Македонија го освои третото место во екипна конкурецнија на Светското првенство во параглајдерство, чиј домаќин во изминатите две недели беше француското гратче Шаму-сир-Желон, во северниот дел на Алпите.

Составот: Дарко Станковски, Мартин Јованоски, Александар Гачевски и Ѓорѓи Ристовски, по двете одржани трки освои 14.878 поени, избивајќи пред Чешка на последниот ден од натпреварувањето.

Златниот медал му припадна на домаќинот Франција со 16.100 поени, а на второто место заврши Велика Британија со 15.517.

Вкупно на Светското првенство се натпреваруваа 57 држави.

Вардар Неготино останува во машката Супер лига, откако во бараж средбата за опстанок го победи Драчево со 27-22, и в година ќе бидат дел од ракометната елита. Салата во СОУ “Ристе Ристески-Ричко” во Прилеп, каде се играше баражот беше претсена да ги собере сите навивачи на неготинци кои допатуваа и покажаа како се бодри својот тим.

Вчера (04.06.2023) во периодот од 15.00 до 21.00 часот на територијата на СВР Битола спроведена e засилена акциска контрола за санкционирање на возачи кои управуваaт возило со брзина поголема од пропишаната, при што санкционирани се 85 возачи .

Од вкупно 85 возачи, 56 возачи ја пречекориле брзината во населено место, а 29 надвор од населено место. На сите прекршители изготвени им се соодветни поднесоци.

Засилените акциски сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта – информираат од СВР Битола.

Пингпонгарите на Младост96 ја вратија титулата во Прилеп. Вчера во Скопје се одигра вториот натпревар од финалето во плеј офф против екипата на Телеком Нец2 и со резултат 4-3, или со вкупен резултат 2-0 ја освоија шампионската титула.

Ова е втора титула шампиони на Македонија во последните три години. Тимот во цела сезона имаше само еден пораз, и покажа дека во моментов е најдобра екипа во државата.

Честитки за сите во клубот и желби за задржување на истиот натпреварувачки ритам и во следната сезона!

Пратеникот на СДСМ од Прилеп, Миле Талевски, заедно со собранискиот спикер, Талат Џафери, во работна посета на главниот град на Литванија, Вилнус, каде проследиле вежба на НАТО силите.

Талевски ја посетата на Вилнус објави на сите социјални мрежи, а фотографиите со Џафери дури и ги спонзорираше.

Во текот на изминатата вечер (03/04.06), во периодот од 22.00 до 05.00 часот, на подрачјето на Секторот за внатрешни работи Битола беше спроведена засилена акциска контрола за санкционирање на возачи кои управуваат возила под дејство на алкохол.

При контролата санкционирани се 17 возачи, од кои седуммина на подрачјето на градот Битола, исто толку во Прилеп и по еден возач во Ресен, Демир Хисар и Македонски Брод.

Во текот на контролите дополнително биле санкционирани и осум возачи за други прекршоци од областа на сообраќајот – информираат од СВР Битола.

Денеска во Радовиш се одржа Државно првенство во борење, каде прилепскиот боречки клуб “7-ми Мај – Златна Рака” беше најдобар во женска конкуренција и го освои првото место екипно.

Вкупниот биланс од денешните борби беше едно прво место, едно второ и две трети места во женска конкуренција, како и две трети места во машка конкуренција.

Од клубот информираат и дека на 10.06.2023, во спортската сала “Македонија” во Прилеп, ќе се одржи првиот Интернационален турнир “Крали Марко”.

Новоизбраниот турски претседател Реџеп Таип Ердоган синоќа именуваше министри во новата влада на Турција. Ердоган одлучи повторно да го назначи Мехмет Шимшек (56) на функцијата министер за финансии во новата влада. Шимшек беше многу ценет меѓу инвеститорите кога претходно беше министер за финансии и вицепремиер помеѓу 2009 и 2018 година.

За министер за надворешни работи е именуван Хакан Фидан (55), на местото на долгогодишниот шеф на дипломатијата Мелвут Чавушоглу. Фидан е на чело на Националната разузнавачка служба од 2010 година, а пред тоа беше советник на Ердоган. Наместо Хулуси Акар за министер за одбрана е именуван Јашар Ѓулер (69), кој е во армијата 49 години, а од 2018 година беше и началник на Генералштабот.

Потпретседател на Турција ќе биде Џевдет Јилмаз (56), кој претходно беше директор на АК Партијата на Ердоган за економски прашања и вицепремиер за економски прашања.

Министер за полиција ќе биде Али Јерликаја, наместо Сулејман Сојлу, кој на таа функција е од 2018 година. Јерликаја (55) беше гувернер на провинциите Газиантеп, Текирдаг, Агри и Ширнак.

На неверојатната видео снимка можете да видите три метри голема бела ајкула како ги покажува забите на помалку од 2 метри од камерата.

Видеографот Марк Греам од Престон, Англија ги снимил овие слики и видео од големи бели ајкули во Клајн Брак, заливот Мозел, Јужна Африка.

Ова е всушност најголемата туристичка атракција во Јужна Африка – пливање во заштитен кафез заедно со големите морски чудовишта, додека во исто време туристичките водичи ги намамуваат ајкулите да се движат во близина на кафезите.

Регулаторната комисија за енергетика утре ќе одлучува за новите цени на горивата.

Споре последната одлука на РКЕ, за половина денар поскапеа бензинот ЕУРОСУПЕР БС-98 и на Екстра лесното масло за домаќинство. Цената на бензинот ЕУРОСУПЕР БС-95 и дизел горивото останаа непроменети.

Малопродажната цена на Мазутот М-1 НС се зголеми за 0,742 ден/кг и сега ќе изнесува 40,175 ден/кг.

Ова се актуелните цени на горивата:

Моторен бензин ЕУРОСУПЕР БС – 95 80,50 (денари/литар)
Моторен бензин ЕУРОСУПЕР БС – 98 83,00 (денари/литар)
Дизел гориво ЕУРОДИЗЕЛ БС (Д-Е V) 69,00 (денари/литар)
Масло за горење Екстра лесно 1 (ЕЛ-1) 68,00 (денари/литар)
Мазут М-1 НС 40,175 (денари/килограм)