Животот е чудо, но секој од нас го доживува на поинаков начин. Не постои универзално упатство како треба да живееме, како да се однесуваме, но сепак сите имаме сопствено животно искуство. Реално не се сеќаваме на деновите, но се сеќаваме на моментите.

Основците Влатко, Викторија и Атанасиј од ООУ “Рампо Левката” – Прилеп се погрижија да ни испратат јасна порака, за тоа дека животот не е проблем кој треба да се реши, туку стварност која треба да се доживее.

Во неколку минути убаво “дотеран” краток филм со наслов “Ти можеш” – (You Can), ќе погледнете приказна која допира, минути посветени на животните предизвици.

Улогите се на Влатко Димески, Викторија Стојаноска и Атанасиј Најдоски, снимањето го реализираше PhotoBedzo продукција, а дел од кадрите беа снимени во основното училиште “Рампо Левката” – Прилеп.

Tројцата ученици се дел од деветто А одделение, а филмот е изработеен под менторство на наставничката по македонски јазик Билјана Ацеска.

Одлична идеја со уште повпечатлива реализација. Приказна која ќе ве остави без зборови! Погледнете:

Франција се подготвува за уште еден масовен штрајк утре против пензиската реформа на претседателот Емануел Макрон, откако синдикатите едногласно објавија дека ќе ја „парализираат“ земјата со штрајкови и разни други демонстрации.

– Ги повикувам сите вработени во државата, граѓаните, пензионерите, масовно да одговорат на повикот за протести во вторник. Претседателот на Републиката не може да остане глув, изјави генералниот секретар на реформистичкиот синдикат ЦФДТ, Лоран Бергер.

Ова е шести пат од 19 јануари луѓето масовно да излезат на протести против предложената пензиска реформа, чија цел е поместување на старосната граница за пензионирање од 62 на 64 години и продолжување на времето за плаќање на придонесите потребни за добивање целосна пензија.

Огромното мнозинство Французи се „непријателски“ расположени кон оваа реформа бидејќи ја сметаат за „неправедна“, особено кон работниците на тешки работни места.

Владата тврди дека промените се неопходни за францускиот пензиски систем да излезе од дефицит до 2030 година.

Веќе со недели синдикатите вршат притисок и ги предупредуваат Французите да се подготват да живеат 24 часа на ден во земја во која сè ќе „запре“.

Наставниците, машиновозачите, работниците во енергетскиот сектор, индустриските работници и многу други се очекува да се приклучат на утрешниот штрајк.

Исто така, за разлика од претходните штрајкови, главните конфедерации на француските синдикати, вклучувајќи ги CFD и CGT, најавија „продолжени штрајкови“, што значи дека по завршувањето на секој штрајк, работниците ќе гласаат дали да продолжат индустриските активности.

Без одреден датум кога би можеле да завршат штрајковите, синдикатите веруваат дека нивната акција има потенцијал да го наруши секојдневниот живот и да ја загрози економијата толку многу што владата нема да има друг избор освен да попушти.

Синдикатите веруваат дека повеќе луѓе ќе протестираат утре отколку на 31 јануари, кога според полицијата на улица излегле 1,27 милиони луѓе, а според синдикатите 2,5 милиони.

Железничките и метро услугите во Париз утре ќе бидат прекинати бидејќи работниците на француските железници (SNCF) и париското метро (RATP) се приклучуваат на штрајкот.

Владата ги повика вработените да се префрлат на работа од дома.

Според Владата, реформата на пензискиот систем би донела дополнителни 17,7 милијарди евра пензиски придонеси годишно, а синдикатите одговараат дека има и други начини за зголемување на приходите, како што е оданочувањето на супербогатите.

Жестоката расправа во Парламентот за предлог-законот заврши на крајот на февруари без расправа за контроверзниот член 7 за зголемување на старосната граница за пензионирање. Предлогот сега се разгледува во Сенатот.

Во меѓувреме, Макрон повикува на „здрав разум“. Тој признава дека „никој не сака да работи подолго, но имајќи предвид дека живееме подолго, мора да работиме подолго ако сакаме да го зачуваме системот на меѓугенерациска солидарност“.

Тепачка изби меѓу пратениците во грузискиот парламент додека парламентарната комисија расправаше за нацрт-законот за „странски агенти“ за кој критичарите велат дека е направен по модел на драконски законодавство во Русија, пренесува Ројтерс.

Снимката од зградата на парламентот во главниот град Тбилиси покажа кратка, но насилна тепачка меѓу пратениците откако претседателот на комисијата за правни прашања почна да го удира лидерот на опозициската партија , според Ројтерс.

Критичарите го споредија со рускиот закон од 2012 година, кој оттогаш беше проширен и користен за сузбивање на руското граѓанско општество и независните медиуми. Тие го означија законот како симбол на авторитарна промена во Грузија.

Со полагање свежо цвеќе пред спомен бистата пред училиштето и пригодна програма, одбележан патрониот празник на ООУ “Страшо Пинџур” во населеното место Мало Коњари.

ООУ „Страшо Пинџур“ во населено место Мало Коњари денеска одбележува 108 години од раѓањето на својот патрон, како и 68 години од постоењето на училиштето.

За патрониот празник учениците подготвија богата културна програма на која преку рецитали, драмски изведби, танци … го претставија живот и делото на народниот херој, Страшо Пинџур.

Исто така денеска се започна и со комплетно партерно уредување на дворот во ова училиште, инвестиција на Локалната самоуправа во висина од 1.200,000 денари.

Тука учениците и персоналот на училиштето ќе имаат прилика да одржуваат настава во летната училница, а исто така и да уживаат во ботаничкиот пластеник и хортикултурното уредување кои што се предвидени.

Поскапуваат горивата од вечерва на полноќ, соопшти Регултаротна комисија за енергетика.

Цената на ЕУРОСУПЕР 95 се зголемува за 1 денар, и од утре ќе чини 82,5 денари по литар. Цената на ЕУРОСУПЕР 98 се зголеува за 1 денар и ќе чини 84,5 денари по литар.

Раст на цената и на ЕУРОДИЗЕЛ за 0,5 денари, и со новата цена од утре ќе изнесува 78,5 денари по литар.

Поскапува и екстра лесното масло од 77 на 78 денари, додека цената на мазутот се зголемува за 0,7 денари и според новата цена ќе се продава за 42 денари по литар.

„Букет од песни“ е насловот на концертот што ќе го одржи октетот Прилеп на седми март 2023 г/ вторник/ од 19 ч. во фоајето од ЦК „Марко Цепенков“. Концертот е по повод меѓународниот ден на жената Осми март.

Октетот, кој работи под патронат на ЦК „Марко Цепенков“, ќе се претстави со одбрани композиции во кои се пее за жената.

Паричните средства за корисниците на финансиска поддршка за справување со енергетската криза, ќе бидат исплатени на 13.03.2023 година.

Министерството за труд и социјална политика информира дека се објавени списоците на граѓаните кои добија парична поддршка за справување со енергетската криза. Зависно од категоријата на граѓаните списоците се објавени на веб страниците на ПОИМ, Агенцијата за вработување и Министерството за труд и социјална политика.

Паричните средства за корисниците на финансиска поддршка за справување со енергетската криза, ќе бидат исплатени на 13.03.2023 година.

На веб страната на Министерството за труд и социјална политика се објавени (корисници на правото на социјална сигурност на стари на лица, посебен додаток, надоместок заради попреченост, корисници на надоместок за помош и нега од друго лице со трајни промени во здравствената состојба без потреба од контролен преглед и не користат право на надоместок заради попреченост, како и самохраните родители кои се евидентирани корисници на гарантирана минимална помош).

На веб страната на Фондот на пензиското и инвалидското осигурување (корисници на пензија во висина не поголема од 11.525 денари месечно, односно во висина не поголема од 14.000 денари месечно, како и корисници на право на надоместок за телесно оштетување).

На веб страната на Агенцијата за вработување (невработени лица – корисници на право на материјално обезбедување во вид на паричен надоместок).

Списокот се објавува со цел граѓаните да можат да извршат проверка, а доколку лицето не е на списокот, а смета дека ги исполнува условите како корисник на право, може да поднесе приговор до Комисијата за одлучување по приговори за финансиска поддршка при Министерството за труд и социјална политика, во рок од три дена од денот на објавувањето на списоците на корисници на финансиската поддршка.

Приговорот може да се поднесе преку архивата на Министерството за труд и социјална политика или преку електронската пошта: [email protected].

Списокот на корисници на паричните средства за финансиска поддршка за справување со енергетската криза, ќе биде отстранет од веб страната на Министерството за труд и социјална политика, веб страната на Фондот на пензиското и инвалидското осигурување на Македонија и веб страната на Агенцијата за вработување, по истекот на три дена од денот на објавувањето.

Ова е еден интензивен хибриден напад што ни се случува низ целата територија на земјата, при што беа зафатени околу 120 објекти, не само училиштата. Безбедносните служби активно работеа, безбедноста не беше загрозена, но мораше да се постапува според упатствата, вели министерот за внатрешни работи Оливер Спасовски.
Спасовски во гостувањето на Телевизија 24, рече дека интензивно се работи на откривање на сторителите, посочувајќи дека од 19 октомври па се до денеска со опфатени повеќе од 520 објекти со лажните дојави.

-Неколку случаи беа разрешени. Сега имаме една изолирана група и се работи на случајот. Не станува збор за закани кои се случуваат само во нашата земја туку со истото се соочуваат и земјите од регионот. Во последните денови мејловите се испратени од адреси во Иран и Русија, а уплатите на ВПН услугите се со криптовалути што го отежнува пронаоѓањето, вели Спасовски.

Тој додава дека новото упатство прави проценка на ризик, па оттука и отсега па натаму ќе се преземаат мерки, но без да се нарушува образовниот процес во училиштата.

Спасовски, посочи дека е направен оперативен тим од различни институции кои учествуваат со свои експерти и бараат соодветни решенија за да се најде поинаков пристап кон електронските закани, исто така, нагласувајќи дека е донесено ново успатство за постапување и од петокот училиштата функционираат според тоа упатство.

Има милион видови четки за заби, а една од нив е електрична, која многумина ја избираат. И додека некои ја фалат, други веруваат дека може да направи повеќе штета отколку корист ако се користи неправилно. Лиценцираниот стоматолог Криста Хит ги откри најчестите грешки што ги прават луѓето кога користат електрична четка за заби.

„Толку луѓе ја користат својата електрична четка за заби како да е рачна четка за заби и можат да направат повеќе штета отколку корист“, предупредува овој стоматолог.

На својот профил на TikTok таа покажа како правилно да се користи електричната четка за заби, како и зошто не треба да ги миете забите откако ќе ја користите. Прво, таа го покажа идеалниот агол за миење заби, кој е агол од 45 степени кон непцата.

Покрај тоа, според неа, би било идеално да се „поделат“ устата и забите на четири дела. Значи, го имате горниот и долниот десен дел, истото и на левата страна. Електричната четка не треба наеднаш да ја поместувате и да ја вртите во круг, туку нежно да „влечете“ по секој заб во горенаведените четири региони – и од внатрешната и од надворешната страна на забот.

@krystaroseheath How to properly brush your teeth with an electric toothbrush ! #teeth #toothbrush #dental #fypシ ♬ original sound – Krysta

„Направете го ова и забите ќе ви бидат многу почисти“, препорачува таа, а како последен совет објаснува зошто не треба да ја плакнете устата откако ќе ги измиете забите.

„Ако исплакнете со вода по четкањето, штотуку сте ги изгубиле сите придобивки од користењето на паста за заби за плакнење. Плукајте, не плакнете. Ќе биде чудно, но верувајте дека функционира“, заклучила Криста.

На 24 февруари се реализираа општинските натпревари по хемија за учениците од основните училишта во Македонија во организација на Секцијата за хемиско образование при Сојузот на хемичарите и технолозите на Македонија (акредитирано здружение од МОН).

Предводени од наставник-ментор м-р Кети Иваноска на натпреварот учествуваа тринаесет ученици кои постигнаа високи резултати и си обезбедија пласман на регионалниот натпревар кој ќе се одржи на 6 мај.

Наградени ученици од осмо одделение: Матеа Танева прва награда, Марко Марковиќ втора награда, Теодора Ѓорѓиеска втора награда, Михајло Обрадовиќ втора награда, Теодора Тасеска втора награда, Невена Цветкоска пофалница за успешно учество, Марко Блажески пофалница за успешно учество, Јана Пејоска сертификат за учество

Наградени ученици од деветто одделение: Емили Иваноска прва награда, Софија Димитриеска прва награда, Теодора Крстеска награда прва награда, Михаил Ѓорѓиески втора награда, Јана Василеска втора награда.

Честитки за младите хемичари!