Дали вработени лекари во Клиничката болница Битола по “договор” различно се платени поради партиски книшки, ова денеска преку видео изјава го прашуваат од ВМРО-ДПМНЕ ОК Битола.

„Денешната реакција е по Ваше барање и инсистирање, почитувани граѓани и е адресирана до директорот на битолската Клиничка болница Александар Обедниковски.

Секако, најдиректниот повод е и големата трагедија што се случи и во оваа прилика изразуваме длабоко и искрено сочуство до родителите и семејството.

И тој, како носител на јавна функција во витална институција треба јасно и гласно да одговори колку кратно го зголемил долгот од 22 милиони? Граѓаните ги интересира, исто така, колку народни пари тежи неговиот потпис – во категоријата РЕПРЕЗЕНТАЦИЈА?

Дали е вистина дека во моментов во Клиничка болница Битола работат 20 вработени, без надомест, без осигурување и без санитарни книшки? Дали тоа е не е кршење на работничките и човековите права, а уште пострашно, работењето без санитарни книшки е директна закана за пациентите. Граѓаните ги интересира, меѓу другото, според кои критериуми, ако на сите лекари им се исплаќа по договор на дело 34 000 денари, сестрата на сопругата на советникот Борче Корлевски зема 50 000 денари?

Болницата се распаѓа, а Обедниковски, како неговата претходничка е носител на хаосот, трошењето и импровизацијата во менаџирањето со Болницата. Во меѓувреме, во целиот овој хаос, додека им доцнеше платата на здравствените работници, директорот Александар Обедниковски се прошетал и до Америка.

Пораката од граѓаните е иста како до неговиот партиски локален шеф, Крајовски. Таа гласи: оди си, доста е! А, институциите и за овој случај јавно ги повикуваме, да реагираат по допрен глас и конечно да почнат сериозно да си ја работат својата работа!

Одговорност мора да има, веќе цената од импровизациите е немерлива, велат од ОК на ВМРО-ДПМНЕ Битола.

„Аудиција“ од Александар Галин е новата претстава што ја подготвува театарот „Војдан Чернодрински“, а ја режира Владимир Милчин. Ќе биде горчлива комедија, современа, денешна.

Изјава на режисертот Владимир Милчин:

Тоа е нашата ситуација – сегашна. Луѓето на било кој начин се обидуваат да избегаат од земјата, за да на некој начин најдат подобри можности за опстанок. При тоа, тоа е некоја очајна ситуација, во која човек тешко може да го брани достоинството и мора да прифати неприфатливи работи. Затоа велам дека е горчлива комедија. Мислам дека е многу актуелна денес тука за кај нас. Ако режисерот не сработи со актерите претставата нема да биде добра. Претставата ќе биде добра само актерите од срце го играат текстот, односно играјќи ги ликовите ни укажуваат дека некој не продал, дека сме ние само стока. И тоа е страшно ако се има предвид дека младите генерации се жртви на тоа. И младите заминуваат оти не гледаат перспектива. Галин сум го работел со студенти на ФДУ, кога како студент играше прилепскиот актер Владимир Ѓоргијоски, кој денес не е тука. Изгледа тоа што го одигра таму му се случи во животот.

Ќе играат актерите Јасмина Мицовска Станкоска, Ангела Наумоска, Игор Трпчески, Зоран Иваноски, Марија С.Илијески, Наташа Ачански, Александар Тодески, Даниела Иваноска, Илија Волчески, Михајло Миленкоски, Сара Спиркоски.

Изборот на музиката ќе биде на режисерот, за сценографијата е задолжен Крсте Џидров, а за костимите Марија Пупучевска.

Два дена се мислам дали да реагирам ама очигледно ова не смее да се премолчи. Во неделата вечерта, некаде околу 21 часот, мојот малолетен син е нападнат играјќи сам кошарка на кошот во Парк Капиштец од страна на 4 малолетни лица на возраст од 12 до 16 години, открива македонскиот музичар Петар Младеновски, познат како Пеце од групата Суперхикс.

Неговиот Фејсбук статус во кој открива детали за инцидентот, го пренесуваме во продолжение:

Прописно е исшамаран и исклоцан без никаква причина (оние кои не знаат од соседстото знаат многу добро колку мирно и повлечено дете е мојот син) а се обиделе и да му го украдат баскетот. Добивме повик од него дека е нападнат и веднаш се упатив кон местото на случката, но таму јас не успеав да ги затекнам. Трчајќи во правец на катната гаража кај Беверли Хилс истите беа препознаени од син ми и успеав некако да фатам и задржам еден од нив по што мирно и спокојно дојдоа и останатите по што повикавме полиција. Немаа никаков проблем да останат и да не избегаат(хм…).

Морам да признаам дека полицијата (станица Беко, 2-ца од интервентна и подоцна 3-ца во униформа) бргу реагираа и се појавија на местото каде бевме. Е тука следува изненадувањето!

Од полицајците добивмо инфо дека ова се веќе познати малолетни деликвенти и сторители на десетици дела..но, дека истите се штитеници од Домот за деца ( од она што подоцна го дознав, деца со девијантно и проблематично однесување) за кој искрен да бидам прв пат слушам иако живеам на неполни 700м од куќата, “25 Мај“ кој се наоѓа на улицата Елисие Поповски во близина на Водњанска и дека истите никако не можат кривично да одговараат за сторените дела ниту да бидат некако приведени.

Имено, истите се дел од некаков, ајде да го наречам “дом-куќа-семејство“ и живеат 6-мина во објектот (од вработените дознавам дека се сите проблематични и дела се вршат катадневно на територијата на Општина Центар и пошироко) и се по мој впечаток буквално ОСТАВЕНИ САМИ НА СЕБЕ и се движат каде сакаат и прават што сакаат. Исто така дознавам дека имаат и официјално назначени старатели ама истите се во Штип, Битола итн итн..и не знам на кој начин и по што се овие лица старатели на овие деца. Едноставно ништо не разбирам и ова е несфатливо.

Мојот син има последици од настанот и трауми кои ќе ги влече подолго време. Но ние ќе продолжиме со пријава на делото во полиција и со прибирање на сите извештаи од лекари, психијатри итн (иако е веќе дадена и изјавата ама реакција нема никаква за жал, барем за сега..) и со преземање на сите можни дејствија за расчистување на случајот и некаква реакција овие малолетнички банди кои очигледно оперираат подолго време низ Центар да се стават под некаква контрола бидејќи ова ќе им се случува и на останатите од соседтсвото и нема тука да запре. Едноствано овие деца ама НИКОЈ НЕ ГИ КОНТРОЛИРА. Не знам каков живот ги чека искрено, ама ова не е во ред и е тажно и за нив.

Исконтактирана е директорката на Домот, добив повик и од кабинетот на министерката Јована Тренчевска која верувам и лично ќе се заинтересира за случајов и оваа не баш пријатна состојба и самата ќе се запознае со случајот и реагира. Би сакал со случајот да бидат запознаени (бидејќи ова веќе станува опасно, Капиштец станува Бронкс а важеше за една од најмирните населби некогаш) Општина Центар и Горан Герасимовски.

Очекуваме помош и од полицијата и од сите кои се надлежни да постапат по ова.

Не се чувствуваме безбедни во сопствената населба и Паркот Капиштец. Ова не е прв инцидент. Се намножија низ годините. Реакцијата е млака или ја нема воопшто.

Драги соседи бидете внимателни и чувајте ги вашите деца и себе!

Утре во Битола ќе се одржи протест под мотото „Сите сме Јана“ за прераната смрт на шестгодишното девојче Јана Христовска од битолско Кравари кое минатата недела почина во битолската Клиничка болница по примена инфузија.

Протестот е закажан за 19 часот на плоштадот „Магнолија“, а организатори се семејството, роднините и пријателите на Христовски.

Додека се чека извештајот од обдукцијата која треба да ги даде точните одговори како и поради што настапила смртта кај Јана, роднините на семејството Христовски имаат една цел – да го насочат вниманието за состојбите во македонското здравство.

-Се надевам дека институциите ќе ги преземат сите мерки и конечно прaвдата ќе го стигне сторителот! За вакво злодело, на секој хилиган мора да му се изрече најстрога казна, бидејќи безбедноста на градот и мирот на сите Прилепчани треба да бидат неприкосновени и загарантирани – напиша на ФБ поранешниот градоначалник на општина Прилеп, Марјан Ристески, откако во во неделата ноќта непознат сторител му го оштети возилото.

Од видео снимката која Ристески ја објави претходно, се гледа како непознато лице се приближува до возилото, и со употреба на некаков предмет го оштетува по целата површина.

Лицето потоа се оддалечува од местото како ништо да не било.

Пензионерка која претходно разбра дека премиерот Димитар Ковачевски ќе пазари во локален маркет во скопската населба Тафталиџе во 10.30 часот, го пречека за да му се пожали дека со малата пензија не може да се носи со актуелната инфлација на производите.

Дополнително, му рече дека цените се замрзнати на некои производи откако претходно енормно поскапеле. Ковачевски на тоа рече дека пензиите двапати годишно се зголемуваат процентуално и дека цените се насекаде зголемени поради војната во Украина.

– Цените ги намаливме со владини одлуки или низ разговори со стопански комори. Таму каде што не можевме да постигнеме џентлменски договор, ги намаливме цените со владина одлука, рече Ковачевски.

Ковачевски заедно со министерот за економија Крешник Бектеши и директорот на Државниот пазарен инспекторат Горан Трајковски во изминатиот период често ги посетуваат маркетите и ја убедуваат јавноста дека цените се намалени.

Видеото погледнете го ТУКА

Студиото за модерни танци New Generation oд Прилеп во среда на 29.03.2023, тргнува на еден од најдобрите натпревари во Европа, “ИНТЕР ДЕНС ФЕСТ” во Сараево. Во главниот град на Босна и Херцеговина, четири дена ќе настапуваат едни од најдобрите школи и клубови за модерни танци од европскиот континент, кои ќе се натпреваруваат во различни стилови.

-Во Сараево четири дена ќе се игра и ќе го претставуваме нашиот град Прилеп и Македонија, и тука ќе се натпреваруваме со најдборите клубови од Европа. Ние ќе се претставиме со 5 формации во опен, хип хоп, стрит денс и со многу соло настапи во стрит денс и хип хоп. Точно 23 танчери од Прилеп ќе се натпреваруваат со најдобрите, велат од прилепскиот клуб.

„Нашиот став е јасен а тоа е дека сме против уставни измени, еве нека ги поднесат во Собрание и ќе видат како ќе поминат. Апсолутно ставот на ВМРО-ДПМНЕ е ист и е непроменет, како раководство покажавме дека имаме конзистентен став кој не го менуваме секој ден како што тоа го правеле некои претходно или го прави актуелната Влада. Ставот е јасен, цврст и непоколеблив а тоа е дека овој парламентарен состав нема мандат за уставни измени и никој од нас на изборите во 2020-та година не вети дека ќе прави уставни измени“, изјави потпретседателот на ВМРО-ДПМНЕ Александар Николоски во гостувањето во емисијата „За или Против“ на Телевизија Алфа.

Тој истакна власта да закаже предвремени парламентарни избори и нека каже кој за што е на тие предвремени парламентарни избори па да видиме дали народот ќе даде поддршка за тие уставни измени.

„Во исто време ВМРО-ДПМНЕ има сериозен план како да ја однесе Македонија до почеток на преговори и преговори за членство со Европската Унија. Тој план има 3 столба, тие се Национален, Политички и Финансиски столб. Националниот се однесува на национално издигнување на македонскиот народ, политичкиот е во насока на заштита на македонскиот идентитет и македонскиот јазик и финансискиот е пред се напредок и бенефит на граѓаните во она што ги интересира а тоа е подобар животен стандард“, посочи Николоски.

Николоски е дециден дека трите столба на планот кој го имаме водат до почеток на преговори со Европската Унија и до успешно водење на тие преговори.

Тој рече дека за да се реализираат овие три столба потребно е прво да се случат предвремени парламентарни избори на тие предвремени парламентарни избори ние детално ќе ги презентираме овие позиции кои сега ги споменувам и ќе направиме една детална презентација на целокупната идеја на ВМРО-ДПМНЕ.

„Како што е јасно дека една од причините поради која Македонија не почнува почеток на преговори секако е тоа што Бугарија се противи на таа работа, но втората причина е високото ниво на организиран криминал и корупција. Постојат неколку исклучително моќни земји членки на Европската Унија кои се против почеток на преговори на Македонија со Европската Унија не заради бугарските условувања, не заради грчките условувања претходно туку затоа што сметаат дека во Македонија има превисоко ниво на криминал и корупција истото што го гледа и смета народот. Овие држави сметаат дека Македонија не е спремна да почне преговори за членство во Европската Унија заради високото ниво на криминал и корупција“, изјави Николоски.

Николоски потенцираше дека ниедна од овие моќни држави не врши никаков притисок на Бугарија.

„Врз Бугарија нема никаков притисок по однос на уцените кои ги прави врз Македонија, а тоа е пред се затоа што моќните земји членки сметаат дека Македонија не е спремна за почеток на преговори за членство со Европската Унија и ја оставаат да прави што прави затоа што мислат дека државата не е спремна“, рече Николоски.

Николоски кажа дека кога Македонија би се изборила со криминалот и корупцијата и би поставила добри стандарди тогаш ќе се види како ќе се сменат работите и како ќе се смени притисокот врз Бугарија затоа што да не се лажеме ние немаме проблем со најсилната земја членка на ЕУ, туку имаме проблем со најслабата земја членка на ЕУ.

Премиерот Димитар Ковачевски, во придружба на министерот за економија Крешник Бектеши и директорот на Државниот пазарен инспекторат, Горан Трајковски, денеска ќе го посети маркетот „Кит-Го“ во Тафталиџе, соопштија од владината прес-служба.

Ковачевски, заедно со Бектеши и Трајковски, пред десетина дена посетија супер маркет во Капиштец, со цел да проверат дали се почитува владината одлука за замрзнување на цените на тестенините и млечните производи кои се намалени за 15, односно 10 проценти.

Владата на 21 март, ја замрзна цената на јајцата и оризот и го ограничи извозот на јајцата. Највисоките цени на оризот и јајцата останаа на нивото од 15-ти овој месец и ќе важат до 30 април. Претходно Владата ја замрзна и цената на 33 денари на белиот и на полубелиот леб од 450 грама, а Министерството за земјоделство, шумарство и водостопанство веќе достави анализи до Министерството за економија и за цените на овошјето и зеленчукот.

Сакате да го разубавите домот со нешто посебно и уникатно, а притоа не сте сигурни дали ќе го направите вистинскиот избор? Тогаш ние ќе ве упатиме во https://www.facebook.com/ModernMetal2, компанија каде ќе ги исполнат сите ваши желби.

Модерн Метал изработува буквално се’ од метал, од огради, до секаква украсна метална галантерија. Она што за вас изгледа навидум невозможно, за виртуозите од Модерн Метал е секојдневна работа.

Покрај изработка на перфектно изработени огради со цнц ласери, фирмата врши и услуги за сечење со цнц ласер, цнц плазма и виткање на апкант преса.

На нивната Фејсбук страна ќе пронајдете еден куп досега успешно завршени проекти и ќе се уверите во врвната мајсторија и стотиците досега задоволни муштерии.

Модерн Метал нуди изработка на производи од материјали со висок квалитет, по конкурентни цени на пазарот и гарантира за нивната трајност и безбедност.

Контактирајте ги на телефонскиот број: 075207191, или на е-маил адресата: [email protected] и раскажете им за вашата замисла и желба.

Навистина најдобри!