ООУ „Кире Гаврилоски Јане“ од Прилеп и оваа година традиционално се вклучи во претпразничните активности по повод најголемиот православен празник Велигден.

Во кругот на училиштетото, колективот заедно со родителите, и најважно со учениците го организираа „Велигденскиот панаѓур“ каде посетителите имаа можност да видат, да набават креации, изработки, храна, приготвени од вредните детски раце во духот на празникот.

Панаѓурот беше посетен од голем број граѓани кои задоволни си заминаа дома со по некој украс.

Денес започнаа работните активности на улицата „Македонски гемиџии“, каде се врши уредување на пешачка патека на површина од 425 м2 – информираат од општина Битола.

Станува збор за доста фреквентен простор, каде со уредувањето и функционалното сообраќајно поврзување ќе се зголеми безбедноста за пешаците и жителите од повеќе населби кои гравитираат кон овој дел на градот, меѓу кои населбите Карпош, Кланица, Јенимаале, како и движењето кон воспитно образовните институции од овој дел, како што се: детската градинка “Вангел Мајоро“ и ОУ Коле Канински.

Паралелно партерно се уредува и дел од улица „Булевар 1 ви Мај“, на површина од 230 метри квадратни. Вкупната површина, на која општина Битола, врши партерно уредување и уредување на тротоар патеката изнесува 655 метри квадратни – стои во соопштението од општина Битола.

Екипата на РК Прилеп забележа нов триумф, откако синоќа на домашен терен со 19:18 го победи Скопје, кој е предводен од прилепскиот стратег Горан Кузманоски-Таста.

Во натпревар кој се играше гол за гол и беше речиси изедначено во сите 60 минути, прилепчани разликата ја направија во самиот финиш кога заводија со 2 гола разлика, 19-17, па Скопје имаше сила само за уште еден погодок до крајот.

Најзаслужен за овој триумф е играчот-тренер на прилепчани, Реваз Чантурија, кој на 40-годишна возраст постигна 6 погодоци.

РК Прилеп сега со по 20 освоени бода со Куманово, се наоѓаат на делба на второто место на табелата од плеј-аут сегментот на Супер лигата, а пред нив е само Голден Арт, кој има 21 бод.

Наредниот натпревар прилепчани го играат на гости во Струга веќе во сабота.

Водителот Мими Марковски му подарува кибрит на пејачот Ламбе Алабаковски, и му вели: Може ќе ти се најде некогаш пак во животот!

Палењето на влезната врата на бугарскиот културен центар „Ванчо Михајлов“ во Битола претставуваше нов пресек во кариерата на битолскиот пејач Ламбе Алабаковски.

Очигледно, еуфоријата во Градот на конзулите за потегот на Ламбе сѐ уште е на високо ниво. Тоа се гледа и по најновото негово гостување во поткастот на Мими Марковски, кога водителот му подарува кибрит, и му вели: Може ќе ти се најде некогаш пак во животот!

Ламбе ја сфати шегата и го прими подарокот. Видеото погледнете го ТУКА

Јавноста е најмногу разбранувана во понеделникот кога отворив дебата околу сознанија кои се покажаа како точни. Ќе објавам сега една страна од договорот. Она што го пишува на оваа страница досатвена до мене од свиркачи е следно. Ако сега станува збор за пет дена работа по 8 часа, овој договор предвидува пет дена по 12 часа. Поедноставено ако не се усвои закон за експлоатација и робовладетелство или ако работниците не работат како робови граѓаните ќе платат еднократно 53 милиони евра, или 2.165.000 евра секој месец, рече Александар Николоски, потпретседател на ВМРО-ДПМНЕ на гостување во емисијата Заспиј ако можеш што се емитува на телевизија Алфа говорејќи како што рече за „вистината за скандалот на векот околу изградбата на автопатите“.

Николоски укажа и други детали.

„Согласно истиот договор Македонија ќе ги плати овие пари доколку законот за 60 часовна работна недела не се донесе во рок од 45 дена по потпишување на договорот со Бехтел и Енка. Пишува дека дури и да се донесе законот после овие 45 дена сумата од 53 милиони евра сепак ќе се плати“, рече Николоски.

Потпретседателот на ВМРО-ДПМНЕ посочи дека веднаш по обелоденување на овие детали веднаш следеа реакции и од Димитар Ковачевски и од Артан Груби. Но, додаде тој, граѓаните ем ќе плаќаат пенали, ем нема да има автопати знаејќи како работат овие од власта.

„Значи прво, нема да има ни А од автопати, и второ направено е кривично дело. Избран е изведувач со договор без тендер, ќе беше далеку потранспарентно и се да беше на тендер. Прблематичен дел е што Владата наравила договор на непостоечки закони во Македонија, па сега им текнало и ќе менуваат закони“, рече Николски.

Или, укажа Николоски, има прво, злоупотреба на службена долност и второ, рушење на правен и уставен поредок, направен е договор на непостоечки закони.

„Договорот е донесен на непсотоечки закони, или договорот е од 8 март, а законите ќе поминат по 20 април или дури и да се усвојат или да не усвојат Груби ќе одговара. 45 дена од потпишување на договорот поминуваат по 20 април, 21, 22 април, а на 23 април сите граѓани на Македонија за ништо ќе треба да платат 53 милиони евра, значи без иградба, без почната изградба на автопати“, изјави Николоски.

Црвените јајца во христијанството се симбол на воскресението Христово и на самиот празник Велигден. Формата го претставува гробот на Христос, како што од јајцето излегува живот кога ќе се испили, така од гробот излегол Исус Христос.

Црвената боја има симболика на победа. Нејзиното значење на овој голем Христијански празник е дека Господ Исус Христос со своето воскресение ја победил смртта.

Црвената боја ја претставува божјата сила и моќ, а воено ја симболизира и христовата крв, која Исус ја пролеал на крстот за спасение на сите луѓе на земјава. Така, бојата на јајцето не потсетува на крвта христова и спасението.

Оваа црковна традиција потекнува од првиот век по Христа, односно тоа се практикувало уште во времето на светите апостоли – христови ученици и нивните наследници.

За тоа сведочи Светото предание. Велигденското јајце е старо колку и Христијанството и црквата го прифатила во својата традиција и практика како симбол на Христовото Воскресение.

Првите христијани и современици на апостолите почнале да бојадисуваат јајца и да ги подаруваат на Велигден, поздравувајќи се со поздравот Христос Воскресе! На тоа отпоздравувале: Вистина Воскресе!

Според Светото предание се смета дека Марија Магдалена, една од жените мироносци прва го започнала овој обичај за велигденските црвени јајца.

На 11.04.2023 во СВР Битола, А.П.(50) од Прилеп пријавил дека во с.Мраморани, прилепско, пронашол предмети кои наликувале на гранати.

Пиротехничар од Дирекцијата за заштита и спасување Битола излегол на местото и било констатирано дека се работи за осум парчиња мини минофрлачи калибар 75мм од Првата светска војна.

Пронајдените минофрлачи биле подигнати за понатамошна постапка.

Денеска (12.04.2023) во ОВР Прилеп, Ф.М.(34) од Прилеп пpиjaвил дека во неговиот дом со yпотpeба на дрвени и метални предмети бил физички нападнат од Б.А. и З.А. од Прилеп, по што го оштетиле и неговото патничко возило „форд“.

Се преземаат мерки за pacчиcтyвање на cлyчajoт – информираат од ОВР Прилеп.

Црвената боја ја симболизира пролеаната крв на Исус Христос за време на мачењето и распнувањето на Велики петок. Првото јајце, чуварот, мора да биде обоено црвено, додека вие одлучувате за другите.

Денес постојат многу техники за бојадисување и бојадисување на велигденските јајца, а повеќето од нив вклучуваат вештачки бои. Меѓутоа, ако преферирате природни варијанти, најдовме начин да добиете убава црвена боја без да користите капка хемија.

Сок од цреша – Ако сакате вашите црвени јајца да имаат исклучително интензивна црвена боја, користете сок од цреша. Постапката е иста како кај кромидот – во шерпа ставете јајца, прелијте со сок од вишни, со малку сол и оцет. Во сокот сварете ги јајцата и оставете да се изладат.

Можете исто така да користите цвекло – Сок од цвекло оставен во вашата тегла откако ќе јадете сочно овошје. Постапката е иста како и за сок од цреша. Ако сакате понежни нијанси на црвено, разредете го сокот од репка со малку вода.

Додека коментарите на францускиот претседател по неговата посета на Кина продолжуваат да одекнуваат низ Европа, вознемирените официјални лица во централниот и источниот дел на блокот бараат од него да престане да ги оддалечува од Америка, пишува Политико.

– Без стратешка автономија, Европа ризикува да излезе од историјата – изјави во неделата Емануел Макрон, наведувајќи дека Стариот континент може да биде „третиот пол“ во односот меѓу САД и Кина.

Емануел Макрон ги потресе сојузниците во источниот дел на Европската унија по посетата на Кина минатата недела, кога го предупреди континентот да не се меша во американско-кинескиот спор околу Тајван, молејќи ги своите соседи да избегнат да станат „вазали“ на Вашингтон и Пекинг.

Неговите коментари ги вознемирија оние во близина на источниот раб на ЕУ кои историски фаворизираа поблиски врски со Америка – особено во одбраната.

– Наместо градење стратешка автономија од САД, предлагам стратешко партнерство со САД – изјави во вторникот полскиот премиер пред да замине во тридневна посета на САД.

– Не можеме да ја разбереме позицијата (на Макрон) за трансатлантските односи во овие многу предизвикувачки времиња. Ние како ЕУ треба да бидеме обединети. За жал, оваа посета и француските забелешки по неа не се од помош – изјави за „Политико“ неименуван дипломат од Источна Европа.