Нашиот став е јасен и ние го кажавме, нема да учествуваме во постапката за уставни измени затоа што не ги подржуваме уставните измени. Сметаме дека истите не треба да се случат затоа што овој парламентарен состав нема мандат за уставни измени, никој во програмата за изборите не вети дека ќе се случат устави измени, а граѓаните на избори гласаат врз основа на програма. Така што нашиот став е краток и јасен дека нема да поддржиме уставни измени под бугарски диктат, изјави потпретседателот на ВМРО-ДПМНЕ, Александар Николоски за „Аргумент плус“ на ТВ24.

Николоски потенцира дека и кај меѓународните претставници постојано треба да се објаснува за притисокот кој го прави Бугарија и дека тие уцени не треба да се прифатат затоа што ниту се пристојни, ниту добрососедски.

– Сакаат да ги слушнат нашите аргументи затоа што ние аргументирано дебатираме. Тоа се луѓе кои не живеат тука и сакаат да дознаат повеќе информации како сме стигнале тука. Го објаснуваме односот како Бугарија ја уценува Македонија, го објаснуваме тој однос кој е далеку од демократски, добрососедски и далеку од пристоен. Тоа се уцени кои не сме спремни да ги прифатиме, изјави Николоски.

Николоски посочи дека од друга страна од владејачката коалиција од СДСМ и ДУИ прифатија обврски кои не може да ги испорачаат затоа што прифатија промена на Устав што се прави со двотретинско мнозинство, а тие едвај имаат просто мнозинство.

– Гледаме дека владата едвај преживува, а камо ли да има двотретинско мнозинство. Нашиот став е јасен и нема да го промениме, а тоа е дека овој парламентарен состав нема мандат за промена на Уставот и не можеме да поддржиме.

Николоски нагласи дека не може Ковачевски за 4-5 месеци од неговиот избор да реши проблем кој постои повеќе од 150 години откако Бугарија постои како држава и чии ставови до денес се непроменети.

– Заради тоа во април месец минатата година претседателот Мицкоски јавно на прес конференција понуди тим заеднички да ги браниме позициите на Македонија, тоа беше одбиено, а нашиот предлог беше суштински. Власта требаше самата да побара да се вклучиме тогаш, а не тие веднаш да одбиваат предлози.

Николоски појасни дека потоа веќе се зборуваше дека власта ќе прифати предлог кој е усогласен меѓу нив и Бугарија, а и тогаш ВМРО-ДПМНЕ даде аргументи кои не сакаа да се прифатат.

– Имавме средба во клубот на пратеници на кој дадовме јасни забелешки каде се проблемите што е проблем во преговарачката рамка и што Бугарија наметнува. Ништо не беше прифатено и власта после тоа прифати промена на Устав иако знаеше дека нема поддршка од ВМРО-ДПМНЕ. Власта прифати нешто што не може да испорача. Власта целосно изгуби легитимитет и најдобар начин е да се организираат предвремени избори.

Соопштение до верниците од црковниот храм Св. Петка во населбата Точила во Прилеп

“Почитувани прилепчани, браќа и сестри во Христа!

Со радост ве известуваме дека оваа четврта недела од Великиот пост (26.03.2023), посветена на св. Јован Лествичник, кога го чествуваме споменот на св. Никифор Цариградски, во храмот „Св. преп. мчца. Параскева (Петка) Римјанка“ – Точила, со почеток во 08:15 часот ќе се богослужи света архиерејска Василиева литургија, со која ќе чиноначалствува епархискиот архиереј, Неговото Високопреосвештенство митрополитот Преспанско-пелагониски и администратор Австралиско-новозеландски г. Петар.

Ве покануваме возљубени, та сите заедно да се помолиме на нашиот Господ Исус Христос да ни испрати благодатни сили да го привршиме и овој пост и достојно да ги дочекаме претстојните празници и најторжествениот, Празникот над празниците – Велигден!

Министерството за внатрешни работи соопшти дека денеска околу 1:20 часот во СВР Скопје било пpиjaвено дека на регионалниот пат Скопје – Тетово, кај бензинска пумпа во село Арнакија, скопско, се случила cooбpaќajна нecpeќа помеѓу патничко возило „пежо“ со скопски регистарски ознаки, yправувано од 14-годишник од Скопје и патничко возило „рено“ со тетовски регистарски ознаки, управувано од А.С.(19) од Скопје, кој го напуштил местото на несреќата.

-Притоа, со тешки телecни повpeди се здобиле возачот на возилото „пежо“ и неговиот 14-годишен сопатник, констатирани во Комплекс клиники „Мајка Тереза“, додека уште еден 14-годишен сопатник се здобил со телecни повpeди, констатирани во Градската општа болница „8 Септември“.

Од МВР информираат дека за настанот бил известен Јавен обвинител, а увид на местото на настанот извршила екипа од СВР Скопје.

Хуманитарен паркинг во Неготино. Плаќаш за паркинг по нормална цена, а парите одат за хуманитарни цели – објави на својот Фејсбук профил сценаристот и активист Божидар Божиновски.

Потег кој е за пофалба и треба да го следат сите општини во Македонија.

Министерството за внатрешни работи, постапувајќи по заклучок донесен од Владата, спроведува постапка за изменување на решението за цените на обрасците за вадење лични документи. Обрасците во моментов се издаваат по цените кои важеа и до сега, информираат од министерството за „360 степени“.

Со решението, додаваат оттаму, се вршат измени на цените, а ќе се применуваат кога решението ќе се објави во „Службен весник“ и ќе влезе во сила.

Цената на пасош за лице до 27 години ќе остане непроменета и таа и натаму ќе изнесува 1 500 денари, но пасошот за лице над 27 години ќе изнесува 2 000 денари, што е зголемување за 500 денари. Цената на личната карта ќе изнесува 310 денари, што е зголемување за 120 денари. Цената на возачката дозвола ќе изнесува 410 денари, што е зголемување за 130 денари.

Ќе има промени на цените и на обрасците за итна постапка. Цената на пасош по итна постапка ќе изнесува 6 100 денари, што е зголемување за 1 600 денари.

Цената на возачка дозвола по итна постапка ќе изнесува 1 230 денари, што е зголемување за 390 денари.

Промената на цените се прави поради зголемените набавни цени на увезени обрасци, зголемени трошоци за одржување на системот, кое се врши од страна на странски економски оператор, како и набавка на нови машини поради укажана потреба од замена на веќе дотраени машини за персонализација итн, информираат од МВР.

До февруари 2024 година граѓаните имаат законска обврска да ги сменат сите лични документи на кои наместо досегашното име Република Македонија треба да стои новото име, кое произлегува од Преспанскиот договор со Грција и Република Македонија.

Естрадниот пејач Благојче Стојановски – Туше, на својот јутјуб канал објави видео од убава македонска свадба, на која на селски тапан тропа уште поубава Македонка.

И после кажете дека тропањето на селски тапан е само машка работа… Ем тапан грми, ем шеснаесеткрако македонско сонце во позадина.

Анастасија е родена во Скопје и на своја 3-годишна возраст таа со нејзините родители се преселиле и живеат во Хабург, Германија.

Девојчето е вистински промотор на Македонија и досега има повеќе видеа на својот јутјуб канал Mit Anastasija, a последното е посветено на манастирот Св. Меркуриј во битолското село Барешани.

Соговорник на Анастасија е дедо Драги, кој ќе ви раскаже за сонот како е изграденo oва свето место и зошто баш тука.

Приказната е насловена како “Силата на каменот”, a e поврзана со чудотворната моќ на камен каде е изграден и самиот манастир.

-Овој Камен и ова место има големо значење и било од голема помош. Самото место било лекувалиште за психичко-болни луѓе. Исто така овој камен има моќ за уште неколку видови лекувања:брачни парови што немаат дечиња, дечиња што слушаат, а не зборуваат до 5 години, дечиња што се мократ во гаќи, брачни парови што имаат мака со мажење-женење. Сличен сон имал и самиот дедо Драги. Сон за едно семејство од друга вера кое повеќе од дваесет години немало деца и со СИЛАТА НА КАМЕНОТ се родил нивниот син Мохамед, напиша Анастасија во описот под видеото.

Погледнете ја целата репортажа во продолжение:

Состојбата со езерата во Македонија веќе извесен период е алармантна. Лошото управување со езерата е очигледно, а никој засега не презема ниту одговорност, ниту мерки за нивно спасување.

Овие фотографии се од Мавровското Езеро се денешни, а на нив може да се забележи драстично намалување на нивото на езетото. Потопената црква „Свети Никола“, која некогаш била целосно под вода, сега е на суво тло.

Мавровското езеро е само едно од езерата во Македонија кое се наоѓа во ваква состојба. Ништо подбра не е ситуацијата и со Тиквешкото езеро, а веќе неколку години алармантна е состојбата и со второто по големина природно езеро-Преспанското.

На 23.03.2023 во Полициската станица Прилеп било пpиjaвено дека на крстосница од ул.„Прилепски бранители“ со ул.„Партизанска“ се cлyчила cooбpaќajна нecpeќа помеѓу патничко возило „опел“, yпpaвyвано од О.И.(68) од Прилеп и мотоцикл „кавасаки“, yпpaвyван од А.К.(37) од Прилеп, и двете со прилепски регистарски ознаки.

Во нecpeќата со тешки телecни повpeди се здобил возачот на мотоциклот констатирани во Општа болница Прилеп.

Увид извршила увидна екипа на ОВР Прилеп – информираат од ОВР Прилеп.

На 23.03.2023 во 13.40 во СВР Битола, Б.И.(30) од с.Канатларци, прилепско, пријавил дека при изведување на градежни работи во неговиот двор во с.Канатларци пронашол 50 рачни бомби од италијанско производство кои потекнувале од Првата светска војна.

Од овластено лице од Дирекцијата за заштита и спасување бомбите биле подигнати бомбите.