Кој е тој премиер што се колне во Југославија, работи за Бугарија, а прави пари со ДУИ?

Премиерот наместо да работи на гаранции за Македонија, оди по амбасади, коленичи и моли да не притиснеле за ВМРО ДПМНЕ да попушти. Наместо да штити државни интереси и да бара гаранција Македонија да не биде понижена, Ковачевски оди и моли да има притисок врз нас за да го прифатиме неприфатливото, порача првиот човек на ВМРО ДПМНЕ Мицкоски, од вечерашната трибина во Делчево. Тој упати жестоки критики кон премиерот Ковачевски.

• „И јас секогаш сум бил искрен, и наспроти сите политичари познати од лошото искуство и минато на нашиот народ кои лажеле за состојбите во кои се наоѓаме, ја кажувам вистината дека има сериозни притисоци за прифаќање на бугарскиот диктат. Мислат дека со повици за средби, со поединечни разговори ќе попуштат. Но, и пратениците на ВМРО-ДПМНЕ, исто како и јас, единствено што сме должни да слушаме е народот на Македонија. Од власта се поклонуваат пред канцеларии и кодошат по амбасади.“ – Вели тој.

Мицкоски е категоричен. Вели дека никогаш нема да прифати да се свитка кичмата на Македонија, а на пратениците и народот им порача дека ги поддржува во истрајноста против бугарскиот диктат, за кој потсети на анкетите, кој покажуваат оти 80% од граѓаните се против уставните измени.
Под овие околности, ниту сега, ниту во иднина нема да има промена на Уставот, тврди Мицкоски.

• „Прво, мило ми е што и самите признаваат и очекуваат дека ќе се смени власта, второ, треба да знаат дека сега и било кога потоа, овој или било кој мандат потоа, ВМРО-ДПМНЕ ниту јас ќе се согласиме на промена на Уставот под овие околности и со овој бугарски диктат. Не треба да се губи времето за работите кои ќе удрат во ѕид.“ – Истакна Мицкоски Претседател на ВМРО-ДПМНЕ

Претседателот на ВМРО-ДПМНЕ смета дека помеѓу редовите на владечката СДСМ има многумина кои се против уставните измени и оти Ковачевски, како главен лобист на Бугарија, оди и против своите сопартијци.

Вели дека ќе присуствува на лидерската средба која треба да се оддржи деновиве, но, оти нема многу надеж. Му порача на премиерот на таа средба да биде свесен за времето, откако уставните измени ќе пропаднат.

Од ноќеска на полноќ нови цени на горивата.

Малопродажните цени на бензинот ЕУРОСУПЕР БС-95 и на ЕУРОДИЗЕЛ (Д-Е V) не се менуваат.

Малопродажните цени на бензинот ЕУРОСУПЕР БС-98 и на Екстра лесното масло за домаќинство на (ЕЛ-1) се зголемуваат за 0,50 ден/лит.

Малопродажната цена на Мазутот М-1 НС се зголемува за 0,742 ден/кг и сега ќе изнесува 40,175 ден/кг.

Од 30.5.2023 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС – 95 80,50 (денари/литар)

Моторен бензин ЕУРОСУПЕР БС – 98 83,00 (денари/литар)

Дизел гориво ЕУРОДИЗЕЛ БС (Д-Е V) 69,00 (денари/литар)

Масло за горење Екстра лесно 1 (ЕЛ-1) 68,00 (денари/литар)

Мазут М-1 НС 40,175 (денари/килограм)

На 26 и 28.05.2023 полициски службеници од криминалистичката полиција и полициската станица од општа надлежност при СВР Битола по преземени мерки и активности на подрачјето на Битола пронајдоа и им вратија на сопствениците претходно украдени предмети.

Имено, од правно лице од Битола биле одземени предмети од нива во атарот на с.Могила, а од А.Т.(31) од Битола од вело-паркинг на ул.„Столарска“ во Битола, бил одземен велосипед, негова сопственост, кои биле пронајдени и вратени. Се преземаат мерки за целосно расчистување на случаите, по што ќе бидат поднесени соодветни поднесоци.

Единицата за внатрешни работи Одделението за криминалистички работи Карпош при СВР Скопје поднесе кривична пријава против А.В.(30) и Д.В.(36), двајцата од Велес, поради постоење основано сомнение за сторени кривични дела „измама“, казниво по чл.247 и кривично дело „посебни случаи на фалсификување на исправи“ казниво по чл.378 од Кривичниот законик.

Имено, во координација со Основното јавно обвинителство Скопје, полициски службеници во полициска станица извршиле службен разговор со пријавените, при што било констатирано дека двајцата, претставувајќи се во име на правно лице – училиште за странски јазици од Скопје, преку онлајн продажба нуделе и продавале материјали (ЦД-а) за учење на странски јазици кои биле празни, односно без содржина, при што оштетиле поголем број на граѓани, стекнувајќи се со противправна имотна корист.

Синот на јапонскиот премиер Фумио Кишида ќе поднесе оставка од функцијата помошник на премиерот, изјави денеска Кишида, откако фотографиите од неговиот син и други роднини кои се преправаат дека одржуваат прес-конференција во зградата на државната управа во резиденцијата предизвикаа незадоволство во јавноста.

Кишида рече дека Шотаро Кишида во четврток ќе ја напушти функцијата секретар, велејќи дека промената е поради „несоодветно“ однесување во службената резиденција.

Минатата недела јапонските медиуми објавија фотографии од Шотаро Кишида и други роднини на премиерот како се преправаат дека одржуваат конференција од говорницата зад која вообичаено стои премиерот, пренесува „Ројтерс“.

„Неговото однесување во јавноста беше непримерно за некој на службена позиција како помошник. Одлучив дека е моја одговорност да го сменам“, изјави Кишида.

Сеиџи Осака, пратеник од најголемата јапонска опозициска партија, рече дека промената дошла премногу доцна.

Prime Minister Fumio Kishida’s Son to Resign as PM Secretary on Thursday https://t.co/3MOdR5C4Dd

— The Japan News (@The_Japan_News) May 29, 2023

Oпштина Прилеп почна со асфалтирање на улици. Проектот асфалтирање на над 60 улици, денеска започна со турање нов асфалт на улицата “Мукос”.

-Денес извршивме увид на улицата ,,Мукос“, од каде што стартуваме со реализацијата на овој капитален проект за Прилеп, затоа што започнуваме една акција со која ќе рехабилитираме улици на кои што не е интервенирано во последните 30-40 години! Со нашиот план за подобрување на патната инфраструктура, дефинитивно ќе ја зголемиме безбедноста во сообраќајот, а се разбира и нивото на услуги на сите наши сограѓани корисници во сообраќајот. Оваа Локална самоуправа на општина Прилеп ќе продолжи да работи во интерес на сите наши сограѓани – напиша на ФБ градоначалникот Борче Јовчески.

На интернационалниот турнир “Арена Куп” Скопје 2023, што се одржа вчера на 28 мај во арената “Борис Трајковски”, а во организација на БК “Чаир” и “НБФ”, боксерите од БК “АС” Прилеп освоија златен и сребрен медал.

Матеј Чатлески го освои златниот медал, а воедно и пехарот за најдобар борбен пар, додека Марко Петрески го освои сребрениот медал.

Со овој најнов успех само продолжува континуитетот на освојување медали на БК “АС” од Прилеп, и е уште еден доказ дека клубот е вистински репрезент, како во Македонија, така и во странство, кога се работи за овој спорт.

Честитки за освоените медали и желби за уште поголеми достигнувања во престојниот период.

На 28.05.2023 во 03.20 часот било пријавено дека во Битола, на бул.„1 Мај“, се случила сообраќајна несреќа помеѓу две патнички возила со битолски регистарски ознаки, и тоа „опел“, управуван од А.Ј.(26) и „рено“, управувано од З.Р.(47) двајцата од Битола, при што удриле во три паркирани патнички возила – „хјундаи“ и „пежо“ сопственост на Н.П.(52) од Битола и „хјундаи“ сопственост на Ј.К.(43) од Битола, сите со битолски регистарски ознаки.

Во несреќата, возачот А.Ј. се здобил со тешки телесни повреди, додека Е.П.(41) од Битола, сопатничка во возилото „опел“, се здобила со телесни повреди, констатирани во Клиничка болница Битола. Извршен бил увид од увидна екипа од СВР Битола – информираат од СВР Битола.

Реџеп Таип Ердоган ќе продолжи да ја води Турција, откако вчера на вториот круг од претседателските избори одново победи со нешто над 2 милиони гласови разлика.

На изборите во Турција гласаа околу 85% од гласачите, а Ердоган освои 27,7 милиони гласови. Неговиот противкандидат, Кемал Киличдароглу, околу кого беше здружена целата опозиција доби поддршка од 47,84% од гласачите, или 25,4 милиони гласови.

По победата следуваше спектакуларна прослава во Анкара, каде огромен број граѓаните се собраа да го проследат победничкиот говор на Ердоган.

„Во изминатите години, СДСМ со своите одговорни политики создаде резултати што прават разлика.“-велат од СДСМ во своето соопштение.

-Во секој сегмент СДСМ има постигнато далеку подобри резултати во пократок период споредено со ВМРО-ДПМНЕ.

1.400 километри патишта изгради СДСМ за шест години, додека ВМРО-ДПМНЕ само 600 километри и тоа за период од 10 години.

Со довршување на патиштата што сега се градат, но и со реализацијата на коридорите 8 и 10 Д бројот на километри изградени патишта ќе стане уште поголем, а разликата уште повеќе изразена.

Резулати и исполнети ветувања што прават разлика во секој сегмент е најсвојствено за СДСМ.

Како најгопема, најсилна и државотворна партија продолжуваме со реализација на мерките и политиките што носат резултати и го унапредуваат квалитетот на живот на сите граѓани.-додаваат од партијата.