Струмичанецот Наце Митев кој зад себе има огромна километража низ Европа од посети на спортски натпревари, ни ја долови атмосферата од синоќешното “Ел Класико”, кое Барса го доби со 2:1 и речиси сигурно ја потврди титулата во Ла Лига сезонава.

Наце и неговата екипа се појавија на “Камп Ноу” со кореографија каква што доликува на вистински Македонци.

Погледнете дел од бучната атмосфера која никого не остава рамнодушен:

На 19.03.2023 во Битола, полициски службеници од криминалистичката полиција при СВР Битола ги лишиле од слобода Д.О.(37) и А.А.(35), двајцата од Битола, а службен разговор во полициска станица бил извршен и со А.М.(27) од Битола.

Тие се сомничат дека извршиле три тешки кражби и две кражби во куќи, патнички возила и спортска обложувалница, од каде одзеле разни предмети и пари.

Одземеното било пронајдено и вратено на сопствениците, а по целосно документирање на случаите против нив ќе следува соодветна пријава.

Авторот на колумната е проф.по предучилишно образование и воспитување. Вработена во 00У,,Блаже Конески,,

Анегдота која честопати некогаш се слушаше низ прилепската чаршија. Во она време кога чаршијата имаше мирис на штотуку испечатени весници, кои беа разнесувани доцна наваечер или изутрина (за тоа друг пат).

Анегдотата раскажува дека во нашата Стара чаршија, еден трговец отворил дуќан. Целиот во надеж и среќа дека работата ќе тргне. Но, ете не му се посреќило и ставил клуч на дуќанот. Неговата желба не стивнувала, а разочарувањето пак се претворило во надеж. Го променил местото на дуќанот, средил и дотерал се’, ги следел дуќанџиите од спротива, до него… ама пуст нeк’смет пак дуќанот празен. Без муштерии, а тој во загуба. По втор пат ставил клуч на дуќанот и ги спуштил кепенците.

Седнал човекот да размислува, што, како да направи за да работата тргне. Сигурно се прашал каде греши. Мислел, мислел и како бива ништо не смислил и во набој на лутина и бес на цел глас извикал:

– A бе, до кога вака??? – дури извикал му текнало, фирмата ќе ја крсти ,,ДО КОГА ВАКА,,?

И од инает прилепски, збор не кажал на никого, туку вечерта отворил нов дуќан, а на него со големи букви напишано името на фирмата ,,ДО КОГА ВАКА,,.

Анегдотата вели дека со новото име на фирмата “ДО КОГА ВАКА”, работата тргнала, тој се усреќил, почнала да врти парата и конечно се здобил со статус на дуќанџија. Под мустаќ знаел да се поднасмее кога го прашувале кој е клучот на успехот. Тој итрец од прилепски ков ќе им намигнел на луѓето и ќе го насочел погледот кон небото со зборовите ,,сполај му Него,,.

Па ако човек во денешно време се поразмисли за анегдотата, има нешто и да научи. Дека трета среќа е џек пот во општеството, во кое ние сакале или нејќеле, живееме заедно во овај град и во оваа држава Р.Македонија!

Аналогно на анегдотата, на паметен човек од нигде никаде ќе му светне идеја да стави натпис ,,ДО КОГА ВАКА,, на многу институции, кои толку се западнати, што ни монетарниот светски фонд не може да ги извлече од (не)чесното работење.

Претпочитам, министерството за здравство под итно да си го смени името ,,ДО КОГА ВАКА,, и трета среќа загарантирана за сите. И за министерот и по хиерархија надолу. Да види човек и да не верува, како работите ќе се подобрат. Доктори од Европа ќе бараат вработување во нашите болници со цел медицински персонал. Болниците чисти без бактерии и опасност по човечкиот живот, вработените насмеани и среќни, ќе бараат и викенди дежурства. Среќа на сите страни. Тоа пациентите, мерак да им е да се разболат, па да ги третираат како живи битија, а не како (сакаш здравје, дај мито).

Претпочитам министерството за финансии да си го смени името ,,ДО КОГА ВАКА,, и се ќе тргне како со лој подмачкано. Нема игри за сиромаштијата со ,,мој ДДВ,, народ среќен полн со бенифити. Па тоа задолжувањето за отплата на стари долгови без извршители, со реална каматна стапка, јавни набавки, закони и прописи, се’ во името на народот. Среќа блеска, странски реномирани стручњаци ќе ни идат за обука во државичкава. Рај !

Претпочитам министерството на образование наука да си го смени името ,,ДО КОГА ВАКА,, па ќе видиме аир сите, родители, наставници, деца. Учебници доставени уште во јуни за наредната учебна година. Тоа програмата, скоцкана, а бе да крцка од убост. Историја застапена, македонски јазик учебници без намерни грешки, тоалетите по училиштата средени како аптека, а не извор на зараза. Инвестиции натрупани, а бе милина да не знае човек што побргу да реализира, тендери без врски и мито. Убавина! Гледаш Финска со цел тим седнал кај министерот и бараат како да си го подобрат образованието. Оф, сон ли е ова?

Претпочитам министерството за култура да се преименува ,,ДО КОГА ВАКА,,. Трета среќа! Лектори кои си го знаат мајчиниот јазик, македонски нели. Театрите по сите стандарди, не како овај нашиов кутар театар во Прилеп. И тоа не е се’, кога ќе изградат нов театар, а бе Бродвеј нема да ни е рамен. Глумци пеат, народ културно се издигнува, нема караници кој да режира, нема лутенки за ,,ролјите,, Просто, експерти од Чешка ќе земаат пример од нас што е тоа театар!

Претпочитам уште многу промени на името на институции со ,,ДО КОГА ВАКА,, и ако пишувам, стара вечера ќе ме фати…

Пред да ја привршам колумната. Претпочитам на Собранието на Р.Македонија (нашиот парламент) да го стават името ,,ДО КОГА ВАКА,, Затворете очите и замислете. Само замислите. Пратениците во служба на народот. Нема огромни патни трошоци. Истите ги донираат на најранливата категорија на сиромашни. Багателната храна од бифето, повторно донирана секојдневно по домовите за стари лица и домовите за деца и студентските мензи. Народот среќен што ги гласал и уште од сега вика дека пак ќе ги гласа, оти животот ни го просвелија. Гледаш, цел свет бара совет од пратениците, зошто само кај нас владее права демократија!

Претпочитам на многу формални и неформални политички објекти, формирани како партии да си ја стават фирмата ,,ДО КОГА ВАКА,, па ќе им тргне со куп членство, млади, стари, се’ агилно. Ажурирањето до небо! Има да си ги почитуваат активистите и нема да се плашат од интелектуалците. Трета среќа!!!

И на крај, што посебно ми е тешко, ставете бе табли на излез и влез на Р.Македонија со името ,,ДО КОГА ВАКА,,

И не гаснете ја сијалицата, белким трета среќа, ќе тргне работата !
,,сполај му Него ,,

Павлина С. Звездоска

Денеска во ресторанот “ЕКСКЛУЗИВ” во спортската сала “Расадник” во Скопје, се одржа првото изборно Собрание на Унијата на карате ветерани.

На настанот за претседател на карате ветераните беше избран Чедомир Саздовски, а за потпретседател прилепчанецот Љупчо Кафеџиоски – Кафето.

Честитки за изборот и успешна и плодна работа на оваа нова спортска организација.

Барса за првпат по девет години го дочекува „Ел Класико“ со дури девет бода пред вечниот ривал. Ако победи сега, трката за титулата е завршена.

Натреварот се игра вечерва со почеток од 21:00часот, а во Барселона речиси стандардно е присутен еден од најверните навивачи на македонската репрезентација и воопшто еден од најголемите поддржувачи на македонските спортисти ширум светот, но и на клубовите од Барселона, струмичанецот Наце Митев.

Наце по обичај ни испраќа ексклузивни видеа од натпреварите кои ги следи, а денеска не почести со видео од атмосферата во Барселона пред натпреварот.

Наце и неговата дружина уживаа во македонска песна и се загреваа за натпревароткој може да ја реши титулата во Ла Лига сезонава.

На 18.03.2023 во 17.00 часот во Прилеп од полициски службеници бил лишен од слобода Д.А.(20) од Прилеп, поради тоа што агресивно се однесувал кон нив и ги спречувал во вршење на службени дејствија.

По целосно документирање на случајот ќе следи соодветен поднесок – информираат од ОВР Прилеп.

Ноќва (19.03.2023) во периодот од 00.00 до 04.00 часот, од страна на сите сектори за внатрешни работи спроведена е акциска контрола за присуство на малолетници во угостителски објекти, како и точење и продавање на алкохол на малолетници во 267 угостителски објекти на 26 локации.

Во рамки на контролата на подрачјето на СВР Тетово откриено е едно кривично дело казниво по чл. 215 од Кривичниот законик, при што кај едно лице е пронајдена и одземена ќеса со бела прашкаста материја.

Лицето е лишено од слобода и против него ќе следува соодветен поднесок.

На подрачјето на СВР Скопје приведени се 61 лице, од кои 60 малолетници, кои по полноќ се затекнати во ноќен клуб и тие се предадени на родителите, а едно лице поради напад на службено лице при вршење работи на безбедноста, по чл.383 од Кривичниот законик.

За време на контролата откриени се вкупно четири прекршоци, по Закон за угостителска дејност на подрачјето на СВР Струмица, по Закон за пушење, Закон за лична карта и Закон за безбедност на сообраќајот на патиштата, сите на подрачјето на СВР Скопје, за кои се издадени соодветни платни налози.

Вчера во Кочани се одржа Државното првенство во борење за пионери и пионерки, на кое учество зеде и Боречкиот клуб “7-ми Мај” – Златна рака од Прилеп.

Прилепчани забележаа одлични резултати и освоија две први места, едно второ и три трети места во женска конкуренција.

Со први места се закитија Ангела Трајкоска и Тамара Цветкоска, втора беше Јована Мидовска, а третопласирани завршија Анабела Стојаноска, Јована Тодороска и Ана Марија Мицкоска.

Во севкупен пласман, БК “7-ми Мај” – Златна рака го освои второто место.

Здружението на земјоделски инженери „АГРОНОМ 1947“ е новоформирано здружение основано со цел зајакнување на соработката и координацијата меѓу земјоделските инженери во земјата.

За идеите, моменталните активности и плановите за делување на Здружението, AGROTIM разговараше со претседателот Билјана Талеска.

Агротим: Која беше идејата што ве мотивираше да го формирате ова Здружение?

Билјана Талеска: Идејата за основање на Здружението произлезе од група земјоделски инженери кои ја ценат и почитуваат својата професија и сакаат својот ентузијазам и љубовта кон унапредување на професијата да ги пренесат кон своите колеги, помладите генерации и пошироката јавност. Со покоординиран, заеднички и професионален пристап сакаме да покажеме дека професијата земјоделски инженер е атрактивна и особено значајна во развојот и модернизација на земјоделското производство во нашата држава.

Агротим: Која е визијата на Здружение на земјоделски инженери АГРОНОМ 1947 ?

Билјана Талеска: Нашата визија е Здружение да стане водечки центар на професионалци во земјата, кои работат заедно за да создадат конкурентен земјоделско-прехранбен сектор преку пренос на знаење, технологија, информации и иновации во секторот.

Поради тоа Здружението е посветено на зајакнување на соработката и координацијата меѓу земјоделските инженери, на препознавање и промоција на професијата, значајните достигнувања во секторот и влијание во процесот на креирање, следење и имплементирање на иновативни политики во земјоделството и руралниот развој.

Целото интервју прочитајте го ТУКА

Меѓународниот кривичен суд (МКС) издаде налог за апсење на рускиот претседател Владимир Путин, обвинувајќи го дека е одговорен за воените злосторства извршени во Украина.

Иако МКС нема овластување да апси осомничени во Русија, оваа одлука многу ќе влијае на Путин, бидејќи ако не сака да биде уапсен, тој повеќе нема да може да оди во земји кои ја признаваат јурисдикцијата на судот во Хаг, вклучително и Македонија.

Имено, вчера судот во Хаг објави потерница во која се наведува дека рускиот претседател е одговорен за воени злосторства, а своите тврдења ги насочил на илегалната депортација на деца од окупирана Украина во Русија.

Овој редослед мора да го следат сите држави кои го потпишале договорот со кој е основан судот, познат како Римски статут.

Иако Русија не е една од земјите потписнички, според податоците на веб-страницата на Меѓународниот кривичен суд во Хаг, се дури 123 земји.

Меѓу нив се 33 африкански, 19 азиско-пацифички, 18 источноевропски и 28 земји од Латинска Америка и Карибите, како и 25 западноевропски и други земји.

Поточно, Римскиот статут го потпишаа: Албанија, Андора, Антигва и Барбуда, Аргентина, Австралија, Австрија, Авганистан, Бангладеш, Барбадос, Белгија, Белизе, Бенин, Боливија, Босна и Херцеговина, Боцвана, Бразил, Бугарија, Буркина Фасо , Кејп Верде, Камбоџа, Канада, Централноафриканска Република, Чад, Чиле, Колумбија, Коморските Острови, Конго, Кукови Острови, Костарика, Брегот на Слоновата Коска, Хрватска, Кипар, Чешка Република, Конго, Данска, Џибути, Доминика, Доминиканска Република, Еквадор, Ел Салвадор, Естонија, Фиџи, Финска, Франција, Габон, Гамбија, Грузија, Германија, Гана, Грција, Гренада, Гватемала, Гвинеја, Гвајана, Хондурас, Унгарија, Исланд, Република Ирска, Италија, Јапонија, Јордан, Кенија , Кирибати, Латвија, Литванија, Лесото, Луксембург, Либерија, Лихтенштајн, Мадагаскар,Македонија, Малта, Монголија, Малави, Маршалските Острови, Црна Гора, Малдиви, Маурициус, Мали, Мексико, Намибија, Науру, Нигер, Нигерија,Холандија Зеланд, Норвешка, Панама, Парагвај, Перу, Полска, Португалија, Јужна Кореја, Молдавија a, Романија, Свети Китс и Невис, Света Луција, Свети Винсент и Гренадини, Самоа, Сан Марино, Сенегал, Србија, Сејшели, Сиера Леоне, Словачка, Словенија, Јужна Африка, Шпанија, Палестина, Суринам, Шведска, Швајцарија, Таџикистан , Источен Тимор, Тринидад и Тобаго, Тулис, Уганда, Велика Британија, Танзанија, Уругвај, Вануату, Венецуела и Замбија.

Доколку Путин отпатувал во некоја од овие земји, веднаш би бил уапсен.

Според Хаг, Путин, како и руската комесарка за правата на децата, Марија Лвова-Белова, се обвинети за илегална депортација на деца од окупирана Украина во Русија, што се квалификува како воено злосторство.