Лазарова сабота или Лазарици или Лазаровден — еден од поголемите христијански празници од пролетниот циклус којшто е променлив празник и секогаш се паѓа еден ден пред Цветници, кои се точно една недела пред најголемиот празник Велигден. На овој ден се споменува чудесното воскресение на четиридневно упокоениот Лазар извршено од Исус Христос.

Овој настан бил на шест дена пред предавството и убиството на Христос на Голгота. На Лазарева сабота обичај е да се носат гранчиња од врба што симболично претставува свечено Христово влегување во Ерусалим, каде што го пречекале следбениците.

Во Македонија овој празник има големо значење и масовно се прославува низ целата земја. Од раните утрински часови групи девојчиња облечени во традиционална невестинска облека одат низ населените места и пеат лазарски песни.

Има повеќе лазарски песни и се користат според личниот, семејниот или општествениот статус на лицето за кое е наменета песната. Песните обично се со оптимистична и духовита содржина и посакуваат здравје, успех и напредок

Обичајот Лазарки, најзастапен во Радожда, Враништа, Вевчани и во Луково, а токму од струшко Луково е и видеото во продолжение. Навистина е убаво кога ќе се видат деца кои ги почитуваат и негуваат вековните македонски и христијански обичаи.

Ракометарите на РК Прилеп забележаа уште една победа во плеј-аут сегментот на ракометната Супер лига, откако вечерва на гости триумфираа кај Радовиш со 17:19.

Прилепчани имаа фуриозен старт на натпреварот, но по почетните 0:6, радовишани се подразбудија и се вратија во натпреварот, па дури и успеаја да израмнат на 8:8 пред крајот на првиот дел.

Но, избраниците на Реваз Чантурија не дозволија промена на резултатот во корист на домаќините, па продолжија во добар ритам до крајот на натпреварот.

Радовиш во неколку наврати во второто полувреме доаѓаше на гол разлика, но никако не успеваа да го скршат духот на гостите за кои само триумф беше успех од овој натпревар.

Во екипата на РК Прилеп најуспешен беше Давор Шокоски со 6 погодоци, додека Христи Бикоски постигна 4.

Со овој триумф Прилеп сега има 17 бодови на третото место од табелата, а веќе во среда ќе го дочекаат тимот на РК Скопје, кој го предводи прилепскиот стратег Горан Кузманоски – Таста.

Рап иконата Снуп Дог откри дека има исклучително висок коефициент на интелигенција што во споредба со останатите Американци го прави генијалец.

Уште во 2020 година, раперот ги потврди шпекулациите за тоа колку навистина бил неговиот коефициент на интелигенција.

Она што е интересно, според извештајот за интелигенција на нациите од 2019, просечниот коефициент на Американците е 97.43. Но истражувањата кои следеа после овој извештај потврдуваат дека овој коефициент е дефинитивно понизок од 89, пренесува LadBible. Toa значи дека оние кои имаат коефициент од 130 се вистински генијалци.

Епа верувале или не коефициентот на Снуп е 147. Земајќи ја во предвид неговата успешна музичка кариера со 19 албуми, неговите успеси како актер, како и неговите успеси во светот на бизнисот каде успешно управува неколку компании – ова и не е некое големо изненадување.

Денес 09.04.2023 година во ССОУ ”Коле Неделковски” од Велес, се одржа 60-от јубилеен државен натпревар на младите техничари и природници во организација на Сојузот на клубови на млади техничари и природници и Народна техника на Македонија.

На натпреварот задоа учество ученици од OOУ “Гоце Делчев” од Прилеп, кои многу успешно се претставија во своите области и освоија бројни награди.

Под менторство на наставник-ментор м-р Кети Иваноска, Емили Иваноска од IX одделение се натпреваруваше во областа применета хемија и како најдобра во својата конкуренција многу заслужно го освои првото место и се закити со златен медал. Михајло Обрадовиќ од VIII одделение се натпреваруваше во областа агротехника и освои второ место и сребрен медал.

Ученичката Софија Димитриеска од IX одделение се натпреваруваше во областа применета математика и освои второ место и сребрен медал, исто така и Михаил Ѓорѓиески IX одделение – роботика, второ место, сребрен медал, под менторство на наставничката Милена Димитриеска.

На натпреварот учествуваа и Теодора Крстеска од IX одделение во областа применета физика и Симона Тасеска од IX одделение-применета географија, под менторство на наставникот Христијан Граороски.

Им честитаме на младите научници за освоените награди на Државниот натпревари им посакуваме уште поголеми успеси во иднина!

Шкупи ја зациментира Победа на последната позиција од табелата.

Веќе е смешно да се бара еден виновник, особено кога мрежата е полна и губите со 0-6 на домашен терен. Има ли вина во дефанзивниот ред кој неуспеа да одбрани ниту еден напад на гостите или пак нападот кој не беше ни блиску до поентирање? Или пак управата на клубот? Постои ли стратегија за опстанок? Постои ли план за натпреварите кои следуваат до крајот на сезоната? Има ли надеж за прилепска Победа?

Па макар тоа бил и Шкупи кој се бори за титула, мора сите да признаеме – 6 гола се премногу!

Се вели дека најмногу се учи во поразите, затоа е потребна детална анализа и насочување на фокусот во следните натпревари. Следното коло прилепчани гостуваат во Струга, клуб кој се наоѓа на врвот на табелата.

Цели три години трафостаница на ЕВН стои вака во Кривогаштани и никој досега не го решава проблемот, велат жители од оваа пелагониска општина.

-Ги прашуваме шефовите во ЕВН Прилеп, дали и пред нивните дворови каде си играат нивните дечиња вака под напон стојат голи жици? – стои во дописот кој стигна до нашата редакција.

Жителите од Кривогаштани бараат итно ЕВН да испрати екипа и да го санира проблемот, пред да се слyчи некоја тpaгедиja.

Под покровителство на Лекарската комора на Македонија и техничка организација на шаховскиот клуб Прилеп, на 08 Април 2023 година се одржа републички турнир во шах на доктори.

Учество зедоа 11 доктори и 1 докторка од повеќе градови, а турнирот го отвори нивниот колега градоначалникот на Прилеп др. Борче Јовчески.

Во крајно неизвесна борба победничкиот трофеј со 9 поени од 11 партии го освои проф.др.Вело Марковски од Скопје, половина поен повеќе од второпласираниот др.Дејан Јанков, Третото место му припадна на др.Петар Каревски со 7,5 поени, колку што освоија и др.Мите Зафиров, др.Пеце Петрески и др.Благоја Дамески.

Се одигра и ревијален двомеч на екипата на докторите и екипата на ШК Прилеп на 6 табли при што убедлива победа извојува прилепскиот клуб со 23:13. Се на се прекрасен настан во нашиот град – информира Тони Кироски, претседател на ШК „Прилеп“.

Програмата Црвен крст во Акција- Промоција на Хумани Вредности (ЦКА-ПХВ) повеќе од 20 години претставува национална алатка за регрутирање и задржување на волонтери на возраст од 13 до 17 години во Црвениот крст.

Како дел од оваа Програма, неколку млади дечки решија да направат мал проект, кој има цел да помогне на семејство кое живее во рурална средина. Семејството се состои од татко и 8 годишно дете и живеат во тешка состојба. Целта е преку акции и донации да соберат финансиски средства и истите да се искористат за купување на потребен инвентар за домот на ова семејство.

Затоа ве покануваме сите да ја покажеме нашата хумана страна и да се забавуваме со нашите комичари во среда, 12.04.2023 година, во големата сала во НУЦК „Марко Цепенков” во Прилеп.

Телефон за резервација на карти: 079 394101

Поради сообраќајна несреќа на патот Прилеп- Градско, сообраќајот е во целосен прекин во двата правца, соопшти АМСМ.

Од 14:35 часот, сообраќајот на патниот правец Прилеп – Градско, кај местото Тројаци, е во прекин во двата правци, поради сообраќајна незгода, соопштија од АМСМ.

Претседателот на ВМРО-ДПМНЕ, Христијан Мицкоски, изјави дека неговата ќе имплементира нови политики за младите, меѓу кои но и нула персонален данок за млади до 29 години, загарантиран работен однос за 500 најдобри студенти, домови за млади брачни парови и дигитализација во образованието.

„За 500 најдобри дипломирани студенти на универзитетите во Македонија државата мора да обезбеди загарантиран редовен работен однос, за да може да ги искористи, бидејќи вложила во нив. Да не праќаме во Западна Европа, Америка, Канада, Австралија, готов кадар, туку да си го задржиме тука без разлика од каков профил е – рече Мицкоски и ги повтори ветувањата на партијата за нула персонален данок за млади луѓе до 29 години и за домови за млади брачни парови и за дигитализација во образованието.

На панел-дискусија на Унијата на млади сили на ВМРО-ДПМНЕ, Мицкоски се осврна и на политиката на партијата за семејството.

– За жал, стапката на фертилитет е намалена и се намалува, сѐ помалку бракови има склучено, сѐ помалку деца се раѓаат, а тоа е еден природен биолошки процес којшто мора да најдеме начин како да го стимулираме тоа. Тоа оваа vлада на ДУИ, подржана од малцинскиот партнер СДСМ, не го прави. Затоа што ќе се доведеме во една ситуација кога ќе имаме многу повеќе луѓе кои што се пензионери, а помалку работоспособно население и не ќе не можеме да ја движиме Македонија напред, не ќе можеме да ја развиваме. И затоа денеска, наместо да се стимулира семејството, се отвора дебата да увезуваме работници од Бангладеш, од Пакистан, од Филипини и веќе не знам од каде. Ние како ВМРО-ДПМНЕ имаме јасна политика што се однесува до семејството и тука ќе продолжиме и во иднина, како влада, силно да работиме и да ги подржуваме младите брачни парови, да ги подржуваме семејствата – рече Мицкоски.