фантазија“.

Според Кличко, „Путин моментално го доживува својот личен нокаут на фронтот“, каде, како што наведе, украинските војници херојски се борат и нанесуваат тешки порази на руската армија.

Градоначалникот на Киев изрази уверување дека Украина ќе ја добие војната со Русија, но посочи дека итно и треба повеќе оружје, муниција и борбени авиони.

Од средината на 2019 до 2021 година, брачна двојка живеела удобно со своето куче во хотел со пет ѕвезди во Германија, поточно во Визбаден, но потполно бесплатно!

Брачните другари воопшто не ги платиле трошоците за сместувње. За работите да бидат побизарни, нивната измама била откриена сосема случајно.

Сега 60-годишниот сопруг мора да одговара пред Окружниот суд во Визбаден за сериозна измама. Трошоците за сместување изнесуваат вкупно 140.000 евра. Човекот ги платил првите сметки од околу 5.600 евра, по што ги оставил отворени сите други сметки, пишува dnevnik.hr.

Според истражувањето на SWR, вработен во хотелот кажал дека долгогодишниот гостин често се жалел на разни недостатоци.

Наводно, „во неговата соба имало стаорци, ѕидовите биле нечисти“, а сопругата, како што велат, „пронашла црв во салатата“.

Освен тоа, обвинетиот тврдел дека боледувал од рак и се лекувал во Визбаден.

На 17.02.2023 во 19.50 часот во ОВР Прилеп, А.И.(35) од с.Црнилиште, прилепско, пpиjaвила дека околу 15.55 часот во с.Житоше, прилепско, нејзината малолетна ќерка била физички нападната од А.С., кој потоа со тврд предмет го оштетил возилото на нејзиниот сопруг.

Се преземаат мерки за расчистување на случајот – информираат од ОВР Прилеп.