Сакате одличен одмор во конфор и надвор од урбаната гужва? Епа веќе викендов барајте слободен термин во апартманите Casa al Tagas во Крушево.

Зошто? Затоа што се перфектно уредени, се наоѓаат на одлична локација, на само 5 минути од центарот на градот и жичарницата, и се изградени на место со богата историја – долга 100 години.

Токму тука, повеќе од еден век се произведувал препознатливиот белег, без кој ниту еден посетител досега не си заминал од Крушево, локумот на фамилијата Тагас.

Совршено место кое одговара за одмор како за млади, така и за повозрасни. Удобно, тивко, топло, чисто, и пред се’ ново. Casa al Tagas ќе стане ваша омилена дестинација, преку целата година.

А и ќе заборавевме! Како добри домаќини, сопствениците ќе ве дочекаат со слатките задоволства на Слаткарница Тагас-Балкан.

Резервирајте навреме на телефонскиот број: 071/692-154 и станете дел од нивната приказна.

Драги браќа и сестри. Во петок на 7ми, го славиме Светото Благовештение, кон Пресветата Мајка наша Богородица, што е и храмов празник на ова наше духовно светилиште, овој наш храм.

Со Божествената Света литургија ќе чиноначалствува Неговото Високопреосвештенство, нашиот Митрополит г. Петар.

Нека ни е напомош и сите заедно со нашиот архиереј, да се помолиме за поуспешни времиња, на Прилеп и прилепчани и за здравје и спасение на нашиот народ македонски – стои во соопштението на храмот Св. Благовештение – Стара црква од Прилеп.

Демократот Роберт Ф.Кенеди помладиот, активист против вакцините и потомок на една од најпознатите политички семејства во САД, се кандидира во трката за претседател на изборите во 2024 година.

Кенеди вчера поднесе изјава за кандидатура до Федералната изборна комисија, предизвикувајќи го актуелниот претседател Џозеф Бајден за номинација на демократите, објави АП.

Кенеди (69), внук на американскиот претседател Џон Ф. Кенеди и син на неговиот убиен брат Роберт Ф. некогаш беше најпродаваниот автор на бестселер и застапник за заштита на животната средина.

Кенеди, сепак, стана еден од водечките гласови во движењето против вакцинацијата пред повеќе од 15 години, тврдејќи дека вакцините се небезбедни.

Експертите за јавно здравје, па дури и членовите на неговото семејство ја опишаа неговата работа како погрешна и опасна.

Васко Ковачевски заминува од челната позиција на ЕСМ, на негово место доаѓа Васко Стефанов.

Ковачевски за ТВ 24 потврди дека ја депонирал неговата оставка до премиерот Димитар Ковачевски.

Денеска ќе имаат заедничка прес конференција на која ќе има детали за оставката на првиот човек на Електрани на Македонија.

На 05.04.2023 од страна на полициски cлyжбеници од кpиминалиcтичката полициja на СВР Битола од ул. “Паца Ванчова” во Битола по pacпишана потepница по нapeдба од Ocновен cyд Битола, пpиведен е П.Д.(36) од Битола.

Тој бил баран за издржување на казна затвop во тpaeње од 3 години и 6 месеци во Kaзнено попpaвна ycтанова 3aтвop Битола.

Лицето е пpeдадено на казнено попpaвната ycтанова за издpжување на казната – информираат од МВР.

Променливо облачно време со сончеви периоди. Во југозападните делови ќе има повремени врнежи, кои во утринските часови ќе бидат претежно од снег. Ќе дува слаб до умерен ветер од северен правец.

Утринските температури ќе се движат од -5 до 3 степени, а дневните во интервал од 2 до 13 степени.

Во Скопје променливо облачно со сончеви периоди и со умерен ветер од северен правец. Максималната дневна температура ќе изнесува 10 степени.

Времето утре ќе биде ведро и студено, преку денот сончево со мала до умерена облачност. Ќе дува слаб до умерен ветер од северозападен правец.

За време на викендот и во почетокот на следната седмица времето ќе биде променливо облачно со повремени локални врнежи од дожд, а на планините од снег.

Празникот Цветници познат уште и како Цветоносна недела и Врбица, секогаш е една недела пред Велигден и се празнува во спомен на влегувањето на Исус Христос во Ерусалим, кога неговите ученици и симпатизери со цвеќе и врбови гранчиња, како и со својата облека, му го постилале патот.

Неделата, една седмица пред Велигден е празникот Цветници познат уште и како Цветоносна недела и Врбица, што се празнува во спомен на влегувањето на Исус во Ерусалим, кога неговите ученици и симпатизери кршеле цвеќе од дрвјата и врбови гранки и со нив, како и со својата облека му го постилале патот по кој минувал. Саботата пред Цветници се вика Лазарева Сабота или Лазарица, односно Лазара. Според преданието, во саботата умрел Лазар од Витанија, а во неделата Исус го воскреснал. Поради тоа во народот неделата се смета за поголем празник од саботата.

Според тогашните закони учител можело да биде само лице што наполнило триесет години. Исус веќе четврта година го проповедал своето учење, а бидејќи за Пасха мноштво народ доаѓал во Ерусалим за да го прослави празникот и Исус по четврти пат доаѓал како учител.

Но тогаш разбрал дека неговиот пријател Лазар од Витанија е тешко болен. Исус веднаш се упатил таму, но стигнал четири дена по неговата смрт и по погребот. Сестрите на Лазар, Марта и Марија, го прекориле Исуса велејќи му дека ако дојдел на време немало Лазар да умре. Марта му рекла: „Господи, ако беше Ти овде, немаше да умре брат ми. Но и сега знам што и да посакаш од Бога, Бог ќе ти даде“.

Легендата вели дека Бог сакал Лазар да умре за врз него да се манифестира силата Божја. Кога дошол до гробот, Исус го повикал Лазара: „Лазаре, излези надвор“. И Лазар веднаш излегол завиткан со платно на рацете и нозете и со крпа околу лицето. Сите што го виделе тоа се почудиле и поверувале дека Исус е синот Божји. Со овој чин Исус уште повеќе се здобил со слава. И пак се упатил кон Ерусалим.

Кога стигнал во подножјето на Маслиновата гора, Исус пратил двајца свои ученици во Витфагија за да му донесат осле (магаре) и ослица. Им рекол: „Одете во селоно, што е наспроти вас и веднаш ќе најдете врзана ослица и осле со неа; одврзете ги и доведете ми ги. А ако ви рече некој нешто, ќе му кажете дека му се потребни на Господа и веднаш ќе ги прати“.

Учениците ги донесле, а потоа ги ставиле на ослето своите облеки врз кои седнал Исус и така влегол во Ерусалим поздравен од мноштво народ. Ваквиот пречек на Исус во Ерусалим бил последица од неговата голема популарност меѓу народот уште повеќе зголемена по воскреснувањето на Лазара. Се поставува прашањето, зошто Исус во Ерусалим влегол качен на магаре?

Толкувачите на Светото Писмо истакнуваат дека кај источните народи магарето било симбол на мирот, наспроти коњите што служеле за водење војни. Магарето мирно му служело на човекот, како што и Исус му служел на народот. Пречекувајќи го Исуса воодушевениот народ со цвеќе, врбови гранки, но и со својата облека го постилал патот и пеел: „Осана на синот Давидов. Благословен е оној кој доаѓа во името Господово. Осана на вистините“.

Во спомен на ова свечено влегување на Исус во Ерусалим уште од најраните христијански времиња е востановен празникот Цветници кој, меѓутоа, се празнува од III век. На иконата овој чин е насликан како Исус јава на магаре, а неговите ученици и народот му го постилаат патот со цвеќе и облека.

Денеска (05.04.2023) полициски службеници од Одделот за криминалистичка полиција-Сектор за недозволена трговија со дрога, оружје и опасни материи и СВР Велес- Отсек за недозволена трговија со дрога и оружје, по претходно добиени сознанија и добиена судска наредба, извршија претрес во дом на М.П. (27) од Велес.

При претресот се пронајдени халуциногени печурки, пакувања со марихуана и шприц со хашиш смола.

Дополнително е извршен претрес во куќа која М.П. ја користел, при што се пронајдени банкарски картички, документи со евиденции за продажба на дрога, лап топ компјутери… М.П. е лишен од слобода во СВР Велес и по целосно документирање на случајот против него ќе биде поднесена кривична пријава до ОЈО Велес – информираат од МВР.

На 04.04.2023 на ул.„Караорман“ во Битола, полициски службеници од криминалистичката полиција при СВР Битола го лишиле од слобода Д.Ѓ.(41) од Битола затоа што кај него биле пронајдени и одземени 250 таблети.

По документирање на случајот ќе следува соодветен поднесок.