Вицепремиерот за економски прашања, Фатмир Битиќи во интервју за „рацин.мк“ кажа дека ограничувањето на цените на одредени основни продукти следуваше откако Владата џентлменски се договорила со индустријата за производство на храна, дека тие ќе можат да користат електрична енергија со цена која е близу до онаа на регулираниот пазар за домаќинствата.

-Но откако после подолг период на користење на овие бенефиции, а можеби уште поважно после подолг период на пад на цените на другите инпути освен електричната енергија во оваа индустрија, малопродажните цени на овие продукти останаа исти, односно на нивото од пикот од септември-октомври минатата година, ние како Влада бевме принудени да преземеме поинакви мерки со цел да го заштитиме стандардот на нашите сограѓани, рече вицепремиерот.

Според Битиќи замрзнувањето на цените е непопуларна мерка, но е многу битна за сите граѓани во кризни периоди.

-Од друга страна зачудува фактот што во помалите градови во државата имаше производители го продаваа лебот дури и под цената која ја одреди Владата, иако тоа се производители со многу помали производствени капацитети и многу помал пазарен потенцијал од оние кои го снабдуваат главниот град. Логично е кога некој произведува поголеми количини од некој производ, цената по единица производ да е помала отколку кај производителот кој произведува мали количини, што за жал кај нас според крајните цени во маркетите не беше случај, рече Битиќи.

Тој додаде дека во услови на криза Владата е должна да ги преземе сите мерки кои и стојат на располагање со цел да го заштити стандардот на граѓаните.

-И конкретно потпирајќи се на основните принципи на слободната пазарна економија за очекување беше основните прехранбени производи во главниот град, каде конзумот е најголем, да имаат најниски цени, а во реалноста ни се случи обратното. Имено во кризи токму државата е таа што треба да преземе чекори за да економијата се движи во позитивна насока. И во Ковид периодот имаме државен интервеционизам – ги поддржавме компаниите со плати и со разни други видови на поддршки, заклучи Битиќи.

Со резултат 22:21, екипата на Алкалоид му го нанесе првиот пораз сезонава на актуелниот шампион Вардар, а за тоа најголема заслуга имаа 14-те одбрани на прилепчанецот Благојче Трајкоски.

Трајкоски буквално брилиираше денеска на голот, а на крајот од натпреварот не можеше да ги сокрие емоциите.

Алкалоид имаше предност и од 7 гола разлика во еден дел од натпреварот, но на крајот попуштија, па натпреварот можеше да заврши и со нерешен резултат.

Сепак, кога беше најмногу потребно, бедемот на голот не попушти, па сега Алаклоид се израмни на ист број бодови на табелата со Еурофарм Пелистер.

Домати, краставици, кромид, карфиол, пипер, грав, леќа, банани, портокали, мандарини и лимон, се дел од зеленчукот и овошјето за кои утре ќе се утврдуваат највисоките цени.

Како што соопшти министерот за економија Крешник Бектеши на својот фејсбук профил, анализите на податоците за овие производи се завршени.

-Утре се определуваат највисоки цени за домати, крастивици, кромид, карфиол, пипер, грав, леќа, банани, портокали, мандарини и лимон. Ги повикувам граѓаните да дадат исто така придонес во делот на дополнување на листата на производи, како и на цените на кои тие сметаат дека треба да се замрзнат во делот на овошје и зеленчук или други производи. Се грижиме заедно, наведува Бектеши.

Владата веќе ја замрзна цената на дел од производите за хигиена, на тестенините, млечните производи и на белиот и полубелиот леб до 450 грама.

УХМР најавува дека утре, под влијание на циклонска активност, ќе има врнежи од дожд кои попладне и во вечерните часови на повеќе места ќе бидат обилни, над 30 литри на метар квадратен.

На планините и на некои повисоки места во западните делови врнежите до крајот на денот ќе преминат во снег.

Врнежи ќе има и во вторник претпладне, а во западните делови во повисоките подрачја се очекува формирање снежна покривка.

Според УХМР, утре и особено во вторник, ќе дува засилен северен ветер што ќе услови значително намалување на дневната температура. Потоа ќе преовладува променливо и посвежо време, а во среда се уште ќе има услови претежно на планините да провејува слаб снег.

Есеј на Леонид Иваноски, ученик од ООУ “Гоце Делчев” Прилеп, кој освои прва награда на конкурсот од Министерството за образование и наука, по повод Меѓународниот ден на мајчиниот јазик на тема: „МОЈОТ ЈАЗИК- МОСТ ПОМЕЃУ МЕНЕ И ТЕБЕ“

Многу е тажно и жално што ние луѓето не се разбираме!

Не познавајќи го јазикот на пријателот, познаникот, соседот имаме погрешна слика за нив, нивниот живот, нивните чувства, потреби… И затоа доаѓа до недоразбирање, омраза и погрешно толкување на нивните постапки.

Не постои универзален јазик, освен јазикот на меѓусебното разбирање и доверба. Затоа треба да се потрудиме да осознаеме барем дел од неговиот јазик и говор, за да има љубов, пријателство и мир!

Поради сето ова ќе се потрудам на свој начин да направам мало мовче за јазикот да стане мост на разбирање и доверба!
Затоа за некои работи потребен е слух, да биде и леб и крух, и чамец и барка, и тисучу и илјадарка, и никаде да нема знак каде возот престанува да биде влах.

Исто да е добар ден и mirdita, да се праша или да се пита. Да знаеме севдах и љубовен жар, да биде бело од креч или вар. Кога се сретнуваме јас го гледам- он ме види, ако не зборуваме јас се срамам-он се стиди.
Со својот јазик шири љубов, едно да биде да се сака, да се клања или да се моли.

И порака Ви праќам:

„merci, хвала, mirdita“.

Нека ова биде мост за секој оној што ова го чита!

Шифра: Загубениот писател

Леонид Ивановски

Во текот на изминатата вечер (01/02.04.2023), во периодот од 22.00 до 04.00 часот, на територија на СВР Битола спроведена е засилена акциска контрола за санкционирање на возачи кои управуваат возило под дејство на алкохол.

При контролата санкционирани се 53 возачи. Од нив, 16 на територија на Битола, 31 во Прилеп, 4 во Ресен и 2 Македонски Брод. За време на контролата биле санкционирани и 97 други видови прекршоци.

Акциските контроли продолжуваат и во наредните денови. Апелираме до граѓаните да ги почитуваат сообраќајните правила.

Денес се навршуваат 158 години од раѓањето на нашиот прилепчанец, македонскиот професор, публицист, историчар и идеолог на Македонската револуционерна организација, Ѓорче Петров.

По тој повод средното училиште во Прилеп кое го носи името на нашиот револуционер, одржа свечена академија со богата програма во Театарот ,,Војдан Чернодрински”.

Пред преполната сала учениците се претставија со бројни музички и драмски точки и ја искажаа нивната почит кон нивниот патрон.

-Ѓорче Петров бил неуморен борец за самостојна Македонија, а неговата животна девиза била: „Македонија и нејзината иднина секогаш се во рацете на македонскиот народ.“ Жртвата која шта ја дале за слободата на Република Македонија сите наши херои мораме да ја почитуваме, да ја празнуваме и да ја одбележуваме, за да се потсетуваме секогаш дека Македонија е наш аманет и мораме сите да се грижиме за нашата татковина, да ја чуваме и безусловно да ја сакаме – напиша на ФБ градоначалникот на општина Прилеп, Борче Јовчески кој присуствуваше на свечената академија.

На ден 1.4.2023год. во Домот за техничка култура – Народна техника во Прилеп, се одржа 47. регионален натпревар на млади природници и техничари.

ООУ “Климент Охридски” го претставуваа двајца ученици и двајцата освоија први места: Ивана Бошкоска VII-2 категорија: фото техника и
Лука Најдоски VIII-2 категорија: воздухопловно моделарство.

Учениците сега ќе се подготвуваат за Државните натпревари. Да им честитаме и да им посакаме среќа!

Поради коментар „Да ви се мо*ам во северната, п**да ви материна“, Државниот архив поднесува пријава до Министерството за внатрешни работи. Тие сметаат дека ова е говор на омраза и нивно девалвирање. Ваквиот чекор на државната институција го искоментира адвокатот Јанаки Митровски кој пак прашува каде гледаат говор на омраза.

„Државниот архив го пријавува овој коментар на Ристо Ангелов до Министерството за внатрешни работи сметајќи дека е говор на омраза и девалвирање на владина институција која што професионално ги извршува своите задачи и обврски. Предлагаме соодветните органи да преземат мерки за санкционирање на ваквото однесување на индивидуата“, стои во објавата на Државниот архив објавена пред седум часа, односно нешто пред два на полноќ.

Ова го искоментира адвокатот Јанаки Митровски.

„И каде е говорот на омраза?“, прашува Митровски.

Под објавата на Државниот архив, каде најавуваат санкционирање, има негативни коментари за државната институција.

„Северна Кореја не ви е рамна, северни!“, „Поддршка до него и јас му се придружувам во честитките и гол низ куќа да ви шетам“, „Смешни и јадни сте (не)државен архив на ‘северџистан’!“, се само дел од коментарите.