Управата на манастирот Св. Илија Писокал кај прилепското село Кален, секојдневно го разубавува и пожртвувано се вложува, ова светилиште да стане едно од главните дестинации за верниците и добронамерниците од околината, но и за секој гостин кој ќе го посети градот под Марковите Кули.

Ако ја отворите Фејсбук страната на манастирот, ќе видите дека речиси секојдневно овие луѓе неуморно работат, изнаоѓаат донатори, го средуваат секое ќоше, а резултатот од нивната работа е за секоја пофалба.

Последниве денови блесна и кругот на манастирот, а за тоа задолжен бил Гоце Јорданоски, кој тревните површини ги претворил во една мала рајска градина, во која ќе уживаат сите, и стари и млади.

Секоја чест!

И покрај апелите од храмот Св. Петка во пресрет на веста за Христовото воскресение, верниците да внимаваат со свеќите и да не ги оставаат каде ќе најдат, а со цел да се избегне неповратно уништување на плочките и калдрмата во дворот на храмот, сепак разумот не преовладеа кај секого.

-Храмот “Св. Петка” се заблагодарува на сите кои на воскресенската ноќ со свеќите “помогнаа” да се “фрескоживописа” оградниот ѕид, фонтаните, плочките и калдрмата во дворот на храмот со што оставија неизбришливи траги – напишаа од црквата на Фејсбук.

Како резултат на оваа неразумост, ѕидовите од дворот на црквата и патеките неповратно се уништуваат, а трагите од саѓи и восок ќе бидат видливи засекогаш.

Во чест на градителот на планинарскиот дом на Селечка Планина, Томе Темелкоски, “Прилепски Планинари Авантуристи” по втор пат организираа планинарска дружба на која присуствуваа над 200 вљубеници во природата од сите краишта на Македонија.

Турата започна од манастирот Св. Димитрија кај село Селце, па преку Домаќинско Чешмуре, Дина Нива, Стогот, Врапчето, врвот Устрелец, споменикот Карпалак и врвот Чуле, планинарите стигнаа до планинарскиот дом “Томе Темелкоски”.

Eдна одлична рута на која имаше многу дружење, а убавото време го олесна искачувањето до крајната дестинација.

Витаминка и овој пат својот асортиман го претставува на саемот ISM Келн во Германија, еден од најважните настани за кондиторски производи и закуски. За најголемиот македонски производител во прехранбената индустрија, присуството во Келн е можност за стекнување нови пазари, но и за следење на новите трендови во индустријата.

„ISM Келн претставува собир на најголемите и најзначајните компании од секторот и тука се презентираат трендовите, иновациите и перспективите во оваа индустрија. Освен иницијалните контакти, воспоставување релации и партнери за нови пазари, ова е главниот фокус на нашето присуство тука и очекувани придобивки. Дополнително како компанија од Македонија со претставувањето на производите на Витаминка го промовираме и македонското производство и прехранбената индустрија во земјава, што е дополнителна предност. И оваа година нашето претставување помина успешно и ја исполнивме целта“, изјави Љупчо Велески, директор на извоз во Витаминка.

Саемот ISM ги спојува сите релевантни целни групи, како малите, средните компании но и лидерите на пазарот со меѓународни деловни групи заинтересирани за соработка. Присутни се повеќе од 1200 изложувачи од повеќе од 70 земји од целиот свет.

На 23.04.2023 во 13.53 часот во СВР Битола било пријавено дека на патот Битола – Ресен, кај превојот „Ѓавато”, во атар на с.Ѓавато, се случила сообраќајна несреќа помеѓу патничко возило „сеат“, управувано од И.А.(57) од Ресен и патничко возило марка „мерцедес”, управувано од С.Ј.(52) од Ресен, двете со ресенски регистарски ознаки.

Од здобиените повреди на местото на несреќата починала И.А., а смрт констатирал лекар од Итна медицинска помош. Сопатникот во возилото „сеат“ А.А.(56) од Ресен и возачот на возилото „мерцедес“ се здобиле со телесни повреди, констатирани во Општа болница Битола.

Увид извршила екипа на СВР Битола.

-РЕСТОРАН ОСКАР, три години после полнолетноста, на 24.04.23, веќе прославува 21 година, година на зрелост и фамилијарна посветеност. Во чест на тој Јубилеј, како општествено одговорно, правно лице, со емпатија кон сите деца, најчистите души, ПАРИТЕ ЗА ПРОСЛАВА ЌЕ БИДАТ НАМЕНЕТИ ЗА ДЕЦАТА, СМЕСТЕНИ ВО ДОМОТ ЗА ДОЕНЧИЊА. Бог со сите нас! Ве сакаме сите. Ваш ОСКАР – напишаа од ресторанот на социјалните мрежи.

На 22.04.2023 во Скопје во спортскиот центар “Борис Трајковски” се оддржа триесеттото Државно првенство во пинг понг за кадети и кадетки до У-15 години, од каде пингпонгарите на Младост96 Прилеп повторно се вратија со медали.

Иако имаат по 12 години, сепак во повозрасната У15 категорија, кадетите на Младост96 прикажаа одлични игри и заслужено освоија медали.

Мартин Ристески и Давид Јоноски во игра на двојки го освоија бронзениот медал, прикажуваќи мотивираност и голема ангажираност.

Во поединечните натпреварувања беа многу блиску до 1/4 финале, но на крајот не успеаја да влезат во најдобрите 8, каде моментално им е и местото.

Трајче Маркоски кој е на позајмица во градскиот ривал Младост, исто така во игра на двојки со играчот на Берово, Јован Пармачки, го освоија третото место.

Трајче Маркоски се пласира во најдобрите 8, а за влез во полуфинале во одлична игра со 3-2, за жал изгуби од вице шампионот на Државното првенство К.Каламадевски од Берово. Играа уште и Огнен Илиески и Јован Аврамоски.

На 23.04.2023 година се одржаа и 13-то и 14-то коло од Супер лигата. Сениорската екипа на Младост96 сигурно чекори кон зачувување на првото место во регуларниот дел, извојуваќи две сигурни победи со екипите на Берово и Младост со по 4-1.

На двата натпревари играа Ѓорѓе Борчиќ, Петар Костовски и Лука Огненовски. Резерва беше Александар Рикалоски.
Лигата продолжува на 13 и 14 мај, кога завршува и регуларниот дел од првенството, и започнува плеј-оффот, каде Младост96 посакува да ја врати титулата во своите редови.

Боречкиот клуб “7 Мај – Златна рака”, викендов убедливо го освои првото место во женска конкуренција за кадетки, на турнирот кој се одржа во скопско Студеничани.

Први места освоија: Ангела Трајкоска во категорија до 43кг, Елена Деjкоска во категорија до 49кг. и Деспина Богеска во категорија до 53кг.

Второпласирани беа: Марија Велјаноска во категорија до 43кг, Кристина Цветаноска во категорија до 46кг и Тамара Цветкоска во категорија до 57кг.

Исто така Михаил Илиоски го освои третото место во категорија до 51кг.

Сончево со мала до умерена облачност. Од пладневните часови облачноста ќе се зголеми и на места ќе има појава на краткотраен дожд, појава на грмежи и засилување на ветерот.

Ќе дува слаб до умерен ветер од јужен правец. Минималната температура ќе биде во интервал од 3 до 9, а максималната ќе достигне од 16 до 22 степена.

Во Скопје сончево со мала до умерена облачност и со слаб променлив ветер. Од пладневните часови ќе има услови за нестабилност со појава на пороен дожд, грмежи и засилување на ветерот.

Минималната температура ќе се спушти до 7, а максималната ќе достигне 21 степен.

Mинистерството за економија го објави ОГЛАСОТ за надоместување на дел од трошоците за купени и вградени ПВЦ или алуминиумски прозорци во домаќинствата за 2023 година.

Вкупно предвидени се 25.000.000 денaри и ќе се опфатат околу 1.200 домаќинства. Министерството за економија, на лицата кои ќе купат и вградат ПВЦ или алуминиумски прозорци во своите домови, ќе им обезбеди поврат на средства во висина до 50 %, но не повеќе од 20.000 денари по домаќинство за 2023 година, под услов купувачите досега да не користеле средства за оваа мерка. Право на учество на овој јавен оглас ќе имаат лицата кои имаат купено и вградено ПВЦ или алуминиумски прозорци во своите домови во периодот од денот на објавување на јавниот оглас до 31.07.2023 година. Условите може да се видат ТУКА

Ова е одлична шанса за сите оние кои сакаат старите прозори да ги заменат со нови ПВЦ прозори, а најдобриот избор во Прилеп за тоа е никој друг туку “ЕУРО ГЛАС”.

“Еуро глас” ја има најдобрата понуда за ПВЦ дограма. Таму ќе најдете врати и прозорци од брендовите ALUPLAST и PROFILINK, а изборот на модели ќе ве остави вчудоневидени и навистина тешко ќе се одлучите.

За сите прозорци и врати кои ги произведуваат, од “ЕУРО ГЛАС” обезбедуваат бесплатна и максимално стручна монтажа и гарантираат за нивната долготрајност. Сите производи ги задоволуваат најсторогите стандарди за цврстина, издржливост, функционалност и најважно енергетска ефикасност.

За цените не треба да разговараме. Само во “ЕУРО ГЛАС” ќе најдете најквалитетни производи по најпристапни цени, a тоа ќе ви го потврди секој нивни муштерија.

Затоа побрзајте! Искористете ја оваа можност затоа што принципот на огласот е ПРВ ДОЈДЕН ПРВ УСЛУЖЕН!

Побарајте ги професионалците од ‘ЕУРО ГЛАС’ на 078 363 775 и закажете состанок.