Денес во 19 часот во фоајето на НУЦК “Марко Цепенков” ќе се одржи “Пијано вечер” во изведба на двајца врвни професионалци, пијанисти и наставници во музичкото училиште, Денис Најдоски и Илија Иваноски.

Денис Најдоски е роден на 05.02.1993 во Прилеп каде што го завршува основното музичко училиште во класата на наставник Михајло Стојкоски. Во 2006 година своето образование го продолжува во класата на м-г проф. Снежана Анастасова – Чадиковска во ДМБУЦ „ Илија Николовски – Луј “ Скопје. Во 2015 година со висок просек дипломира на факултетот за музичка уметност во Скопје во класата на м-г проф. Рита Трпчева-Поповиќ. За време на неговото школување како солист настапува на голем број државни и меѓународни натпревари каде што освојува значајни награди и признанија, концерти во земјава и надвор од неа, како и учество на семинари кај врвни пијанисти од Македонија, Србија, Швајцарија, Словенија, Русија. Покрај солистичките настапи редовно настапува и како член на камерни состави ( дуо Пијано ) од кои се издвојуваат – лауреат на државен натпревар по камерна музика, концерти на Скопско Лето, Есенски музички свечености и многу други. Од 2015 год работи како професор по пијано и корепетиција. Неговите ученици земаат редовно учество на голем број концерти и натпревари, каде што постигнуваат значајни резултати во земјава, но и надвор од неа.

Илија Иваноски, роден 1995г. во Прилеп. Основно музичко училиште завршува во ООМУ “Ордан Михајлоски-Оцка”- Прилеп, во класата по пијано кај Проф. Наде Стојкоска. Средно музичко училиште се запишува во “ДМУ”- Битола (2009), отсек пијано во класата на Проф. Маргарита Татарчевска и Проф. м-р Јана Четелева-Белевска. Своите студии по пијано ги продолжува на “ФМУ”- Скопје (2013), во класата на Проф. м-р Тодор Светиев, каде што се здобива со титулата Дипломиран пијанист. Учествувал на голем број натпревари по пијано и камерна музика (државни и меѓународни); семинари, од кои може да се издвои соработката со Јури Кот (Украина). Од 2017г. e Проф. по пијано во ООМУ “Ордан Михајлоски-Оцка”-Прилеп.

После вчерашниот пожap со кој пожapникapите неколку часа се бореа да го стават под контрола, со соопштение на социјалните мрежи се јавија и сопствениците на конфекцијата за детска облека “Тила”.

–Драги наши пријатели, за оние кои сеуште не се информирани, со многу тешко срце и голема болка во душата, Ве информираме дека вчера на 21.04.2023 г во фабриката Тила изби пожар во кој за жал изгоре се!

Воедно Ви се заблагодаруваме за Вашата безрезервна поддршка која ни ја дававте и во изминатите години, а која сега ќе ни значи најмногу од се. Тила живее преку Вашите најмили и се надеваме така и ќе продолжи и во иднина – стои во соопштението од фабриката.

Ако некогаш сте посакале да избегате од метежот и вревата на секојдневниот живот и да отидете на оддалечен остров без други жители, ова можеби е вашата шанса. Сместен веднаш до јужниот брег на Шкотска, се продава островот Барлоко, по цена од 190.000 долари или 170.000 евра.

„Сè уште постои многу романтично чувство поврзано со поседување на свој шкотски приватен остров, каде што можете да избегате од метежот и вревата на секојдневниот живот и да уживате во мирот и тишината во најубавите предели наоколу“, се вели во изјавата на агентот за продажба.

Клиентот веројатно нема да биде човек кој патува секој ден. Најблискиот град е оддалечен десет километри, а најблиската железничка станица е Дамфрис, на еден час возење со автобус од градот. Лондон и Единбург се оддалечени на 500, односно 160 километри.

Цената е релативно блиска со становите кои се продаваат во Скопје. Па оттука ќе си го поставите и прашањето: Дали цената на овој остров е прениска или цената на становите во Скопје е превисока?

Агентот очекува голем интерес за ова минијатурно кралство. „Сведоци сме на голема побарувачка од потенцијални домашни и меѓународни купувачи за приватни острови, а неколку од нив веќе продадовме во Шкотска“, тврди агентот за продажба, пишува CNN.

-Успешно реализирана акција под мотото ,,Предизвикај насмевка’’. Акцијата беше реализирана во Прилеп, Битола, Кавадарци и Куманово каде што како комисија за спорт дониравме спортска опрема на лица кои се занимаваат со спорт и кој ги негуваат спортските навики!
Комисијата за спорт секогаш е на страната на спортистите и се залага за сите млади спортисти – објавија од Републичката комисија за спорт при УМС ВМРО-ДПМНЕ.

Денеска (22.04.2023) во 04.00 часот Ф.И.(38) од Прилеп пријавил дека околу 00.40 часот пред угостителски објект во Прилеп бил нападнат со остар предмет од страна на М.С.(25) од Прилеп.

Се превземаат мерки за расчистување на случајот – информираат од ОВР Прилеп.

Храмот Св. Кирил и Методиј – Параклис упатува благодарност до сите верници кои донирале за обновување на фрескоживописот во Параклисот.

-Неискажливи се милостите на Бога со кои Он го просветлува и осветлува секој човек во светот. Секојдневно ние сме опсипани од благодатите на нашиот Отец Небесен, а најголем показател за Неговата безгранична љубов кон родот човечки е, без сомнение, понижението и страданието на Синот и Словото Божјо заради нас, луѓето. Господ Исус Христос, заради нас прими човечко тело и пострада за него на крст. Но на третиот ден Тој славно воскресна, совоскреснувајќи ги и умртвените прародители Адам и Ева и давајќи ни ја сите нас бесценетата можност да совоскреснеме со Него, само доколку веруваме и Го љубиме.

Како благослов и голема благодарност заедно со црковниот одбор и свештеничкото братство, исто така и вработените, при храмот св.св. “Кирил и Методиј” (Параклис) за Своето сесветло и несебичното донирање и помагање изразуваме кон верните ПРИЛЕПЧАНИ И СИТЕ ПОМАГАЧИ на фрескоживописот на Параклисот, но и неговата обнова, кој со благослов на Неговото Високопреосвештенство митрополитот наш г. Петар се возобнови и се возобнувува се уште. Се надеваме дека еден ден, ќе се заврши ова дело пред Христа Воскреснатиот.

старешина на храмот,

протоереј Дејан Секулоски заедно со свештеничкото братство при истиот храм Ве поздравува вас добри прилепчани и останатите добронамерници, помагачи на нашиот храм, со најрадосниот поздрав ХРИСТОС ВОСКРЕСНА!

На верскиот празник „Источен петок – Балаклија“, традиционално во Јенимаале во Битола, продолжи вековната традиција на одбележување на „Градски – Селски Велигден“.

Многу радост, песна и игра го исполнија сретселото на ова битолско маало, каде се одржа и централната манифестација на новиот Детски фолклорен фестивал „Весел Петок“, организиран од КУД „Илинден“.

Во рамките на овој фестивал беа одржани голем број манифестации во кои учество зедоа детски фолклорни ансамбли од Македонија и странство, а денешната програма започна со Дефиле на фолклорните групи низ Јени маало и продолжи со настап на детските групи на КУД „Илинден“ Битола, КУД „Дримкол“ од Вевчани, Фолклорниот ансамбал „Китка“ од Истивања и училиштето за фолклор „Теблаб“ од Будимпешта, Република Унгарија.

На овој начин, културно уметничкото друштво „Илинден“, формирано во 1955 година во Јенимаале продолжува, заедно со младите генерации да ја негува и презентира народната традиција на локалното население.

На годинешното одбележување, присуствуваше и градоначалникот на општина Битола, Тони Коњановски, кој на сите присутни им го честита празникот, посакувајќи им искрени желби за здравје и успех и уште многу години, со радост и среќа да се одбележува овој ден.

Градоначалникот Коњановски, претходно, во својот кабинет, заедно со раководството на КУД „Илинден“, оствари средба со Тибор Мокаи, заменик градоначалникот на 18 Дистрикт, општина во Будимпешта, кој во Битола, присуствува заедно со училиштето за фолклор „Теблаб“ од Будимпешта, со кое КУД „Илинден“ соработува 23 години, а годинава е дел и од програмата на фестивалот „Весел петок“. Мокаи, во интерес на продлабочување на соработката, предложи да се разгледаат можностите за идно збратимување на двете општини.

По освоеното прво место во Б-групата, четвртфиналето го стартуваме со четвртопласираната екипа од А-групата, а тоа е тимот на Младинец од Скопје.

Се игра на два добиени натпревари, а првиот е денеска (22.04.2023) со почеток во 19:00 часот во салата на ООУ “Добре Јованоски.

Од клубот бараат поддршка од сите спортски вљубеници со цел да ја оставарат првата победа во плеј-офот, со предност да заминат на гостувањето во Скопје.

-Само влез во финале не сели во повисок ранг – велат од Мега баскет.

“Некст Тајм” и Влатко Лозаноски деновиве се на турнеја кај нашинците во Австралија, каде интересот за нивните концерти е огромен. Најпознатите близнаци во Македонија ни доловија дел од синоќешната атмосфера од концертот во Сиднеј.

Во краткото видео може да се види огромна емоција и енергија, а веќе вечерва “Некст Тајм” ќе одржат уште еден концерт на истото место.

На 21.04.2023 во 23.20 часот било пријавено дека во Скопје на крстосницата од бул.“Климент Охридски“ и ул.“Св.Кирил и Методиј“ се случила сообраќајна несреќа помеѓу патничко моторно возило “фолксваген туран“ со скопски регистарски ознаки управувано од Ч.Д.(57) од Скопје и возило “мерцедес“ со кумановски регистарски ознаки сопственост на Итна медицинска помош управувано од В.С.(23) од Куманово.

Во несреќата со тешки телесни повреди се здобил возачот Ч.Д., а со телесни повреди се здобиле возачот на возилото од Итна медицинска помош, сопатничката од истото возило А.К.(40) и лицето кое се превезувало како пациент Ж.Ц.(72) двајцата од Куманово констатирани во Комплексот клиники “Мајка Тереза“ и Градската општа болница “Св.Наум Охридски“. Извршен бил увид од увидна екипа од СВР Скопје.